☆TE DOY 15K☆ page 2 By Abbra Reo Ririni Khiangte(Pitartei=Sualfingi)
☆TE DOY 15K☆
Chapter 14
By
Abbra Reo Ririni Khiangte(Pitartei)
#Ka va tlai thei ve! Keini lamah phei chuan zinglam dar 1:47a.m ani va tawh,Ads click mawlh kha aw😍😘
Babie min edit sak țang țang zel a ka lawm e aw..😘❤
Boruak reh duk lai chuan kailawn lam ațang ke pen thawm a rawn awm a,Jayden a țawng lang lang a,Ka kut hum ruh thlan dap mai chu ka kekawr ah ka tat tawk a,Jayden leh Zothana țawng vel thawm an hriat rual chuan ka hma a hmeichhe ţhu te pahnih chuan min nuihsawh leh ten hmel zet hian min nerkhum ta nawng a!
"Engthilnge thleng a?"Zothana aw ri ngainat awm loh zet ka hriat rual chuan thawk ka la a,ka hahdam huai thung,Ka fapa zo zet a pawm chung in keini pathum lo ţhutna lam pan chuan a rawn pen zui pawk pawk a.
Ka bul an rawn thlen rualin Jayden chu chhuatah nghahthlak a tum a,Mahse Jayden zawk in Zothana nghawngah chuan a kuah bet ta tlat a!
"Zahpuiawm lutuk!" Ka nu zawk in a ti hlak a,A ding zui nghal vat bawk!
"Engtitur in nge in rawn kal a?" Zothana chuan a ti sup a,A aw ri ah chuan an ni pahnih chu a lawm hauh lo tih a thup chhin miah lo bawk!
"Kan monu uire ta chanchin kan rawn ngaihven anih hi!" Ka nu in a ti hlak a!
"Oh!" Zothana aw rikdan ngeiawm lutuk vang chuan ka en nghal dawrh thei!
"Mizo in uire kan tih te hi chu nupa nih laia midang nen an chesual a,An chesual lai mit ngei a hmu tu an lo awm hian uire tiin kan sawi ţhin..Chu thil chu i mit hmuh lai ngeiin i fapa in a thlen tir ani lawm ni!" A tawp lamah ngeiawm lutukin a nui zui hawk a! Ka nu hmel landan sen ţalh ţalh mai chu ka melh a,Zothana ka fapa pawm chunga ka nu hmaa a tak ding khawng luah chu ka melh leh zawk a! 'Engkim a ţha vek mai ang!'tih sawi chhuak kher lo mahse a mitmengah erawh chu thil chu min hrilh thung!
"I fapa khawsak dan zawng zawng chu a nupui i rawn burbun ta vek a!"a hmel tak ngul leh tawhkhirh hmel zet ah chuan a dinna ațang a tawlh sawn mai mai hauh lo ang le!
"Nang ...nang hian engthil mah i hrelo.."
"Umm,Hre lem lo,Mahse nang hian i hrechiang ber alawm!" Zothana vek chuan ka nu melh pah chuan nui suk si,Sehchilh zet hian a ti hrawih a,Jayden chu ka melh a,Kan boruak chu hrethiam lo mahse Zico nu leh Racheli a hmuh chuan a tim ve dai a.Inchung lam ațang Mami rawn chhuk chuan a rawn la hrang ta vat a!
"Rapthlak lutuk,Ka fapa sawisa in a nupui i hruai chhuak a.."
"Umm,Ka tihtur diktak ka ti alawm,Achhan chu Bawihi man hi ka ei a,A chungah hian thu ka la nei ve bawk,A man eitu kan nih ang in a pasal in duh hun hun a kut a thlak reng leh pindan pakhat ah a naupai chunga a kalhhnan kha ka rem tilo a ka hruai chhuak a ni e! Sawi tur dang ila nei em?" Khauh zet hian a ti leh fuk a! Ka nu hmel landan chu rapthlak tak ni ringawt!
"I fapa kha chuan hmeichhia a sual luih vang leh kut a thlak ţhin vang a a chunga hremna awm thei zawng zawng a hrechiang a,A reh zui ta reng bawk a,A nu zawk hi tinge i la rawn at duh a!" Ka hriat theih chin aţang Zothana'n puitlingte zahpah lo tak a biakna hmasa ber ani hial ang!
Ka nu chuan nghet zet in kut a hum a,Zothana hian ka man a ei ve tih takngial pawh ka lo hrelo anih chu!
"Nu kal ang!" Rachel zawk a ţhutna aţang a ding a,Ka nu thinrim vanga inhum ruh tlat ban ah chuan a kuah a.
"Mi dang chunga țawngkam chhe tak tak kan chhakchhuah hma hian a sawitu tur diktak kan ni em tih lam hi ngaihtuah hmasak ţhin tur!" Zothana vek chuan a ti leh sup a,An ni nufa chu rawn kalpel in ka ţhutna couch ah chuan a rawn țhu thla a,A taksa nghet ţha zet ka deh theih tak ah chuan ka hahdam ta huai mai!
An chhuah fel hnu chuan Zothana zawk in ka kut a rawn hum a! At hmel zet hian ka nuih sak a! Ka nuih chhan ber pawh ka hrelo,An thu rawn sawi khan min ţhawng lutuk bakah khatiang khawp a nutling zahawm ni si thil a rawn sawi duh dan khan min shock ani tawp mai!
"Hahdam rawh,I taksa a la chaklo tih ka sawi chhan kha i hria em?" Zawi sup in ka beng bulah a rawn phun a,"An ni ho kha beihlet i duh anih chuan i taksa a fit phawt a ngai,Tun maiah kha chuan thisen neih loh vang in i thi dang țep a lawm!" Ka hmai bul chetah a nui zui leh suk a.
"Ka tan i thiltih tam tawh zia hi i hria em?"
"Chu lam chu sawi suh,Engkim pek che a,hlim taka siam che ka duh ber tih i hriat kha." A ti a,Ka chalah a hmuiin a rawn nawr a,Kamis body fit dum a ha a,A taksa nalh zuih nen a inrem zet in casual pants dum a ha leh bawk a,A hrawkbawk langsar zet chu ka melh ran bawk!
"Lo mu hahdam ang che,Keipawh Jayden~a class zawh rualin ka rawn let ang!" A ti leh sup a.
A din mar rual chuan rang zet hian ka ding ve a,Kan din dun meuh hi chuan a sang leh hle tawh.
"Thil ei hmasa la."Ka ti sep a,A bana sana lawk zet chu a lek kang a,Mami leh Jayden choka lam aţang an rawn chhuah ve chiah vang chuan a ţhen suk a!
"Pawnlam ah ka ei mai ang.."
"Mahse."
"Min ngaihtuah suh,Chuan engmah lo ngaihtuah buai vak vak lo la ka duh bawk "A rawn pen hnai leh hrut a,A taksa phen ațang ka kawngah a ban a rawn rawlh lut a.
"Thil lo ei ţha ang che."Zawi sup a ka nghawng zawna a rawn phun leh rual chuan ka mur sung sung thei! A ding ngil leh a,Jayden te lam pan a kal vut chu ka zui ve a,He inchhung cheidan changkang zet leh Zothana landan zahawm khup mai chu inhmeh tak ani ringawt.
"Jay,Say bye bye to mummy!" Zothana bawk ani,English thumal tam vak silo a biak hi a ching tlat a,Jayden lah hian alo hrethiam ve vat reuh zel a.
An kal chhuak chu gate thleng ka thlah a,A taksa nghet zet leh hrawlpui a ka fapa bet țai mai chu ka en a,Ka thlamuang hluah hluah thung,A bulah hian ka him a,Hmeichhe naupang ang maiin engmah ka ngaihtuah buai ve ngailo in min venghim hneh em em reng a,Thil hrethiam rual ka nih aţang tun hun thleng hian min chhawmdawl zel reng mai dawn chu anih hi!
Bolero in an tlan chhuak a,Ka fapa in hlim zet in kut min vai lap lap a,Engtinnge Jayden hian hun reilote chhung siin heti tak hian Zothana hi a ngainat hman tehreng ni!
Gate ka kharphui a,Kawt zawl phul awm diai chu ka thlir a,Kawngkam tho nimahse a ualau lo a,A reh ruih bawk silo a,A hmun lah a rem in motor thawm ri luih luih hriat tur a awm bawk siloa,A hahdamthlak ani tawp mai!
"Puite,Soup hi lo hawp la.." Nu Liani'n mi koh tak lang lang ah chuan inchhung lam pan in ka kal vat a.A soup siam rim chuan ka kawchhung lam a fan raih raih bawk!
Kawngkhar ka kharphui tur chu ka tawp chawt a! Kawngpui lehlam a car inhung reng chu ka thlek leh ngat a! Ka thaw nghal hawk bawk!
Ka en reng lai chuan glass chu a rawn in down a,Kan awmna in hlat mahse Zico ani tih ka chiang lutuk,Rang lutuk in kawngkhar ka pawt khar pawp a,Ka lock a,lock pakhat zawk pawh duh tawk lo in a chung lama lock awm chu ka nem chho leh pawp a! Hetah engnge a rawn tih?
"I ţha em?" Ka khek chhuak ţhawt lo chauh! Ka vir zawk a,Nu Liani chuan ngaihțhat loh hmel zet hian min lo en reng a,At hmel zet hian kawngkhar lam bawk chu ka hawi let leh a.
"Thil thleng a awm em?"
"A..aih..Ih..Zico ka hmu a.." ka ti halh a,Ka hriatthiam chiah silo in ka tiril hi a vawt sung sung a,Ka hlau em chu ka hrelo,Mahse ka ngaih a ngam lo a,Zothana a awm bawk silo,Zothana angchhunga ka awm laia ka ngaihtuah thlen tawh ngailo thil tam tak ka ngaihtuahna ah a rawn lut zut zut a,kut min thlak ţhin lai khan ka ngaihtuahna chawmawlh lutuk vang in hlau in ka inhrelo a,Mahse tunah tak hi chuan ka hlau mai nilo in ka lungphu a rang dawt dawt a,ka hrethiam lo..Zico hmel ka hmuh leh rual khan him lo niin ka inngai ta tlat bawk.
Bowl a soup chu ka melh reng ringawt mai!.
"Puite,tlem tal ei tum rawh.."
"Ka awm a nuam thei lo.." ka ti sep.
"Hahdam rawh,A rawn lut thei reng reng hleinem,chu lo ah i taksa chakloh vang in i thisen a tlanchhe awlsam rih mai mai anih kha.."
"Zothana rawn let hma chu kawngkhar hi hawng suh aw."Ka ti sep a,Min ngaihtuah hmel zet hian lu a rawn bu a! Nu Liani sawi kha a dik mai thei,Ka hun tawn in a zirlo bawk si leh nauchhiat hlim ka ni a,Ka thisen a tlanchhe hma rih vang mai mai ani ang...Ni hram bawk teh se...Tun a ka awm anga awm reng tur a ka indah chhin ringawt pawh hian ka ţah a chhuak hlur thei!
Inchung lam ah ka chho a,Inchung lam reh ţhiap mai te chuan ka awm a ti nuam lo a,Tim daiin room ah ka lut a,Kil tin mai ațang hian Zico a rawn chhuah thut ka hlau ni ber mai!
Khum chunga ka phone rawn ri thut vang chuan nasa lutuk in ka phu leh dawrh a! Mit ka chhing vak a! Zothana inah ka awm tawh a,Kha mihring khan kut min rawn thlak ngawt thei tawh lo.
"Ummm.."
"Class ah a lut chiah aw.."Zothana aw zangkhai zet ka hriat rual chuan ka thaw huai a,Rawn haw mai tur a hrilh mai te ka duh rum rum a!
"Bawihi...."
"Aah..o.."
"Engnge i ngaihtuah a..?" A rawn tisup a.Ka thaw vak ringawt!
"Engmah..Mami kha kalsawn miah lo turin i hrilh em?"
"Umm,Ngaihtuah suh ka tih kha,Tukţhuan i ei zawh tawh chuan damdawi kha ei nghal rawh.." a rawn ti leh a.Rawn sawi lo se chuan ka theihnghilh hmin der ang!
"Aw le.."Ka ti sep a.
"Chuan?" A rawn tih leh rual chuan ka meng awk a.
"Engnge?"ka ti let vat a.
"Uummm.. Ka bulah sawi tur i nei em?" A aw rikdan a dang a,A zawi ruih tih bak sawi dan ka thiam lo.
"Ka neih pawh ka hrelo.." ka tisep a,A thaw hawk tih ka hria.
"Anih chuan ka dah rih dawn nia..."
"Umm,Chuan.."ka ti a,Ka lai leh deuh sia,Sawi zo lo in ka hmui ka seh zeuh a.
"Chuan?" A aw zawi sup vang chuan ka lai zual sauh maiin ka hria.
"Ka ngai che.." ka tih leh sep rual chuan a rawn thawchhuak ham ham a! A hmel landan tur thleng in ka suangtuah hman,A ka hmang in a thawchhuak ham ham anga,A mitmeng ah min duatna alang chhuak leh bawk ang! Ka ngaihtuahna vang chuan ka nui hak a!
"Rawn let leh vat ka ngai dawn in ka hria.." zawi sup a a rawn tih leh tak ah chuan rang zet in phone chu ka off ta ringawt a! Ka chetdan chu a naupangchhia tih pawh ka hria,Mahse kan pahnih inkar kha a dang lutuk!
*Tu emaw chu a hmai a sen leh vek in ania ka rin* message rawn lut chu ka chhiar a,Ka ner ta nawng mai!
*i chimawm lutuk aw.*
*Ka sawi ve tur pawh i ngaithla duh lo a.*
*Hna thawk vat rawh* ka ti vat a,Ka message a chhiar ruala atthlak tih hmel zet a a nui suk tur ka mitthla tel leh nghal zat vang chuan ka nui ve leh rih a.
*Keipawn ka ngai che..*
Ka taksa chhung a fan kual vawng vawng mai!
Damdawi ka ei a,Ka shower zawh hnu ah thuamhnaw bawm chu ka nem hawng a,Mak ka la ti tawp thei chuang lo! A chhunga thuamhnawn engkim hi ka size nen a in mil vek a,Nakin ah Zothana ka la zawt vek ang,Engtinnge heng zawng zawng hi a lakkhawm vek theih.
Cotton kawr var nem thep chu ka la chhuak a,Ka inthawlh sawk sawk a,Pajama rawng thianghlim zet chu ka inthlawh leh tawp a,Inhnuai lamah Nu Liani thil tihpui tum in ka chhuk a,Ka hrilh ang ngeiin kawngkhar pawh a lo la lock thlap vek!
Zico kha hlau tur ka nilo tih ka inhriat rual in pangngai taka awm chu thil harsa tak ani,ka duh lo chung min sual lui a,Kut min thlak bawk a,A tuar ve tawh tu lo tan chuan a hmel ka hmuh ruala ka hlau ngawt leh ka tiril khur ringawt te kha a awm lo viau mai thei,mahse thil reng reng chu mahni chunga a thlen chiah hian a dan a dang a,Huaisen tak a hmachhawn pawh a harsa tel ţhin!
"Lo han mu hahdam rawh,Engmah i tih a ngai lo,Lang a lo kal tur kan nei bawk a.."Nu Liani chuan a ti zung zung a.
"Engmah lo tih loh tawp te chu..."
"I lo chet ve chuan Zothana ka ngamlo nasa mai ang.."Nui hak hak pahin a rawn ti leh a.
"In hi ka enkual thei em?"
"Ngahnge min dil a,I ta anih hi,Han enkual vek ta che,Inchhung hna chu khawih ve tum reng reng suh!" A ti leh zung zung a,Engang pawh in puih tum ve mahila min hnial tlat dawn tih ka hria a,Inchhung vel enkual tur chuan ka kalsan ta zawk a!
Zan ah kan lut a,A tuk aţang damdawiin ah ka awm leh nghal char char a,Damdawin aţang ka chhuah hlim khan Zothana'n room aţang kal chhuah a phallo a;Room ah khan ka tawn ngawt ngawt tawp a,in leh a vel enkualna hun pawh ka nei thei ta lo kha a nia!
Inchung lama kawngkhar pakhat hnum hlarh chu ka nem hawng a,A chhung chu rawnguk khap a inhnawih a,Lehkha chhiarna pindan tih hriat zet in lehkhabu țha hnem zet a lo in rem ţun bawk!
Ka pen lut a,Lehkhabu chhiar hi ka ngaina em em lo,Mahse ka naupan lai kha chuan MIZO a thawnthu kha Zothana hian min chhiarsak ţhin a,Min chhiarsak peih chhung kha chu ngaihthlak nuam ka ti a,A hranpa in keiman va chhiar erawh ka tum ngai lem lo thung!
Dawhkan sei lo awmah chuan lehkhabu a lo let ram a,la kang in ka thlek zauh a,Ka ner nghal nawng mai! Medical leh a kaihhnawih lam inziahna bu chhah tak tak vek ani!
A bula file pawl chu ka keu thuak a,Mahse a chhunga thil inziak ka hmuh tak ah chuan chik leh zual hian ka en a.
He in hmun LSC vel ani a,Engkim ka hming in a in register vek a,kum 5 liam ta a he inhmun leina receipt te nen a lo awm vek bawk!
Inhnuai lam a Jayden ţawng ri lang lang ka hriat rual chuan room aţang ka chhuak vat a,Kailawn ah a rawn tlanchho ve tarh tarh a,Zothana'n a bag khaisak chung in a hnungah a rawn zui ve bawk a.
"Mum,Kan teacher in sticker min pe a." Ka bul a rawn thlen rual chuan a ti nghal lang lang a.
"Ehe,Smiley leh nghal."
"Keimah leh Nutei min pe a." Inti thei zet hian a ti leh lang lang a,A biang ah ka fawp zeuh a,A kut phah tereuhte chuan ka sam a lo chul ve thek thek bawk a.
"Engnge i lo an?"
"Ka ţha,Na ka nei tawh lo ka tih kha.."Ka ti vat a.
"Umm,a țha e,Mahse kei hi ka lu ana deuh!" A ti sup a,Ka en vat a,ka ngaihbel nge ka hrelo,A mit a sen deuh rum mai!
Jayden leh Mami an inbuaipui tak avang chuan room ah kan inzui lut a.
"Damdawi i ei duh em?"
"Aih,Ka mu lawk anga a reh mai ang "a ti sup a. Jayden~a bag chu dawhkan chung ah a dah a,Khum lam a pan a,A pheikhawk a tlawh phelh a,Han buaipui vel dan vak tur ka hriat loh vang chuan a bulah chuan ka lo ding mawl ve reng ringawt a.
"Hetah mut i tum ami?"
"Ni mai ang chu!" Nui suk pahin a kamis kawrkilh chu a phelh a,Ka meng nghal kawk mai!
"Zothanmawi engthilnge i hriat a?" Ka ti hlak a,A nui chhuak ta hawk a.
"Ka kawr hak ka phelh dawn anih hi.."
"Pathian leh..I va chimawm tak,Sawtah i room ah va inthlak rawh.." ka ti hlak a.A kawrkilh a phelh thla vek a.Rum zet hian ka melh rawm a! Min en reng chung in a pawt hlip a,A hmui a la pet sawi zauh zui!A taksa nalh zet chu en loh tum in a mitah tak ka en lui ve ngar a,A vun uk sen deuh khap mai chuan mipa anih zia hi a pho lang chiang tak zet!
"Ka kekawr hi chu ka phelhlo mai ang..I rak ring dawn e mai!" Nui huk pah in a ti leh a,mahse a kawngkhen erawh a phelh a,A pawt chhuak a,Tawnzau dum a ha a,A banbul hrawl zet chu a lang lian leh zual vek mai!
"I che maksak lutuk!" Ka ti leh hram a.
"Hetah lo kal teh.."A ti sup a,Khum chu a beng thuk a.
"Ka lu ana ka tih kha.." Inla pangchang ve bawk si!
Khum ah lukham dah thuah in ka ngheng a,Zothana chu khum ah a bawk a,Ka mal chungah a bawk run a,A lu chu ka hmeh sak a,A thawk lakdan ah chuan a muhil zui nghal maiin ka hria a,Ka dul zawn ah a hmaiin a nawr tlat a,A thawk lak zawng a a taksa che ve awk awk chu ka en pah reng a! A dar a pharh duai a,Ka hnung lamah a ban a suih bet tlat bawk!
Dimte in a dar tihrawl ah chuan ka kut ka nghat a,A pangtilum vang in ka kut zawk pawh a lum nghal vung vung mai! Engtinnge kan pahnih inkar hi ngaihtuah dan tur ka hrethiam rih lo,Zothana khan min hmangaih thu chu a sawi a,Nupui atan min neih a duh thu a sawi tel bawk,Ka bulah chiah nilo ka nu leh pa bulah pawh a sawi thlap tawh a .
Mahse,Keichu tihian nuthlawi ka ni ta der a,Ka ngaihtuah chian apiang in ka phu lo tih ka hre thar zual a,Kei nuthlawi mai mai nilo nula hnahkhat hmeichhe pangngai tak a phu zawk bawk a.
"Naktuk ah ka pa in sumchhuah tur a ti a." Zothana aw zawi sup vang chuan ka ngaihtuahna aţang ka chhuak zawk mai!
Ka en vat a,A hmaiin ka dul a la nawr reng a,a thawchhuak ham ham a,A sam hnim laiah chuan ka zen lut a,A banbul a chet a,Nghet leh zual in min kuah bet ta hmiah a!
A tukah chuan Zothana sawi ang tak tak in bungrua kan la a,Zico nu țawng duhdan ah chuan min sawi mualpho a chak hmel zek zek reng a,engtinnge a fapa leh hmeichhe dang sex hmang dun lai reng a hmuh vek hnu khan keimah zawk min puh let a rawn tum daih theih ni!
Tunah chuan Zico nen kan inzawmna zawng zawng a chat vek tawh a,Kan nupa inkar buaina tak tak hre silo a,Kan inţhen tih chiah hria ho lah in min dem ngang bawk a,Zico ang mipa ţha lutuk ka chhuahsan thei chu ka felloh vang ah an ngai ta fur a,Chu thil chu Zico nu leh an chhungkaw dang duhdan a ni reng bawk a,Pan a chi phul belh tawk lek a an ţawng zui lah a tam mai bawk!
Mahse Zothana'n ngawih a ţha a ti a,Thudik chu kan sawi chhuah ngailo in a rawn lang chhuak leh mai zel a ti a,Ka pa pawn chu thil chiah chu a sawi ve bawk!
Mizo hi hmeichhe dinhmun dahsang ber hnam kan ni tiin kan insawi a,Mahse he hmeichhe dinhmun dahsang ber hnam ah hian hmeichhia te chan hi a chau in mualpho zawk ah kan ţang reng ang lawi a,Nupa inţhen in mipa in reilote hnuah hmeichhe dang a zui chuan 'a lungleng ve anih saw,A nupui hmasa a fuh lo a,Tun ţum chu hmeichhe țha tawng ve tawh se a tih awm ngawt mai!' Tiin kan sawi zui a.
Hmeichhia pasal ţhen hlim in mipa dang a zui kan hmuh hlek chuan..'Ehe,Midang a va duh hma ve,Em em lutuk a!' tiin a chanchin kan sawi zui ta chiam zel a,Mipa chu a lungleng ti a kan sawi mawi sak theih lai in hmeichhia chu mipa tello a khawsa thei lo chhuah in kan chhuah leh ta hleuh zel a.
Tichung hian hmeichhe dinhmun dahsang ber hnam kan la inti fan a! A dik reng em tih pawh ka hrethiam tawh nek lo e!
Jayden nen kan class bang chu KFC ah kan chawl kawi a,Zothana'n min rawn lam a tum vang in order ka siam kep vek bawk a,Jayden'an ka phone ah games khelh min dil a,chutia games a khelh mawlh mawlh lai chuan ka banrekah hian tuemaw in a rawn hmer chawt a! Ka dak chhuak vat a. Zico a lo nui suk ka hmuh rual chuan ka thinphu a rang nghal dawt dawt mai!
"Ka kut hi thlah rawh.."A mit ah tak ka en ran a,A nui leh suk a,Midang kan tih phawklek ka hlau bawk si!
"Zico ka sawi chu i hria em?" Ka ti țhat a,Jayden zawk in kan thawm a rawn hria a,a rawn hawi chhuah ve ruala kan bula Zico lo ding ve run a hmuh rual chuan a hmel chu hmuh theih khawp in dang nghal lawp lawp a.
"Mummy!" Ka kawchhung hi a nghing nghal dawt! Zicoa'n kut thlak a tum lai ang chiah khan a mangang a,A ri tûng mai!
"Ka kut hi thlah rawh.." ka ţhutna aţang ka ding chhuak vat a,Na zet in ka phih thla sawk a,"Kan nufa hmuh theih ah rawn inlan tawh suh!" Rum zet a melh pah in ka fapa hlauh vang a ţhutna kil lam a tawlh ve chawih chawih lam chu ka pan vat a.A bul ka thlen rual chuan ka nghawng ah hian a rawn uai hi ani ber! A ţap ring ngam lo te hlei hlei chuan min ti nâ a,Zico thinrim inhrosa kual in ngawi tur leh ţap tawh lo tura a au khum nghek kha a lo la hre ve reng aniang!
"Jay,Hlau suh le,Haw tawh ang aw.."Nghet deuh in ka kuah bet a,A lu ah ka fawh sak vang vang a,Ka fapa leh zel thlabar a a awm hi ka duh lo!
Jayden chu ka pawm a,Dawhkan a ka phone chu bag ah ka thun nghal sawk sawk a,Zico chu a dinna ngaiah a la ding reng a,vawikhat pawh Jayden chu a hawi chhuak ve ngam tawh lo hrim hrim!
Chak zet in KFC ațang chuan ka pen chhuak ta hlawk hlawk a,Khawi ațang tehhrep nge a rawn lan thut ni!
"Inbe lawk ang!" Zico aw ri bawk ka hriat leh rualin ka hnunglam ațang ka darah a rawn vuan a,Jayden zawk a rawn ţap chhuak ta chul a,Ka kuah beh mek a taksa chu a ţang in a khur ru leh dar dar tawh!
"I bulah hian sawi tur ka nei tawh lo..Khawngaih tak in ka fapa vang tal pawh hian kan hmuh theih ah rawn lang tawh suh!" Ka ti a,Ka fapa ţap nasa lutuk hriat laiin ţawngkam vin hman ka duh bawk silo! Ka theih ang a rum in ka melh a,Khang teh hrep a kan nufa chung ah a chet tawh hnu khan engthil nge min sawipui a la mamawh teh cheu ni?
Ka inher san hmak a,chak zet in Zothana clinic lam pan in ka kal zui nghal hlawk hlawk a,Jayden hi hetiang hian awm lo se chuan Zico kha ka vin hrep ngei ang,Mahse ka fapa hian aw ki vin hi a hlau a,Kei leh zel in ka hman khum chuan min hlau ve hial mai ang!Zothana bolero rawn tlan ka hmuh rual chuan ka thaw huai thei!
Kan bulah a rawn ding chwt a,A rawn chhuk thlak vut rual chuan Jaydena'n a lo ban ve ta vat a,Zothana'n hneh zet a a darah a kuah beh tak ah chuan a ţap bang ve thei chiah a.A hnungah a chul sak hauh hauh a,A mit in thil thleng min zawt a,Ka thawchhuak hak a! Ka lo in hum ruh nasat hman zia ka hrethiam ve chiah!
"Zico a lo kal a.."Ka ti sep a.A hmel a dur nghal khup a,Ka mit ah chiang zet in min melh nghal run bawk!
"Tunah khawnge a awm?" Jayden veng thawng lo se chuan a aw ri chu a ring ngawt ang!A ha a sehchilh ran a!
"Kan rawn kalsan tawh.."
"Umm,Motor ah hian lut rawh,.." Ka ţhutna turin kawngkhar a pawt hawng a,Ka ţhu lut fel a,Jayden chu ka malchungah rawn dah mai a tum a,A lo duh bik mai bawk silo.
"A pawi lo.."Ti sup in ka seat belt min rawn hren ţhat tir a,Kawngkhar chu a kharphui lo a,Ka fapa la insut hlawp hlawp reng te chu a awi ta hluau hluau reng a,A khat tawk in KFC dawr lam chu a melh leh zawk ţhin a,A țawngchhuah tawh loh dan ah a thinrim in bengdaih a tum tih ka hria a,Jayden vang liau liau in inthunun tum in a bei a,A khat tawk in a thaw leh hawk zel tho!
ZICO'S *POV*
Hman aţanga ka hmeichhe hmangaih nen diptu awm hauh lo in kan inkawp thei tawh a,Lawm hle tur ka nih laiin chutiang chuan ka awm hauh silo a!
Ani kha chu ka hmanrua mai ani tiin ka inhrilh fo a,Ka hmangaih lo a,Fapa min pe tu atan ka neih mai chauh ani bawk a,Ka hmeichhe duh zawng leh kawp ţhinte ang in a changkang tawk lo a,A tirte phei kha chuan Lisa remruatna kha ka haw hlur a,Hmeichhe lawm tak ka ni tih chu ka inhria,mahse khatiang hmeichhe tawnhriat neilo lutuk lakah amah duh ber anga lemchan ngai kha ka ning ţhin a,Chutih rual erawh in fapa ka mamawh a,Buaipui lui ta zel chiah ka ni a.
Kan inneih hnu thleng pawn lemchanna bawk in ka chenpui a,Amah kha hmeichhe rilru kawi pu mi anih loh hrim hrim vang khan ka chetdan eng pawh kha a sawisel ngailo a,A chhelo in a it awm em em reng tih erawh ka pha lo,Mahse hmeichhe dinhmun hniam lutuk anihna vang hrim hrim khan ka ning a,ka ţhianten hmeichhe changkang tak tak an kawp lai khan fahrah in ațanga seilian hmeichhe satliah ve mai atchilh tak ang a ka lan a ngai bawk a! Huh! Ka nun kha hremhmun ah a chantir a ni thaw thang a!
Tunah chuan kha hmeichhe changkang lo zet leh ţhianten hmusit tak a min fiam phah ţhinna ngei chu ka lak aţang a inthiarfihlim tawh a,Lawm hle tur ka ni lo mi?
Inchhung a ka luh rual a a nui hmel hmu tur ang a ka insuangtuah fo te chu ka haw hlur a,Amah vanga kum 5 chhung tanin ang maia ka nun chep ţhin kiang ta hawk chu hnara hlit phawi ang huai a thawvenpui vawk tur hi ka ni a..Mahse,A nilo!
Inchhung ka luh rualin a awm lo tih hre reng chung in ka zawng ru leh zel a,A der a an nufa infiampuia ka hun hlu tak ka khawhral ţhin hun ang kha hman leh ka chak a,Hna ațanga ka haw a in ka luh ruala min lo lawm ri kha hriat leh ka chak fan zel bawk! Ka â ta thut ti ila a dik ber ang!
Tunah chuan rosum tam zawk ka hming in a awm vek tawh a,A fapa leh ani kha ka nun a ka mamawh tawh lo ber tur ani tawh bawk! Aa..Kum 5 chhung teh meuh a der a ka lo chenpui tawh vang khan ngai ah neiin ka la zawng ru mai mai zawk te pawh ani ang!
Ka phone rawn eng pap pap chu ka ban vat a! Lisa,Ka naupan tet ațanga ka hmeichhe hmangaih tawh leh ka nupui ni mai tur ni bawk!
"Zanin kha rawn tlai suh aw.."Phone ka chhan rual chuan a rawn ti vat a.Ka nui suk a.
"Tlai lo ang.."
"Ka dah rih ania,ward fan ka la ngai a.."a rawn ti leh lang lang a,Kan inbiak zawh hnu chuan inbual turin washroom chhungah ka lut a,Ţullo zet in kha hmeichhia nena kan hun hman bawk kha ka ngaihtuah let a! A ţullo lutuk tak zet!
'Theihnghilh teh a! Kum5 chhung i chenpui lai a i chak ber zalenna i neih tawh hi!'
Zan dar 8 a rik meuh chuan kal chhuah ka inpeih thlap tawh a,Lisa nen kan la inneih lohna chhan pawh ka pa kan la venthawn vang mai mai ani a,Tunah in check up in phai lamah a chhuk thla a,Puitei te nufa in in an chhuahsan thu pawh a la hre ve lo ang,Ka nu erawh in hman aţang Lisa hi a duh tawh sa vang in min sawisel lo a,Puih ka ngaihna ah min pui zel bawk.
Car ka la chhuak a,Party neihna tur hmun lam pan in ka inkhalh chhuak zui nghal zat a!
Car chhungah kan pathum a ţhu a,Jayden țawng lang lang ngaithla a ka infiampui ţhin lai bawk ka ngaihtuah leh zat a! Za lo zet hian ka nui ta hawk mai! Kha mipa naupang kha ka fa emaw ka ti a,ka pa pawh in ka fapa emaw a ti a,A lo tiam lawk tawh ang ngeiin sumdawnna ah chan tam zawk min pe ta reng bawk a!
Mahse ka fapa a lo ni leh silo a..Huh! Pawi chai lo,Ka duh ber ka neih theih phah tho alawm!
Hotel ka thlen rualin parking ah ka tlan lut nghal a,Ani nen kan inneih lai kha chuan a ngaihţhatnan leh engkim a tak anga ka lantir theihnan ka nundan tam tak kha ka bansan a,Hremhmun tenau ka paltlang hi ani ringawt mai!
"Hey,I tlai.." Hotel rooftop ka thlen chhoh rual chuan Lisa in min pan nghal vat a,A chhiat loh ngaiin a chhelo reng,Chuan ka sawi hmaih phalloh chu a changkang a,Khawihmun ah pawh a zahpui awm loh a,Ka hmeichhe hmangaih ani bawk.
"Sorry!" A hmui vam ham a fawh sak zeuh pah chuan ka taksa si chet in ka pawt hnai nghal salh a,A nui zui hak a,Duhthawh lutuk in ka fawp zui ta ngawng ngawng a!
Kum 17 mi ka nih aţang Delhi ah lehkha zirin ka awm a,An chhungkua leh kan chhungkua hi kan inpawh a,Keipawh hostel ah awm lo in an kiang ah ka khawsa ve ta tawp a,Chuta ţang chuan Lisa nen hian kan inkawp chho a,Kan inhip tawn in venthawn tur an awm ngailo bawk a,Kum naupangte kan nih aţang sex kan hmang ţan a,A chhelo in ka thusawi apiang a zawm a,A taksa chen in ka ta ani vek bawk! Kan inthlah thei tawh lo ti ila a dik ber a,Inzawmna thuk tak kan neih tawh vang pawh ani mahna!
Mizoram ka let chang in hmeichhe dang han kawpsan lawp lawp awm ţhin mahse amah ah ka bet nghet tawh a,Hmeichhe dang reng reng chu zankhat bak hun ka hmanpui ngailo!
Zirna ka zawh hnu ah ka pa hriselna a tlakhniam tak thut khan tupa a duh a,tu hmel hmulo a a kal hman a hlauh vang in ka u nen kan bulah khan tupa hmel a hmuhna hmasa zawk zawk hnenah sumdawnna a chan tam zawk a pek tur thu a sawi a,Chumi ţum chuan Lisa hi neih mai ka duh a,Mahse a zirna a la zawh ve loh vang leh kum naupangte a fa neih a duh loh vang in kha hmeichhe changkan lo zet kha ka neih phah a! Ani kha hmeichhe fing tak nise chuan indanna te hmang in fa kha a pai lawk lo ang! A mawl vang liau liau in ka tan thil a awlsam ta sauh a! Chutah ka ţhen hnuah a thisen kai ka enkawl zui zel ngailo tura midang fa a lo la pai leh ta daih kha vanneihna thuahhnih ani ringawt! Mahse ka fa nilo a pai erawh kha chu tlawm in tih ve na chen ka nei thung!
"Opps..Babe,Ka phone car ah ka theihnghilh tlat,Ka zuk la leh lawk ang."Ka inla hrang tur chu ka awm chhungah a kut a vahkual tir ruai reng a,Zan in a kan tawp na tur pawh hrilhnawn ka ngai tawh lo!
"Kal kher angai ami?"min rawn fawh leh a tum rual chuan ka nem sawn deuh a.
"Call pawimawh ka dawng mai thei a.." a chal ah fawp in ka in la hrang vat a.A nur nang chu ka let leh vat tur thu hrilh in ka kalsan ta tho a.
Ka rinlawk ang chiah,Call a lo awm a,Rooftop lam a chho mai lo chuan ka call back leh rih a,Reife kan inbiak hnu ah hotel chhunglam ah bawk ka lut leh a.
"Hey,Zico.."
"I va tlai ve.." ka ţhianpa ber,Puitei ka neih chhan zawng zawng pawh hre vek tu,Rem min ruatpui tu ni bawk Pca lam chu ka pan vat a.
"An ţan tawh ami?"
"Ţan tawh e,kal ang,I hming an lam leh chul tawh kha. " nui hawk pah in ka ti a,lift lam pan a kan inzui chu ka mit la chat tu ka hmu a.Ka ding nghal chawt bawk!
"What's up.."
"Lo han chho rawh,Call kan siam leh lawk ang!"
"Rei suh aw. " ti lang lang in lift ah a lut a,Kawngkhar a inkhar rual chuan chet ka la zawn ve vat a.
Hall chhunga ka hmeichhe hmuh chu amah ngei ani em tih fiah tum in ka pan hnai zel a!
Kawrdum ban bul a ha a,A khup thleng lo deuh in a tawp leh a,A taksa ka hriat chian em em mai chu a kawrhak chuan a phuar mar thlap a,Lisa ang lo tak in makeup in a hmai a hnawih chhah ve ngailo,Zanin pawn a hmui sen hlar in a hnawih a,A dang chu an fai sar thung!
Pangpar inhung phen ațang chuan ka en reng a,Engvanga en reng nge ka nih ka hrelo a chu...Tun anga a nuih chiah sawn ka thisen a lum ţhin!
A fapa a be siam siam a,Mi nghah an nei ani mai thei,Umm ka ring sual lo e! Vincent,Fahrah in ațang Lisa nu leh pa in an lak pa ngei kha an lam pan in a rawn kal a,Puitei'in a lo nuih var var ka hmuh rual chuan ka thisen a lum nghal pup mai!
Jayden zawk in a lo ban vat a! Vincent chuan zo zet in a pawm nawlh a! Ka kawchhung hi a tawt țun a,A ban leh lama Puitei taksa nalh zet a kuah pah a hotel hmalam chhuahna ațang an kal chhuak lai chu in hum ruh țeuh chung hian ka en zui ta reng a! An lan theih loh hnu thleng chuan ka ding ta reng a!
Thawk ka la hawk a! Ka thisen lum lutuk chhan chu ka hrelo a,Ka kut hum tawm tlat chu zawi zawi in ka thlah dul a! Tunah khan kei hian ka thik a mi?
Teuh lo lutuk! Fahrah in ațanga sei lian ve ve inkawp te chu thikna chhan tur an awm lo!
Rooftop ka thlen chhoh ve rual chuan Lisa in min pan nghal vat a! Nichin lawk te kha chuan amah ah hian sawiselna tur pakhatmah ka hrelo kha ania..Tunah erawh a hmai hnawih chhah zet chuan ka thin a tirim ţung ringawt!
"I va rei ve..?"
"Call ka siam lawk a.."
"Humm..Tak zet!" A kut a whiskey no min pek pah chuan ka kawngah a ban zen thlerh mai chu a rawn suih nghal vat a! Ka thawk khat nghal pap bawk! Ti hi chuan ka pangngai leh ta deuh e.
Kan dan ngai te bawk in kan ri hut hut a,Ka hmaah Lisa chu a ding a,Keiin a hnunglam ațang ka kuah ve thung a,Midang thil sawi lai te chuan nichin lawk a hotel aţanga kal chhuak ta te kha ka lo ngaihtuah zui leh veng veng ţhin a,Lisa in beisei nei zet a ka taksa a rawn nawk kual leh ţhin pawh chuan mi ti danglam zo rih lo!
Jayden kha ka fapa nilo tih ka hriat rual khan ka nâ a! Ni e..Anu kha ka hmangaih lo a chu mahni fapa meuh hmangaih lo tur khawp chuan ka nunrawng lo,Puitei pawh hmeichhe nalh tak ani a,Nupa nun kan hmanchang phei chuan Lisa theihnghilh țhak in ka che ţhin a,Nau a pai hnu ațang phei chuan a hma zawng aiin a taksa a nalh a,A nun hniam lutuk dah țha in amah ka itna chiah kha dah lian a hun hmanpui kha ka zir a,A hnuah chuan thil zir tawh a zawng a zir inchhirawm loh ber ani tih ka hre thar a! Ka zep lo,Lisa nen hun kan hman lai reng pawn Puitei zawk suangtuah tlat chang ka nei ţhin!
"Ka ning tawh.." midang hmuh lo in a kut a rawn chet a,Ka kekawr hmalam a rawn țham deuh salh rual chuan ka thaw hawk a!
"Chahbi i kawl em?" A nghawngah fawp reng pah chuan ka ti a,Min ngheng ar ar a,Zei lutuk in ka kekawr chhan ah chuan a kut a chet zawm ta reng a.
"Ka kawl a..Kan kal thei tawh em?" A aia uara a rawn țham pah chuan a ti a! Ka nui ta hawk thung!
Hotel room kan thlen rual chuan kan che na dun bawk e! Kei ang bawk in a duhdan a dangdai a,dimlo tak a ka chet hian nuam a ti zawk bawk!Thuamhnaw pakhatmah a inbel tawh lo a,A taksa rem lai lai chu ka fawp kual a,Ka kut in a chul kual ruai reng bawk! Mahse ka ngaihtuahna ah erawh Puitei a awm a,A taksa nem thep leh mam hen kha khawih leh ka chak a! Huh! Engthil ngemaw ka ngaihtuah le..
Thlan in min bual huh vek a,Lisa lah a zei ngang bawk! Uar zet in chunglam aţang a rawn che a,Ka thaw hawk a,A khelah vuan in a aia uar a che tur in ka ţanpui a,Ka taksa chhung rawn danglam nasa zual ah chuan ka lehthal thawk a,A rum ham ham ri te chuan tu emaw bawk min ngaihtuah chhuah tir leh a..
A taksa chungah bawk hnawk khawp in ka rum chhuak hawk a! Ka thaw nghal ham ham mai!
"Zico.." Vin zet a ka hming a lam rual chuan ka hnung ah a rawn ham tawk a! Chauh nen chuan inrem lo tak ani!
"Tunah khan engtin maw min koh a?" A rawn ti leh țhat a!Ka inbeng kang a,Thinrim lutuk in ka sam ah a rawn țham a,Ka awm leh ban bul vel a ham kual nghal nawk nawk mai bawk!
"Duhtawk rawh.." a kut ka man beh tak ah chuan a tal lui aih aih a.
"I eng hi nge diklo a.?" Ka ti țhawt bawk! Hmeichhia chu hmangaihna chen dun laiin khawlh hle se a nuam a! A hnuah erawh nu tak in an awm tur ani! Puitei ang in..
"Nang kha i diklo zawk.." a rawn ti ve tuar a,Țah a tum ngawt emaw ni?
"I duh khawp i hmu lo mi?"
"Hmela..I nupui hlui hming kha i lam tih i hria em?" A rawn ti tuar a! Ka meng kawk mai!
"Tenawn lutuk,Khanu ang lek a hmeichhe hnuaihnung kha ka nilo. " a tih zawm leh zat a! Ka thlah a,Ka tho chhuak zui nghal zat a! Engvanga Puitei hmeichhe hnuaihnung a tih khan lungawi lo tlat nge ka nih ka hrelo,Keipawh in a hnuaihnun zia ka hria a,Ka chenpui a ngai te kha ka haw hlur a! Mahse..Tunah midang in a chanchin hmusit tak a an sawi ri erawh hriat nuam ka ti leh silo a!
Ka in ha mawlh mawlh chu lawmlo tih hriat zet hian min melh rawm rawm a,Sawi mai tur ka hre biklo.
"In ha rawh,In ah ka thlah ang che."
"Ka haw dawn lo.." a mu kawm ngat a,țum danga a titau te chu nise ka thlem leh ngei ang! Mahse zanin chu ka diklo vel vek!
"Lisa,In ha rawh,Pawn ah ka lo nghak ang che.." min chhanna pawh ngaihven zui lo in ka kal chhuak a,cement bang ka hnek zui nghal țawlh bawk!
Engthil atthlak lutuk nge ka tih!
*****
Dan ngai te bawk in hna ah ka buai leh hle tawh,Lisa pawh ni thum chhunga titau a,Tunah chuan a rehfel leh vek tawh bawk.
Ka phone rawn ri chu en mang lo in ka chhang a,Mahse lehlam a aw ri ka hriat rual chuan ka inseh ruh țeuh a.
"I nupui in aţang a chhuak tih ka lo hria a?" Ka pa in a rawn ti churh a,ka thaw nghal hawk bawk.
"Ințhen ka rem tilo ania,Ka rawn let leh hma ngeiin lo va hruai ang che." A ti a.Phone a off zui nghal hmak!
☆TE DOY 15K☆
Chapter 15
By
Abbra Reo Ririni Khiangte(Pitartei)
Thinur zet in dawhkan ka chum bur. Ka chair nghenchhan chu ngheng in thawk ka la ham ham a! Ka pa in thil thleng engkim a hriat chuan ka thil neih zawng zawng hi ka chan vek thei!
Puitei ten bungrua an rawn lak khan ka pa hi a awm lo a,Chutih rualin bungraw la tura rawn kal te kha ka nu in a lo dawr a,a thu angin a kal tlangpui vek bawk,Diktak chuan ka nu hi chhungkaw hlun sa ațanga seilian ani a,An chhungkaw lam reng reng in zah an phu bawk,Kei ngei pawh ka kawppui tur atan chuan kan chhungkaw milpui min duhpui a,Khatia Puitei ka nei ngawt kha a lawm lo a,Puitei hi engtik lai mahin a mo ang in a pawm ngailo,Mahse hmeichhe fing ani a,Ka pa a hmai zah vang in a be chhe chuang lo a,Puitei te bungraw rawn la tur pawh kha hnialna pakhatmah a neih loh ang bawk in ka pa hriattir kher kha ţul a tiloin ama thuin engkim a ti tlang ta vek a! Ka pa bulah amah ngeiin hrilhfiahna ţha tak a pek a ngai bawk ang!
Vincent phiangsen kha!
Ani nen pawh hian Delhi ka awm lai zawng zawng kha chuan kan inpawh em em a,A tumruh in hna a thawk rim a,Lisa nen kan inzui tam ang bawk khan Lisa enkawl ţha turin min hrilh ve fo a,Chung hun lai chuan hmeichhe hmangaih a nei tih ka hre tawh a,A hming erawh a lam chhuak ngailo,chu hmeichhia vanga engkim thawk a,Chu hmeichhe suangtuahna tih puitlinsak tum a rim tak a hnathawk ani bawk!Mahse nupui ka neih dawn ațang khan a mizia a dang a,chutih rualin ka nupui nei tur kha phai lama ka thawhpui te leh ka ţhian kawm tam zawk te hnenah khan ka sawi lang lo hrim hrim bawk,ka nupui tak niloa hmanrua tur mai anih vang khan midang hriatpuina tih vel kha ka mamawh lem lo a,Puitei kha chu Mizoram chhung a ka nupui mai ani a,Hna vanga ka zinchhuah erawhin Lisa nen kan ni zel thung! Vincent'an Lisa nen kan inkar titawp a,Ka nupui chiah ngaihsak tura min hrilh ţum phei kha chuan min ţhawng a,Ka sawi tawh kha kei hian vawikhat pawh a bulah nupui ka neih tur thu ka sawi lang ngailo! Lisa nen kan inhmuh a rem tilo a,Lisa a khuahkhirh phah em em a,Mahse Lisa nen thiltum nei kan nih vang erawh in kan pahnih inkar a buai phah lem lo a,Vincent nen erawh kan inkar a ţhianțhatna a tawp phah thung!Hmanzan khan tunge a hmeichhe hmangaih tih chu a sawi chian tak bawk kha mawle!
Za lo zet in ka nui chhuak suk a! Hnuchham in aţanga seilian ve tho anih vang khan engvangin nge Puitei nen an inhria tih rin ngaihna ka lo neih ngai reng reng loh ni!
Mahse,Puitei khan vawikhat pawh a chanchin a sawi ngai lo a,Chutiang bawk in an vawikhat inhmuh ţum khan inhria ang pawh in an awm miah bawk silo a! Huh! Hmanrua ah ka hmang emaw ka tih lai khan an ni khan hmanruaah min lo hmang let reng zawk pawh ani thei! Jayden ngei pawh ka fapa ani reng hleinem! Tenawm dun lutuk!
Tuna pawimawh ta ber chu Lisa nen kan inneih a,Fapa neih vat ani mai!
Ka pa thu rawn sawi chu ngaihven zawm duhlo in hna chu ka khawih zui mawlh mawlh a,Kan company a share 30% lai chang ve tu in a share hralh a tum a,Chu thil chu chan ngei ka duh bawk ang,Chumi hnuah chuan ka pa pawhin engthil pawh sawiin min hnial lui mahse company a share tam zawk ka neih tawh miau avang in hlauh tur ka nei tawh lo bawk ang!
Hna ka khawih laklawh bawk a,In lam pana ka chhuah meuh chuan zan dar 7 a hnai kuar tawh,Parking ațang ka inkhalh chhuak a,Ka nu ka call zui nghal zat a!
"Ka pa kha engtiknge a rawn let dawn a?"
"Kar tharah,Keipawh naktuk hian ka chhuk ve dawn." A rawn ti a."Thil diklo a awm em?" A rawn tih zawm leh zat bawk.
"Puitei te nufa chhuah thu kha a hria.." ka ti halh a,Ni e ka nu hian Puitei ka nei kha a lawm hauh lo,Tu nu nge fahrah in ațanga seilian,chhungkaw chanchin mumal sawi tur nei hleilo a fapa in a nei luih tlat a, lawm awm teh reng ang le?
"Lisa nen in inneih vat a ngai dawn nih chu! I pa chu lo ngaihtuah suh ka chingfel vek mai ang." A rawn ti vat a,Ka sawi tawh kha Lisa hi ka kawppui tura a duh hmeichhia ani a,A fing a,Thiamna sang tak a neih bak ah ka nu nen pawh a let tam takin an in close zawk fe bawk.
"Kan lo sawi dun ve dawn nia.." ka ti sup a. Lisa hi ka hmangaih a,Tunah chuan engkim ka duh zawng zawng ka nei vek tawh bawk a,Kan innei mai tur a ni tawh mai lo ami?
Inchhung ka pen luh rual a ka rim hriat vang chuan ka thaw nghal hawk mai! Bawngsa roast rim nam chek chek chuan ka ril a tih ţam rual in hmeichhe pakhat ngainat ber ani bawk!
Choka ah ka lut tlang a,Eisiamtu in min hmuh rual chuan engkim a peihfel tawh thu a sawi zung zung a,chhang let ve lem lo in ka ţhu thla ,Ka rilțam tawh bawk a,Ka ei nghal zung zung mai!
An ni nufa kha chu ngaihtuah zui loh hram ka duh,Kum 5 chung ka hun hlu tak ka khawharthlak tawh a,Ka ngaihtuahnaa awm ve reng pawh an phu tawh lo.
Inchung lamah ka chho a,Ka inthlak nghal sawk sawk a,Kal chhuah ka tum zet a chu hahdam ka mamawh zawk in ka hria!
Cabinet ka khar tur kil sira ka thil hmuh vang chuan ka tawp chawt mai! Thaw hawk chung in ka ban a,Kan inneih zungbun Puitei'in Jayden room a a hnutchhiah kha ni a,Ka tuai kual zauh a! Engtiklai pawh khan ka thu a zawm em em reng a,Min zahthiam a,Min hmangaih em tih chu ka hrelo,Mahse min duh tih chu chiang tak in ka hria,Ka chetdan ho tham tak tak ah khan lawmna tur a hmu a,A lawmna chu ho tak ani ringawt! Ka hmeichhe hriat dangte ang in incheina leh tlereuh a lawm ve lo a,A bula hun ka hman khan a lawm tawk em em zel a,A rilru tluangtlam lutuk leh phunnawina tur a zawn ngailoh vang ngei pawh khan hna hah taka ka thawh hnu a in lam haw kha ka thlakhlelh phah fo a,Ka hmeichhe huat ruk em em kiang ah khan ka hahdam theih ka ring ngailo kha ani a,Mahse anilo,A malchungah lu nghat a,Ka hna a buaina zawng zawng ngaihtuah miah lo a,Jayden nena an hun lo hman dan a sawi melh melh ri ngaihthlak te kha nuam ka ti a,A fapa chanchin min hrilh kha nuam a ti bawk!
Lisa ang in a birthday ah gift to tak tak a phut ve ngailo a,A duh ber kha chu kan chhungkua ve te a hun hman tlan kha ani mai ţhin,A nun ah khan awh deuh pakhat ka neih chu..Engthil mah a awt ngailo kha ani! Kei erawh in ka thil awh vang leh neih ka duh vang in ani kha hmanruaah ka hmang thung!
Huh! Ngaihtuahna atthlak lutuk bawk in min chenchilh leh dawn e! Zungbun chu thawmhnaw karah ka vawm lut nawk a,cabinet kawngkhar pawh ka nem khar nghal bur bawk!
Inhnuai lamah ka chhuk thla a ,Office ah luh ka tum zet a chu theater room lam ka pan ding a,Engthil tehhrep nge ka zawn pawh ka hrelo!
Pindan chhung thim raih ka luh rual chuan Jayden hun hmanpuia he pindan chhunga games ka khelhpui lai kha ka ngaihtuah chhuak zat a! Engthil nge ngaihtuah ber tur pawh ka hrelo! Couch ah chuan thatchhe zet in ka ţhu ta reng a! Ka pawm emaw,Pawmlo emaw thudik chu an nufa tello chuan he inchhung hi a reh in nuam tihna ka nei bik lo!
Zan ka ţhanharh rual in ka bula mu ţhin hmeichhe pangtilum kha ka zawng hmasa ber zel a,kei hian kal hlentir ka phal reng em? He inchhungah hian hmeichhe dang a aiawh turin la lut pawh ni ila a hmun ruak kha engthil mahin a hnawh khat zo ngai lo ang!
Hmeichhia hmanrua a ka hman mai laka chutiang rilru ka pu ta chu khawvel in let thawk in atna a ken tel zingah tel hram teh se!
Ka kawrchhungah kut lum a rawn vak kual den den a;
"Junior a tlai ange?" Meng mang hlei lo in ka phun sup a,Mahse ka hmui ah hmui lum in a rawn nawr a,A rimtui hman țhin rim tak zet ka hriat rual chuan ka harh nghal kawk mai! Rang lutuk in ka nawr sawn a,Lawmlo tih hriat lutuk a Lisa nur nang mai chu ka melh rum ngang bawk!
"Hetah engnge i rawn tih a?" Ka ti hluk a.
"Engnge khatia i rik vak a,Ka tih loh dan pawh anilo,Ka rawn riak dawn.."
Ka thaw hawk mai! A sawi dik,A tihfo dan alawm,Hetah a riak a,Zing ah hna kal turin a chhuak leh mai ţhin,Zantin erawh anilo,Ka chiang biklo,Ka nupui pawh zahzo loa hun ka hmanpui ngei hmeichhia hi a hma ang khan ka thlahlel tawh lo a,Awmdun theih hun zawng reng ţhin kan ni tih ka phalo! Ka sawi hmaih ngailoh tur chu Puitei nen kan inneih zan pawh khan hotel pindan pakhat ah hun kan hmang dun tho!mahse tunah hi chuan a hma ang khan phurna ka nei tawh lo!
"I nu in min rawn bia a,inneih chungchang vel a rawn sawi a."khum ah ka mu thla chu ka chungah a rawn lawn kai a,A kawrhak lai a hlip hmak a,Ka kawrhak rawn pawh hlih ve a tum chu ka lo dang a!
"Zico,Hahthlak viau lo teh aw.."
"Ka chau rih ania.." nawrsawn ka tum chu rang zet in a rawn bawk hniam a,Ruih a nei leh tawh ani mai thei,Ka hmai zawnah a rawn thaw lum ham ham a!
"Tinge whiskey bawk i in leh a,I hna ah buaina i tawh phah mai a nge aw." Nawrsawn leh tum chuan ka ti hmak,A nui chhuak hak a.
"Inneih lam chu engtinnge ni dawn?"
"Kan la sawi ţha dawn nia,Ka chau rih.."
"Zico..?"
"Lisa;ka chau ka tih chu."
"I mak ve ngawt mai!" Ti hlak pahin ka awmah a rawn bei thlap a,Kawr a ha tawh lo a,Ka nghawngah a kut pahnih a rawn suih zawm leh a,Beisei a nei tih ka hria,mahse engmah tihpui ka chak lo tak zet!
"Inneih chu ka duh tawh..Ka nghak rei tawh bawk che,Tunah chuan nghah ka tum tawh lo." Ka kawr nghawng a pawt zau a;a hmuiin a rawn nawr kual nghal dan dan a!
"Kan inneih chuan fa ka duh nghal dawn sin."
"Fa neih hi sawi hmasa ziah zello teh,Ka mood i ti off vek!" A ti hlak a,"Fa neihna khua a la tlai lo,Chu lo ah fa neih te chuan ka taksa a chhe vek dawn a,Chu thil chu ka duhlo,Chu lo ah naupang ka ngaina lo tih pawh i hre vek a." A ti zui hlak hlak a,Puitei nen kha chuan in anglo tak an ni ringawt! A nin naupang a ngainat em em lai khan Lisa hi chu fa neih sawi hlek tawh chuan a ri nghal vak zel!
"Ka nupui i ni dawn a,Fa nei pawh nila keimah tho in a lawm enkawl dawn che,I taksa nalh leh nalhloh lamah khan buai viau tawh lo teh.." ka sawi zawh rual deuh thaw in a in la hrang a,Khum a thawh san mai dawn maw ka ti a,Mahse a kekawr haklai pawt hlip in ka taksa chungah bawk a rawn ţhu kai a,Awmze nei lutuk in ka mipatna zawnah a taksa chu a rawn chet kual a! Ka thaw hawk mai bawk!
"Fa kan neih vat chuan kan nun a chep vek mai dawn sin..." chhuanlam ngai te bawk! Ka kawr a rawn hlih tak ah chuan duhthawh zet in ka che zawm nghal zat ,Kum naupang te kan nih laiin kan inthunun tawh lo a;Kan pahnih inkarah hi chuan inzahtawnna vak a awm tawh lo hrim hrim! A tan mipa hmasa ber ka ni a,Ka tan pawh a hmasa ber ani bawk,khang hun lai phei kha chuan sex nen a kan inzawm tawh vang ani mai thei,Awmhran harsa kan ti a,Kan nun dan kha a dik em tih ngaihtuah ai chuan kan inthlakhlelhna kha tihpuitlin dan ngawt kan zawng ţhin a,Ka lakah a pangchan thiam ang bawk in ka duat a,kan in atchilh tawn kha ani tawp mai!
Ka kawr a theh hlawm tawp chuan a ban pahnih ka phuar kawp sak a,A lo nui hak ka hmuh rual chuan ka hmaiin a awm bawr ka nawr sak nghal tawk a! A rum nghal ham ham mai!
*******
Traffic vang in jam ah ka tang ta reng a,Rilru hmanhmawh nen chuan in millo tak ni ringawt! Kan company a share chang ve tu khan midang hnenah a share chanlai hralh a tum tih min rawn hrilh a,Amah ka biak ngei a ngaih vanga hmanhmawh pawh ka ni reng bawk.
Car hmalam a ka phone dah chu ka ban vat a,Vawiin ah ka hmu dawn tih lo hriattir lawk hrim hrim pawh a ţha ang!
Phone ring chu ka ngaithla ran a! Tawlh theih hunah thuilo te in ka tawlh ve det a! A hneawm tak zet!
"Hello.."
"Biak che ka duh a,Hun i nei em?" Ka ti vat a.
"Share chungchang kha i rawn sawi dawn anih chuan ka hralh tawh."
"Eng a?" Ka ti nghal hluk a! Ka thisen a lum nghal pup bawk,Tu phiangsen bulah nge a hralh ang!
"Ka hralh tawh,Chumi vanga min rawn bia anih chuan sawi tur ka neilo."
Ka thisen lum lutuk chu inbengdaih ka tum hram hram a! Steering chu ka lo hum nghet hman hle bawk.
"Tu bulah nge i hralh..Brad.."
"Vanneihthlak takin i Unaupa bulah ka hralh lo!" Ka ţawng lai a rawn pawt chat a "Ka buai rih a,Anih phawt!" Line a in cut zui nghal zat vang chuan thinrim zet in phone chu car hma lamah ka vawm bur a! Ka sam chu ka'n tuai leh puat a! Kha share kha ka mamawh tak zet! Tu teh hrep in nge lo lei hman ni!
Traffic tawt zet ah chuan horn ka hmet ri tuar tuar a! Ka zeplo,Hna ka thawk rim a,Ka hna ah bik hi chuan a ber nih ka tum reng ţhin,Ka duh neih nan engpawh tih ka hreh loh rual in ka thawkrim ve thung a,Sumdawnna ah chuan thianglo a awm lo tih hi ka vawng nghet tlat bawk! Tu tehhrep in nge ka chan ai chu lo chang a,He thil ah hian lo inrawlh ve ngam?Ka zawng chhuak khawp ang!
☆☆☆☆☆☆☆☆☆☆☆☆☆☆☆☆☆☆☆☆☆
Zodinpuii's pov
Chianglo zet in mit ka meng a,Pindan chhung ah chuan ni zung a rawn lut raih tawh bawk!Ka mutna bul chu ka ban in ka dap rak rak a,Jayden mutna alo ruak huai tih ka hriat rual chuan ka meng nghal kawk mai!
"A tho tawh.." Chu aw thophang aw zet ka hriat rual deuh thaw chuan ka dul ah ban rit nulh a rawn in nghat a! Ka nghawng zawnah a rawn thaw lum nghal ham ham bawk!
"Oh..A tlai tawh em?" Ka che tur chu a taksa lam ah min hnuk hnai zui sauh a,Ka ţang nghal ţung bawk!
"A la hma.." Zothana bawk chuan thophang zet hian a rawn ti sup a,A thawk rik sek sek pah a ka sam nawrsawn a ka nghawng a rawn nul kual thuak vang chuan ka thawchhuak nghal halh bawk
"Ka tho duh tawh.."Ka tisep a,A nui tih hriat zet in a taksa chu a nghing dawt a,"A la țullo.." ka nghawng bawk a hnar a a rawn nawr leh tak ah chuan a sam ah ka ţham sak a! Ka awmdan a diklo ringawt mai bawk.
"Clinic kal i ngai dawn lo ami?" Ka dul zawn a a kut a chet hrut vang chuan rang zet in a banrek ah ka vuan ve chawt a,Mahse a banrek ringawt pawh chu hrawl tak ani ringawt!
"Inveng thiam nu!" Nui suk pahin ka hmai zawnah a rawn inbeng khalh a,Tawnzau var a ha a,A sam hnim ve tawh zet chu a pawr siang bawk,Dimte leh nuihza hmel la pu reng chung hian ka hnar ah a rawn fawp zeuh a,A in lak hran rual chuan Ka lo ner nghal nawng a. "Tho ang!" Ka ti nghal vat bawk.
"A teuh lo.."
"Zothan.."
"Sawi la.." Ka puan inkhuhna rawn pawh phelh pah chuan a ti sup a.
"Jayden siam ka ngai ania.."Khum sir lam ah ka let a,Mahse nui hawk chung in ka darah a rawn man a,Khum ka deh leh rual deuh thaw in min bawhbet nghal hmiah anih chu!
"Kalsawn rawh.."
"Engtik nge ka pa te be turin kan kal dawn." Thutak zet a a rawn tih tak ah chuan harsa zet in hnuailam aţang chuan thawk ka la halh a,A hrawl bawk si,Min bawhbet run a,Ka lu zawnah a kiu in in nemkhalh lo phei se chuan ka thawchhuak thei lo ang!
"Ka hre rih lo.."
"Chhanna ngai bawk." A ti nghut a,A chalin ka chal a rawn nawr leh a,Ka hmai zawnah a thawk chhuah ham ham rual chuan ka mur nghal uaih uaih mai! Chiang lutuk in hneh zet a min bawhbeh na taksa hi a danglam tih ka hre thei a.A banbul pahnih ah chuan ka vuan ve vat ringawt!
"Zothan.." A mit a chhing nghal hmiah! A hmui kau deuh tiar aţang boruak lum rawn chhuak chuan min ur ham ham reng bawk! "Kan hmanhmawh loh a ţha ber..." ka sawi zo hman lo,A rum nghut a,Ka mal chu a pawt kau a,A inkarah a rawn inzep lut a,Ka tal zui nghal phat bawk!
"Tinge kan nghah reng angaih bik a." A ban hrawlpui pahnih in ka lu zawnah a rawn in nem khalh a,A taksa hnuailam chu ka taksa si chet in a rawn nawr na zual nghal sauh bawk! Ka thisen hi a lum nghal pup maiin ka hria a! Ka hmeichhiatna zawnah awmze nei lutuk in a rawn nawr nawn leh a!
"Mawh?Tinge kan nghah zel a ngaih a...ka sawi tawh kha nang lo chu tu hmeichhia mah ka duhlo,Neih ka tum lo bawk!" A ti chhum leh hmuk a! Chhanna pek dan tur pawh ka hrelo!
Min neih a duh tawh a! Mahse ka pasal nen kan inţhenna a la rei bawk silo nen midang in min sawi duh dawn lutuk vang in ka hnial zel a,Nimin thleng kha chuan a hrethiam zel a,Tunah tak hian engngemaw a ngaihtuahna ah awm tehreng ni!Kei ai daih in a upa a;A ngaihtuahna pawh a puitling tawh zawk bawk,Ka tan phei chuan ani lo chu innghahna tur dang an awmlo hrim hrim,Chu tih rual erawh chuan Jayden kum 4 mi ang lek a rilru nau tlat leh thil hriatthiam duh loh tlat hi a ching thar a! A chetdan tamtak leh a pangchan dan tam tak phei chu a atthlak letling ţhin zawk!
"Reilote nghak leh ang." Ka tisep a,Ka hnar reng bik te hi hrehawm ka ti ve tho,Kei nuthlawi tawh lehnghal,ka laka ka pasal chetdan zawng zawng engkim a hre vek bawk a,Ka pasal hmasa tan khan nupui ang nilo hmanrua chauh ka nih thu lah kei ai fe in a hre hmasa a,Chuti chunga min la duh tlat te hi kei hian ka phu hlawl lo,Tlangval satliah nilo in Doctor meuh ani tawh bawk a,Kei aia țha a phu in ka hre ve tlat zel bawk.
"Min en rawh!" Hnai zet ah a rawn bawk hniam a,A aw rik dan khauh zet aiin a hmel landan a dam thlup thung!
"Reilote... Reilo te chiah ka nghak tawh dawn.."
"Ummm."
"Sawi rawh." A ti leh sup a,A aw a dam ta deuh.
"Reilote nghak leh ang." Ka tisep a.
Ka hmui bulah a rawn fawp a,In la hrang mai lo in a thawchhuak leh ham ham phawt a!
"That's my girl." Ka hmui bulah a hmuia la nawr reng chung chuan a rawn ti zui sup bawk!
Min bawh hneh na ațanga a inlak hran rual chuan ka thaw nghal huai thei!
"Thlakhat hnuah chuan kan innei tawh ang."Khum aţang a tho chhuak tur chuan a ti zui leh hram a!
"I hmanhmawh em em lutuk,Jayden-a ang chiah hian phi ruai zel suh.." ka ti zui hlak,a rawn inher vut a.
"Engnge sawi dikloh ka nei ami?Mipa naupang ang chiah hian i ti tut tut zel a." Ka ti a,Atthlak tih hmel lutuk hian a ban hrawlpui chu a phar hluai a!
"Sawi țha leh teh." Pajama var a ha a,A tawnzau var hak te nen chuan a lang fresh sar a,a banbul erawh a lang hrawl hle thung,a nui hul leh hak a!A samthur siang erawh in a ti lang sexy thung!
"Jayden ang maiin i dawhthei lo..Naupang chiah chiah.."Khum aţanga thawh ve pah chuan ka ti leh a,Ka sam țawnțha malh malh pah in khum a kan puansin thlehfel tum chuan ka kun a,Ka taksa a kang zui nghal nawlh a!
"Zothanmawi?" Ka rak nghal chul mai! Khumah bawk min bawh bet a,Ka tal ve dawn apiang in a ban pakhat ka hnunglam ah a rawn rawlh lut a,Ka dar ah hian min kuah khawm nghal vek a!
"Mipa naupang kha min ti ziah suh aw." A ti hluk mai!
"I haw ve tum hrang zel sia."
"Zodinpui.."
"Aw enge sawi rawh."Ka ti hlak,A hmel landan thutak zet chu a hnuailam aţang chuan cho zet hian ka melh a,a tihtauh ve bar bar te hian Jayden nen an dang miah lo tih a inhre ve tawp nang!
"Mipa naupang ka nih vang nilo in he thil hi ka tih chak ve tawh vang tih hi i hrethiam duh miah lo ami?"
ka rum nghal hak a. Zothana zawk pawh a thaw hak bawk, ka theihtawpin nam kian tumin a awmah chuan ka nam a, mahse ka nawrsawn tumna chu engahmah a ngai lo.
Ka chalah bawk a chal a rawn nghat leh a,A taksa chu a sa nghal țawn ţawn mai!
"Ka naupangchhiat vang anilo tih i hrethiam tawh em?" Sehchilh zet in a rawn ti sup a,Ka mal a khawihna chu a rawn sang sauh a, kan taksa insi chet karah chuan a kut chu rawn zen lutin ka pajama chhan ah chuan ka mal kar chu a rawn tham a,Ka taksa hi current in a man zawk emaw ka ti a, mit ka chhing nghal sawk mai!
"Ka mamawh na che tihpuitlin ve ka duh tawh!" Sawi mai nilo in sapui hliam kawlh ang maiin a rum in a rum dur dur maiin ka hria! Ka mal inkar chu a kutţang hmawr zawng in a rawn hrut kual a,Insum teh mahila ka rum khur nghal dar dara. Ka thinphu te hi an sa pup pup bawk,Ka kekawr kawng a rawn pawt kau a,Zothana pawh a thawk lak a dik biklo,A thaw halh halh reng a,ka panty hak chhanah hneh zet a a rawn hup tak ah chuan a banbul ah ka ţham ta tawk a!
"Min mamawh ve tho ani lawm ni?" Ngeiawm zet,Mahse huat a lak theih ni bawk silo hian a nui ri hawk a,Ka taksa khawilai mai pawh chu a ţang em em vek tawh!ka bawp chu ka chip zui chat a,Ka mit ah tak a ngaihtuahna a awm thup tum miah lo a min en run chung in a rawn nawr zau leh a! Ka tiril hi a khur a,Zothana mitmeng a tisa chakna langchhuak vang chuan ka zam ru kher bawk!Ka kekawrte chhanah chuan zawimuangin a rawn tuai a,Ka chalah rawn nawrin ka hmui zawnah a rawn ang zuau a! Ka fawh dawn velah a kut chet uar sauh in a inla hrang zel anih chu! Ka lu in khum ka nawr tawk a,A kawchhung lam ațang a rawn nui ri hawk a,Ka khabe hnuai si ah hian a rawn fawp a,A kut pawh a hmazawng aiin a chet uar a,Ka panty chhan mah nise ka danglam hneh lutuk ringawt! Thaw ham ham pahin a hmaiin ka awmbawr a rawn nawr kual nghal ruai reng bawk a,A sawi dik! Ka mamawh ve tho!"Ka sawi chu a dik em?"ka panty chhungah a rawn zen lut a! Ka ang zâwk a! Ka thawk hi a tawp mai dawn! "Bawihi!" tih pahin ka kutzungtang chu ka taksa chhungah a rawn nawr lut riah riah a, thaw hawk chungin ka tai bawr ka kan zâwk a!ka rum zui nghal a. A kut zungtang hrawl tak mai an chet kual tir meuh chuan ka taksa a lum nghal pup pup a,ka khawhmuhte chu a fiahlo zo vekin ka hria.
.
Ka maimitchhing a, Ka awmah boruakin min hnawh tup tup a,Ka thawk lakna lamah ka lu te hi a hai vek mai,"Bawihi,ka mamawh ang tho che in min mamawh tih ka hria." Zothana aw khur ru leh sehchilh nawk te chu ka hre mumal lo a,A kutțang hrawl zet mai rang zawk a a chet leh rual phei chuan ka kawchhung hi a za chuai chuai a;A banbul ah ka ham a,Sexy zeta a nui ri hawk te chuan ka hriatna thazam hi a nghawng che vek thei!Mahse tawp turin ka duh lo a,Hei aia nuam zawk amah nen a tih ka duh ve tho bawk!
A chetdan in ka taksa ah nghawng a neih nasat zia chu a hre vek ang,ka khur ru der der reng a!
Zothana chu rum nghut pah in a inla hrang hlek a,Ka kut pahnih chu man kawp in ka lu chung ah a nawr bet hmiah! chumi pah chuan ka bawp pahnih inkarah chuan rawn inzep lut in khum ah chuan min nawr bet zual sauh a. Ka bawp inkar chu a lum that bakah tun lawk a a thiltih zawh chiah vang khan a hnawm chep tawh a,Chuta karah a mipatna ruh ţul tawh in a rawn do nghal run bawk si!
"Tunah hian i taksa chhunga ka l*h ch*k zia i hria em!" Rum hrawih pah in min fawp nghal tawn tawn a,a lei sa țha zet ka ka chhungah zei zet a chetkual tir ruai reng tak ah chuan ka theih ang a uar in ka chhang let a,Zothana chu a rum leh hawk zel a,Chu tak chuan min tihphur bak ah thil thleng leh zel tur min hriat chak tir bawk.
A khup in a inbeng khalh a,A pajama hak kawng chu a'n nawr thla deuha ,ka meng nghal kawk bawk,Zothana nui ri hawk ka hriat rual chuan ka sa chhuak vek a,ka kut chu hnuailamah zawimuang in a kut a min vuan tel reng chungin min zen thlak tir a,Ka tha chu a khur dar dar mai!
"Min khawih rawh!"a ngaihtuah mek leh a chakna thup ţhen tum miah lo hian ka beng bulah a rawn ti ţuak a,chil ka lem nghal dawk a."Bawihi khawngaih in..!" Min ngenna aw ri ah chuan min mamawh zia a lang thei a! A m*patna ka khawih fuh apiang chuan a maimitchhing a,a rum chhuak ham ham a. A thawk lakdan chu rapthlak tak ani ringawt! A chang leh a hmaiin ka nghawng a rawn nawr tâwk tâwk reng a,
"A van nuam tehreng em!"rum hawk chung in ka taksa chungah a rawn bawk nghal hnawk a!
"Mummy!" Jayden aw ri leh kailawnah a rawn tlanchho tih hriat zet a thawm a rawn awm tak ah chuan Zothana chu a nui chhuak nghal hawk a,a hmuiin ka chalah a rawn nawr leh vang vang a,Ka thaw sa huam huam leh taksa khur ru ah chuan a la pangngai hlawl lo! A let thla a,Kei zawk pawh ka thaw hawk mai!Nuih za insum leh mitmeng phelh phang a min rawn en rual chuan ka lo melh nghal rawm thung!
"Ka lawm e.." Tun lawk khan a vawrtawp a thleng a,A taksa landan pawh a la mumallo,A hmel pa zet chu a sen țalh a,Thaw hawk pah in khum ah a ţhu chhuak a,Jayden pawh in kawngkhar a rawn nem hawng ve barh bawk!
"A pa,Play na ah ka kal thei em? "Zothana mal chungah a lawn kai nghal zat a,Kei erawh khum ah ka la mu thung! Ka taksa leh thisenzam hi a la pangngai lo a,Ka lungphu phei chu a la su dup dup thei!
"School kal a ngai a lawm."Zothana chuan a ti vat a,a aw la khur ru vang chuan ka nui hak a,Mahse Jayden hmel nur nghal nang chu en in ka ţhu chhuak ve vat a!
"Jay,Naktuk hi holiday zawk aw. "
"A pa,Play na ah ka kal duh " Zothana malchungah amah hmachhawn in a ţhu a,Zothana khabehmul chu a khawih a,Hetia pangchang zeta Jayden a awm tawh hi chuan Zothana hi a nem nghal vek zel!
"Ok,Mummy te nen kan kal dawn nia..."
"A țullo,School kal a ngai."Ka ti hlak a,Jayden lah in Zothana rilru hrethiam ve ang hrim in Zothana nghawngah a kuah bet ve țai a,A mitmeng fing zet chuan min en ve kar bawk.
"Jay,School kal tur "Zothana lo țawng tum chu ka mitmei vat a,a ban phar hluai in a thaw hawk bawk! An inchhan lutuk hi Jayden hian a sual phah vek dawn.
"Class kan kal ang,Naktuk ah play na ah chuan kan kal ang. "Ka ti a,Jayden chu pangchang zet in Zothana nghawngah a hmai a thukru ta kak a! Zothana lah chuan a hnungah a chul sak nghal hauh hauh bawk si! Rum zet hian ka melh nghek a.Nuihza insum tih hriat lutuk a min rawn enna chu ngaipawimawh tawh lo in khum puan sin chu ka thlep ţha nghal sawk sawk a,Jayden chuan zawi te te in Zothana chu engemaw hi a hrilh a.
"Bawihi,Nikhat lek school chawlh te chu a pawi viau ami?" Washroom ah ka lut ţep tawh,Zothana thu rawn sawi vang chuan thawk ka la hak a!
"A pawi,Khatia a dil apiang che tihsak i tum chuan pangchang zawng hlirin a nawr mai ang che."
"Aih Mummy today chiah play-na ah chuan kal ang.."Jayden chuan a rawn ti ve nghal nui nui a,Zothana rilru zawk a hneh tawh tih a inhrethiam ve kar reuh tawh bawk si!
"A ţullo,U Mami bulah thil lo zuk ei rawh."
"Naaa..Mummy chu..." Nur nâng chung in a in thing ve nghar nghar reuh a,A va han hahthlak reuh tak aw.
"Jay,Engmah ka sawi tawh dawn lo,school kal tur." Ka vin lo a,Mahse a hriatthiam theih turin ka aw chu ka ti chang lui bawk!
Washroom ka luh hnuah pawh Zothana bulah Play na a kal a duh thu a sawi zui nung nung reng a,A phun ve nasa reuh si,Lehlam taka ngaihtuah chuan min hnial ve pang pang hian a lawmawm reuh a,Mahse ka mitmengah chu thil chu ka tilang tur anilo,Anih loh chuan Jayden tê hi a fing ve reuh si a,Min nek lui ve reng mai ang!
Washroom aţang ka chhuah leh chuan an lo awm tawh lo a,Engtin tak in thlem lungawi ang maw?
Ka room aţang ka chhuak chiah a,Zothana room lam ațang Jayden khek chul thawm ka hriat rual chuan ka nui sak a,An inbual dun leh tawh ani mai thei,Inhnuai lamah ka chhuk thlak san a,Nu Liani'n eitur a lo siam mawlh mawlh a,Mami pawh in a lo pui ve a.
"Good morning." Ka wish khalh hman ngailo reng reng.
"Morning.."
"Tukin zing chu Jayden kha a rawn tho chhuak hma reuh lutuk a.." Nu Liani chuan a rawn ti vat a,Zothana nen kan chetdan kha ka ngaihtuahna ah a rawn lut nghal zawk bawk.Jayden thawh lai ka lo hrelo reng reng.
"A harh lai pawh ka hre miah lo.." ka ti sep a.
"Ka bulah a rawn awm reng a,A țawng duh ve tawh reuh sia,A lawmawm reuh e.." nui var var pah in a rawn ti a.Keipawh ka nui ve sak bawk,Tu nu nge a fapa lawmawm zia thu hria a lawmlo bik awm ang le!
"Bawihi.."
"Huh?" Ka en vat a,Hneh zet in steering a herh kual a,Front seat an Jayden pawm chung in ka ţhu ve ran bawk a.
"Karthar ah hian zin lawk ka ngai dawn a."Zothana vek chuan a rawn ti sup a.
"Khawi ah?"
"Mumbai ah mahse a rei ber ah ni thum bak ka cham lo ang.."A kut lehlam rawn lek chhuak in Jayden sam ah a tuai sak leh zauh a,A zin tur thu a sawi vang ngawt chuan ka mood a off nghal vek thei!
"Engnge i tih dawn a..?" Ka ti halh a,Min rawn en a,Traffic vang in motor chu a tiding dat a.
"Ka pa hna vang zawk ania.." Thawk la hawk pah hian a rawn ti a,Khua a dul deuh ruih vang in kamis pawdal chung ah kawrlum hraw pui pui a phiar senduk a ha a,A vun rawng a tih langthim rual in a rawng chuan a landan a ti pa zual sauh thung!
"Umm..A nih chu.." sawi vak tur ka hrelo,Zico in aţanga kan chhuah hnu khan ka kiangah a awm reng zel a,Ni khat takngial pawh kan nufa hlat ah a awm ngailo a,Tunah chuan Zico nen kan ințhen ațang thla thum dawn a ral tawh a,Mahse Zothana laka ka intlukluhna erawh a nasa tulh tulh thung!
Zothana pawh a ngawi ta reng a,Traffic jam a reh leh tawh vang in hneh zet in steering a herh kual a,Jayden lah ka phone games khelin a buai ve em em a,Zothana chuan a khat tawk in min rawn en leh zauh ţhin a,A awmlo tur chu ka huphurh ani tawp mai!
"Jay,i ban hunah ka rawn hruai ang che aw."Ka kawngkhar hawn lamah Jayden chu a ţum thla tharh a,Zothana biakna chu lu a buk khum lap lap a,School gate ah a tlan lut zui nghal zat a.
Jaydena bag khai chunga ka chhuak tur chu ka banrekah a rawn vuan chawt a! Ka en nghal vat bawk!
"I phalloh chuan ka kallo thei tho ania." a ti sup a,
"Aih...Chutiang..Ka phallo pawh ka tih loh kha." Ka țawng mumallo zet vang chuan a nui suk a,a kutphah dinglam in ka beksam a rawn zen lut a,A kut awmna chen chu a lum nghal vung vung bawk!
"Ka kal chu i phal em?" A seat belt hren engtik laiin nge a phelh hman ka hrelo,Ka seat lamah chuan a taksa hrawlpui mai chuan min awm hnaih sauh a! A awm lum vung vung chuan ka dar a nawk ran bawk!
"Ka phallo tih ka sawi loh kha." Ngeiawm zet a a hmui pet sawi ka hmuh rual chuan ka ner khum vak a!Nuihza insum mitmeng sexy zet in min en lui tlat a!
"A ţha e. I chak e..I kal tur hi ka huphurh a ţha em? Mahse kal rawh,Rawn let leh vat la."Ka ti hlak a,A nui chhuak ta hawk a!
Nileng in naupang ho bulah hun ka hmang a,Naupang awm khawm zingah hian chhungkaw inenkawlna leh inchhung khurah nu leh pa țawngkam hman ţhin a lang chiang em em hian ka hre ţhin..Mipa naupang kum 4 kum 5 lek lek in puitling țawngkam nalh lo tak tak an hmang leh nawk ţhin a,Chutiang bawk in hmeichhe naupang chhungkaw țawngtam ve tak aţang a rawn kal pawh an hriat hran theih nghal nalh zel!
Kan inchhung in enkawlna leh kan țawngkam hman duhdan hi kan fate hian an hrelo emaw kan tih pawh hian an lo hre ve kar zel a,A bikin in tun a an kum,Kum 4 ațanga kum 8 chho lai hi an taksa ţhan hun lai leh rilru țhanchak hun lai,Thil engkim a chhia emaw ,A ţha emaw pawh an zir zung zung lai ani a,Nu leh pa tan fimkhur a ngai khawp bawk in ka hria.
Ban a hun ţep tawh a,Class ka neih tawh loh vang in ka dawhkan lamah ka ţhu hahdam a,Naupang ninhlei rual tak tak te nen a hun hmang kan nih vang hian kan class a zawh meuh hi chuan zirtirtute lam hi chu kan chau chhe der zel!
Office kawngkhar inhawng huai sa a hmeichhe rawn pen lut ka hmuh rual chuan ka insang mar nghal ţeuh a! Rachel hmel thim map leh pawisak neih loh hmel zet chu en in thawk ka la zui hak bawk.
Ka dawhkan hma takah chuan a rawn ding ran a,Ka thawhpui ţhenkhat ho chuan min en nghal hrek hrek bawk!
"Ţhu la.." A rawn kal chhan ka hriat loh ang bawk in biak chhiat ngawt ka tum lo,Chu tih rual erawh in a unaupa nen kan ințhen hnu a ka chanchin diklo tak tak a sawi chhuah nuam tiber tu ani tih ka hre tel thung!
Ka thusawi vang chuan a țhen sak a,A mitmeng a min huatna leh hmuhsitna chu khawvela mi â ber pawh in an hmu thiam ang!
"Ţhu hman pawh ka ni chiah lo.." a ban zen sang chu kuangkuah in a nui zui hak a.Midang min en zauh zauh tu te chu ka melh zawk a,Heng ho hma ah hian eng ennawm mah a siam loh hram ka beisei.
"Zothana a zin dawn tih ka lo hria a.." ngeiawm tawk lek hian a nui zui leh sak a.
"Chu ringawt chu mi i sawi duh.." ka ti a.A chek zui hlak a.
"Nilo e..Fahrah in aţanga la chhuak tu ,An chhungkaw mi ang a enkawl tu ten hmeichhe uire a inah a chenpui tih an hria a,Chuvang a ko an ni tih i lo hriat loh tak in ka rawn hrilh mai mai che mawle..." awlsam zet hian a ti liam puat a,Kei erawh ka taksa chhung a tawt nghal vek thung!
Nghet zet in kut ka hum a!
Ka pasal hlui unaunu in min dinchilh reng hmuh nawm thlir a min lo thlir reng tu te chu ka melh kual zawk a!
A thusawi a"Uire" tih kha an hre vek tih a lang reng bawk!
Racheli kal chhuah hnu chuan engkim mai hi a reh duk a! Ka chhehvel a mihring awm zawng zawng te hmuh theih loh a pil bo daih ka chak kher mai!
Nghet tak a ka kut hum ruh chu ka thlah dul riai riai a!
Ka thawk lak ri te chu office chhunga awm ve ho chuan an ngaithla ţhup maiin ka hria a!
"Dindin.." Ka dawhkan hmaah mihring an rawn din rual chuan ka phu zui nghal dawrh a,Ka dak chhuak a,Ka thawhpui nu pakhat hian min lo en reng a!
"I ţha em?" A rawn ti sep a.Ka bu nghat ringawt!
"Engahmah ngai duh suh,Thudik hretu kan awm alawm.." Ka kut chu a rawn hum a,a rawn hum rual chuan ka tha khurh nasat zia ka hre ve ta chiah mai!
"A unaupa in hmeichhe dang a kawp ţhin tih midang in an hrelo emaw a ti mai mai anih kha..Kan hre vek alawm a,Hahdam rawh.."Nui var var pahin ka kut chu a aia nghet in a rawn hum a,Ka bu nghat a,Midang pawh chuan min rawn țawng thlamuan diat diat hlawm a,An hmuh ah chuan ka nui na a,Ka kawchhung erawh anih nghulh bakah a sa huam huam thung!
Zothana chu kan nufa min lam tura a rawn kal lai pawh chuan ka la mumallo a,Bolero a kan ţhutluh hnu thleng pawh chuan ka la țawng chhuak ve lo hrim hrim,Jayden nen an inbe lang lang reng a,Motor a start hma chuan ka chal a rawn dek vut a,Ka lo en nghal dawrh bawk.
"Engnge?" Ka ti a.Ro halh a nuih pah in a kut a la sawn a.
"Ka zawh tur zawk che aniin ka hria,Thil thleng a awm em?" A ti sup a,Lu ka thing a.
"Umm..Khawvelah hian dawt sawi thiam ve miah lo hriat ka nei tih i lo hrelo ange!" Motor start pah chuan a ti hluk a,Min en leh zawk a!
"Ka zawh leh hunah che chuan chhanna țha ka duh tawh dawn nia.."a nui leh suk a,A mit bulah vun chuar a awm phei raih a,Jayden bulah a thil ei duh zawng a zawh zawm lehnghal zat a!
Zothana leh Jayden inbe lang lang thawm chu ka hre ve reng a,Mahse eng thil nge an sawi pawh ka hrelo,Zothana khan Mumbai a a kal chhan tur chu a pa hna vang tih min hrilh a,Rachel erawh in a nu leh pa in kei hmeichhe uire nen kan cheng tlang tih an hriat vanga ko an nih thu a rawn sawi a! Eng hi nge awih tur pawh ka hre ta lo! Chuan...Ka duh ngailoh chu keini nufa vanga Zothana'n harsatna a tawh ka phallo,Hman ațang a thawhrim zia ka hria a,Kan nufa vang mai mai a a hma khua a chhiat a,A chhungkua nen an inkar a ţhat loh ka phal bawk lo ang!
Motor chu a ding dat a,Rang zet in lock ka hawng a,Mahse Zothana phun ri hluk ka hriat rual deuh thaw in ka darah a rawn man a!
"Bawihi. ..ka thusawi kha i hre miah lo.." Chik zet a min en ngur pah chuan ati sup mai! Ka hawi kual thuak a,In kan la thleng reng reng lo,KFC dawr kawtah kan lo ding reng!
"Jayden hian games khelh pahin french fries a ei duh a,Ka laksak lawk dawn.." a ti sup a,"Lo awm rawh u,Ka rei lo ang.."Zothana vek chuan a ti leh a,A chhuk vut hnu chuan thawk ka la halh a,Engpawh nise a zin chhuah tur chhan diktak ka zawh nawn leh angai ang!
In kan thlen rual in Jayden bawk a ri leh nghal chul a,Zing lama school kallo a Falkland kal a sawi ve nang nang kha chu a ngaihtuahna ah a awm zawm leh tawh tawp lo ang! Hei tak hi ania naupang rilru thianghlim awhawm em em na chu! Thil engpawh a hunlaia ţap chung a an ngen ve te pawh hi darkar reilote hnuah an theihnghilh zawm leh thei mai a!
"Nu Lian,Eitur kan lo hawn aw.." Zothana chuan KFC chicken bucket dinning table a dah pah chuan a ti lang lang a,Jayden lah hi ei ţha duh mang silo in a lo ban ve chhen reuh a!
"Jay,Au Mami nen games chu lo khel ula,Mama leh Apa hian inbiak lawk kan ngai a,Thu lo awih tur aw.." Zothana chuan a ti nghal zung zung a.
"Bawihi,Min lo zui lawk la.." Jaydena school bag khai chung chuan kailawn ah a pen chho pawk pawk a,Mami'n Jayden a rawn buaipui tak ah chuan ka chho ve a.
Ka room ah ka lut a,Zothana kha a lut miah lo tih hriat zet in Jayden school bag takngial pawh hmuh tur a awm lo,Khum ah ka bag chu ka dah a,A room lam ah ka kal a.
"Hetah zawk.." A room kawngkhar hawnna vawnchhan ka vuan hman tawh,Lehkhachhiarna lam ațang min rawn auh tak ah chuan ka bu nghat a,A lam pan a ka kal chu kawngkhar vuan run chung in chik zet hian min lo en run reng a! Kawngkhar bul ka thlen ve chuan a tawlhsawn ve ta chauh a!
"Engnge a..?" A kawrlum hak a lo hlip tawh a,Amah chu kal pelin room chhungah chuan ka lut a,Ka hnungah rawn lut in kawngkhar hnum hlarh chu a nem phui hmiah a! Kawngkhar chu ngheng in a banhrawlpui chu a kuangkuah zui nghal hlun a!A kamis hak a kiu thleng a a thleh let chhoh vang chuan a taksa landan a hrawl zual vek!
"Thil thleng a awm anih chuan min hrilh rawh.."
"Oh..!" Ka ti ringawt a,Inher in dawhkan liantham zet lam chu ka pan a,Dawhkan chu ka ngheng a,Zothana pawh a dinna ngaiah ding in min lo la en run reng bawk!
"Mumbai ah chuan engti turin maw i kal dawn a.." ka ti a,A kut kuangkuah chu phelh in a kut lehlam chu a kekawr ipte ah a thun lut a,Ka dinna lam pan in muangchang in a rawn pen zui bawk!
"Ka pa hna ah ka puih a ngai ka tih tawh kha.."Ka hma ah tak a ding khawng luah a,Ngeiawm zet in ka nui nghal hak thung!
"He inah ka cheng ve tih an hriat vanga ko che an ni zawk lo ami?"ka ti a,A mit ah tak ka en ran bawk!
Ka thusawi vang chuan Zothana chu a rawn nui chhuak hawk a!
"Chu thil chu khawi ațanga i hriat nge?" Nui hmel a la pu reng a chu a hmel landan a chang ta ţalh thung!
"Ka hriatna lam a pawimawh lo,Chuan i tan kan nufa hi kan hnawksak dawn ai chuan he in ațang hian kan insawn chhuak thei reng a nia.."
Ka sawi zo hman lo,Engtik laiin nge min rawn hnaihchilh hman pawh ka hrelo! Ka taksa si chet in a rawn ding a,A hmel landan chu a chang rûn mai bawk!
"I thusawi atthlak zia kha i hria em?" A ban pahnih in dawhkan chu a rawn nem nghal run a.
"Hre miah lo..I chhungte hriat loh a kan cheng ve reng hi thil mawi anilo tih lo ngaihtuah chhuah nachang ka lo hre har mai pawh a.." Ka ti a,A ner nghal suk thung!
"Racheli'n a rawn hmu che ami?"
"Ummm,Chuan i chhungten he in a ka cheng ve tih an hria a,Chuvang a ko che chu an ni bawk,Nang lah chuan.."Sawi zo lo in ka nui lui leh hak a."I pa hna chungchang vanga zin chhuak tur ang ah i insawi a.."
"Min ring rawh,Ka pa in min mamawhna vanga pui tura kal dawn mai chiah ka ni!"Ka thlesawn tur chu ka khabeah a rawn vuan vat a,A kut paih sawn ka tum rual chuan ka darah a rawn țham hi ani ber mai!
"Zothanmawi !" Ka vin nghal țhat!
"Mi thusawi vang ngawt in thinrimna tur zawng lo teh.." a ti hluk a.Rum zet hian ka melh ta nghek a.
"Mi thusawi mai mai nilo in i hmeichhe kawp ţhin thusawi anih vang zawk alawm.." ka ti hlak a,Zothana hmel landan chu rapthlak tak ani ringawt! Thawk la hawk pah in ka dar a vawnna chu a thlah a,Kei erawh tun mai a ka thusawi chhuah kha ngaihtuah let in ka in hum ruh ta țeuh mai! Tinge a hma ațang khan ka at em em a! Vincent ang a rawn let leh a țang daih tawh khan Rachel nen an inkawp tawh! Chu thil chu tunah ka hrechhuak ve leh chiah a! Mi à tak ka ni e!
"In ațang hian kan chhuak ang.." A taksa dek lo thei tur ber in sir lamah ka tawlh a,Rachel nen inzawmna an nei tih hrelo lek in ka lo khawsak pui a! Keimah leh keimah chu ka inhaw ta hlur mai!
"Zodinpui,He in ațang kal chhuah kha vawikhat pawh ngaihtuah ngai suh.." Zothana thinrim aw fiak ţhat vang chuan kawngkhar bul ka thlen hma chuan ka tawp chawt a!
Mahse ka pen lui a,Kawngkhar hawnna chu ka vuan a,Ka ban ah tha chak lutuk in min rawn phih let rual chuan ben chawrh mai inpeih at hian ka ban ka vai ve vat a,Mahse hneh lutuk in ka ban chu a lo man chawt a,A taksa hrawlpui a kawngkhar a min nawr beh rual deuh thaw chuan ka hmui ah a rawn fawp zui nghal ngawng ngawng a! Reilo te chhung chu ka ngawng chhûih mai! Ka ban a man beh chu ka lu zawn kawngkhar ah a nem bet nghal thlawp a,Ka harh chhuak ve nghal zat bawk! Dimlo lutuk a min fawhna aţang chuan talhran ka tum nghal nawk nawk a,a taksa a hrawl bik si,Ka kawng a chin hnuailam zawng chu chetsawn ngaihna awm lo khawp in kawngkhar ah chuan min nawr bet a,A ban leh lam chuan a awm ah ka nem nawk nawk a,A chetdan pakhatmah a buai phah miah lo anih chu! Rapthlak leh lutuk!
Kan hmui insi reng chung a rum chhuah hak rual chuan a in la hrang a,Ka thaw nghal hlawp hlawp bawk! Zothana chuan za lo zet a nuih suk pah chuan a biang chu a tuai zauh a! Ka hamna a thi chhuak nghal ţiam ţiam mai!
"I naupanlai ze kawlh zet kha ila thlah lo nih hi!" Ti hluk pah in a ner nawk a! Ka melh rum nangang mai!
"Ka haw lutuk che.."
"Bawihi..Naupangchhia viau lo teh..Tinge Racheli thusawi mai mai chu i lo awih a.." Dam thlup si,Lawmlo tih thup miah bawk silo hian a rawn ti hluai a,Min din hnaih leh hrut rual chuan a awmah ka lo nem chawrh a,Zu han nghing dawt ringawt a mawle..!
"In ațang hian chhuah tum ngai suh ang che!" Bung zet hian ka hmai bul chetah a rawn ti sup a.Ka chalah a chal a rawn nghah leh tak dat ah chuan a awmah ka nem a,A ni erawh in tilui tih hriat ngawih ngawih in a chal chuan min nawk lui ngat ngat thung.
"Ka sawi chu i hria em?" Sehchilh zet hian a ti leh sup a.A beidawn thlak zawk,Ka tha tawp in a awmah ka nam a,chung ka tha hman ve te chu atan chuan engmah lo mai an ni tih hriat zet hian kan taksa a in hnaih tulh tulh thung a!
"Zico ang a min khungbeh reng i tum tihna mi?" Ka ti a,Pawh hran nawlh ang chiah hian a taksa chu a hrang nghal hlawk mai!
"Bawihi..?"
"A hma ațang khan Rachel nen in inkar hi lo ngaihtuah chhuak daih tawh tur ka ni asin.." Za lo zet in ka nui leh hak a. A hmel landan tak ngul leh kut hum ruh tlat ah chuan min vai thluk tawp duh mai hi ka ring a,Kawngkhar ațanga pen chhuak a ka kharphui leh hma zawng chuan thawk pawh ka thaw ţha ngam lo hrim hrim!
Kawngkhar ka nem phui hma a min phih let nek mai ka hlauhna vang chuan ka tukhum chu a za uaih uaih a! Kawngkhar ka kharphui rual a kawngkhar ri nghal dawp ka hriat rual deuh thaw chuan chak lutuk in ka room lam ah ka tlan nghal hlawk hlawk a.
Kawngkhar ka kharphui a,Khar phui mai pawh duh tawk lo in ka lock zui hmak a!
Tunah chiah khan engvang in nge Rachel nen an inkawp ţhin tih hre chhuak nge ka nih! Nilo,Inkawp thin nilo in inkawp lai reng pawh an ni thei! Tinge Zodinpui i harh chhuah theih miah loh a..I pasal ngeiin a bum tawhna vang che tal pawh khan fing ve tawh ta che..Mipa hi tumah ring tawh suh!
Inhnuai ah ka chhuk thla sawk sawk a,Ka che reng reng chu ka hmanhmawh vel vek ani ber mai! Jayden te awmna room ni a ka rin lam chu ka pan vat a,He in ațang hian chhuak phawt ila kan nufa awm zel dan tur chu ka ngaihtuah ţha leh mai ang!
"Jayden.." A games khelh lai chu a rawn hawi nghal dawrh a.
"Mummy nen kal chhuah kan ngai.." ka ti a,Phur zet in a rawn ding ve ta hluai a.
"Mum,Apa te nen ami kan kal dawn." Ta deuh deuh chuan leh! Chhang lo in inchung lam ah ka pawm chho nawlh a.
"Mum,Play na ah kan kal dawn mi?"
"Aw,Kan kal dawn nia.'' Ka ti zung zung a,Airbag ah a thuamhnaw ka khung khawm sawk sawk a,khum ah ţhu chung in Jayden chuan min lo en ve kar a.
"Ka thusawi kha i hre miah lo ami a?" Chu aw zawi sup leh vawt raih mai ka hriat rual chuan ka vir nghal nawk mai! Thaw hawk chung in kawngkhar nghenga Zothana lo ding ngawi ngul chu ka melh vak a.
"Apa,Mummy in play na ah min hruai dawn.'"
"Jay lo ngawi rawh.." ka aw vin ţhat vang chuan a hawi nghal dawrh a!
"Ka lakah i thinrim chuan min hau mai rawh,Khatin naupang lakah vin vak a țullo." Zothana chuan Jayden rawn pawm kang nawlh pah chuan a ti nghut a.
"Play naah chuan naktukah kan kal dawn nia..I Mummy thluak ah sawn hmeichhe naupang kum 4 mi ngaihtuahna a lut a,A vin leh vak hma che in kalsawn daih ang.." Jayden a dara kuah beh pah chuan min nuih suk a!
Ka fapa nen an kal chhuak nghal daih anih chu!
"Zothanmawi engnge i hriat a,He inah hian kan awm tawh dawn reng reng lo aw.."Kailawn ah ka fapa pawm chung chuan a pen thla nulh nulh a,a hnungah chuan hmanhmawh zet in ka um thla dar dar a,Ka ţawng ri vang chuan Mami leh Nu Liani pawh choka aţang an rawn chhuak nghal vat mai!
"Ka sawi chu i hria em,Jayden kha min pe rawh.."Inchhung lai tak ah chuan kan in dinchilh ran a!Thinrim zet a ka melh ngawt ngawt laiin a lo la nui suk zui a!
"Eng thil nge thleng a?" Nu Liani'n a rawn ti a.
"Vawiin a class la a chau deuh a nih hi.." Zothanmawia ka huat zia chu a!
"Ka fiamthu lo ania..Jayden kha min pe rawh.." sehchilh zet hian ka ti hlak a.
"Jay,Mummy bulah hian kal rawh le.." a nghawnga kut suih bet tlat ka fapa chu ka ban ve vat a,Mahse a lo țang ve țang a!
"Jayden,Lo kal rawh,Sawtah ka kal daih dawn nia.."
"Engnge buaina a awm ami?" Nu Liani bawk in a rawn ti ve ta ruai a,An tan chuan a mak khawp ang,Kei lah thinrim hmai sen in ka awm a,Zothana lah thinrim hmel a pu ve leh tawh bawk silo.
"Nu Lian, Bawihi hi coffee tak ţha zet in lo va siam rawh,Anih loh zawng in ngaihtuahna atthlak tak tak vang hian min seh duh mai ang.." a ti hawk a,A hmai ka ham khem sak chu a tuai leh zauh a! Nu Liani pawh in a hmu ve ta vat reng a.
"Tinge i hmai chu..?" A ti ta chul bawk! A va hahthlak tak!
"Engmah anilo,Hmeichhe naupang kawlh zet min hamna anih hi.." ngeiawm lutuk a min melh pah chuan a ti sup a."Coffee chu lo va in rawh.."Ka thinrimna hrelo ang hmak in ka darah a rawn tuai zauh a,Jayden pawm kang zui nawlh pah chuan kawngka pui lam ah a pen zui ta pawk pawk a.
"Zothanmawi,Ka haw lutuk che.." Nu Liani pawh zah zolo in ka au khum nghek a.Sual leh lutuk mai!
"Kan chhuak rei lo ang.." Rawn hawi let miah lo in a kutphah hrawlpui chu a lu chungah a phar zauh a!
"Rawn haw tawh su.." ka ti leh ta chiam ringawt!
Nu Liani zawk lo nui ta hawk hawk ah chuan ka nui chhuak ve ta hak a!
"In va naupangchhia dun ve..Lo kal rawh coffee chu ka lo siam ang che.."A ti leh a,Choka lam pan a a kal phei vut chu ka zui ve ta mai a,Keipawn tun mai a ka chetdan kha chu naupangchhia ka ti leh hnuhnawh lutuk a! A siam țhat leh theih tawh der mai siloh!
Zothana leh Jayden an la rawn let lo a,Ka thinrim apiang a ka fapa chuh a a kal chhuahpui ziah chuan engmah ti thei lo in ka awm dawn tih a hrechiang ani khawp ang!
Khum ah ka mu ngat a! Rachel nen an chungchang ka sawi laia chhanna țha min pek loh vang hrim hrim pawh khan ka lungawi nghal ngawt tur anilo hrim hrim!
Ka phone chu a rawn ri dar dar a,Zothana call anih ring in rang zet in ka ban vat a,Mahse number hlang chiah ani a,A tawp number chu ka hre tawh thin! Ka phone hmasa kha Zico ten min chhuhsak daih vang in Zothana'n phone thar min lei ta kha ani a..Tu number vak mah ka save lo.
"Hello.." ka ti sep a.. Lehlamah chuan mipa hian thawk a rawn la a.
'Dindin,Keimah i pa." A rawn ti churh a! Ka inhum ruh nghal țeuh bawk.
"Pa,I ţha maw?" Pangngai thei ang ber chuan ka ti a,bungrua kan lak ni khan a awm ve lo a,A hriselna ţhatloh vang in Chennai ah inenkawl in a awm bo reng a.
"Ka țha deuh tawh,mahse in nupa chanchin hian min va țhawng ve?" A rawn leh churh a! Ka thaw ham ham mai!
"Ka tan chuan fanu ang chiah i ni a,Ka tupa neihchhun nu i ni bawk a,Engtik ah mah in ințhen hi ka remti ngai lo ang..."
"Pa.."
"Ka fapa aiawh a ngaihdam dil i phut anih pawn ka dil mai ang che,Inţhen lo hram rawh u.." a rawn ti leh a,"Nimin khan Mizoram ah ka rawn let tawh a,Jayden hmel hmuh tur a awm bawk silo,ka tupa kha ka ngai tawh ania.." a rawn ti leh a..Ka thawchhuak ta halh mai! Zico pa hmel chu ka mitthla a,Jayden pian hlim a a lawmzia leh a hlimpui zia te kha a rawn lang zut zut a.
"Pa,I awmloh laia sum kan chhuah ngai kha pawi ka ti a,Mahse Zico bulah chuan let leh ka duh tawh lo.." ka ti a.Phone ațang a thaw ham ham ri chu ka ngaithla kar a!
"Ka tupa leh i fapa vang tal khan rawn let leh rawh u.."
"Jayden hi Zico in a fa ah a pawm hleinem!" Ka ti a.Ka aw chu ka thunun hman tawh lo ,A ram hmarh mai!
"Eng a..Engnge a awmzia.." kan nupa inkar buaina a hre ve lo tak tak ani ngei ang!
"Zico kha i zawt dawn nia..Lisa in Jayden nena an DNA a inmillo tih a lo hrilh a...aa..A tam lutuk,Ka chunga an thiltih zawng zawng pawh Zico leh ka nu kha i zawt vek mai dawn nia..' ka ti a..
Kan inbiak zawh hnu chuan ka thawchhuak hawk a! Bungrua kan lak dawn khan ka pa a awmloh chuan ka pa awm hunah kan la mai dawn mi tiin palai te khan ka nu kha an rawn a,Mahse ka nu khan ka pa nghah kher a țullo tiin kan duh duh la turin min hrilh a.A landan chuan an chhungkaw zing aţang ka hming thehchhuah kha a chak ber ani tawh..
"Engnge i lo ngaihtuah a." Ka chhip ah a rawn fawp a,Ka dak chho nghal dawrh bawk!
Zothana chuan min lo en run a,A hmai ka ham na kha a langsar ngang mai!
"Engmah,Khawnge Jayden.." ka ti vat a..
Ka tho chhuak tur chu khumah min nawr let leh dawt a,Ka hma carpet ah chuan a rawn țhu hniam ve vut bawk.
"Jayden chu a muhil rih..Chuan tunge lo be tu che kha.."
"Zico pa. " ka ti a..Min en ngur a."Oh..I bialnu pa pawh mawle.."
"Zodinpui!" Sehchilh zet hian a rawn ti hrawk a! Ka nui zui hak thung!
"I eng hi nge maw diklo le.." a rawn ti sup a,A țawng duhdan chuan min khei nghal zak bawk!
"Thil ka hriat chhuah har vang zawk alawm.."
"A țan țha leh dawn e.." ti hluk pahin a ding vut a,"I thik anih kha.." teh tawp a!
"Ka thik reng reng lo aw.."
A hmui a pet sawi zauh a,Ka va han haw hluah hluah tak!
"I thik siloh chuan a țha nih chu.."
"Zothanmawi ka haw lutuk che.." ka ding ve phat a,Mahse a rawn chet leh dan avang chuan ka meng phawk nghal kawk thung! A ban pahnih chu ka taksa ah a rawn suih zawm hmiah a! Nuihza inthunun tih hriat zet hian min en run a.
"Nuihza ka siam lo aw.."
"Umm..Nuihza i siam lo..Mahse i naupantet aţang 'ka haw lutuk che' tih i sawi reng reng hian ka bul hnaia hmeichhe awm i ngaih theih loh vang ani ziah.." nui suk chung hian a rawn ti a.Ka hnial leh pang pang dawn a chu engmah sawi tur ka hre tawh lo! Ka hmui chip leh hmak a hmuh rual chuan a thawchhuak hawk a,A taksa si chet ah min pawt hnai a.
"Ka hrechiang che alawm..Hmeichhe naupang te i nih lai aţang tawhin ka ta chiah i ni a,Nang pawn i ta chiah ni turin min duh bawk,Chu thil chu i sawi chhuah thiam ţhin loh vang in hmeichhia min hnaih deuh tu i hriat rualin ka lakah i lungawi lo a,Tun ang chiah hian min huat thu i sawi pang pang zel.." a ti a,A tawp lamah a nui zui hawk a.
"I hre bawk lo..."
"Ka hrelo maw?Tunge hmeichhe naupang dang ka paw lai hmuh vang a thinrim a mipa dang zui ve ringawt kha..!" A rawn ti leh sup a.Ka ner nghal nawng mai!
"Kan la insual phah hrep leh nghal a.."
"Thil hlui i hre rei anih mai chu a.." ka ti hlak a,Mahse a sawi dik vek thung! Rachel ngei pawh ka thik!!!!
Ka taksa a kutsuih zawm chu phelh in ka ban dahngil zar chu a rawn ban a,A awmzawn ah ala kang a,A kamis hak kawrkilh chu nawr hawng in ka kut chu a lungphu zawnah a nawr bet vang vang a.
"Nangmah nen a kan hun hman ngaihtuah let chung khan lawm he lungphu hi a phut țhin! I nui hmel suangtuah reng chung khan he lung hi an che a,I țap lai,I tihtauhna ho tham tak tak suangtuah let chunga chak tura infuih thar reng chung in he lungphu hi a phu ve țawk țawk zel a..Engtiknge he lungphu phut nachhan hmeichhe duhthusam leh suangtuah zawng zawng ka tihpuitlin sak theih ang tih ngaihtuah chung khan ka bei a,ka lak a i thinrim ţhinna te kha ka ngaihtuah let a,Ka hmu leh a,A kiangah ka awm leh thei ngai anih chuan hman a a tihtauhna thil ang ah khan ka tihtauh nawn tir tawh ngai lo ang tiin i thil duh loh zawng zawng zawng te kha ka ngaihtuah let kim dap zel a." A nui che dat a!
"Rachel nen kan inkarah engmah a awm lo,Amah lam chu a rilru ka va hriatsak theih loh ang bawk in kei hi chuan inzawmna neihpui ka duh ngailo..Chuvang chuan thik tawh lo la..He in aţang i chhuah tur thu sawi tawh ngai suh.." a ti leh sup a.."I chhuak lui anih chuan he in zawk hi ka vaw ţhiat vek mai ang.." sehchilh zet a a tih leh tak ah chuan ka ner nghal nawng a!
"Ka uang lo...I tan ka sak ani a..A neitu ber in duh lo a a chhuahsan a,In ruak mai anih dawn ai chuan vuak sawm vek a țha zawk." A ti hluk a."I hamna lai hi a thip phian lehnghal a.." mit meng chimawm zet a min melh paha a tih leh tak ah chuan rang zet in ka kut ka la sawn a;Ka tawlh hla zui nghal zat bawk!
"Ka ham chhan che chu i hriat chian khawp kha. " ka ti hlak a.
"Kha ang chiah kha ti leh ta ila min ham leh tho angem?"
"Zothanmawi.." Melh nghek pah in kawngkhar lam ka pan vat a,Ka hnungah a rawn kal ve tih ka hriat rual chuan ka tlan ti tih a,hnung lam aţang a rawn nui hawk hawk ri chuan ka kawchhung thleng in a fan a.
"Khawnge Jayden chu i muttir a?" Ka hnunglam ţang ka darah a rawn kuah rual chuan ka ti vat.
"Ka room lamah.."
"Ok..Nu Liani bulah ka chhuk thla ve dawn.." Rawlthar nghal zet ang maiin ka kawngah a rawn man nghal chawt a! A khabe in ka bek a rawn nawr a!
"Ka hmai i ham khemna hi ngaihdam dilna min pek i tum miah lo ami a.." ka bek a nawr reng chung chuan a rawn phun sup a,Ka kawng a manna a ti nghet nghal salh bawk!
"Ngaihdam dilna a inpek theih loh aw.."
"Huh? Ka ngaihdam theihna tur khawp che thil min tihsak hma chu Zothanmawia hian a zar buai reng mai ang che.." nui suk chung in ka bek a nawrna chu a thlah a,"Jayden tih harh i hlau leh awm sia,Helam ah zawk hian.." a lehkhachhiarna room kawngkhar lam ah chuan a thle bak a,Ka lungphu a rang nghal dawt dawt mai!
"Nu Liani ka pui duh zawk.." Ka ti vat a,Ngeiawm zet hian a nui suk a.Ka hma ah rawn ding in a taksa si chet in min pawt hnai a.
"Helai hmunah hian ngaihdam dilna chu i nei duh ami?" Ka kut chu la in a casual pants hma zawn ah chuan a dah a!
"I va han nghal tak!" Min awm hnaih lutuk vang chuan a awm zawn ah ka phun hlak a,"Ka hreh miah lo ania.." a nui che leh dawt a chu a kut in ka kut a chet kual tir dan ah chuan a hreh miah lo tak tak ang tih ka hria a! A lungphu pawh a hma zawng aiin a rang tawh bawk!
☆☆☆
Class room chhungah naupang ho nen kan rik nak nak lai chuan kawngkhar kan kharphui ţhap chu a rawn inpawt hawng pawp a,Kan hawi nghal dawrh bawk!
Khawvela ka mihring beisei loh ber chu kawngkhar ah chuan a lo ding run a! Ka thinphu a rang nghal dup dup mai!
Naupang pawh an ngawi ţhup a,Ke a rawn pen luh rual chuan ka ţhutna ațang ka ding chhuak ve vat a!
"Zico.." ka ti nghal ţhat bawk!
A tawp chut a,Mahse a hmel landan buai nuaih leh thinrim insum tih hriat zet ah chuan ka lakah engtinemaw tak a che duh ang tih ka ring thiam nghal vek!
"Pawnlam ah kan inbe dawn nge heng naupang kiang ah hian.."Hawi kual thuak pah chuan a ti hluk a. Ka inhum ruh nghek a.
"Pawnlam a inbiak i duh zawk in ka ring.." ti nghut chung in a inher a,Naupang ho chuan min en kar hlawm mai! Vanneihthlak lutuk in Jayden te class a ka awm lai ani lo hlauh a!
Teacher pakhat chuan kal chhuak turin min mitmei zauh a.Engthil teh hrep nge maw a hriat a ka hnathawhnaah an unau nau a an rawn lan tak zut ni!
"I sawi duh chu sawi vat rawh.." car hunna hmun reh laiah a lo ding a,A rawn inher vut a,ka awmbawr aţang a melh thla dan dan a,Ka pawnfen fen in a khuh tawpna ah a mit a fu nghal chat bawk!
"Tenawm lutuk!"
"I la nalh reng anih kha.." a nui suk a,Rum zet hian ka melh a."Aw! I nalh telh telh zawk mawle.."
"Lisa in i kham khawp a pe na che nge!" Nui sang chung in ka en a,Ka kawchhung erawh amah huatna leh tenna vang in a so kual bulh bulh thung!
." Ka pa hnenah engthilnge i sawi chu ka hrelo..Mahse i thusawi chu a engapawh lo nise i ti ţha e!" A rawn ti a.
"Ka pa in ko leh tur che in min ti a." Ka hriat sual anih ring in ka melh reng a.
"Chuvang chuan i rawn haw leh angai ang.." ka kut dinglam a na chhah nghal tup mai! Zico ţhen suk chuan kut min thlak let ve mai dawn maw ka ti a,Mahse ro zet hian a nui ta suk a .
"Ka pa chiah in koh leh che a duh emaw i tih vang ani ngei a..Ka duhthlanna pawh a tel ve reng ania.." ka beng leh tur chu ka ban rek ah a lo man chawt a,A taksa ka ten zet ah chuan min pawt bet a!
"Ka ngai tawh che.." a hmaia ka bengbul rawn nawr tawk pah chuan a ti sup.
☆TE DOY 15K☆
Chapter 16
By
Abbra Reo Ririni Khiangte(Pitartei)
Ramsa bawlhhlawh lian zet in min khawihna nen a danglam miah lo!
"Tenawm lutuk!" Hma lam aţang a chhip samah ka ţham sak ta tâwk a,Thaw hawk chung in min thlah a,Ani hian eng ang mihring ah nge min ngaih a,Ka chungah khatiang khawp a rawng leh tenawm khan a che a,Ka hriat lai ngeiin Lisa chu a hmeichhe hmangaih anih thu sawiin diriam tak in a hmanrua mai ka nih thu min sawi khum bawk! Tunah let leh turin min duh a maw,Chu thil chu ka mangchhe ber ah pawh thleng lul suh se.
"I kut hmawr pawh a min khawih leh anih chuan jail chhungah i lut tawh ang.."Ka thinrim lutuk vang in ka aw chu a khur a,Zico lo nui suk chu insum hman lo in ka bula lungtum awm chu ka chhar nawlh a,Ka vawm zui pawp mai!
"Babe..?" Tenawm lutuk,A ban bulah ka vawm fuh a,Ka lungtum chhar kha te chhe tak anilo,A na khawp ang!
"I pa chu lo hrilh la, rawn let tumna ka nei tawh lo.." rum zet a melh pahin ka inher hmak a,Mahse hneh lutuk a ka banreka a rawn man beh rual chuan ka taksa hmalam ah a ban a rawn suih zawm hmiah a. "I la rawn let dawn tih hrereng rawh..Ka hnenah ila rawn let dawn.."Ka beng chu a hmaiin a rawn nawr a,Ka tal zui nawk nawk a,ka sam kar aţang thawk la ham ham pah chuan a rum chhuak hawk a!
"I tan mipa hmasa ber ka nih vang ngawt pawh khan nang hian min kalsan hlen thei bik dawn lo."A nui chhuak hak a! Ka thinrim lutuk chu ka puak darh thei mai dawn in ka hria,ka awm zawn hi a tawt tup tup a!
"I bul a rawn let leh ai chuan thih ka thlang zawk.." min kuah behna a thlah dul ruai ruai a ,Rang zet in ka tal hrang nghal vat a!
"I duh hun hun a i sual luih ţhin hmeichhe lakah kha thu sawi chhuah i zak miah lo te kha i fakawm ve reng reng e...Chuan,Ka nunah hian awmzia pakhatmah i nei tawh lo a,I lo la hriat loh tak in keipawn mipa hmangaih ka nei ve tawh." Nui lui sak chung in ka en a.
A hmel chu a dang hlawk maiin ka hria!
"Ani bulah chhuan ka hlim a,Nang ang lo takin ka taksa chiah a it ve lo bawk,Hmanruaa min hmang tura i hmeichhe thurualpui nu nen khan hlim tak in awm ang che u."
Class lam pana ka kal hlawk hlawk chu ka hnunglam ațang a rawn au zui leh tuarh a! Ka ke pen ka tawp chawt a!
".......... A dik em? I pasal ka lo nih tawhna vang tal pawh khan min thlakhlelhna i la nei ve tho! Engtik ah maw chuan ka hnenah ila rawn let leh dawn.."
Mangchhia ah bak chu thil chu a thleng tawh ngailo ang tih ka hriatchian em vang chuan ka eng ah mah a thawk phalo, chak zet in ka pen hlawk hlawk a,Khawvela mihring zahna tlachham ber a ni hial ta ve ang!
Zothana'n motor hunna ah min nghah tawh thu a rawn sawi a,Jayden school bag ka khai a,Naupang dang pawh an chhungten an rawn lam sap sap a,Jayden pawn a ţhiante chu kut vai ve lap lap chungin an in au ve lang lang hlawm a.
"Mum,Apa motor ang hi min leisak ve rawh aw." Jayden chuan a rawn ti a,Ka nui chhuak nghal hak bawk.
"Apa motor ang te chu i thawhchhuah in ila lei ve dawn a lawm."
"Apa ka dil mai ang.."Ta hram chuan leh..
Kan hma a bolero dum inhung run kawngkhar chu a rawn in nem hawng a,Zothana rawn chhuak vut chu ka fapa chuan tlanchung in a pan nghal tarh tarh a,Shirt dum a ha a,Jeans kekawr pawl a ha leh bawk,Amah hi a nih vuah vang hian a langsar em em reng zel a,A kekawr kawng a kawnghren dum hlap in hreng phei chu ka fapa a pawm kan nawlh rual chuan a lang ve zauh a! An pahnih in pawm reng lam pan a ka kal chu min eizawh vek mai hlauhawm khawp a chiang hian min lo en ngur a!
'A landan chu a pa lutuk a ni tawp mai!'
A bul ka thlen phei rual chuan min lo nuih suk a! A bulah hi chuan hahdamna zawng zawng hi ka nei a,Zicoa'n ka taksa chiah it chunga min melhna mitmeng verther leh ţawp zet ang kha a mitmeng ah hmuh tur a awm ve ngai lo a,Aaaa.. Zico leh Zothana chu tehkhin chi pawh an nilo,Zothana chu mipa diktak ani a,Zico erawh in la mipa chawp mize pu ani thung!
"I chau em?" A rawn ti sup a,Lu ka thing a,Ka luhna turin motor kawngkhar chu a pawt hawng a,Jayden pawm reng chung chuan nghal deuh,midang hmuh loh tur si hian ka beng a rawn nul thuak a, ka mur nghal sang sang mai!
"Apa, KFC ah chawl ang."
"Ok..motor ah hian lut ve phawt ang le."A ti hluai a,Motor hmalam ah an awm tawh,Zothana hawi vut na lam chu ka en ve vat a,Ka insehruh nghal țeuh mai!
Kan lam pan in Zico pa,taksa chak vak tawh lo leh Zico chu an rawn in zui phei a,saw mihring ver vek lutuk sawn eng thil nge a rawn tih leh dawn??
Bolero ațang chuan ka chhuk vat a,Zico pa zawk chuan min nuih suk pahin Zothana taksa a Jayden bet ve țai lam chu a pan ding a.
"Bawihpui;Ka zin lo haw laiin in ah ilo awm lo a. " Dam dap in Jayden chu a bia a,A hnunga mipa ding ve ngul chu ka melh nghek thung!
"Apu.."
"Awi ah,Apu hian toys ka lo hawn che ania,Nanau nen kawr inang ka lo hawn bawk che u a.."A ti leh sup a,Jayden chuan a kutțang te reuh te chu a hmet ve niap niap a;Zothana hmel landan țang țeuh ka hmuh takah chuan an pahnih bulah chuan ka ding ta vat a!
"Dindin,Kan inbe lawk dawn mi niang.."Ka pa bawk chuan a rawn ti leh a,Zothana chu ka melh zawk a,Ka pa hnunga mipa ding lam chu a melh run a,Zico chu ka en ve vat a,Engthil tehhrep nge a hriat ka hrelo, Zothana chu nuihsawh hmel pu zet hian a lo en ve run a!
"Haw kan lo tum chiah a.."Ka ti sep a,Diktak chuan ka pa hi ka zah ve a,Lisa leh Zico inzui tam thu a hriat ţum pawh a min ngaihtuahna mitmeng a min en tu ka neih awmchhun ani hial bawk ang,Mahse a fapa rilru ţawp zet hian ani pa rilru ţha lutuk hi a hmanrua ah hmang in in lama min hruai let leh turin a lo hmin der thei a,Chuvang chuan amah nen pawh inbiak luam ka chak lo!
"A rei lo ang,Vincent,I duh chuan hetah hian lo nghak la,i farnu hi ka lo be lawk ange." A ti sup a, 'Farnu' tih thumal vang chuan Zothana chuan nghet lutuk in kut a hum ruh a! A bekruh zawn a pawng nghal ţalh ţalh bawk!
"Kal ila " Ka pa bawk chuan a ti leh sup a,Chhan mai dan tur pawh ka hrelo! Zico lah chuan 'Nichina ka sawi kha theihnghilh ngai suh!' Tih melh hian min lo melh ve reng a.
"Pa,Jayden hi a rilţam tawh a..." ka ti sep a.
"Oh,Bawihpuia pawh hruai tel ve ila ni mai alawm.."Ka pa bawk chuan a ti leh a,Zothana insehruh țeuh mai chu ka hmaizah kher mai,Zico zawk in Zothana lak ațang Jayden chu lakhran a tum a,Jayden chuan nghet lutukin Zothana nghawngah kut a suih bet nghal tlat a,A hmai a thukru a,A rawn dak chhuak leh tawh lo hrim hrim!
Ka pa zawk chu a rum nghut a.
"Nangmah kha ka be lawk mai ang che,A reilo ang.."Min en leh a,Ka ngaihtuahna an va tibuai pafa teh kher em!
Pre-School bula cafe ah kan lut a,Ka taksa hnaih chet a Zico rawn țhu chu a hmaiah tak lo ham leh nawk mai hi ka chak a,A pa em awmlai a chutia chet chu thil dik lah ani ber bawk silo.
Zico nen kan hmachhawn zawng in ka pa chu a ţhu a,Kei leh Zico chu min melh dun zawk in thawk a la leh hap bawk a.
"Eitur i chah dawn mi niang?" Zico melh pah chuan a tisup.
"Pa,Ka hmanhmawh ka tih kha.." ka lo ti ve vat a,Ka fapa leh khawvela min ngaihtuah ber tu ka kalsan a,Rei tak an pafa bulah hian ka awm thei lo hrim hrim!
"In nufa in rawn let leh turin ka duh che u.." ka pa chuan a ti sup a,Nghet zet in dawhkan hnuaiah chuan kut ka hum ruh a!
"Nupa kar loah naupang an țhanlen ka phal ngai lo a,Nang pawh ka monu ang nilo in ka fanu ang tak tak in ka en che a,chutiang bawk in i fapa pawh ka hmangaih em em bawk,Nu leh pa karah lo a ţhanlen hi ka rem ti ngai dawn lo a,Ka fapa hian i chungah thil sual tam tak tih a nei ang tih ka pawm bawk,Mahse khawngaih tak in a thil lo tihsual tawh chu ngaidam la,In nupa inkar chhe tawh hi siam țha leh rawh u.."A ti dam dap a.
Chhan mai dan tur ka hriat loh ang bawk in ani kum upa taksa chak tawh lo lakah țawngkam dengkhawng leh a fapa laka ka rilru put dan zawng zawng sawi khum vek lah thil tih chi ani bawk silo.
"Tunah hian ka lung hian hna a thawk mumal tawh lo a.." rilru nat hmel zet a a rawn tih leh rual chuan ka meng nghal kawk a!Ka bula Zico ţhu ve reng chu ka melh a,A lo bu nghut bawk!
"Pa.."
"Ni e,Tun țum khan inenkawl turin ka awm bo char char a chu mihring thiamna in awmzia a nei tawh lo a,Beidawng in kan rawn let leh anih hi..."A ti hap a,Ka khawngaih kher mai!
"Ka hun tawp lamah tal hi chuan rilru thlamuang tak a awm ka duh a,In nupa inkar ka hriat ve rual khan ka na a,I lakah ka inthiam lo tak zet bawk,Mahse Dindin,I pa ang tak tak a min lo ngai ve anih chuan rawn haw leh rawh u,Kei putar thi mai tawh tur hi rilru hahdam tak a min awm tir thei tu chu nangni nufa chiah hi in ni tawh,Engtinnge ka tupa pa tello in a khawsa tih hrereng chung in ka hahdam theih ang.."A ti a,Ka thawk lak a sak ţalh a,Zothana hmel pa zet ka mitthla ah a rawn lang a!
"Jayden hi Zico fa ani hleinem ..."Ka ti sep a,Ka pa chu a thaw ham ham a! "Ka fapa chiah ani a,Zico pawh in fa ang in a en tawh lo hrim hrim bawk,Chuvang chuan Jayden avang chuan i rilru buai duh suh se.."Ka ti a,Ka din chhuah rual chuan Zicoa'n rang zet in ka ban ah a lo vuan nghal chawt a! Ka phih let nghal nawk bawk!
."Ka sawi kha a diklo ami? Kut min thlak te leh ka chunga rawng tak tak a i khawsa kual kha chu an liam tawh a,a siam țhat theih tawh loh bawk.Chu tih rual erawh chuan ka fapa hlau thlabara i siam vang leh kut thlak duhna hial rilru i put vang khan ka ngaidam thei tawh ngai lo ang che.." rum zet a melh pah chuan ka ti a,Ka pa lam ka hawi a,A sawi dik ang! A hmel ah pawh a natna chu a lang chhuak a! Ka thusawi vang pawh chuan a na zual sauh tih ka hre bawk! Mahse a fapa nunrawng lutuk bulah hian ka cheng thei tawh ngai lo ang!
"Ka kalsan mai ang che u.."Zico awmlohna lam ațang ka kal chhuak hlawk hlawk a,Patling kal mai tawh tur min ngenna ka tihpuitlinsak thei lo chu pawi ka ti a,chu tih rual erawh in mihring ve tho ka ni a,ka chunga thil thleng zawng zawng kha ka ngaidam thei biklo.
"Babe.."Hnunglam aţang ka ban bulah a rawn hmer chawt rual chuan ka bag in ka hlap zui pawp a!
"Zico,i ropui hle mai,I pa nunna tawi tawh tak chu hmanrua ah hmang in ka rilru hneh theih i inring bawk a. "Ngeiawm lutuk in ka nui chhuak hawk a!
"Ka pa khan ka ngenna vanga rawn bia che anilo. "
"Oh! Ani maw?"
"I chunga ka khawsak dan kha dik ka tilo,Mahse...lo haw tawh rawh,In nufa tello chuan ka kim biklo..!" Sawi chhuah harsa a tih hmel kher mai!Mahse ka nuihzat tawh zawk!
"Chu thu chu Lisa bulah i sawi dawn nia..!" Tih hmak pah in ka kalsawn zui nghal hlawk hlawk a,Dawheh lutuk,Ka taksa bak it ngailo tu khan kan nufa tello a a kim bikloh thu a sawi leh si a maw?Hah! A â ta thut thusawi ah ka ngaihsak tawh mai ang!
Zothana motor hunna chu a hmuh theih tawh a,Pawn lamah a ding ngul a,Driver side kawngkhar chu ngheng in lei lam a bih ngur bawk!
Ka pan hnai zel a,Vawikhat pawh rawn hawi chhuak lo in a din dan ngai chuan a ding khawng luah a,A ngaihtuah bing hle a ni ngei ang,A hnaih tak ah ka awm tawh chung pawn ka thawm chu a hrelo!
"Zothan?" A darah dimte a ka khawih rual chuan a rum chhuak hrawih a! A dar tihrâwl chu a ţang nghal ţeuh bawk! Galss aţang chuan chhunglam ah Jayden games khel chu ka melh leh zeuh a.
"Ka rei em?" Ka ti leh sep a,a taksa chu a che vut a,Ka kawngah a ban rawn rawlh lut in bolero bang ngheng chuan min nawr bet chawt a,A hmel țang ţeuh leh sen țan mai ka hmuh chian rual deuh thaw in a hmui lum in ka hmui a rawn nawr a,Min fawp nghal buan buan hi ani tawp mai!
A aia na a ka hmui rawn nawr pah chuan a lei in ka hmui a rawn nawr kau a,ngenngawl lutuk in a che zawm tawn tawn a,Chhan let ve ngaihna pawh ka hrelo,A lei thuk zawk a luh tir rual te chuan ka kawchhung thleng hian a sa vek a,A lungphu dup dup chuan min nghawr dawt dawt bawk!
Thaw ri hawk pahin a in la hrang a,Ka hmui zawk pawh a sa huam huam thei!
"Ka farnu i nilo!" Nâ tuar hrep ang chiah hian a rawn ti zui tâwk a! A kutphah in ka biang a rawn khuap lum nghal vek bawk!
"I hria em?Ka farnu i nilo.." a chal in ka chal a rawn nawr a,a mitmeng zim lam mah chu hmuh hrehawm khawp in a meng thip ram bawk! A taksa chu a ţang tih piahlam ani! A sa vung vung a,A thaw ham ham reng bawk!Zico pa thusawi kha a lo la nâ hle anih dawn hi!
Dimte in a biang sen țawn țawn maiah chuan ka khawih a!
"Sawi rawh,Ka farnu i nilo!" Seh chilh zet in ka hmai bulah a phun leh nâwk a! Ka thaw nghal halh bawk!.
"Umm,I farnu ka nilo.." ka ti a,Ka chal si reng chung chuan a aia nasa in a insehruh a!
"Ka farnu nilo in ka hmeichhe hmangaih,Ka engkim i ni.." inthunun tum tih hriat zet a a aw ri chhuak hrawih mai chuan ka hriatna thazam hi a man nghal sung sung mai!
"Ka sawi chu i hria em?" Amah vek chuan a ti leh sup a.A aw hriat a hahdam ta deuh!
"Umm.."
"Ka tan engnge i nih.?" A rawn ti leh a,Ka nui hak a,Mahse thutak zet a min en ve run tak ah chuan ka hmui hnuai ka pet zeuh a.
"I hmeichhe hmangaih leh i engkim..!" Ka tih sep rual chuan a thaw ta huai mai! Mahse in la hrang ta mai lo chuan ka darah a chal a rawn nghat a,A awmdan chuan min ţhawn rual in min hneh ngawih ngawih thung!
"Ka hmangaih che.." a ti sup a! Ka kawchhung hi a che dawt a,Ka kawrhak nghawng in a khuh loh chin ka nghawng chu a hmuiin a rawn nawr leh a,Zawi te in ka thawchhuak nghal riai riai bawk!
"Apa.." Ka nghen mek glass a rawn in down rual chuan rang lutuk in Zothana chu nawrsawn ka tum a,Bolero bangah min bawh bet tlat a,Chu mai pawh nilo in kan awmna hi inchhung nilo in khawlai,Motor hunna hmun ani bawk!
Jayden chu a nui chhuai hak a,Zothanmawia lah chuan a awmdan ti danglam hlek lo in min nawr bet tlat a,Ka darah a khabe nghat reng chung in motor chhung lama ka fapa chu a nuih suk a.
"Mummy hi a kalbo ka hlau a,Ka man bet tlat anih hi.."Zothana'n Jayden be paha a tih rual chuan a nakah ka țham sak tâwk a,A nui chhuak hawk a,Jayden lah thil engkim hrethiam ve hauh silo in za zet in a lo nui ve hak hak a!
Kei bolero bang a min nawr bet reng chung chuan motor chhung lama ka fapa nen an infiam ta reng a,Keipawn nawrsawn ka tum tawh biklo,Hetiang khawp a mihring min thlahlel tu leh ka nih ang ang a min pawm tu hi piang nawn leh ta ila emaw,Khawvel dangah pawh awm mahila ka nei leh tawh kher lo ang!
Jayden chuan a kut a thawh zauh zauh tih hriat zet in ka sam a rawn khawih tel a,A landan chuan Zothana'n a kutțang a seh sak hman loh zel in a kut a pawt let ve a,Mipa lianpui,Ka laka pangchang ve em em reng lah chuan kan awmna khawlai ani tih ngaihtuah hlek lo in a chhaih zawm ta zel a,Dimte in a kawr tlang ah ka pawt a,A nghawng vun lang uk kharh mai chu Jayden hmuh theih loh turin ka hmuiin ka nawr sak a! A hre rang kher mai!
A hmai in ka beksam a rawn nawr tawk a!
"I thiltih khan engtiang nasa in nge nghawng a neih i hria em?" A rawn ti sup a,Ka nui hak a! Engmah thleng lo ang maiin Jayden a chhaih zawm leh a,Mahse a jeans kekawr kap zawn rawn puar ul chuan ka dul a rawn nawr na zual sauh a! Kan awmna hi khawlai nilo phei se chuan....!!!!
Zico's pov
Puitei ka um zui a,Ka thil hmuh vang chuan ka thisen hi tui chhuanso so bawrh bawrh ang chiah in a lum a,Nghet lutuk in kut ka hum ruh ta nghek ringawt a!
Kha Vincent phiangsena khan duhthawh zet in a fawp tawn tawn a,Zahpuiawm lutuk! Khawlai ah leh zel pawh sawtiang sawn an che duh ania!
Inthlahlel tih hriat zet a an indin chilh chu harsa zet in ka inher san a! Ka ngaihtuahna hi a buai vek ani ber! Keimah ah a rawn let leh theihna tur anih phawt chuan engthil pawh ka ti vek mai ang!
Cafe lamah chuan hmanhmawh lo zet in ka let phei a,Puitei khan min haw hle tih chu a mitmeng ah khan ka hmu vek a,Ni e..Ka chetdan tam tak vang khan huat ngawih ngawih tham chu ka ni meuh mai!Mahse,A kal hnuah chiah khan ka nunah a lo pawimawh hman zia ka hre chiah a! Kha mihring nen khan hnaih tak in an awm dun tur anilo hrim hrim,ka ta ani a,Ka ta ani reng bawk ang,Engti kawng zawng pawn nei let leh turin ka bei mai ang!
"Ka pa,Ka hruai let ang che.." a rawn dak chhuak a,A mitmeng ah chuan a nâ hle niin a lang!
"Puitei rilru kha hnehsak leh tum ang che..An awm hran rei ka phal hauhlo a nia."A ti sup a,Ka duhthusam ber ani reng bawk!
Ka pa inah ka drop hnu chuan Office lam pan in ka inkhalh leh nghal a,Ka ngawih vung vung lai te chuan Vincent nena an infawp lai bawk kha ka ngaihtuah let a,Steering chu ka chum zui ta pawp pawp a,Ka taksa chhung hi a tawt in thinrimna in ka khat a! Tuna ka mamawh ber chu Puitei kha ni! A hma ang khan keimah chiah atan mipa ka ni leh a nga,Hlimna a neih ang zawng zawng kha ka pe leh vek bawk ang!
Insehruh țeuh in jam ah chuan horn chu ka hmet ri tuar tuar a! Keiin a taksa ka khawih ţhin ang chiah khan kha mihring phiangsen khan a khawih ve a nga..Huh! Dahțhat a țul dawn anih pawh in ka ti hreh hauh lo ang!
Office chhung ka luh rual chuan ka mimal hna khawih tur a ka chhawr ber ţhin bungraw thiar ţhin lama mipa pakhat chu ka ko nghal zat a! A rawn luh hun nghak chuan ka cabin bik ah chuan ka vei kual sek a! Motor bangah Puitei taksa si chet a nawr bet chung a a fawp tawn tawn lai kha ka ngaihtuahna aţang ka dahbo thei miah lo bawk! Dawhkan chu ka hnek leh țawlh ţhin a, kha a taksa nalh tak leh mi hipna ngah em em mai kha ka ta chauh ani tur ani!
"Boss.." ka cabin kawngkhar bik a rawn in hawn rual chuan ka rum chhuak hawk a!
"He pa hi zir chiang la,A awmfal hun leh a hun hmandan zawng zawng lo hriatchian tum ang che.." ti nghut pah in Vincent-a thlalak chu dawhkan ah ka theh thla a,Thlalak hnungah chuan a awmna address leh a clinic awmna hmun chiang tak in a inziak thlap bawk.
Ka mi chhawr tur pa chuan dawhkan a thlalak chu a ban a,A melh vung vung a,"Chet hun ka tih a chet lak theih nghal turin tun ațang khan uluk takin thlithlai reng ang che..A bulah mipa naupang leh hmeichhia i hmuh tel zawh in an thlalak min rawn thawn bawk ang che!"ka ti sup a.A bu nghut a.
A kal chhuah hnu pawh chuan ka la hahdam thei chuang lo,Ka thisen ti lum zual turin an pahnih khawsak dan kha ka ngaihtuah let zat zel a,Puitei hmui nem thep leh ka chhung sa ham ham mai suangtuah reng chung chuan chair ah ka țhu thla hnawk a! A taksa nalh zet leh vun mam hen mai ka ngaihtuah a,Ka kut ngeiin khawih ang a ka insuangtuah rual ringawt te chuan ka mipatna a rawn tho țual ţual a! Tunah hian ka bula awm turin ka mamawh tak zet!
"Babe,Vawiin chu ka duty a ngai lo a,Min kal chhuahpui la.."Ka cabin kawngkhar bik rawn inhawn ruala Lisa rawn pen lut chu ka melh zawk a! Ani nen kan inkar pawh hi chinfel vat angai ang!
"Ka buai rih ." Ka ti sup a,Dawhkan a file pawimawh na nei lem lo chu ban in ka keu kual nghal thuak thuak a,A hma ang in ka thlahlel tawh lo a,Fa neih a, chhungkaw pangngai tak min pek duhna rilru a put ngailoh vang pawh ani mahna!
"Vawiin chauh.." ka file keu lai rawn pawh sawn pah chuan a rawn ti leh a,Dawhkan ah a bag a nghat a,A ban pahnih in dawhkan chu rawn nem in ka zawnah tak a rawn kun hniam zui nghal zat bawk!
"Lisa ,Ka buai rih ka tih tawh kha.."Ka ti hluk a.
"Ka rawn luh hma a i thil ngaihtuah ka hria ania aw.." nui rah chung in dawhkan rawn bawh liam ti tih pah chuan a rawn ti a,Za lo zet hian ka nui ta suk mai! Puitei taksa nalh zet khan min turn on a,Ka suangtuahna nuam tak rawn ti che tu ani bawk!
"I game chu engpawh nise ka chhuahpui hman lo ang che.."Chair ngenchhan ngheng in ka ban pahnih chu ka tukhum ah ka suih zawm a! Lisa chu kawngkhar lamah let lehin kawngkhar chu a lock zui ta thlap a,Cabin hma lam a darthlalang bang a curtain pawh thlak mai theih chu pawtthla leh pahin min rawn nuih sak a!
Amah nilo in hmeichhe dang ka suangtuah tih hria se zawng a lawm hauh lo ang!
Shirt mar zet a ha a ,Jeans kekawr carrot cut a taksa phuar zet a ha bawk a,A mawngbawr chu vum țha tak ani mai! Ka dawhkan chu rawn kal hel pahin a tlang chu a kutţangin a rawn chul phei zan zan a!
"Tinge i lo suangtuah reng chu a tak kan chantir mai loh ang!" Nui sak pah in a kekawr kawng kilh a phelh a,Ka phur teh chiam lo a,Chutiang bawk in ka hnial hran lo bawk! Puitei ka suangtuahna vang khan ka taksa hi a puak darh lo chauh ania! Lisa rawn chetdan hi a reh dan țha tak tur pawh ani mai thei!
A kekawr a hlih thlak vek hnuah ka ţhut reng na hma ah chuan a rawn ding nghal zat a,Rawn kar zauin ka malchungah a rawn țhu kai a,Panty dum chiah a ha tawh,Ka mipat na zawnah awmze nei lutuk in a rawn che kual vel a,Amah zawk a si ham ham reng a,Ka thawk a rang ve ta phat bawk! A mawngbawr chet reng chung chuan ka kut a rawn la a,A awm bawr min țham tir tawn tawn pah chuan a rum ham ham reng a!He pindan chhungah hian a duhtawk in țe vel pawh nise pawn lamin kan thawm an hre thei lo hrim hrim!
Ka hmui ah a rawn fawh tawn tawn rual chuan chet ka la ve vat a,Ka kekawr kawng ka phelh nawk nawk a,Lisa pawh in ka kekawr chhanah a rawn dap kual ruai reng a,Vincent leh Puitei duhthawh zet a an infawp lai kha ka mitthla a,Ni e..Ka hmeichhe khawih lai mek hi Puitei ang in ka suangtuah leh tlat tawh! Si ham ham pah a ka mipatna thunun harsa khawp a danglam tawh rawn vuan tu chu ka chawikang hlek a,Amah zawk in a taksa chhunga ka luh theihnan a panty a pawtthla leh a,Dimte in a taksa chungah a nawrlut riai riai a! Puitei kawchhunga ka luh a lum ham ham ţhin ang kha ka ngaihtuah let a! Ka rum nghal hawk mai!
Chair nghenchhan chu ka ngheng a,Zei lutuk in a taksa a chet zawm a,A khelah ka vawn theih nan ka kut a rawn ban ţawk țawk bawk! Nuam ti a ţe thawm te chuan Puitei ka khawih rak ţhin lai bawk kha min ngaihtuah let tir a! Vincenta'n a taksa nalh zet nawr bet chet a a fawh tawn tawn lai khan ka thisen a rawn ti lum a,Thinrimna in ka khat ta bawk! Zo zet in Lisa chu ka pawm kang nawlh a,Dawhkan chung ah ka nghah rual in a mal in ka kawng a rawn kherhbet ta chat a!Dimlo zet in dawhkan awl laiah chuan ka nem mu thlap a,A nui ri nghal hak bawk!A taksa nem lai chu ka kutzungpui a nawr beh pah in ka nuai sak nghal nawk nawk a,A eu ngawng ngawng a,A thaw ham ham reng bawk a! Uar leh zual a ka kut ka chet leh meuh chuan țe tung chung in duhtawk turin min rawn hrilh a,Ka nui nghal suk thung! Ka hmeichhe mamawh ngawih ngawih suangtuah chung in ka che zui ta buan buan a,A țe ring ngang mai bawk!A hnute ka hrawm sak tawn tawn reng a,Hnuai lam pawh na leh zual in ka chet zawt zawt reng bawk!A taksa kan in min rawn nawr let tal tal reng a,Puitei biangsen tek leh mitmeng phelh phang ţhin kha ka suangtuah a! Tunah hian a ma taksa zawk kha ani ka khawih ni! Nuam lutuk tawn tir tum in ka che uar leh sauh a! Ka hming lam a rum ham ham ri chu ka hre mumal mang tawh lo!
Ka kawchhung lam a rawn sa huam huam a,ka thisenzam te thleng hian a rawn danglam a,Na zet in a taksa chhung ah ka nawr lut leh nawk a! Ka thaw zui hawk hawk bawk! A taksa ah ka bawh thlawp rual chuan ka suangtuahna a hmeichhe awm bawk hming ka lam chhuak hrawih a! A bulah hun hman a,Duhtawk a a taksa kha khawih leh ka chak tak zet!
Thinrim zet a Lisa in ha țha nghal sawk sawk chu ka kekawr kawng siam ţha chung in ka en a,A thinrim bawk aniang,A ke chu a kekawr ah a thun lut hlei thei lo a,A phih sawk sawk a! Tun maiah khan hmeichhe dang suangtuah chung in a vawr tawp ka thlenpui a! Lawm tur chu ani hauh lo!
"Ka haw lutuk che.." ka dawhkan a thil awm chu a ban in a rawn hnawl thla pawp a! Tukverh bul aţang ka en run ringawt!
"Kha hmeichhei kha ka that khawp ang.." a ti leh tuar a,Ka pan hnai lai ka hrelo,Hnai chet chawt ah ka melh a.
"I kut hmawr pawn khawih suh ang che..Fapa duh ni la chuan ani nen khan kan in hre ngai lo ang.."
"Zico..?" A rawn au tuarh a.A ţap nghal pur bawk!
"Lisa,Duhtawk teh.." ti hluk chung in ka inher hmak a,Ka hnung aţang min la rawn kuah leh ang lawi a!
"Ka hmangaih che.." a ti ţiau a!
"Min hmangaih chuan ka fa i pai duh tur ani,Fa neih i duh bawk silo.."
"Fa kan neih vat te chuan hun nuam tak kan hmang reng thei nang..Khawngaih in hetiang hian awm suh,In nei ang,Fa tello in nupa a hlim theih zia ka hriattir bawk ang che.." ka hnunga bei reng chung in ka shirt hak chhungah a rawn zen lut a,Ka awm vel chu a chul kual hauh hauh reng a! A lakah tiang a ka hel ta thut hi dik ka inti biklo,A hma kha chuan hmangaih niin ka inhria a,Ka hmangaih ngei bawk ang,Ka tan hmeichhe hmasa ber anih vang ngawt pawn a chungah hian sual tur ka nilo tih ka hria..Mahse ani tel in ka ngainatna a tlahniam tial tial a,Kan inkar kha inhmangaihna vang nilo a taksa in it tawnna vang chiah anih rin mai chang lah ka ngah tawh!
"Kal rih rawh.." ka ti sup a.
"Fahrah hmeichhia vang mai mai a i danglam hi ka ring thei lo.."
"A chanchin sawi chu duhtawk la kal tawh rawh.."
"Zan in ațang i inah ka rawn insuan lut dawn." A ti a,Ka che vat a,Ka taksaa a kutsuih beh chu ka phelh sak nawk a.
"A țullo.."
"Oh..Min dang thei lo ang,Ka rawn insuan lut dawn,Chenpui i nei țhang a,I neilo ta thut hian a ti â tawh che anih hi,Kha hmeichhe hnuaihnung zet i ngaihtuah zui reng dawn ai chuan ka rawn insuan luh a ţha ber ang.." dawhkan chung a bag lak tauh sawk pah chuan a ti a.
"I chahbi spare ka nei tho a,rawn haw hma kher i mamawh lo ang." Nui sak chung in kawngkhar lock chu a hawng a,A kal chhuah rual chuan cement bang chu ka chum zui țawlh a!
Ani pawh hi a hnawksak ta dawn riau mai!
Nithum a liam leh tawh a,Ka mi chhawr in Puitei te nufa leh Vincent te lengchhuak lai thlalak min rawn thawn ho chu dawhkan ah ka pharh hnawk nuaih a! Thlalak tin mai ah chuan Puitei a nui sang vek a,Vincent phiangsena khan inti neitu zet in a kawnga a kuahsakna a awm tel țeuh bawk!
Thinrim zet in thlalak ho chu bawlhhlawh bawm ah ka vawm lut vek a! Vincent sawi ang tak tak khan ka nupui hi a lo hmangaih ve anih chuan dahțhat dan ka zawng zui mai ang!
Office ațang ka inkhalh chhuak a, Cafe ka tlanpelh zet tawh darthlalang chhan a hmeichhe țhu ka hmuh vuat rual chuan car chu ka ti ding chawt a! Ka hawi let a,Puitei leh Jayden chu Jayden~a ngainat ber French fries eiin an nui dun hak hak a,Cafe kil lam darthlalang aţang lang thei chin chiah chiah ah an țhu a,Jayden a nui ve hak hak ka hmuh rual chuan ka lo țhen ve sak a! Ani khi engtinnge ka thisen anih loh theih! Ka naupanlai thlalak nen a landan khi a danglam lo a,A mize bul vut leh thu duh ve tlat dan lah ka mizia nen a dang miah bawk silo!
Lisa in DNA test result min pek tlai khan ka â vek ti ila a dik ber ang,Ka birthday anih vang in hna aţang in lam panin hma takah haw ka tum a,Lisa in ka kiangah hun hman duh viau mahse hmanruaa ka hman mai mai hmeichhhia,kut ka thlak reng leh a duhloh chung ka khawih luih ţhin kiangah khan ka awm chak muai vang in Lisa min beiseina leh Hotela min kohna kha hnial ka ni bawk.
Mahse ka hnial hnu lawk ah amah kha ka office ah a rawn kal a,DNA test result kha min rawn pe a! Min shock lutuk vang khan reife chu office ah ka inkhung bo ta reng a! Ka fapa nia ka lo rin ţhin kha midang fa lek a lo ni a..Puitei kha ka hmangaih lo a,Chutiang bawk in ka țhen tur tho ani a,Jayden ka fapa anilo te kha lawm zawk tur ka ni bawk! Mahse ka rilru buai lutuk tih reh tum a zu ka in khan ka thisen a ti lum zual a! Insum hman lo lek in kha zan khan ka che chhuak ta reng bawk anih kha .
Car chu ka hung țha a,An nufa la nui dun hak hak chu melh leh zawk in cafe chhunglam ah chuan ka lut ve a,Ding tak in an țhutna lam chu ka pan zui vat a,Jayden hmel chiang tak in ka hmu thei a,Puitei erawh in min la hnungchhawn thung! A sam nung sar leh buang tle siau mai chu a thlah hnelh a!
Mipa naupang nui hak hak reng leh French fries mal a ka chhunga thunve zauh zauh in min hmuh rual chuan a hmel landan a dang vek a,Ka sawi thiam lo..A sen nghal vek hi ani mai!
"Mummy!" Hlauhna tel chul chung in Puitei chu a au ta chul a! Ka thaw hawk bawk!
Puitei rang zet a che chhuak chuan Jayden chu a kuah bet vat a,Min rawn hmuh ve takah chuan a min huatzia thup tum miah lo khawp a mitmeng thip zet hian min rawn melh a! Chu thil chuan min ti na hle bawk!
Ka biak duh lo a an nufa inpawm chhuak hlawk hlawk chu ka umzui ve zel a,Hetiang tak hian Jayden hian min hlau ang tih ka beisei ngai lo reng reng!
"Babe,ding teh.." a darah ka vuan a,Jayden chuan a nu nghawngah hmai thukru in a ip zui chawih chawih a.
"Zico,I kal bo thei tawh em..Ka fapa hi hlau thlabar in rawn siam tawh suh.." a ti zui hlak a,Jayden veng thawng lo se chuan min au khum ring ngawt ang!
"Tih hlauh ka tum lo.." ka ti a,Rum zet hian min rawn melh a.
"I ti hlau tho alawm.."
"Khawngaih in min hlauh tawh loh nan engemaw tal ka tih phal rawh." huh! Khawngaih tih ka hmang anih chu!
Za lo zet in a rawn țhen sak a,He a mizia hian a lawm min țhawng ţhin,Rawng tak tak a chungah ka chet țhin lai pawh khan chaklo tak ang in a awm duh lo a,Min bei let ve ngat ngat ţhin!
"I buailoh na turah hian i buai peih lutuk!" A ti leh hlak a.
"Ka thil tihsual tawh zawng zawng kha siam țha leh turin hun min pe la.." ka ti halh a,Ka sawi tur ka sawi zawh hma in ka phone a rawn ri a,Puitei kalsawn tur chu a ban ah ka man bet ta tlat a,Jayden a pawm bawk a,A ţang hlei thei biklo a.
"Hello Nu.." lehlam ațang ka nu chu a rawn insut hlap hlap a.Ka ngaihtuahna a vir zawk mai!
"Ka pa a țha em?" Ka ti nghal țhawt bawk,Ka chelh behna ațang tal chhuah tum mek tu pawh chu a tawp chawt a,Zawhna a khat mitmeng a min en kal pah in thawk a la a .
"A na a rawn chhuak thut a,Tunah ICU ah a awm mek.." ka nu in ţap hlawp hlawp chung a rawn tih tak ah chuan ka thaw hawk a.
"Ka rawn thleng nghal ang.." ka ti sup a.
"I pa chu a țha em?" Puitei chuan alo ti thuai a,Chhan dan tur pawh ka hrelo .
"ICU ah a awm..!"
"Mawh?" A ti țhawt a."A țha lo viau ami?" A ti leh a.Mak tak in a mitmeng ah min huatna ka hmu tawh lo bawk!
"Ka chiang biklo,Ka kal angai.." ka ti a..A kut ka vawn beh chu ka thlah a.Ka mit ah a en reng a.
"Jayden nen kan lo kal ve ang.." a ti sep a.Tun hi ngaihtuahna kawi putna hun anilo tih hre tho mah ila,Ka chhungkua a la ngaihtuah ve tho chuan min ti lawm tawk em em thung!
Car khat ah kan pathum in kan chuang ho leh ta ran mai! Jayden erawh Puitei malchungah amah hmachhawn zawng in a țhu a,Vawikhat pawh min la melh lo hrim hrim,Puitei pawh ngaihtuah bing hmel zet in hmalam a melh ngar a!
"Mummy,Apa bulah ka kal duh tawh.." Jayden aw ri tham ţiak vang chuan car chu ka ti ding chawt a! Kha mihring phiansen kha 'Apa' tiin a ko a maw?
#Zico vrs #Zothana 🙈
(Ka chau lutuk a! Zan dang ang in a thui lo aw.;Ads kha kan click hram hram dawn nia.)
☆TE DOY 15K☆
Chapter 17
By
Abbra Reo Ririni Khiangte(Pitartei)
Zico ruala ka kal ve kher hi a dik em tiin ka ngaihtuah zui leh hnuhnawh a,Mahse,Amah vang nilo in a pa vanga kal ka ni tiin ka inhrilh mawlh mawlh a,Hmanni tlaia a kan inhmuh țum a a landan ah phei kha chuan khum a mu bet reng awm hmel a pu tawh a,Jayden lah a hmangaih em em a,Zico an Jayden hi a fa angin ngailo mahse thisen inzawmna an la nei a,Zico an a fapa ang in ngai se ka tih vang nilo in mihring chhia leh ţha hriatna nei ve tawh chin tan chuan a pu hun hnuhnung ber pawh ani mai thei tih a rinthiam theih a,Zico nen kan inkar chu engpawh lo nise Jayden hian a pu hun hnuhnung lam chu a hmu ve ngei tur ani!
"Mummy,A pa bulah ka kal duh tawh." Jaydena'n ka awma hmai thukru tlat chung a rawn tih ţiak rual chuan hmalam ah kan bu lawp a,Dash box ah ka chal ka sawh chawrh lo chauh!
"Engthil nge i hriat a!" Nghet zet a Jayden kuah beh pah chuan ka ti tuarh a,Zico hmel tak ngul leh thinrim insehruh țeuh ka hmuh rual chuan a hma zawng aiin ka thinrim zual ve sauh bawk!
"Kha mihring phiangsen kha 'A pa' tiin i koh tir a maw?" A rawn ti țhawt a,Huh! Chungte mai mai lo huat vak!
"Ka koh tir nilo in ama koh dan zawk ani.."
"Zodinpui!" Sehchilh zet in a rawn ti hrawih a,Rum zet in ka melh a,A eng kha nge a lo lak huat ve em em a! Fa atan pawh a duhloh leh mihran fa hial anga angaih tawh lakah lehnghal!
"Hospital lam i pan dawn nge he laiah hian kan chhuk dawn.."Ka ti let salh a,A ka ațang thawchhuak ham ham chungin nghet zet in steering chu a hum a!
"Koh tir tawh suh!" Ti chhum hmuk pahin engine a start leh a,Chhan ka tum zet a chu Jayden hriat ah inhnial chiam ka duh lo,Chutiang bawk in a thusawi ka zawm dawn lo bawk!
Hospital kawt kan thlen rual in car aţang a chhuak vut a,Kan nufa ţhutna lam min hawnsak tum a a rawn pen ka hmuh rual chuan ka theih ang a rangin kawngkhar chu ka nem hawng ve vat a,A phun hluk bawk.
"Junior,Ka lo pawm ang che." Jayden pawm chunga ka din chhuah rual chuan Zico chuan a rawn ti sup a.
"Aih'" Lakhran hlau in a aia nghet in min kuah bet nghal tlat mai!
Zico chuan thawk a la leh hawk a,Car kawngkhar chu ri dawp khawp in a nem phui a,Ka bag khai lai chu a rawn phih thla zui nghal hmiah bawk!
"Nakin ah chuan keimah ngeiin ka la infiampui leh ang." Ti hmuk pah in a kal zui nul nul a,He mihring mizia hi ka hrethiam thlawt lo,A thluak ah sawn tulum a lut ta te anih ka ring rum rum tawh!
Hospital kawngkhar ah min lo nghak a,Zothana chu awm se chuan Jayden hi min pawm chhawk thei ngei awm si a,A chum biang a,A rit ve nulh bawk,Thawk la hak pah in Zico chu ka melh a,Kan nufa chuan uluk zet in min lo en ve ngur bawk a!A chhung kan luh hunah engnge ka hmachhawn dawn chu hrelo mahila Jayden leh a pu hi a hun hnuhnungah tal chuan inhmu thei ngei se ka duh thung!
ICU lam panin kan kal a,Zico chu ka bag khai chung in ngawi ngul in a kal a,School ațangin in lam let hmasa lo a tlang nghal ka nih vang chuan pencil skirt ka la feng a,Jayden pawm bet reng chung chuan kal a nuam chiah lo!
"Nu?" Zico aw zawi sup vang chuan ICU hma a mi țhahnem zet lo awm te chu an rawn hawi nghal ţhup a,Ka nu in kan nufa hmel a hmu tel ve chu a beisei hlawllo tih hriat lutuk in a meng phawk nghal kawk a!
"Tah hian ţhu rawh u." Brad chu a țhutna aţang a tho vat a,Jayden lah hawi chhuak duh miah lo in a hmai a thukru tlat reng a.
"Engnge a dinhmun.." Zico chu ka bulah a rawn ding a,Brad nen chuan ka pa dinhmun chu an sawi dun mawlh mawlh a,Ka nu mitmengah chuan engnge ka hmuh tih ka chiang lo,Mahse kan awmna hi damdawiin emaw chhungkaw dang awm tello ta ang se chuan min hrawk hrep ang tih theih tura ngainatawm loh in min en ran thung!
Midang chuan min rawn be sap sap a,U Machhani hmuh mai ka inring a,Mahse a hmel hmuh tur a awm lo,Ka pa pawh ICU ah oxygen pek in a la awm a,A harhchhuah hun an lo nghak mek hlawm ani a.
"A harh hun tur hriat anilo a.." Zico chuan ka bula rawn ţhut ve pah chuan a ti sup a,Ka bu nghat ringawt,Kan ep a ka nu ţhu chu ka melh leh zawk a,A fapa nen kan ţhu dun te hlei hlei chuan a ţhawng zualin ka hria a.
"Hetah lo hian hmun dang ah ţhu rawh."Zico hriat tur lek chuan ka phun hlak a,Min rawn melh zawk a."I nu sawn min rawn kek duh mai ang!" Nui lui sang in ka melh let ve kar a,a thaw hawk a,A mal chunga ka bag pawm țhat pah chuan a țhu rem sauh a!
"Ani ngaihdan ah ka buai lo!" A ti zui hluk bawk.
ICU aţang doctor rawn chhuak chuan darkar chanve hnuah a harh tur thu a rawn sawi a,Kan thaw huai hlawm mai,Brad leh Zico pawh engemaw buaipui turin an kal sawn leh a,Ka bag kha min pe mai thei reng a,Zu han khaikual lui tlat a mawle.
"Nang nu khan engnge i rawn tih ve a?" Lisa aw vin hlar ri ka hriat rual chuan ka hawi nghal dawrh thei! Doctor coat fual var ha chung in ka sir mai ah chuan a lo ding reng a!
"Kha lam chu kan chhungkaw buaina tur zawk ani e.."Ka țawng hma in Brad zawkin a rawn ti fuk a,chhungkaw dang lo awm ve ho mit chu keimahni ah chuan a fu ţhup bawk.
"Oh,Uire nu in a uire san tak a pasal hlui pa damlo a rawn kan ve a ni tih hrethiam daih tur ka ni asin le." Ngeiawm lutuk in a ner zui ta nang a! Ka sa pup mai!
"Lisa..?" Zico zawk in a rawn ti ta țhawt a! Kan nufa ţhutna lam pan chuan a rawn pen zui pawk pawk a,ICU pawn zimte boruak chu a rit churh mai!Chhungkaw dang ho lah an ngawi duk a,Lisa chuan Zico chu rum zet hian a melh a!
"Sawi dikloh ka nei ami?" Min rawn melh leh zawk a,Kan nufa bul maia Zico rawn ding run chu chau zet hian a melh leh ran bawk a.
"Hmeichhe huaisen tak chu a ni ve reng reng e.."
"Hei chu kan chhungkaw buaina tur ani,chhungkaw pawnlam mi inrawlhna tur nilo in.." Zico zawk in a ti fuk a! An pahnih inhmachhawn lai chu bangbo zet hian ka en mawl tawp!
A hma zawng zawng a in thurual a,Kei min mamawhna a zawh ruala inneih mai tum te pahnih inkara thil thleng tur atan chuan a mak mah mah ani e!
"I thluak a lo suk sak leh hman tawh che ani maw?" Ngaihnep hmel zet hian Zico chu a ner khum ta nawng a.
"Lo va kal sawn zawk la a fuh in ka ring.."Brad zawk a rawn ţawng ve leh a,Lisa lah chu zam map lo hian a ner zui nawng a,Kan ep a ka nu bulah chuan a țhu thla nghal zat a!
"Junior kha a muhil ami?" Zico in a rawn tih sup tak ah chuan kan boruak muk lutuk chu a ziaawm ta deuh! Mahse mak ka tih chu Lisa awm lai reng a kan nufa min ngaihsak lui tlat chu ani!
"Umm,A muhil tawh,I pa harhchhuah hun chu nghah duh viau mahila kan let san mai ang che u."Ka ti sep a.
"Ka lo drop ang che u.."
"Aih" Min hnial tum a rawn ang zuau chu ka lo pawt chat vat a."Zothana ka call mai ang.." ka sawi zawh rual a insehruh țeuh chu hmu lo der in ka bag chu ka ban a,Ka nu leh Lisa te chu ka melh leh zawk a!
Kut min rawn thlak mai lo chu a mak zawk hial mai!
"Keiman ka drop ang che u." Ti leh hmuk pahin a ding vut a,A awmdan hi ka hrethiam hlawl lo tak tak! A hmeichhe hmangaih hma ah ngei min ngaihsak lui tlat te hi thil awihawm loh lutuk a ni ringawt!
Ka bag khai chung a a kal nul nul chu a zui loh theih silo a,Brada'n min zui ve vat bawk a,Jayden chu ka darah a bei ve thlep a,U Machhani chu Faith-i a damloh vangin in lamah a awm tih Brad chuan min hrilh a.Hospital kawt kan thlen rual chuan ka pa pawh ngaihtuah awm lutuk anih loh thu min hrilh pah in min luh san leh a,Motor hun na lam a Zico lo ding ngawi ngul lam chu ka pan ve dat dat a,Min hnungchhawn zawng a phone a hmang ka hmuh rual chuan engmah sawi set set lo in a phone ken lai chu ka phih thlak sak nghal sawk a! Ka hmet tawp a!A rawn in her a,Rum lutuk hian ka melh zui nghek bawk.
Ka phone a lo chhang ve ringawt anih chu!
Phone screen chu ka en a! A hma zawng aiin ka sa zual mai! Zothana call a lo chhang ngam ringawt te chu ngam hi ka'n ti khawp a!
"A neitu phal na lo in midang thil khawihsak ngawt tawh suh." Ka ti ram hmarh bawk.Ka thusawi ngaihpawimawh loh hmel fe chuan a nui suk a! Jayden pawm lo ila chuan ka beng leh sawk duh ngei ang!
Ka phone ken lai chu a rawn ri leh a,Zothana bawk ani! Zico phiangsen khan engthil nge alo sawi hman lah ka hre der bawk silo.
Thawk la halh in phone chu ka chhang a!
"Zodinpui khawiah nge in awm?" Zothana rawn au ring lutuk chuan ka thawk a ti tawp thei dawn in ka hria! Nghet zet in phone chu ka hum a,A thinrim thaw ri ham ham pawh ka hre tel thei!
"Khawi_ah_nge_in_awm?" Sehchilh zet a a rawn tih leh hrawih tak ah chuan a aw hlauhawm zet vang chuan ka mur sung sung thei!
"Hospital ah.." a thaw hrawih a! Ka hma a Zico ngeiawm lutuk a lo nui suk chu ka theih ang a rum in ka melh leh a,A pa natna vang khan ka khawngaih hman ti tih tawh a,Mahse tuna a mitmeng verther zet ka hmuh leh takah hi chuan huatna hlirin ka khat leh tawh thung! Mahni hmasial leh lutuk!
"Lo awm reng ang che u,Ka rawn kal dawn." A rawn ti sup a,ka chhan let leh hma in phone chu a tawp zui nghal hmak a!
"I pasal bulah i awm tih ka hrilh mai chauh anih kha!" Ngeiawm zet a Zico rawn ţawng chu ham nghek mai ka chak hluah hluah!
"Ka huatna che a belhchhah zual sauh tih in hre rawh." Ka ti hlak a,Engtik laiin nge min rawn hnaih chilh hman ka hrelo,Ka taksa si chet a a rawn din rual chuan ka hnunglam ah a ban a rawn dah a.
"Min haw viau mahla ka nei let leh dawn tho tho che. " ka beng bulah a rawn phun sup a,Ka ten lutuk ani tawp mai!
"Chu thil chu i mumang ah bak thleng lul suh se." Ka ti ve hmak,Thaw hawk chung in a inla hrang a,"I pa vang tal pawh khan pangngai tak a enliam theih che ka inring a,Mahse tun maia i chetdan vang khan ka rilru ka thlak leh e.." ka ti sep a,A insehruh nasa ngang mai!
Kan bul mai ah motor a rawn din rik chawt rual chuan ka thaw hak a! Bolero aţang Zothana rawn pen chhuak pawk pawk chu ka en reng a,A hmel landan tak ngul leh mitmeng thip zet mai ah chuan min tihnat a hreh hauh lo ang tih a lang reng! Thawk pawh thaw ţha ngamlo hian ka ding khawng reng a,A rawn pen pawk pawk a,Kamis body fit dum a ha a,A hmel chang run chu a ti lang thim zual vek bawk!
Ka hmaah tak a rawn ding chawt a,Dimte in ka darah a rawn kuah a,Rawn kun hniam in ka chalah a hmui in a rawn nawr leh a! A chetdan chu ka beisei loh lutuk dan anih vang nge khap pawh ka khap lo! Thaw ham ham pah in a in la hrang a.A taksa hrawlpui inherna lam chu ka en ve vat a! Oh! Ni dawn tak! Zico kan bula lo ding ve reng chu melh run pah in Zico lamah a kutphah hrawlpui chu a phar a! A hmel landan tak ngul mai ah chuan țawng chhuah a chak loh hmel tak zet bawk!
Zico tan lah ka bag a khai reng chu pek loh ngawt a theih der mai si loh! Zico kut ațang ka bag lak hran nawlh pah chuan min rawn en leh a!
"I hmelhriat damlo kan ngai i neih chuan ka tello in kal ngawt tawh lo ang che."A ti sup a,At hmel zet hian lu ka bu a,Ka dara Jayden muhil lai chu tihharh hlau tak in a rawn la hrang leh a,A hmel landan leh a rawn chet chhuah dan chuan min țhawng ani tawp mai!
Motor aţang a rawn chhuk tirh kha chuan min sawp hrep pawh hreh lo hmel hi a rawn pu a,Mahse tunah tak hi chuan a chetdan a dam leh em em thung!
Zico lo ding ve reng chu kan kal san a,Zothana chetdan ah lah chuan Zico chu awm ve lo ang hmak in a ngai a,Ka bag khai reng chung chuan ka țhutna tur lam kawngkhar chu a pawt hawng a,Tim dai hian ka ţhu lut a,Min hau nghek se nuam ka ti zawk mai thei! Jayden avang tal a min hau lo pawh a la ni zawk mai thei bawk!
Ka malchungah Jayden chu a rawn nghat a,A rawn kun hniam rual chuan chik zet hian ka lo en ve ran a,A la pangngai lo tih ka hre mai bawk!
Dimte in kawngkhar a rawn khar phui a,Ka bag chu seat hnung lamah dah lut leh in bolero chu a rawn kal hual a,Zico pawn a dinna ngaia ding reng chung chuan kan awmna lam chu a rawn en reng a! Kan boruak reh ruih si,Ţang ru zet si vang chuan ka taksa chu a ţang ţung mai!
Min be lo a,Biak hmasak dan tur ka hre mai lo bawk! Steering chu hnehsawh zet a her kualin in lam pan in kan tlan mawp mawp a,Jayden lo muhil kher kher chu ka haw ru kher mai! Zothana lah biak hmasak chakawm loh khawpin a hmui a chip zui hmak bawk si a.
Gate ah a tlan lut a,Garage ah motor tlan luhpui lo in kawt ah a ding dat a,Engmah sawi lo in a chhuk thla vut a,kan nufa ţhutna lam chu a rawn pan ding nghal a,Zico khan eng chiah nge a sawi ka hriat loh ang bawk in a bulah hian insawifiah dan tur ka hre mai rih lo!
Jayden a rawn la hrang a.A ding mar lehnghal a.
"I bag kha a hnunglam ah ka dah,Rawn la mai rawh.." zawi sup tak tak in a rawn ti a,Ka bu ve nghat a,Motor ațang chuan rang zet in ka chhuk a,hnunglam kawngkhar chu hawng in ka bag ka la a,Ka kharphui rual in motor chu a rawn in lock ri nghal khap a,Zothana erawh inchhungah a pen lut chiah thung!
'Engvang in nge ka hlauh ringawt ang,Jaydena pu damloh na vang in a lawm kha hmunah khan ka kal..' tiin ka inhrilh mawlh mawlh a.
Inchhung ka luh ve rual chuan a lo reh ţhiap a,Mami pawh chhun lamah Jayden buaipui lutuk a ngaih tawh loh vang in thil zirin a kal chhuak ve ţhin a,Nu Liani leh intifaitu pakhat hi an ni deuh tlawng tawh.
"E,in rawn let tawh maw?" Nu Liani chu pindan pakhat ațang a rawn chhuak a,Chanchinbu hlui paih tur a rawn pawm țun bawk.
"Um,Kan rawn let chiah.."
"Khawnge Jayden?"
"Oh..A muhil a;Room lamah an in pawm tlang nghal anih kha.." ka ti sep a,Kailawn lam chu ka melh a,Ka chho huphurh tak zet!
"Han inthlak ve la,Thingpui ka lo lum ang che u..Zothana kha clinic lamah a let leh dawn em?" A tih leh a,Ka hrelo tawp mai!
"A let leh mai ang ka ring..Ka han inthlak a nge.." nui luiin ka ti a,A bu nghat a,Kailawn ah chuan hreh ru ţui chung hian ka pen chho a!
Step pathum!
Pahnih!
Pakhat!
Step tawpna ber ka thlen rual chuan ka taksa țang lutuk vang in ka hah vek thei! Muangchang in ka room lam ka pan a,Kawngkhar bul ka thleng fel chiah tih ah chhunglam ațang kawngkhar chu a rawn inhawng thut a,Zothana taksa lianpui mai a rawn pen chhuah rual chuan kawngkhar chu a pawt phui a,ka banrek ah rawn vuan chawt in min kai sawn nghal dawr dawr a,Nichin ațanga a chet chak dan tak in min in hrosak khum dawn ni ah ka ngai hmiah tawh!
A room hman ţhin kawngkhar a nem hawng pawp a,a phih in min phih lut hi a ni ber!.
Kawngkhar a nem phui rual in kawngkhar ah chuan min nawr bet nghal hmiah a,A ban pahnih a ka lu zawn a rawn nem dawt rual chuan ka kimki nghal chawih ringawt!
Ka thinphu a rang dawt dawt a,Engmah sawi lo in ka lu sir lam deuh si ah chuan a thawchhuak ham ham reng a,Ka che ngam tawh lo hrim hrim! A taksa a lian in a kawchhung thleng in inthunun a tum tih hriat zet hian a taksa chu a che ve hrâwk hràwk reng a;Chil lem dawk pah in ka sir tawn tawn a a ban hrawlpui in nem bet run chu ka melh zawk a!
Chil ka lem nawn leh dâwk ringawt!
"Ani kha ka thik tih i hria em?" Nâ lutuk tuar hrep ang maia a rawn tih hrâwih rual chuan a hmaiin ka nghawng a rawn nawr a,A taksa hrawlpui mai chuan kawngkhar ah min nawr bet nghal sauh bawk!
"Zothan?" Ka ti dek dek a!
"Ka thik ka tih chu i hria em?" Ka hmai zawn ah a rawn au nghal țhawt a! Ka tukhum in kawngkhar chu ka nawr zui chawt bawk! A mit a sen rûm a! A hmai vun pawh a sen țawlh ţawlh mai bawk!
"Tinge a bulah khan i kal leh a?" Zawi si,Manganna ri tel tâwk si hian a rawn ti chhuak țuak a! A hmel landan a buai vek bawk!Ka hmai zawn a thawk ipik tih hriat lutuk a a thawchhuak leh hrâwih zel te chuan ka thawk hi a ti chham zo vek!A mitmeng sen rûm mai chuan na zet hian min melh ngur a!
"I ngaih ang kha engmah a nilo..!"
"I phone pawh a lo chhan kha. " a ti hluk a,Ka nui chhuai hak a! Nuihzat tur pakhatmah a sawi lo,Mahse a țawngkam naupangchhia zet vang chuan ka nui lo thei lo!
"Min nuih a maw?" A rawn ti hluk a,ka mal lehlam chu a rawn man a;A chawikang zui nghal nawlh a,chumi pah chuan ka pawnfen fen lai chu a rawn nawr tawm chho nghal tawk bawk!
Ka tal zui phat a,A ban pakhat in ka lu zawn bang chu ala nem reng a,hnuailam ațang rawn zen lut in ka mawngah a rawn țham zui nghal tawk bawk,Ka thawchhuak halh a!
"Ka nuih lo che.." ka mal pakhat chu a taksa ah min kherh beh tir nghal hmiah,Na leh zualin kawngkhar ah min nawr bet leh a,Ka awmdan a dik tawh miah lo!
"Ka thusawi eng ah khan nge nuih tur i hmuh a..?" Ka hmai zawnah a rawn phun sup a,A kekawr chhana a mipatna rawn puar ul chuan ka taksa a rawn do nghal run a,Ka thinphu a rang zawih zawih bawk!
"Ka nuih loh che..Chuan..Chuan awmsawn rawh.." a taksa in min nawr beh hneh lutuk vang chuan a awmah pawh ka nem thei lo,A dar ah ka nem ve țang țang a,mahse a taksa nghet zet leh lum vung vung chuan min hnaih zual sauh thung!
"Zothanmawi!" Ka ti țhat a,Ka hmai zawnah rawn thaw lum hak pah in a taksa hnuailam chu a rawn chet a! Ka ip zui chawih chawih mai! Ka mal lehlam chu a khel zawn ah a vuan bet tlat a,Ka pawnfen a hlim tawm chho vek tawh bawk! Ka hmai zawnah rawn thawchhuak hawk hawk pah chuan ka kap zawnah chuan a rawn nawr na lui salh salh a,Ka taksa hmun tin mai chu a țek zawk zawk mai!
"Engvang in nge kha mihring khan i phone a lo chhan.?" Zawhna min zawt reng chung si chuan a taksa a chet lui reng a,Ka tiril hi a khur a,Ka rum chhuah mai lohnan ka hmui hnuai ka seh țang țang thung!
"Bawihi..Chhanna ka duh.." a hma ang in a aw a vin tawh lo,Mahse ka tan erawh a hlauhawm telh telh thung!
Muangchangin a rawn chet zawm zel a,A mip**na khawng tak mai chuan ka taksa nem lai zawn tak mai chu a nawk ran a, Thawk la hawk chunga ka tukhum sam a rawn ţham leh salh rual chuan a hma aia uar in a taksa hnuailam chu a rawn chet leh a, ka insum hman tawh lo chu chu ka ding khur dar dar a,na zet in a ban bulah chuan ka ţham ta tawk a!Zothana erawh a rawn nui ri nghal hawk thung!
"Min chhang dawn em?" A che chu a tawp a,Mahse a taksa karah chuan a hma zawng aiin a rawn hnai a,A mitmeng sen rum mai ah khan tuihalna leh min mamawhna a lang tawh a,Keipawh hi eng vak ka ni tawh bik lo ang!
"Ih..Zico pa kha ICU ah a awm a.." ka ti sep a,Ka aw khur ru tel ve a hriat rual chuan a nui leh suk a. "Chuan?" Ka mit aţang a mit a lasawn miah lo! A mitmeng vawt raih a ka thil hmuh vang chuan ka thawk hi a chham thei mai dawn!
"Chuan..Jayden a pu anihna ang in..A..aa.A hun tawp ani tawh thei a,Hmuh tir ve ka duh a.." ka ti leh sep a,Chil ka lem zui nghal dawk bawk!
"Chu zawng chu!" Ti sup pah in a hmui hnuai a seh a! Lu ka bu zeuh a,
"MIN_NEI_RAWH_!" Ka chalah rawn nawr pah chuan a ti sup a."Tun ah.." Zothana aw ri vawt ruih leh tuihalna ri tel ve vang chuan ka thisen luanglai hi a tawp chawt thei mai!
"Bawihi..Tunah hian min nei rawh.." tham țuak a a rawn tih leh rual chuan ka mal a vawn beh chu a thlah a,A rawn zut thla dan dan a,Ka kap kar a rawn khawih thlen rual chuan a mit a en reng chung in ka rum chhuak hak a! Ka kekawrte chhan ah chuan a rawn nuai a,A chet zawh chiah dan vang khan ka danglam nasa tawh lutuk tih a hre nghal vek ang! A kut a chet rual te chuan ka taksa chu ka lo chet kual ve zel a,Nawmna nasa lutuk in min tuam hlup hlup hi a ni ber mai!
"Ka zawhna che ila chhang lo.." a kut chet uar sauh chungin ka hmui a rawn nawr thawi thuak a,Ka beng chu na miah silo in a rawn seh a,A thaw lum zui nghal ham ham bawk! Ka taksa hmun tin za kual vel vang chuan ka â thei mai dawn!
"Tunah hian a t*wp thlen pui che ka duh.." a țawngkam hman thukhuh neilo lutuk vang chuan ka hnungzang cho hi a za uaih uaih a!"Chu thil chu i duh dan ani ve bawk..Ani em?" Ka mit ah tak min en chung in a rawn ti sup a,Ka thawk a rang kher mai! Keipawn a duh ang chu ka duh ve tih ka inhrechiang lutuk bawk!
He ka thuthlukna hi ka siam sual loh hram ka beisei!
Ka hma zawn mai a a mitmeng vawt raih mai en chung chuan lu ka bu ta nghat a! Thawk la hawk pah in bang ah chuan min nawr bet leh zual sauh a.
"Sawi rawh.." a aw ri zet chu!
"Ka..Ka mamawh che.." ka ti țiak a! Reilote chhung chu a thawchhuak lo in ka hria.
"Sawi leh rawh.." a ti sup a.Ka zamna zawng zawng kha a bo vek tawh bawk.
"Ka mamawh che." Ka ti a,engmah dang sawi nawn a ngai tawh lo reng reng,Uar lutuk in min fawp nghal tawn tawn a,A nghawng ah ka kut ka suih zawm a,Ka theih ang a duhthawh in ka chhang let a,Zothana chetlak dan chu a duhthawh mah mah hi ani tawp mai! A lei hrawl leh sa zet mai ka ka chhungah a chet kual tir ruai reng a,Kan taksa inkarah a kut a chet leh rak rak a,Ka dap thla ve vat a, a kekawr kawng phelh a tum mek chu kan infawhna thlah miah silo in keimah zawk in ka phelh sak a!
Ka phelh thawl rual chuan amah zawk in rang zet in a kekawr chungah ka kut a dah lut a,A mi*atna lo khawng ul mai ka khawih fuh rual chuan rum chhuak hrawih pah in a inla hrang a,ka kut erawh a kekawr chhungah a la awm reng! Ka kamis kawrkilh chu a rawn hmet phelh nghal sawk sawk a,ka darah a hui liam thla zui tawk a,A thawk lak dan a chak in insum tum thei bawk silo hi a ang ber! Ka bra hak a rawn nawr tawm chho tawk a,A hmaiin a rawn nawr a,a rawn hmuam rual chuan ka thaw nghal ham ham bawk!
Ka kut chet ka chawl a,Duhthawh lutuk in a che zawm a,A sam buk leh nem thep ah chuan ka kut ka zen lut a,A chetdan a duhthawh tehlul nen a aia nasa zawk mamawh belh cheu ang mai hian ka taksa lamah ka kuah bet țawk țawk a!
Ka awm bawr aţang a hmui hnawm hlap a a rawn dah chhuah rual chuan a rawn nui suk a! A va han sexy chiang tak! Ka chal ah a chalin a rawn nawr dat a,A kamis kilh a phelh pah mawlh mawlh bawk,a pawt hlip a,Chhuatah a theh thla hlawm tawp a,a body hrawl zet mai chu ka en a,A awmbawr chu sek ţung nilo in tihrawl in a in phiar fat a,A ban bul leh taksa thau chuangliam awm miah lo chu nalh tak ani mai!Ka kamis pawh a rawn hlip a,Ka bra chawp in a hlip a,Kan awmdan chu zah ah pawh a lak theih tawh lo!a kekawr kawng ka phelhsak tawh miau vang in a fual hnelh a,a taksa lang chin zawng vang pawh hian ka tuirallo chauh!
Dimte in ka hnungah a ban a rawn rawlh a,Min fawp zawm leh nghal mial mial a,Hnunglam a ka pawnfen zipper chu a pawt thlawl thla riai riai bawk!
"Ka ta chauh i ni tawh dawn.." a aw khur ru dur dur chuan a ti lang sexy zual sauh mai! Ka panty hak chu a pawt thla a,A kutphah hrawl zet leh lum vung vung in ka mal inkar a rawn khawih leh rual chuan ka ip chawih a,Ka hmui ah rawn nawr in a nui hak bawk, amah vek chuan a rawn nawr kau leh a,A kekawr kawng chu keimah zawk in ka pawtthla a,A awm bawr sa vung vung leh ka hnute a innawk vel rual ringawt te chuan ka za chuaih chuaih tawh!
Ka mal pakhat chu la kang in a taksa nalhpui mai khuh tu awm tawh lo chu min kherh beh tir a,Chumi rual chuan dim te te in a mip*tna chuan ka kap kar chu a rawn nawr a,Saruak ngalngat in kan inhmachhawn tawh anih chu!
"Ka mit ah hian rawn en rawh.." Khur ru nawk chung in a rawn ti leh a,Ka ban a la a,A nghawng ah min suih tir a,A mitmeng tisa chakna vang a thim raih mai chu ka en a!
"Ka tan hmeichhe hmasa ber i nihna hun hi hriat reng ka duh.." Dimte in ka hmui ah a rawn fawp a,Chumi rual chuan a mi*atna hmawr lam chu a rawn nawr lut riai riai a! Ka ang zawk a.
"Ka hmangaih che.." ka kawngah kuah nghet zual sauh pah chuan a rawn nawr lut vek a! Ka rum chhuak nghal hawk mai! Zothana pawh kei ang bawk! A rum ri hrawih a! Ka kawchhung chu a khat vek maiin ka hria!
Thawk a la leh halh a! Chil ka lem nghal dâwk bawk!Thaw ham ham pahin mit a chhing a! A tan hmeichhe hmasa ber ka ni anih chu!
A hmai in ka awm bawr a rawn nawr leh a,A sam ah chuan dimte in ka lo țham a,A thaw hawm hawm reng bawk!
Min chawi kang ta nawlh a,Nghet zet in a kawngah ka kherh bet a,Cement bang hit thler ah min nawr bet leh a! A taksa nalh zet leh hrawlpui mai che kual vel te chuan min ti phur zual sauh a,A dar ruak kang ah ka hmaiin ka nawr a,Duhthawh lutuk in Zothana chu a rawn che zawm buan buan a!
Sencor☆☆☆☆☆
Engtik laiin nge khum kan thlen phei hman ka hrelo!
Ka chungah Zothana chu a rawn bawk thlawp a,a taksa hrawlpui leh thlan vanga huh dap ka kherh beh na chu ka thlah ve riai riai a,ka mal karah a la awm reng a,Ka kawchhung a lum pup pup bawk!
"Ka ti na che em?" Thaw ham ham pah in ka hmui ah a fawp zeuh a,A bek ațang thlan a rawn chhuak a,Keipawh ka bang bik lo,A vun uk kharh sen țan mai vang chuan a lang sexy zual in mipa anih zia a lang chiang ngawih ngawih!
"Bawihi.." ka chal ah a chal a rawn nghat leh a.Lu ka chet zauh a..Pa zet hian a nui leh suk a! Ka thaw zui ham ham reng bawk!
Zothana chu a let thla a,A chungah min pawt kai a,A taksa zat ve ah chuan ka bawk thlep a,Thuamhnaw engmah kan la inbel lo! A thawk lak rualin ka che ve zel a,A awm bawr nalh zet leh hnawm hlap chu ka chul kual dan dan a! Ka kut chu a rawn man chawt a!
"Khatia i chet reng chuan vawikhat dang ka zawh pui leh mai ang che.." nui lui hawk chung in a rawn ti ţuak a! Lai zet in ka hmui ka seh ringawt!
"Ka hmangaih che...Chuan kum kum 16 chhunga ka suangtuahna min tihpuitlin sak vang pawh in ka lawm e." A rawn ti sup a,Ka chhip ah a rawn fawp a,A thusawi chuan ka taksa chhung a fan raih raih a!
Kum 16 chhung teh meuh khan kei hi min lo nghak a! Min nghak lian a tih theih ber ang chu!
Engmah sawi ve tur ka hriat loh vang chuan a awmah chuan ka bei thlep reng a,Ka dar a chul hauh hauh a,ka thlan sa lutuk pawh a reh rawh a,Zothana pangti lum vung vung erawh deh a nuam telh telh thung! Mit ka chhing a,A lungphu ri dawt dawt ri te chuan a ta chiah ka nih zia min hriat nawn tir a! A thawk lak zawng a ka taksa rawn lum ve leh vung vung ţhin te chuan a lakah hian ka him reng dawn tih min hriat nawn tir hi a ni ber mai!
"Bawihi.." Min koh dan leh a awki hniam ruih hian min fan vawng vawng zel!
"Duhawm reuh lutuk,Lo mu rawh,Thuamhnaw ka rawn bel ang che.." nuihza insum aw ri sexy zet hian a rawn ti hak a,A taksa aţang dimte a min dahsawn a tum rual chuan a nghawngah ka ban ka suih bet ta tlat a!
Zothana chu a nui che leh dat a!
"Ka che na deuh ani maw?" A la nui cheu! Ka chau lutuk chu ka meng hlei thei der lo!
"Hahdam rawh le.." a ban hrawlpui a min kuah beh pah chuan ka chhipah a rawn fawp leh zauh a,A ke hmang in khum mawng lam a puansin in thlep chu a la chho a,Kan taksa chu a rawn khuh a.Engemaw sawi in a phun sup a,Kei erawh manglam ah ka lut riai riai thung!
"Ka duhthusam ti puitling thei tu hmeichhe awm chhun i ni a,Ka ta chiah i ni tawh bawk,Nakin ah mo kawrfual lei hnuk thei khawp a fual i ha a nga,Keipawh Titanic a changtupa suit hak ang kha ka ha ang,Khawvel hma ah ka nupui leh ka ta chiah i ni tih ka puangzar bawk ang!" A aw zawi leh thum lam mah chuan min nghawr cher cher a,Ka nui chhuak seih a!
"Nangmah ang a hmelțha tak tak fa kan nei bawk ang.." a taksa kan in ka beng bulah a rawn phun sup a,ka lo nui tih a rawn hriat rual chuan a hmuiin ka biang a rawn nawr a,A nui ri ve suk bawk!
Ka beng bulah a rawn sawi kher nachhan pawh hman ah khan thei leh thei lo in ka dingdihlip a,A beng bulah keimah ang a fa hmelțha neih ka duh thu ka sawi vang kha ani tih ka hre bawk.
"Jayden-a nau tur i pai vat vat a ngai ania.." a hmui a ka biang nawr lum vung vung reng chung chuan a ti leh a.
"Hmeichhia nei ila a pawi a ngem?" Ka ti sep,Chu tih rual erawh in Zicoa'n hmeichhia ka neih ruala thi sa anga ngai tura min hrilh lai kha ka ngaihtuah chhuak zawk a!
"Engpawh nei la keichuan ka pawm vek,Jayden a mipa kan nei tawh tho a,Nau hmeichhia nei tawh zawk se.." ka inbeng kang a,A hmui ah ka fawp nghal vawng vawng a! Ka awmdan chuan a țhawng hle ani mai thei! A che lawk lo a.
Ka fawp lui leh ngat a,A kutphah lum vung vung a ka dar a rawn vawn pah chuan dam zet hian min chhang let a!
"Ka lawm e.." ka ti sep! Ka mittui a hnai kuar bawk!.
Kei chauh nilo ka fapa thleng a a hmangaih theih hi ka ring ngailo a..Mipa dang te chu lo ni ta se Jayden mipa anih vang ngawt in hmeichhe fa an duh hmasa lo ang! Mahse ani hi chu mipa dang nilo in Zothana ani miau a!
"Keimah mai nilo,Ka fapa pawh i hmangaih tel vang hian ka lawm e.." ka ti leh sep a,A rawn thawchhuak hawk a! A awmah bawk min kuah bet leh a.
"Jayden a pian hlim video ka hmuh rual khan ka taksa chhung aţang hian ka fa angah ka lo ngai ve hmak tawh,A lo pian chhuahna hmeichhia kha khawvela ka hmeichhe hmangaih ber anih vang pawh ani ang," a ti sup a,ţap chhuak mai lo tur in ka in sehruh fan fan a! Jayden a pian hlim video a hmuh laia a natdan tur kha suangtuah let dan ka thiam lo hial zawk! Mipa chak tak leh chhel tak hi a mittui a tla hial tih U Machhani khan min hrilh a,Tinge khang kum liam ta zawng zawng te khan hmeichhe dang a hmangaih loh,kei aia țha a phu a,Kei chu natna pe reng tu chiah ka ni a.
"I thisen tel ve tawhna phawt chu ka tan mi hlu tak an ni vek.." a ti leh sup a,A awm chu ka hmuiin ka nawr a,a thawchhuak nghal ham ham mai!
"Apa,Chips ka ei duh.."
"A u Mami kan hrilh a nge."
Jayden țawng ri leh lang lang vang in mit ka meng a,Awihawm loh khawp in ka taksa chu a rawl țhum mai,Nichin khan Zothana zawk in washroom ah min pawm lut a,Tui lum in kan intleuh dun thuak a,A chetdan mawlh kha!
Ngaihtuah zawm duh lo in ka ip zui chawih a! Khum ah chuan ka inlet thak a,Zothana leh Jayden chu khum ah an lo țhu ve reng a,Jayden chuan ngaihngam zet in Zothana taksa chu a ngheng ve ran a,Zothana chuan a phone games a khelh tir leh ani mai thei!
"Games an lo inkhelh tir leh ta e. " ka țawngri an hriat rual chuan an rawn hawi dun dawrh a! An hmel landan a la in ang chiah leh nghal,Ka fapa cute zet ang chiah in Zothana chu a meng ve dawrh a,Mahse a rawn nuih suk rual chuan ka hmai a sa nghal țawn țawn mai!
"Mum,Long time i sleep tawh.." Jayden rawn ţawng dan vang chuan ka nui hak a,Zothana chuan zo zet a rawn pawm nawlh in ka bulah a rawn mut tir a,Jayden chu a khek chul a,Pawm nawlh te hi nuam a ti miau a lawm..
Kan in karah Jayden chu a mu kak a,Zothana chuan a ban chu ka nghawngah a rawn rawlh lut a.
"I ziaawm deuh tawh em?" A rawn ti sup bawk,Ka ngaih bel nge ka hre loa,amah pawh chu a lai ru ve tho in ka hria,Chu tih rual erawh chuan a mitmengah min ngaihtuah hluah hluahna ka hmu tel zel tho.
"Umm.."
A kutțang in ka beng a rawn khawih a,Min melhna vang ringawt chuan ka khur ru der der thei!
"22 tur a lawm.." Jayden a number sawi sual zauh chu a correct sak a.Jayden lah a buai phah vek a,A kut vai lap lap chung in 1,2,3 aţang bawk a sawi ţha leh a,Zothana chu nui huk pahin a rawn inbeng kang a.
"I naupan lai nen in danglam miah lo ania.." a rawn ti sup bawk,Ner nawng chung in ka melh rawm rawm a.
"I țawnglai tihbuai kha i duh ngai lo a,En la,Jayden pawh hi,a țawnglai a kan lo țawng chuan a kut nen meuh anih hi a țan ve țang țang!" Nuihza insum zet in ka fapa sam ah a tuai zauh a,Ka nui ta hak thung! He mipa hi chuan ka inhriatchian aia nasa in min hrechiang zel dawn zawng chu anih hi!
Lalat Park a kal turin kan inkhalh chhuak a,Zothana pawh tuesday hian Mumbai lamah a kal lawk dawn a,A awmlo tur chu thih hreh hian ka lo hreh ve țung ringawt a.
Khaw dul ruih nena inrem zet in fullsleeve dum a ha a,a chungah wind breaker jacket ban neilo a ha leh thung,Jayden pawh Zothana ngaisang ngang ani a,Apa inchei dan ang zel a inchei ve a duh tawh mai!
"Kan hnung a car khian min la zui char char!" Ka ti sep a,Zothana chuan front glass chu herh zeuh in a thlek ve a.Jayden erawh in chips a ei mial mial thung.
"Kan kalna tur a in ang vang ani mai thei.." a ti sup a.Ka ţhutna lam side glass aţang chuan ka melh leh ta hram a! In aţang kan inkhalh chhuah hnu lawk khan kan hnungah a rawn tlan tawh a.
"Bawihi..?"
"Umm?"
"Ka rual chuan Mumbai ah in rawn kal ve mai dawn mi?" A ti sup a,Hneh zet in steering a herh kual a,A wind breaker jacket hak puar deuh chuan ati lang lian zual vek mai bawk.
"Jayden te school kal ber hi.." ka ti nang nang a! Naupangchhia zet in zui ve mai ka duh tak tak bawk.
"Nithum lek chawlh chu a pawi dawn mi?"
"Ka hrelo,A hnufual hi ka hlau ve a.."
"Ok..I tih dan dan,Kan pathum in chawlh hmang a kan la zin hrim hrim chu a ngai ang " a ti leh sup a.Ka bu zauh a.
Zothana chuan steering hum reng chung chuan music system chu a rawn ban zauh a,Kenny Rogers aw pa zet mai leh cool raih hi a rawn zai a.
"He pa nen hian ka tehkhin deuh ţhin che.." nui pah in ka ti a,A ţhen suk a.
"Chu pa min ti viau ani maw?" A rawn ti sup a,Min rawn en chuan min fiam tih ka hria,mahse ka lo bu nghat a! A nui chhuak ta huk bawk! A pa reng a lawm le.Kenny Rogers pawh hi a aw mai nilo a pian te hi a pa a,sa țha țung ni silo hian a pianphung hi hmeichhe tan chuan innghahna khawp a nghet leh hrawl tham ani ve tho bawk! Chu tih rual chuan khawvel milar a ka mipa ngaihsan ber ani tel leh cheu bawk a.Ka bula ţhu mek pa lah hi ka nuna mi pawimawh ber leh hlu ber ani bawk.
Park kan thlen rual chuan Jayden chu a ri nghal chul a,Zothana'n zo zet in a kal duhna piang ah a pawm kual nghal nawlh nawlh zel a.
Ka awmdan diklo vang chuan ka hawi kual thuak reng a! Kan chevel min thlir reng tu an awm hian ka hre tlat a,Ka hawi kual vel pawh chuan chutiang awm tur chu hmuh ka nei chuang lo,mahse khawi emaw lai aţang keini pathum min thlithlai ru reng tu an awm tih erawh ka hria!
Zothana chuan Jayden chu dim vak lo hian a darah a pu nawlh a,Jayden a nui hawk hawk reng a,Ka lam pan in a rawn pen pui pawk pawk a,A khattawk in Jayden mawng ah chuan a ben sak leh thuk zel bawk a.
"A thil tih i hria em?" Ka bula Jayden rawn nghah thlak pah chuan a rawn ti a.
"Saw lai hmeichhe naupang biang ah sawn a fawh sak anih chu.." ti hluai pah in Jayden sam ah a tuai leh thuak a! Kei erawh phawk zet in ka meng awk thung!
"Jayden,i ti tak tak a maw?" Ka ti hluai a,Zothana lah chuan nuihza insum si,Nui chhuak hreh bawk si hian a lo en ve reng a.Jayden lah biak loh ang hmak in a ngawi hmiah a..
An rawn kalsan tak hmeichhe naupang chu ka en a! A sam a țawng kak leuh a,Jayden nen an inrual mai thei!
"I va han mak reuh tak.." a biang ah ka piai ta vak ringawt.
"Mummy a na ...." a ti ve chul a.
Zothana chu a țhu hniam a,A biang ka piai sen sak tek ah chuan a tuai sak zauh a!
" I rilțam tawh em?" A ti leh nghal daih.Jayden rang zet a buk nghat rual chuan a pawm kang nawlh a.
"Bawihi cafe ah kan chawl dawn mi?"
"I hauh ve ka ring a.." ka ti hlak a.
"Khatiang in hauhna chi anih loh kha..I naupanlai pawn ka fawp ngun che e mai.." Nuih suk paha a rawn tih rual chuan rum zet hian ka melh a.
Ka darah a rawn kuah ve thuk a,A rim pa zet chuan min fan nghal veng veng bawk!
Mipui ni nuaih nuaih kar aţang mipa pakhat hian min rawn su nawk a,Zothana'n min kuah lo phei se chuan ka tlu hial ang.
"Ka tihpalh.." a ti vat a,Mahse chu thu a sawi pah a chiang zet a Zothana a enna chu ka hmu chiang kher mai!
"Fimkhur tawh ang che.." Zothana chuan a lam a min pawh hnai salh pah chuan a ti sup a.Chu pa chu a bu zeuh a,A kal sawn a.
"I na em?"
"Aih...."
"Vawiin chu mipui kan ţhahnem deuh a,Fimkhur lo deuh an awm nawk mai." A ti hluk a.Ka dar ah chuan nghet leh zual a min kuah in min pen sawnpui a.
Ka hawi let leh hram a!
Min su tu pa khan hlalo te ațangin min lo en zui reng anih chu! Mipui kar ațang chuan ka hawi let tih a hriat rual in rang zet in a inher vut a.A bibo ta nghal hmiah.
☆TE DOY 15K☆
Chapter 18
By
Abbra Reo Ririni Khiangte(Pitartei)
Zico's pov
Ka phone a thlalak rawn lut ho chu inhum ruh ţeuh chung in ka en kual a,An ni pahnih hi an in hnaih mah mah tawh ani e,Mahse lo ngai reng rawh se,An awm dun reilo tawp ang!
Number ka hmet chhuak a,Ka call zui nghal a.
"Boss!"
"Tunah kha chuan an hmuh theih loh tur zel ah zui la,Chet hun ka tih a i chet chhuah nghal vat theih nan a khawsak phung kha zir chiang ang che,tihsual palh a awm ka remti dawn hauh lo a nia." Ka ti nghut a!
Min rawn chhan let lehna pawh ngaihsak tawh lo chuan phone chu ka ti tawp a,phone screen a Puitei taksa kuah chung a Vincent-a nui hmel chu in sehruh ţeuh hian ka en ngur a! Ka thil duh ka neih theih nan a ka kawngdal tu tawh phawt chu ka zuah nachhan tur ka hre hlawl biklo.
Ka pa a harh tawh a,Amah hmu tura Hospital a kal tura min hrilh vang chuan ka hna khawih lai chu dah fel in ka office bik chu ka chhuahsan a,Ani pawh a kal a hun hnai tawh tih a phat theih loh a,Fapa țha tak ni ngai lo mahila a hun hnuhnung ah tal hi chuan ka theihtawp a a thu zawm ka tum ruh ve hle thung!
Cabin lam pana ka kal rual chuan Lisa in min rawn hmu vat a! Ka ner zui nawk thung!
"I rawn hmu dawn mi?" Ka ban ah a rawn kuah a,a ban chu lo paih thlaksak sawk mai hi ka duh a!
"Umm,Kan pahnih chauh a inbiak ka duh." Ka ding dat a,"Cabin chhungah hian i rawn luh ve a ţullo ka tihna anih chu.."
"Zico.." ti hlak pah in a meng nghal rawm a!
"Tinge ka lak aţang hial in lakhran phet i tum a,Nangmah vang in thil tam tak ka paltlang tawh a,Tinge tuna taka ka lak a i rilru put dan hi i thlak thut a.." țah chhuak insum zet hian a rawn ti a.
"I hmalam hun ka ngaihtuah vang a hmeichhe dang i neih ka rem ti te kha ka tan a nat dan tur i hrelo ami?Ka mipa hmangaih ber leh hmeichhe dang in khatah cheng a khum khatah an mu dun tih ka hriat te khan ka na a,Mahse engkim i neih theihna tur ani tih hria in ka tuar ţang țang a,Sex hial in hman a ngai tih hre chung khan ka en liam mai mai cheu kha a ngai a,Mahse khang ka tuarna zawng zawng te kha tuar leh ngai tawhloin i bulah hun ka hmang ve thei tawh a,venthawn awm miah lo a i kianga awm ka thlakhlelh zia pawh i hria,Mahse,Tun ah lah khang i tan ka tuar na zawng zawng te kha hre duh tawh lo in min thlauhthla leh a,Tinge ka chungah hetiang thil hi i tih..?" A sawi zawh rual chuan thawk la hawk chung in min din hnaih zual sauh a.
"Min hmangaih tih i sawi ţhin kha..Inthlahlel ngawih ngawih chunga kan awm hran ngai te kha i ning ţhin ani lawm ni?Tunah chuan i bulah ka awm thei tawh a,mahse tinge i hlim tak loh,Tinge a hma ang khan min hnaih i tum tawh loh.." Ka awmah a rawn bei thlawp a,A inhnit zui nghal feih feih a!
"Zico,Ka hmangaih che,I tello chuan ka awm thei lo." Mittui tling pam chung in a rawn dak chhuak a,Ka ngawi reng tawp.
"Nangpawn min hmangaih kha kan pahnih tan ani lawm ni kan beih ,tun dinhmun a hlawhtlinna i chan theih tak chhan pawh hi kan pahnih thawhrimna a nilo ami?" Nui lui hak in a mittui chu a tuai hul a.
"Ka kalsan thei lo che tih i hriat kha..nang pawh in min kalsan thei biklo,Chuvang chuan min hel reng tum tawh suh.." ţullo zet in ka kawrnghawng a rawn siam ţha a.
Ka pa cabin kawngkhar chu nem hawng in a lut zui nghal hmiah a! Ka thawchhuak nghal hawk mai!
Lisa sawi ah khan diklo pakhatmah a awm lo,Ka pa thuthlukna siam vang khan ka nun a thil thleng ngailo tura ka dah ţhin ngei mai ka tih a ngaih phah a,Ka hmangaih loh leh ka hmuh hniam em em hmeichhia nupui ah ka nei a,Ka hmeichhe hmangaih Lisa tan kha chuan hmeichhe dang ka chenpui ngai ta te kha a hrehawm ţhin ngawt ang,Jayden Puitei'n a pai țum pawh khan Lisa hian a thik em em tawh a,A remruatna ang a thil kalpui kha nimahila a mipa hmangaih fa hmeichhe dang in an pai kha chu awlsam tak a enliam kha thil harsa tak tur pawh ani bawk!
Tun dinhmun ka dintheihna chhan pawh Lisa remruatna vang ani a..La hmangaih reng tur ka nilo em ni? Hmeichhe nalh tak leh ka nupui hlui ai ngei pawh a fing,Ka zahpui ngai loh leh changkang em em reng ania a,Hmangaih zual zel tur ka nih laiin a lak aţanga tal hran dan ka zawng ta char char a! Zep thu awm lo,Ka hne a ni tawp mai! Chu tih rual in amah lainatna chen ka nei ve a! Mahse a hma ang khan keimah ah hian awmzia a nei tawh lo.
Ka mamawhna a reh tawh vang pawh ani hial ta ve ang!
Thawk la hawk chung in cabin kawngkhar chu ka nek hawng ve a! Puitei chan ka duh lo a,Puitei ka hnaih theihna tur ah Lisa hian min dal reng dawn anih chuan kawng dang ka dap tel mai bawk aniang chu!
Khum ah ka pa chu a lo țhu tawm a,Lukham an dah thuah chu a ngheng a,Tun ţum chu a hmel hmuh a nuam ta deuh bawk!
Ka pen lut chu Lisa chuan chiang tak in min lo en ngar a,Ka pa khum bul ţhutna ah chuan ka ţhu thla a,Țum dang te chu nise nichin a a țah rual khan kuah bet in amah chiah ka hmangaih thu ka sawi leh ngei ang,Mahse..Ka hmangaih tawh miau loh vang in buaipui zui dan vak ka hrelo!
"Lisa,Ka thawk lak pawh a nuam tawh a,Ngaihven ka ngai tawh rih lo a,Min lo chhuahsan lawk rih ta che.."Ka pa chuan Lisa melh run pah chuan a ti a.
Lisa chuan amah awm ve tura ka țawng chhuah ring in min rawn melh a,Mahse engmah sawi ka tum lo tih a hriat rual chuan rum zet a min melh pah in a kal chhuak ta hlawk hlawk a.
"Puitei te nufa i be leh tawh em?" Lisa in kawngka a rawn nem phui rual chuan ka pa chuan a rawn ti vat a.
"Be rih lo,Ka la bia ang." Ka ti sup a. A bu nghut a!
"An rawn let leh ngei ngei tur ani,Nangpawn ngaihdam dil la,Lisa pawh thlah tawh bawk ang che." A rawn ti a,a mit ah tak ka en vat a.
"Puitei nen in inneih lai reng a i hmeichhe kawp ani tih ka hre vek alawm,Puitei i nun a țang a kal chhuah hma zawng kha chuan tunge i thinlung in a mamawh zawk tih i hrethiam ngai lo a,Lisa zawk emaw tiin i pan ţhin reng bawk." A ti leh churh a.
Ka chet dan diktak nimahse pa te hnen ațang han dawn meuh chu a dan a dang khawp mai!
"I thinlung in a lo mamawh ruk reng chu i nupui zawk kha ani ta thung si a,Chuvang tak reng chuan i chet dan zawng zawng vang khan ngaihdam dil la,A thinlung neih let leh tum ang che." He thil ah kher kher hi chuan kan thu a inhmu dun khawp mai!
"Jayden nen khan DNA test in nei reng reng ami?" A rawn ti leh a.Chhan mai dan tur ka hre ta hauh lo!
"Ka..Ka chiang lo.."
"Engtinnge i fapa anilo tih i rin nghal hmiah theih,"
"Lisa khan kan pahnih DNA test result a in an loh thu a sawi a..Aa..a sawi mai nilo in a result pawh ka hmu ve alawm." Thaw hawk pah chuan ka ti a.
Chik tak in min en run a!
"Jayden nen test in nei bawk silo,Engtinnge Lisai'n in pahnih DNA test result a lo neih daih theih a..?" A ti leh churh a,A taksa in a zawh tawk bak a țawng ta ani mai thei.
A khuh ta bawrh bawrh a!
A lukham nghen chu ka laksawn sak a,A mut theih hnu chuan a awm zawn ațang harsa tih hmel zet in a rawn thawchhuak țawk țawk zui a.
"Pa,Doctor ka ko dawn em?"
Lu thing pahin a rawn khuh zui leh bawrh bawrh a,Doctor koh tuma ka kal tur chu ka kut phahah a rawn hmer zui chawt a!
"Ka țha..Ka ţha,Thu rih rawh.." a hmai a sen țawlh țawlh bak ah,A hrawk ah thisen zam a lang ruih thei,A natna hi thawkna bawm ber chhe telh telh anih vang in enkawl a har tawh a,Harsa zet in thawk a la leh hrawih phawt a.Mit chhing vang vang chung in ka kut chu a hmer nghet zui salh bawk!
"Dindini te nufa chunga thil thleng hi ka thiam loh vek ani ta in ka hria.." mit a rawn men leh rual chuan chiang tak in min en zui nghal run bawk.
"Khatia ka natna ka hriattirh a ka thuthlukna siam vang mai mai a nei kha i ni a,In inkarah hmangaihna a awmlo tih kha ka hmu thiam ve vek a lawm, Mahse,Mipa luhlul leh duham tak i ni a,Engtinnge i kalzel dawn tih kha ka ngaihtuah zui reng ţhin a sin." A ti sup a!
Ka thil tum zawng zawng pawh a lo hre vek a maw?
"Mahse tupa hmel hmulo a kal ka hreh vang khan ka enliam zel che a,I nupui i enkawlna ah sawisel tur ka nei lo bawk,Jayden pian ruala rosum tam zawk i hming a ka dah tirha i lawm zia kha chhungkaw ho hmaah kha chuan i thup thei mai a,Mahse kei i pa hi chuan i mitmeng ațang khan ka lo hmu thei vek a,Ka rilru ah chuan Dindini te nufa laka i chet zui zel dan ka en zui che a nga,An ni nufa țha tak a i enkawl zuilo anih chuan Brad kut ah engkim ka dah ang tiin thuthlukna ka siam leh a.." a ti churh a.Za lo zet hian ka nui chhuak nghal hak bawk!
"Mahse,A hma zawng aiin Dindini i thlakhlelhna a zual tih kha ka hmu a,Jayden lah i hmangaih zui em em a,Rosum i duh vanga i thil tih zawng zawng te kha ngaidam che in Brad hnen a engkim hlan leh ka tumna pawh kha ka țhulh ta reng bawk! Mahse i ze țha lo bawk a rawn chhuah leh hnu khan kei hian rang tak in ka hre zui zat a,I nupui rilru thianghlim tak kha chuan a hmu thiam ngailo..A Hmangaih lo che a,Mahse a duh thung che...Vawi tam ka en zui reng zel a,Mizoram pawn i chhuahsan ruala Lisa nen in khawsak zui dan zawng zawng pawh kha ka hre vek!" A ti leh a.Nghet zet in kut ka hum ruh a! Ka ngaihtuahna ah thil pakhat chiah a rawn lut tawh.."Brad hnenah engkim a hlan anih chuan....!!"
"I thil tihsual leh i chetdan țhenkhat i nu ngeiin a zep pui che a,Khang pawh kha ka hria...''
"Engnge i sawi tum ber!" Ka ti ta hmuk.A nui ro hawk a!
"Dindini te nufa i nei let leh lo anih chuan rosum hi Brad hnenah ka hlan fai vek ang.."
"Ka pa.." ka ti nghal țhawt! Damlo chau viau e tilo chuan min melh ve ngar a! Ka thil neih sa ho hi chan ka tum reng reng lo!
"Rosum chang thei tu chu tupa min pe tu chauh an ni.."
"Brad hian fapa a nei ve reng reng ami?" Nui lui suk chung in ka melh a.
"I nei bik ami?" Min rawn melh a,Ka thisen lum dan chu pui tak ani ringawt!
"Tunah hian Machhani a rai leh mek a,Nang lah i hmeichhe kawp in i fapa nen in DNA a in millo tih a fiah vek tawh bawk si,Machhani'n mipa a hring anih chuan Brad chu rosum chang tur diktak anih tawh ber chu!"
"A thleng ngai lo ang..." ka ţhutna țang ka ding vut a."Ka thil neih sa ho hi ka chan dawn reng reng lo.."
"Thuthlukna siam thei tu chu keimah chiah ka ni! Ka kal hma ngei a tupa min pe thei anih chuan i tan pawh i thil awh em em i neih theih dan kawng a la awm mial mahna.." ka thusawi ngaipawimawh lo zet chuan a ti sup a! Kut ka hum ruh ta ngawt ngawt!
"Duham lutuk hian mihringte hi hahdamna min pe ngai lo ania.," ka pa vek chuan min en run pah chuan a ti leh sup a! Ni e..Kei hi mi duham tak ka ni tih ka phalo,Chu tih rualin ka thawkrim hle bawk!
"Rosum zawng zawng hi ka kut ah a awm vek ang.." kawngkhar lam pan chuan ka kal zui nghal daih a,A thusawi ho kha chu engpawh nise ka neih tawh sa ho hi ka ta an ni reng tho ang!
"Remsiam,Ka fiamthu hauh lo a nia..Tun a ka thusawi zawng zawng kha huat ah la lo in tinge i thil tihsual tawh siam țhatnan hman i tum loh a.." ka ding dat a,
"Tinge he thil thleng hi i hmeichhe hmangaih thinlung neih let leh theihnan hman i tum loh!" A rawn ti a,Ka taksa chhung ah hian che dawt a awm! Engnge anih erawh ka hrelo!
"Ni e,Ka fapa,Nang hian Dindini kha i hmangaih alawm.." ka inher let rual chuan a rawn ti sup a.Za lo lutuk in ka nui ta thung! Kha hmeichhia kha ka hmangaih lul lo ang,ka it a,Ka kianga awm reng tur erawh chuan ka duh thung! Mahse ka hmangaih ngai lo ang!
"I thil tih dikloh zawng zawng te pawm a,A thinlung i hnehsak leh theih hun ka lo nghak reng ang che.." a ti leh a.A natna vang hian a â ta thut te anih ka ring ta rum rum mai!
Kei chuan Lisa ka hmangakh a,Kum engemaw zah ka hmangaih tawh bawk,Mahse tunah hian chu hmangaihna ah ngei pawh chuan ka chian tawh loh laia ani lo hmangaih ngawt thu va awm suh!
Chhang zui tawh lo in cabin aţang chuan ka chhuak a! Lisa in rang zet a min lo pan chu ka ning kher mai!
"Engnge insawi a?"
"Kan pahnih chiah hriat tur."nui lui suk in ka kalsan a.
"Zico, i pa khan i nupui hlui hruai let leh tur che in a hrilh che tih ka hria ani aw.."
"Hrilh e. Buaina a awm em?" Ka hawi let rualin ka hmai a ri nghal chawrh a!
" I nunrawn zia hi i inhria em?" Thinrim zet a Lisa phun sep chu ka din hnaih a,Ka hmai a ben na sa ham ham chu ka tuai zui zauh bawk!
"Kan in ang reng tih i theihnghilh palh ange." A beng bulah ka phun sup a.Ka awmah a rawn nem zui nghal dawt bawk.
"Sawi dikloh ka nei ami?Heng zawng zawng bul in țanna kha i remruatna ani lo em ni?" Ka ti tuar.Min ben leh mai chak hmel zet in a inhum ruh ţalh țalh!
"I tan vek anih kha engkim ka tih! Tunah kei hi min demna tur i rawn hre leh si a maw?" A thinrim hle na a chu a rawn nui lui sak a "Ka mipa hmangaih in engkim a duh a neih theihnan a ka inhlanna zawng zawng te kha min dem let nan a hmang dawn tih hria ila chuan engmah kha ka tilo ang.." a bek samah zen lut chho in thawk a la hawk a.
"Tunah chuan engkim i hrethiam ta bawk a,Ka hnaih ah rawn awm tawh suh ang che. " za lo zet a nui suk pah chuan ka kalsan a,Corridor ah chuan a au khawk ţhat a,Amah in lo inbuaipui ve tawh mai rawh se.
Car ah țhu lut in thawk ka la ham ham a! Tunah Machhani a rai leh tawh a,mipa a hrin chuan ka thil neih zawng zawng ka chan vek dawn bawk!
Hrep tak chuan!
Ka kut pahnih in steering chu ka chum zui pawp a! Ka thawk sa lutuk vangin ka thlan a rawn chhuak bawrh bawrh mai bawk! Jayden phiangsen kha ka fapa ngei nise chuan heng thil hi a thleng tawp lo ang!
A tawpnan steering chu ka chum leh pawp a! Engthil emaw tak ka tih angai dawn ni! Puitei..Oh..Ani kha ka mamawh hmasa ber dawn bawk!
Chak zetin ka inkhalh chhuak a,Tun ţum ah hi chuan Lisa puihna emaw pawh ka mamawh tawh lo bawk a,Keima duh dan leh țha ka tih dan ang in ka kal tlang tawp tawh ang.
Inpui Gate ah ka tlan lut a,In lian leh ropui tham zet a ni meuh mai,Mahse ka nu leh pa thununna hnuaia awm ka peih loh vang in ka awm hrang thung.
Inchhung ka pen luh rual chuan ka nu in min lo ngaihven vat a! Machhani hmuh a,eng eng emaw a ka thluak sawizawi a ngai dawn tih ka hriat vang chuan ka nu pawh chu ngaihven lem lo in Brad te mut pindan lam chu ka pan zui nghal zat a!
"Mama,I pa bulah ka kal dawn a,I hmu ve duh lo ami?" Ka nu in min umzui tih ka hriat rual chuan ka insang mar țeuh phawt a! Thawk la in ka hawi let a.
"Ka hmu zo chiah,Machhani te nufa hi an awm em?"
"Awm e,Faith-i a mutpui anih kha..Engnge a?"
"Eng lem mah,Ka hmu lawk duh mai mai,Ka pa tlawh tur chuan kal tawh la.." Zawhna min zawh belh ţeuh ka hlauh vang in ka hawi sawn leh vat a.
"Lisa te in ah palai kal hi engtik nge ni dawn?" Ta deuh deuh chuan a!
"Kan innei dawn lo. "
"Zico ."
"Ka nei dawn lo,A chiang em?"
"Kha hmeichhia bawk kha em ni i buaipui leh dawn a,Ka duh tawh hauhlo tih i hriat kha." A rawn ti ve ta fak a, thinrim insum hram hram ka ni tih a inhrelo emaw ni!
"Lisa chu neih ka tum lo a,A țha em?Puitei te nufa ka hruai let leh dawn.."
"Zico.." a rawn ti ţhat a,Midang in kan thawm an hria ang tih hlau in a hawi kual leh thuak a,Ka ban ah rawn vuan in an nupa pindan lam pan in min kai zui nghal dawr dawr a! Engang pawh in ka rilru sawhsawn tum mahse Lisa neih tumna ka nei tawh lo bur ani mai!
"Engthil nge i hriat a," kawngkhar a nemphui rual chuan a ti ta hlak a,Khum lam ka pan a,Khum tlang a ka țhut thlak hnu chuan ka bulah a rawn ding ve a.
"Kha hmeichhia ka ngainat loh zia pawh i hria a,Lisa hi i hmeichhe hmangaih ani bawk.."
"Hmangaih țhin zawk mawle.."
"Zico.." ka lo nui lui suk a."Ka thlen nawn tir tawh ngai dawn lo,I kawppui tur chu kan chhungkaw milpui tur an ni tih hria la,Kha hmeichhe hnuaihnung zet kha kan chhungkaw zingah rawn hruai lut tawh suh ang che..I pa ka sawipui anga,Lisa pawn zah pawh dawnlo in a rawn luhkhung tawp tawh che a,Palai kan tir ang..."
"Ka nei dawn lo ka ti ani lawm ni.." ka din chhuah rual chuan ka darah a rawn vuan a,Khum ah bawk min nem ţhu leh dawt a!
"Min hnial lui suh,Kha hmeichhia kha ka duh ngailo,Ka pawm tawh dawn lo bawk..Lisa nen in naupan tet aţang inzawmna nei tawh in ni a,I thlahthlam ngawt thei lo bawk.." a ti zui hlak hlak a!
"I tan engkim hlan tu leh i thiltih engkim a support reng tu che ani a,An chhungkua nen kan inmil bawk..Ka thusawi ho kha ka sawi mai mai lo tih hria la,Lisa nei tur chuan lo inbuatsaih ang che..Anni nufa kha chu kan chhungkaw tan an hniam lutuk,Kan mamawh lo a,An ni nufa vang khan hlawkna pakhatmah kan hmu ngai dawn lo bawk,Lisa nen in inneih chuan an chhungkaw sumdawnna zawng zawng hi i kutah a la awm vek thei dawn a,Fanu mal ani a,I hlawkna hmuh tur chu ngaihtuah ve mai rawh.."
"Ka hne tawh alawm.." ka ti ta thlawt mai!Ka nu meng awk chu ngaihven zui duh lo in ka pa whiskey dahna lam ka pan a,Glass no ruak ah chuan a chanve dawn ka thli chhuak a,Engmah pawlh zui lo in ka lem zui nghal pawp a! Ka kawchhung a sa thla zui nghal ham ham bawk!
"Ka hne tawh,Ka hmangaih tawh lo bawk." Ka ti leh ngat a! A dik reng bawk! Hun ka hmanpui hnem tawh lutuk vang ani mai thei! Ka hne tawh a,A taksa it na ka neih tawh loh ang bawk in ka khawih lai ngei pawh in Puitei chiah ka suangtuah a,Phurna hlawl min pe tawh lo tu hmeichhia chenpui reng hi a hlawkna ka hre ve tawh bawk lo!
"Engpawh sawi la ka pawm dawn lo.." Kawngkhar a kharphui rual in ka glass no ken lai chu marble chhuatah chuan ka vawm keh zui pawp a!
Lisa! Lisa! Lisa!
Dahbo dan ngaihtauh angai dawn anih hi!
Kawngkhar chu dimte in ka nem hawng a,Khum a Machhani te nufa mu lai chu an harh mai loh vang chuan ka pan hnai a,A fanu kuah chial chungin a muhil ve a,Ka pa thusawi kha ka ngaihbel nge ni,A pum chu a puar ve ak in ka hria!
He a pum chhunga mi hi mipa anih hlauh chuan ka thil neih zawng zawng ka chan phah vek thei a! Thisen hlawm mai ala nih lai hian lakbo dan tur ngaihtuah ila a țha phian ang chu!
He thil ah hi chuan Lisa puihna ka mamawh leh mai thei!
Ka nui zui suk a!
Ani hmanrua a hman chu a harsa tawp lo ang! Min thlahlel ngawih ngawih tu ani miau alawm..
Zodinpuii's pov
"Jay,Zothan..Kan tlai dawn a nia.." Zothana room a an insiam chu ka au zui lang lang a,He mi in a kan awm tirh ațang khan Jayden hian Zothana siam loh chu a duh tawh lo a,Shower pawh Zothana rual hlir a neih a duh tawh a,Naktuk tuk leh mai hian Zothana a zin tawh dawn a,A awmloh chhungin engtin tak lo inbuaipui nufa ang î maw?
"A ke tereuh te ah khan mawza bun tir a har hrep lehnghal.." A mutna pindan kawngkhar a rawn nem hawn rual chuan a ti zui hluk a,Jayden a kai a,Jaydena'n a school bag a ak ve lah bawk.
"Chu i vui i tihna ami?" Ka fiam a.Rum zet in min melh nghal run ringawt!
"Jay,I bag kha ka lo keng ang.."Zothana chu en duh tawh lo in Jaydena bag chu ka laksak nghal vat a! Cargo pants olive rawng a ha a,A tlang a thlep let a,Vans rawngvar ho lam zet a bun leh tawp bawk,Ka din ngil leh rual a min lo en rûn vang chuan a biang ah ka fawh sak zeuh a! A hawi tau nghal vut anih chu!
"Jay,Kal ang u.." Ka ti leh a,Zothana chuan kawrdum bantluan nghawng bial tawp hi a ha a,A ban chu pawt tawm chho in Jayden chu a pawm kang zui nghal nawlh a.Kailawn a a pen thla nulh nulh chu nuihza insum zet hian ka zui thla ve a.
"Tinge Zothana kha. ?" Nu Liani chuan a lo ti reng bawk.
"Ka fiam a.."Ka ti a,A nui chhuak hak a.
"Fiam fiam zel lo teh,i lakah a pangchang ve mai si a,Upa tawh viau e tilo chuan a rilru hi a la naupangchhia ve ania.."Nui hawk hawk chung in kawngkhar thleng min zui chhuak a,A sawi dik lutuk chu keipawh ka nui ve tho!
"He in a in nufa in rawn cheng ve hi ka lawm teh asin.."Nui ver ver chung in ka darah a rawn vuan a.
"Zothana lungleng ţhin lutuk kha hmuh hi a hrehawm a,Hna a thawhrim pah in a hun neih zawng zawng kha chu hnathawh nan hman mai hi a tum ţhin a,in rawn haw tak ațang chuan in a awm a thlahlel thar in in nufa kianga awm theih dan ngawt a ngaihtuah hi a ni ber tawh,Amah in hun harsa tak tak a lo paltlang tawh a,A ma ke ngei a ding thei tur hian pui tu a nei ngai lo a,Engkim mahni a inhai kaw thei vek mipa si hi i lakah a pangchang in naupangchhia zet a khawsak tlat chang a nei leh ta hleuh a. " Nui leh hak chung in thawk a'n la vang vang a,Ka sawi tawh in ka hria,Nu Liani hian Zothana chanchin sawi hi nuam a tiin a fapa ang tak tak in a en tih hi ka hmu thiam ţhin.
"Engkim a pek theihnan che a rim tak a thawk tu mipa hi duat la,A mize naupangchhia chhuak leh thut ţhin pawh hi hrethiam hram hram ang che. I lakah bak pangchan a,Tihtauh kual vel na tur a nei lo tih kha hre reng bawk la.." a rawn ti dam diai a,Ka bu nghat a,A thusawi chuan min dek kher mai!
Garage aţang an rawn inkhalh chhuah tak ah chuan Nu Liani chu kalsan in bolero lam pan chuan ka kal zui nghal zat a! Ka țhutna lam tur glass chu a chanve thleng a down a,An lam pan a ka kal phei chu motor chhung ațang chuan min lo en ngur reng a! Nu Liani khan a sawi dik hle bawk,Kan naupan hun chhung zawng kha a lakah ka pangchang a,Ka tihtauh khum bar bar reng a,Tunah hi chuan ka lakah a pangchang let ve thei tawh tih a inhre ve tawh a,Duat a phu hliah hliah bawk a lawm le!
"Ka hmaiah thil kai a awm ami?" Ka țhut luh ve rual chuan ka fiam leh zauh a,Steering hum run chung in a phun zui hluk a!
"Jay,keiman ka lo pawm ang che." Zothana hma ah steering vuan ve țai chung in a lo țhu ve kak a.
"Apa in traffic awm hma chu i khalh thei min ti a lawm."
"Apa ..apa..Apa.." ţhu țha pah chuan ka ti ve hlak a.
"Bawihi,Zanin kha i theihnghilh a nge?" Steering herh kual pawp pah a Zothana rawn phun sup vang chuan ka melh nghal vat a!
"Jayden pawh ka hrilh tawh a,A hrethiam ve in ka hria." A ti leh sup a. A biang hmul tam vak lo in a ţo a,a hma a ka fapa țhu ve kak kut tereuh te chu steering ah chuan a vawn beh hnan tel bawk a.
"Aw le. " ka ti sep ringawt!
"I hreh viau chuan a țullo ka tih tawh kha." Ka en leh vat a,Min en ve zawk in hma lam bawk a melh leh a.
"Aih,Tih ngei ka duh.."
"Umm..I ta ani vek tawh tho a lawm.." a ti leh mai a,Steering herh chung a Jayden rak ta chul chu a buaipui zui a,Kei erawh ka zam vang nge ka hrelo,Ka thawchhuak leh halh ţhin a,Mahse hrehawm tak a min siam a,Min sual lui ţhin tu..Hmanrua mai a min hmang tu kha engtin maw tak ka chhang let ve lo anih chuan ka hahdam thei ngai dawn lo tih ka hria a.A duham zia leh sum a duh zia ka hre tawh bawk a! Zanin hian a rinloh lam aţang ka bei bawk ang!
"Apa,I zinnaah ah chuan toys a tam dawn em?" Jayden chu ka malchungah a țhu tawh a,a zawhna vang chuan Zothana chu a nui ri ta hawk a! Jayden lah chuan a en ve kiau reng bawk!
"Tam dawn e,Eng ber nge i duh ang.." a rawn ti sup a.Jayden fin ve em em na chu a thil duh zawng hi direct deuh in a sawi ve mai mai ngailo a,A sawi ve chhun ah erawh tihpuitlin sak chak awm ngawih ngawih a sawi chhuah hi a ching ve thung!
"Thomas and friend ang kha ka duh a.." phur zet hian a ti hluai a.
"Ok..Kiss ka hlawh dawn chuan." A speed ti hniam in a biang a kawk zauh a,Jayden chu rang zet in ka malchung ah chuan a lawn kai that that a,Zothana biang ah chuan a fawh sak ve zauh a.
"A dang duh i nei em?"
"Kan class a play doh ang ka duh bawk.." a tih leh a,A hmui tereuh te sen var mai che kual vel hi hmuh nawm ka ti ţhin tak zet!
"Ok..Play Doh i duh chuan mummy kha kiss ve rawh le.." Zothana vek in a rawn ti leh a,Ka lo nui ve hak bawk! He mihring tluk a kan nufa tana mi ţha hi an awm tawh pawh in ka ring lo.
Pre-School bula motor park na ah chuan kan chhuak a,Zothana pawn Jayden hi an class thleng a rawn zui ve ngei ngei zel;Jayden chu kan inkarah a kal a,Zothana nen kan ban ve ve a vuan a,an school uniform kekawr hi an khup chen thleng chiah anih vang in a ngal chum ve biang si chu hma lamah a then chhuak lauh lauh reng a,School a an thil zir leh a țhiante chanchin hi a sawi ve siam siam zel.
Jayden class a kan dah luh fel hnu chuan thlahlet leh kher a phut tlat vang in parking thleng ka zui let leh a,achang chuan tleirawl inngaizawng an deuh chang hi kan nei in ka hre ţhin.
"In nufa chauh in cafe ah lo va kal tawh lo ang che u." Bolero bul kan thlen rual chuan a ti nghut a,Driver side lam kawngkhar chu ngheng in kut a kuangkuah zui nghal run bawk.
"Aw le.."
"Ka rawn kal har bik lo ang,Chuan tupawh,Rachel emaw Zico pawh an rawn lang anih chuan min rawn hrilh nghal vat ang che ."nghet zet hian a ti leh sup a,Thawk la deuh hawk chung in lu ka bu nghat a!
"Bawihi...Ka ngaihtuah vang che u ani tih i hria tiraw?" A rawn ti sup a, a kut kuangkuah hlun chu phelh in ka kawng ah a rawn vuan a,Amah si chet in min pawt hnai zui nghal hmiah bawk.
"Ka hria alawm; ka rawn hrilh nghal ang che." Ka khabe in a awm ah ka nawr a,Ka dak chho ha bawk!
"Ka zin ka rawn let rual in ka nu leh pa te kan be dawn nia.." rawn kun hniam in ka chalah a hmui lum in a rawn nawr zauh a,A taksa lum vung vung ah hian hahdam reng mai hi ka chak ţhin.
"Ka pa khan tun mai ah ka remtilo a ti tawh sia,Min hau a nge." Ka chho melh kiau a,A khaberuh kual hrawlpui chu ka kutțang in ka khawih sak pah a,a hmui a rawn pet sawk zauh bawk.
"Hauh hlau rual pawh kan nih tawh loh hi." Ti hluk chung in ka kut a rawn man a."Hauh tuar aia hrehawm chu maw.." nui zui suk in hnuailam a melh a."Kha thil thunun a in sum hi a hrehawm daih zawk."
"Awi..Kal vat teh a.." A awmah ka kut in ka nem ta vak a,A rawn nui chhuak ta hawk hawk a!A mitmeng sexy zet leh nuih za inpawlh kual nawk chu rum zet hian ka melh zui ram ram ringawt!
"Va lut tawh rawh le,Damlo ten min lo nghak rei tawh lutuk ang.." a rawn ti leh sup a,Mahse a ban hrawlpui pahnih chu ka taksa ah a la suih bet reng tho.A thinphu nghawr dat dat chu thawk la chung in ka ngaithla vang vang a! A lungphu ri hriat rual ringawt pawh a midang thlamuan na thlen thei mihring hi chu an tam in ka ring lo,Keimah ah bik phei chuan Zothana chiah hi a la ni hial in ka hria.Zico nen khan kum 5 pumhlum dawn chu kan innei a,Mahse khang kum kan hman liam tak zawng zawng chhunga thlamuanna min pek aia let khan tunhnai reilote chhunga Zothana kianga thlamuanna ka hmuh hi a tam zawk fe tawh!Engvanga ka nun hmanrua maia hmang reng ţhintu mihring chu ngaihtuah chhuak ve nge maw ka nih le?
Zothana chu a țhu lut a,Amah a hrawl tham bawk a,Motor body hi a che ve suih zel.A tlan chhuah hnu thleng chuan ka en zui ta reng a,kawngpui pangngai a pawh chiah tih ah a hnung mai ah Lalat park kan kal țum a ka hmuh tawh car in a zui ve chiah vang chuan ka ngaih a țha thei mai lo!
Kawngpui lam pan chuan ka pen zui ve vat a,Mahse kawngkawi ah an lo tlan liam hman tawh a,Kha mi ni a mipa min rawn su ri ngawttu hmel kha ka mitthla let a,Ka ţim sung sung ringawt! A chhan hriat siloh hian ka kawchhung lam hi a rawn hit ar ar reng a,Palian tak mai,Lu ziat kawlh mul mai ani a! Car khalh tu kha ani em tih chu ka hrelo,Mahse khapa hmel khan chhan hriat chiah siloh hian min rap tlat thung!
School lam aţang bell a rawn rik tak ah chuan thawk la in ka let leh a,Engvang mahin hlauhthawn chhan tur ka neiin ka hriat loh rualin ka ngaih a țha thei chuang lo.
Office ka luh rual in Zothana message ka thawn a,Ka nghak deuh vang vang a,Minute thum hnuah a rawn reply rual chuan rang zet in phone chu ka ban a,Ka lungphu rang dawt dawt te chu a chhan ka hre mai bawk silo..A hrehawm tak zet!
*Ka thleng chiah e.* Ka thaw huai mai!
*Class ka nei dawn chiah* tiin ka reply vat a!
Tu lakah mah thil tihsual kan neilo a,Mihring khawsak pangngai satlaih ve mai kan ni bawk,Tumah in min tihnat chhan tur an nei hleinem tiin ka inhrilh zui nghal ta mawlh mawlh a!
Kan buai zui ta viau a! Naunawi ho school anih vang hian rik ve chul chang lah kan ngah mai,țhenkhat thuawih tak tak an awm laiin lo ninhlei fal nalh hi room tinah pahnih thum an awm lo thei lo a,Naupang na na nâ chu midang ninhlei an hmuh ruala tih ve zeuh chak vek an la ni bawk si,'Ti suh ' 'i țhiante tibuai tawh suh!' Tih hi kan țawngkam hman tam ber zing ami ani hial ta bawk.
"Awi,Nichin kha.." sawi zolo in ka thawhpui nu chu ka dawhkan lamah a chair chu a rawn lir phei leh rih a.
"Engnge a?" Ka lo ti ve vat bawk.
"Ka nau te class kal turin Zothana kha an rawn chang reng alawm." A rawn tih leh chuan ka hawi ta hû ringawt!
"Timaw?"
"An țhian ho khan an atchilh lutuk a." Nui vak paha a rawn tih tak ah chuan ka meng nghal kawk a,
"A hma chuan a clinic kawt ah khan an lo chang ţhin a,Kan school ah i rawn thawh ve aţang hian an channa a rawn sawn a." A la nui cheu chu nui ve hak hak pah in ka en a.
"I vannei tak zet,A chhelo si,Tlangval hausa tak hian a atchilh hlum lo chauh bawk che a.." a ti leh a,Ka ner ta nawng thung!
"Min atchilh mai mai lo.."
"Ka chiang ve e...A endan ah che hi chuan a luangliam thawkhat tih hi a hriat theih vek alawm,A pa lian in a pian a nalh bawk si." A mit a rawn siai zeuh a, ka biang a sa ham ham mai! A pian nalh zia chu thuamhnaw inbel miah lo a kan awm dun khan ka hre tawh a! Ka sa pup pup maiin ka hria.
"A zei hle bawk lo maw?" Ka beng bulah a rawn tih leh sep tak ah chuan ka țhutna nghenchhan ngheng in rum zet hian ka melh ta nghek a! Ani lah a nuih a za zual sauh thung.
Thelma ani a,fanu pakhat a nei ve tawh,A fanu pawh kan school ah hian a lut ve a,Kan kum a inrual vel hle in ka ring bawk.
"Chhuah miah suh ang che." Tawlh sawn deuh pah chuan a rawn ti leh a.Chhan mai dan tur pawh ka hrelo! Ţhian hi ka kawm tam lo a,Zico nen kan inneih hma pawh khan ka khawvel chu home leh college vel kha ani mai a,Pawn lam mite nen inhnaih a,Țhian siam kha ka duh ngai lo,A chhan chu kan dinhmun a inan loh ang bawk in an neih ang kan nei ve thei ngailo a,Kha khan natna chiah min pe ţhin bawk.
Zico nen kan inneih hnuah lah nau ka pai nghal mai vang in khawlai ka chhuak tam lo a,In kha ka khawvel ani leh mai a,Chawlh hmang a kan chhungkua a kan zin chhuah leh kan home ka tlawh chang te Zico te in lama kan len chang kha ka kal chhuah hun ani mai ţhin bawk.
"Hmeichhia te hi chu kan mipa tawn te a zir hian kan nun hi a inthlak hlawk zel ania.." Thelma rawn țawng leh tak ah chuan ka en ve vat a.
"I mipa tawn hmasak vang khan hnual phah lo la,A biktak in Mizo society ah chuan nuthlawi dinhmun hi kan han dah hrang bik nghal ngawt zel a,Hmeichhia te hlei hlei hi kan hmeichhiatpui te chanchin sawi nuam ti kan la ni leh ta nghal a,Tuman in nupa inkara thil thleng tak tak rawn hre kim miah silo khan nangmah zawk an rawn dem tlat chang che pawh a awm ang,Mahse engahmah ngai duh suh,Zothana anga mipa ţha i tawng hi lawm la,Midang te thusawi vang ngawt in a lak ațang inlak hran phah miah lo ang che." A ti sep a.
"Nupa nih tawh hnu hian mipa ten min hmangiahna a nep ka tihna nilo in mipa leh hmeichhia kan danglamna a lang ţan țhin a,Mipa in ho lam ti tak a an enliam theih kha keini hmeichhia chuan kan thei ve tlat lo,Chutiang bawk in mipa chu mipa an ni a,Han dai sual leh zeuh chang an nei leh ţhin,Khang ah tak khan hmeichhe awmnem mai mai an tih ţhin kan nih bikloh zia hi a rawn lang țhin a,Hmeichhe awmnem mai mai an tih a khan mipa daisualte ngaihdam theihna kan nei a,Kan ngaidam a,Vawi hnih khat mai nilo,Țum tam tak kan ngaidam a,Mahse mipa,Pathianin hmeichhia te lu atana a siam zawk te hian hmeichhe awmnem zawk te ngaihdam ngai reng a an awm hi an sim thei chuang der bawk silo..An thil tih ang hi țum khat lek han ti ve ta ngawt chhin ila,A sa ber ber ah an țang leh a...Ka sawi tum tak chu nupa ințhen reng reng ah hian hmeichhia zawk hi dem ngawt chi kan ni lo a,Kan enliam theih chin a pel ve tawh tihna ani zawk a,Chu thil chu kawppui la nei ve hauh silo hian hrethiam phalo in nupa ințhen an hriat hlek in a hmeichhia zawk kan dem rawn luai luai zel a,Hmeichhia zawk kan va dem vak vak khan thilsual titu zawk mipa kha thil tisual lo ang hleuh in a in dahsang zual daih thei.Thil tisual zawk tu tih in hrereng mahse khawtlang in a nupui zawk an dem rawn vak vak miau kha chuan chung mite demna thu hla vang chuan a lo indah mițha leh hmiah thei a..Hengte vang hian mipa kawppui neih lai reng a ngaihzawng neih hreh lo te hi kan tam phah tual tual maiin ka hria.Mipa te chu han daisual khat khat chang an nei a,An sim leh mai te hi kan han intih sak ngawt zel a,A tuar ve tu ni miah silo in 'han tuarchhel deuh se chuan' kan han ti thla ve rawk te hi a țul tam lo hi ka ti khawp a.." nui lui sak chung in min en ve ran a.
"In nupa inkara thil thleng kha engpawh nise kei chuan i pasal i țhen ta kha ka dem miah lo che..A chhan chu ka hmeichhiatpui i ni a,Kan en liam theih chen leh kan tuar theih phak bak chin a awm tih ka hriatchian ve vang ani.." a rawn ti a. A sawi dik ka ti kher mai!
Zan dar 7:30 a ni tawh a,Ka insiam mawlh mawlh lai chuan Zothana chu ka room ah chuan a rawn pen lut ve chiah a,A landan pa zet chu darthlalang ațang chuan ka lo en ve reng a.
Dinner suit dum nalh zet mai a taksa nen a inrem thlup a ha a,A banrek vei lamah sana hrawlpui mai a bun bawk! Ka lo en reng tih a inhriat rual chuan ka hnung maiah rawn dingin a nui suk a!
"Ka hmuhnawm viau ami?" A hmuiin ka beng a nawr nul zui thuak a,Ka nghawng ah a hmaiin a rawn nawr a,Chumi pah chuan darthlalang lianpui a kan pahnih thla lo lang chu a melh zui zauh bawk!
"Pangtilum i ngah bik e." Ka tisep a,A nui che dawt a!
Ka kawngah a ban a rawn suih zawm a,A taksa si chet in min pawt hnai nghal hmiah a.
"Ti khan..?" Nui suk chung in darthlalang lam chu a en zui ngur a!Ka mawng zawnah a taksa in min do nghal run mai!
"Kan kal chhuah vat a țha in ka hria.." Min kuah nghet sauh pahin a nui leh hawk a,Chumi ruala ka benghnuai rawn lum hak te chuan ka hnute hmur a ti țang nghal ringawt thei mai!
"Tinge i laih leh tlat ţhin le.." a la nui reng tho! Ka hnung a ding reng lai chu ka ban a,Ka darah a khabe a nghat a,A biang hmul in ka nghawng nem lai a rawn nul leh thuak ţhin bawk! A sam hnim lai nem thep mai chu ka țham salh a! Ngeiawm lutuk awmze nei bawk si hian a rawn rum chhuak hak a!
"Kal ang.." Tal put tum pah chuan ka ti ta nghal chul mai! A rimtui hman rim pa zet chuan amah nen a inrem in engtinemaw tak hian min ti danglam a! Tlem a min thlah dul tak ah chuan dawhkan a banbun sin te awm chu ka ban a.
Ka hnung lam ațang min la kuah reng tho!
"Zanin chiah hi ni rawh se aw.." Dimte in a hmui lum in ka nghawng a rawn nawr a,Ka thil tih lai chu chawl in darthlalang a kan pahnih thla lo lang chu ka en a.
"Zan in chiah tak tak.." a tih leh sup tak ah chuan thawk ka la ve halh a!
"Aw le.."
"A melh ringawt che pawh ka phallo...Chuvang chuan zanin hi a tawpna ni rawh se." A ti leh sup a.Hnunglam aţang a lungphu ri dawt dawt in min nghawr a! Dimte in a sam ah bawk ka zen lut leh a.
'' Zan in hian engkim a tawp nghal dawn lawm.."
"That's my girl." Tisup pahin ka nghawng ah a hmaiin a rawn nawr leh vang vang a! Ka thil tihtum hi a kaltluan ngei ka beisei!
Jayden bulah kal chhuah kan ngaih thu kan sawi vek tawh a,Hotel lam pan in kan inkhalh chhuak a,Zothana chu a thawchhuak leh deuh hawk ţhin a,Ka melh apiang in hma lam a en run zel bawk.
Khua a dur khup a,Ruah a hnai tih hriat zet in boruak a vawt sung mai bawk!Tukverh darthlalang ațang chuan pawn lam ka thlir reng a.
Ka malah kutphah lum vung vung a rawn innghah rual chuan ka hawi chhuak vat a! Zothana erawh engmah tilo ang chiah in hmalam a melh run thung! Halterneck var ka taksa phuar thlap mai ka ha a,Ka mal ațang chuan ka kawrfual hmawr chu a nawr tawm chho hlek a,Engthil nge tih a tum tih hriat tumin amah chu ka melh lui ve ngar bawk!
Dimte in ka mal te chhunglam chu a rawn tuai kual a,chumi pah chuan a rawn kuai zau sauh a! A kutphah hrawl zet leh lum vung vung che kual vel chu ka hriatna thazam chuan a lo hre hneh ngang mai!
"Zothan..," ka aw zet chu!
A rawn hawi vut a,Ka mal te chu a țham leh deuh salh a.
"Ka ta chiah i ni..A chiang em?" A rawn ti sup! Ka ngaihbel nge ka hrelo, a aw chu a khur ru ve tho in ka hria a.Ka kawr tlang chu a siam țha leh a.
"Ka ta chiah..." ka beksam ah a rawn zen lut a,A thawchhuak zui nghal ham ham a!
"I tan vek anih kha engkim ka tih! Tunah kei hi min demna tur i rawn hre leh si a maw?" A thinrim hle na a chu a rawn nui lui sak a "Ka mipa hmangaih in engkim a duh a neih theihnan a ka inhlanna zawng zawng te kha min dem let nan a hmang dawn tih hria ila chuan engmah kha ka tilo ang.." a bek samah zen lut chho in thawk a la hawk a.
"Tunah chuan engkim i hrethiam ta bawk a,Ka hnaih ah rawn awm tawh suh ang che. " za lo zet a nui suk pah chuan ka kalsan a,Corridor ah chuan a au khawk ţhat a,Amah in lo inbuaipui ve tawh mai rawh se.
Car ah țhu lut in thawk ka la ham ham a! Tunah Machhani a rai leh tawh a,mipa a hrin chuan ka thil neih zawng zawng ka chan vek dawn bawk!
Hrep tak chuan!
Ka kut pahnih in steering chu ka chum zui pawp a! Ka thawk sa lutuk vangin ka thlan a rawn chhuak bawrh bawrh mai bawk! Jayden phiangsen kha ka fapa ngei nise chuan heng thil hi a thleng tawp lo ang!
A tawpnan steering chu ka chum leh pawp a! Engthil emaw tak ka tih angai dawn ni! Puitei..Oh..Ani kha ka mamawh hmasa ber dawn bawk!
Chak zetin ka inkhalh chhuak a,Tun ţum ah hi chuan Lisa puihna emaw pawh ka mamawh tawh lo bawk a,Keima duh dan leh țha ka tih dan ang in ka kal tlang tawp tawh ang.
Inpui Gate ah ka tlan lut a,In lian leh ropui tham zet a ni meuh mai,Mahse ka nu leh pa thununna hnuaia awm ka peih loh vang in ka awm hrang thung.
Inchhung ka pen luh rual chuan ka nu in min lo ngaihven vat a! Machhani hmuh a,eng eng emaw a ka thluak sawizawi a ngai dawn tih ka hriat vang chuan ka nu pawh chu ngaihven lem lo in Brad te mut pindan lam chu ka pan zui nghal zat a!
"Mama,I pa bulah ka kal dawn a,I hmu ve duh lo ami?" Ka nu in min umzui tih ka hriat rual chuan ka insang mar țeuh phawt a! Thawk la in ka hawi let a.
"Ka hmu zo chiah,Machhani te nufa hi an awm em?"
"Awm e,Faith-i a mutpui anih kha..Engnge a?"
"Eng lem mah,Ka hmu lawk duh mai mai,Ka pa tlawh tur chuan kal tawh la.." Zawhna min zawh belh ţeuh ka hlauh vang in ka hawi sawn leh vat a.
"Lisa te in ah palai kal hi engtik nge ni dawn?" Ta deuh deuh chuan a!
"Kan innei dawn lo. "
"Zico ."
"Ka nei dawn lo,A chiang em?"
"Kha hmeichhia bawk kha em ni i buaipui leh dawn a,Ka duh tawh hauhlo tih i hriat kha." A rawn ti ve ta fak a, thinrim insum hram hram ka ni tih a inhrelo emaw ni!
"Lisa chu neih ka tum lo a,A țha em?Puitei te nufa ka hruai let leh dawn.."
"Zico.." a rawn ti ţhat a,Midang in kan thawm an hria ang tih hlau in a hawi kual leh thuak a,Ka ban ah rawn vuan in an nupa pindan lam pan in min kai zui nghal dawr dawr a! Engang pawh in ka rilru sawhsawn tum mahse Lisa neih tumna ka nei tawh lo bur ani mai!
"Engthil nge i hriat a," kawngkhar a nemphui rual chuan a ti ta hlak a,Khum lam ka pan a,Khum tlang a ka țhut thlak hnu chuan ka bulah a rawn ding ve a.
"Kha hmeichhia ka ngainat loh zia pawh i hria a,Lisa hi i hmeichhe hmangaih ani bawk.."
"Hmangaih țhin zawk mawle.."
"Zico.." ka lo nui lui suk a."Ka thlen nawn tir tawh ngai dawn lo,I kawppui tur chu kan chhungkaw milpui tur an ni tih hria la,Kha hmeichhe hnuaihnung zet kha kan chhungkaw zingah rawn hruai lut tawh suh ang che..I pa ka sawipui anga,Lisa pawn zah pawh dawnlo in a rawn luhkhung tawp tawh che a,Palai kan tir ang..."
"Ka nei dawn lo ka ti ani lawm ni.." ka din chhuah rual chuan ka darah a rawn vuan a,Khum ah bawk min nem ţhu leh dawt a!
"Min hnial lui suh,Kha hmeichhia kha ka duh ngailo,Ka pawm tawh dawn lo bawk..Lisa nen in naupan tet aţang inzawmna nei tawh in ni a,I thlahthlam ngawt thei lo bawk.." a ti zui hlak hlak a!
"I tan engkim hlan tu leh i thiltih engkim a support reng tu che ani a,An chhungkua nen kan inmil bawk..Ka thusawi ho kha ka sawi mai mai lo tih hria la,Lisa nei tur chuan lo inbuatsaih ang che..Anni nufa kha chu kan chhungkaw tan an hniam lutuk,Kan mamawh lo a,An ni nufa vang khan hlawkna pakhatmah kan hmu ngai dawn lo bawk,Lisa nen in inneih chuan an chhungkaw sumdawnna zawng zawng hi i kutah a la awm vek thei dawn a,Fanu mal ani a,I hlawkna hmuh tur chu ngaihtuah ve mai rawh.."
"Ka hne tawh alawm.." ka ti ta thlawt mai!Ka nu meng awk chu ngaihven zui duh lo in ka pa whiskey dahna lam ka pan a,Glass no ruak ah chuan a chanve dawn ka thli chhuak a,Engmah pawlh zui lo in ka lem zui nghal pawp a! Ka kawchhung a sa thla zui nghal ham ham bawk!
"Ka hne tawh,Ka hmangaih tawh lo bawk." Ka ti leh ngat a! A dik reng bawk! Hun ka hmanpui hnem tawh lutuk vang ani mai thei! Ka hne tawh a,A taksa it na ka neih tawh loh ang bawk in ka khawih lai ngei pawh in Puitei chiah ka suangtuah a,Phurna hlawl min pe tawh lo tu hmeichhia chenpui reng hi a hlawkna ka hre ve tawh bawk lo!
"Engpawh sawi la ka pawm dawn lo.." Kawngkhar a kharphui rual in ka glass no ken lai chu marble chhuatah chuan ka vawm keh zui pawp a!
Lisa! Lisa! Lisa!
Dahbo dan ngaihtauh angai dawn anih hi!
Kawngkhar chu dimte in ka nem hawng a,Khum a Machhani te nufa mu lai chu an harh mai loh vang chuan ka pan hnai a,A fanu kuah chial chungin a muhil ve a,Ka pa thusawi kha ka ngaihbel nge ni,A pum chu a puar ve ak in ka hria!
He a pum chhunga mi hi mipa anih hlauh chuan ka thil neih zawng zawng ka chan phah vek thei a! Thisen hlawm mai ala nih lai hian lakbo dan tur ngaihtuah ila a țha phian ang chu!
He thil ah hi chuan Lisa puihna ka mamawh leh mai thei!
Ka nui zui suk a!
Ani hmanrua a hman chu a harsa tawp lo ang! Min thlahlel ngawih ngawih tu ani miau alawm..
Zodinpuii's pov
"Jay,Zothan..Kan tlai dawn a nia.." Zothana room a an insiam chu ka au zui lang lang a,He mi in a kan awm tirh ațang khan Jayden hian Zothana siam loh chu a duh tawh lo a,Shower pawh Zothana rual hlir a neih a duh tawh a,Naktuk tuk leh mai hian Zothana a zin tawh dawn a,A awmloh chhungin engtin tak lo inbuaipui nufa ang î maw?
"A ke tereuh te ah khan mawza bun tir a har hrep lehnghal.." A mutna pindan kawngkhar a rawn nem hawn rual chuan a ti zui hluk a,Jayden a kai a,Jaydena'n a school bag a ak ve lah bawk.
"Chu i vui i tihna ami?" Ka fiam a.Rum zet in min melh nghal run ringawt!
"Jay,I bag kha ka lo keng ang.."Zothana chu en duh tawh lo in Jaydena bag chu ka laksak nghal vat a! Cargo pants olive rawng a ha a,A tlang a thlep let a,Vans rawngvar ho lam zet a bun leh tawp bawk,Ka din ngil leh rual a min lo en rûn vang chuan a biang ah ka fawh sak zeuh a! A hawi tau nghal vut anih chu!
"Jay,Kal ang u.." Ka ti leh a,Zothana chuan kawrdum bantluan nghawng bial tawp hi a ha a,A ban chu pawt tawm chho in Jayden chu a pawm kang zui nghal nawlh a.Kailawn a a pen thla nulh nulh chu nuihza insum zet hian ka zui thla ve a.
"Tinge Zothana kha. ?" Nu Liani chuan a lo ti reng bawk.
"Ka fiam a.."Ka ti a,A nui chhuak hak a.
"Fiam fiam zel lo teh,i lakah a pangchang ve mai si a,Upa tawh viau e tilo chuan a rilru hi a la naupangchhia ve ania.."Nui hawk hawk chung in kawngkhar thleng min zui chhuak a,A sawi dik lutuk chu keipawh ka nui ve tho!
"He in a in nufa in rawn cheng ve hi ka lawm teh asin.."Nui ver ver chung in ka darah a rawn vuan a.
"Zothana lungleng ţhin lutuk kha hmuh hi a hrehawm a,Hna a thawhrim pah in a hun neih zawng zawng kha chu hnathawh nan hman mai hi a tum ţhin a,in rawn haw tak ațang chuan in a awm a thlahlel thar in in nufa kianga awm theih dan ngawt a ngaihtuah hi a ni ber tawh,Amah in hun harsa tak tak a lo paltlang tawh a,A ma ke ngei a ding thei tur hian pui tu a nei ngai lo a,Engkim mahni a inhai kaw thei vek mipa si hi i lakah a pangchang in naupangchhia zet a khawsak tlat chang a nei leh ta hleuh a. " Nui leh hak chung in thawk a'n la vang vang a,Ka sawi tawh in ka hria,Nu Liani hian Zothana chanchin sawi hi nuam a tiin a fapa ang tak tak in a en tih hi ka hmu thiam ţhin.
"Engkim a pek theihnan che a rim tak a thawk tu mipa hi duat la,A mize naupangchhia chhuak leh thut ţhin pawh hi hrethiam hram hram ang che. I lakah bak pangchan a,Tihtauh kual vel na tur a nei lo tih kha hre reng bawk la.." a rawn ti dam diai a,Ka bu nghat a,A thusawi chuan min dek kher mai!
Garage aţang an rawn inkhalh chhuah tak ah chuan Nu Liani chu kalsan in bolero lam pan chuan ka kal zui nghal zat a! Ka țhutna lam tur glass chu a chanve thleng a down a,An lam pan a ka kal phei chu motor chhung ațang chuan min lo en ngur reng a! Nu Liani khan a sawi dik hle bawk,Kan naupan hun chhung zawng kha a lakah ka pangchang a,Ka tihtauh khum bar bar reng a,Tunah hi chuan ka lakah a pangchang let ve thei tawh tih a inhre ve tawh a,Duat a phu hliah hliah bawk a lawm le!
"Ka hmaiah thil kai a awm ami?" Ka țhut luh ve rual chuan ka fiam leh zauh a,Steering hum run chung in a phun zui hluk a!
"Jay,keiman ka lo pawm ang che." Zothana hma ah steering vuan ve țai chung in a lo țhu ve kak a.
"Apa in traffic awm hma chu i khalh thei min ti a lawm."
"Apa ..apa..Apa.." ţhu țha pah chuan ka ti ve hlak a.
"Bawihi,Zanin kha i theihnghilh a nge?" Steering herh kual pawp pah a Zothana rawn phun sup vang chuan ka melh nghal vat a!
"Jayden pawh ka hrilh tawh a,A hrethiam ve in ka hria." A ti leh sup a. A biang hmul tam vak lo in a ţo a,a hma a ka fapa țhu ve kak kut tereuh te chu steering ah chuan a vawn beh hnan tel bawk a.
"Aw le. " ka ti sep ringawt!
"I hreh viau chuan a țullo ka tih tawh kha." Ka en leh vat a,Min en ve zawk in hma lam bawk a melh leh a.
"Aih,Tih ngei ka duh.."
"Umm..I ta ani vek tawh tho a lawm.." a ti leh mai a,Steering herh chung a Jayden rak ta chul chu a buaipui zui a,Kei erawh ka zam vang nge ka hrelo,Ka thawchhuak leh halh ţhin a,Mahse hrehawm tak a min siam a,Min sual lui ţhin tu..Hmanrua mai a min hmang tu kha engtin maw tak ka chhang let ve lo anih chuan ka hahdam thei ngai dawn lo tih ka hria a.A duham zia leh sum a duh zia ka hre tawh bawk a! Zanin hian a rinloh lam aţang ka bei bawk ang!
"Apa,I zinnaah ah chuan toys a tam dawn em?" Jayden chu ka malchungah a țhu tawh a,a zawhna vang chuan Zothana chu a nui ri ta hawk a! Jayden lah chuan a en ve kiau reng bawk!
"Tam dawn e,Eng ber nge i duh ang.." a rawn ti sup a.Jayden fin ve em em na chu a thil duh zawng hi direct deuh in a sawi ve mai mai ngailo a,A sawi ve chhun ah erawh tihpuitlin sak chak awm ngawih ngawih a sawi chhuah hi a ching ve thung!
"Thomas and friend ang kha ka duh a.." phur zet hian a ti hluai a.
"Ok..Kiss ka hlawh dawn chuan." A speed ti hniam in a biang a kawk zauh a,Jayden chu rang zet in ka malchung ah chuan a lawn kai that that a,Zothana biang ah chuan a fawh sak ve zauh a.
"A dang duh i nei em?"
"Kan class a play doh ang ka duh bawk.." a tih leh a,A hmui tereuh te sen var mai che kual vel hi hmuh nawm ka ti ţhin tak zet!
"Ok..Play Doh i duh chuan mummy kha kiss ve rawh le.." Zothana vek in a rawn ti leh a,Ka lo nui ve hak bawk! He mihring tluk a kan nufa tana mi ţha hi an awm tawh pawh in ka ring lo.
Pre-School bula motor park na ah chuan kan chhuak a,Zothana pawn Jayden hi an class thleng a rawn zui ve ngei ngei zel;Jayden chu kan inkarah a kal a,Zothana nen kan ban ve ve a vuan a,an school uniform kekawr hi an khup chen thleng chiah anih vang in a ngal chum ve biang si chu hma lamah a then chhuak lauh lauh reng a,School a an thil zir leh a țhiante chanchin hi a sawi ve siam siam zel.
Jayden class a kan dah luh fel hnu chuan thlahlet leh kher a phut tlat vang in parking thleng ka zui let leh a,achang chuan tleirawl inngaizawng an deuh chang hi kan nei in ka hre ţhin.
"In nufa chauh in cafe ah lo va kal tawh lo ang che u." Bolero bul kan thlen rual chuan a ti nghut a,Driver side lam kawngkhar chu ngheng in kut a kuangkuah zui nghal run bawk.
"Aw le.."
"Ka rawn kal har bik lo ang,Chuan tupawh,Rachel emaw Zico pawh an rawn lang anih chuan min rawn hrilh nghal vat ang che ."nghet zet hian a ti leh sup a,Thawk la deuh hawk chung in lu ka bu nghat a!
"Bawihi...Ka ngaihtuah vang che u ani tih i hria tiraw?" A rawn ti sup a, a kut kuangkuah hlun chu phelh in ka kawng ah a rawn vuan a,Amah si chet in min pawt hnai zui nghal hmiah bawk.
"Ka hria alawm; ka rawn hrilh nghal ang che." Ka khabe in a awm ah ka nawr a,Ka dak chho ha bawk!
"Ka zin ka rawn let rual in ka nu leh pa te kan be dawn nia.." rawn kun hniam in ka chalah a hmui lum in a rawn nawr zauh a,A taksa lum vung vung ah hian hahdam reng mai hi ka chak ţhin.
"Ka pa khan tun mai ah ka remtilo a ti tawh sia,Min hau a nge." Ka chho melh kiau a,A khaberuh kual hrawlpui chu ka kutțang in ka khawih sak pah a,a hmui a rawn pet sawk zauh bawk.
"Hauh hlau rual pawh kan nih tawh loh hi." Ti hluk chung in ka kut a rawn man a."Hauh tuar aia hrehawm chu maw.." nui zui suk in hnuailam a melh a."Kha thil thunun a in sum hi a hrehawm daih zawk."
"Awi..Kal vat teh a.." A awmah ka kut in ka nem ta vak a,A rawn nui chhuak ta hawk hawk a!A mitmeng sexy zet leh nuih za inpawlh kual nawk chu rum zet hian ka melh zui ram ram ringawt!
"Va lut tawh rawh le,Damlo ten min lo nghak rei tawh lutuk ang.." a rawn ti leh sup a,Mahse a ban hrawlpui pahnih chu ka taksa ah a la suih bet reng tho.A thinphu nghawr dat dat chu thawk la chung in ka ngaithla vang vang a! A lungphu ri hriat rual ringawt pawh a midang thlamuan na thlen thei mihring hi chu an tam in ka ring lo,Keimah ah bik phei chuan Zothana chiah hi a la ni hial in ka hria.Zico nen khan kum 5 pumhlum dawn chu kan innei a,Mahse khang kum kan hman liam tak zawng zawng chhunga thlamuanna min pek aia let khan tunhnai reilote chhunga Zothana kianga thlamuanna ka hmuh hi a tam zawk fe tawh!Engvanga ka nun hmanrua maia hmang reng ţhintu mihring chu ngaihtuah chhuak ve nge maw ka nih le?
Zothana chu a țhu lut a,Amah a hrawl tham bawk a,Motor body hi a che ve suih zel.A tlan chhuah hnu thleng chuan ka en zui ta reng a,kawngpui pangngai a pawh chiah tih ah a hnung mai ah Lalat park kan kal țum a ka hmuh tawh car in a zui ve chiah vang chuan ka ngaih a țha thei mai lo!
Kawngpui lam pan chuan ka pen zui ve vat a,Mahse kawngkawi ah an lo tlan liam hman tawh a,Kha mi ni a mipa min rawn su ri ngawttu hmel kha ka mitthla let a,Ka ţim sung sung ringawt! A chhan hriat siloh hian ka kawchhung lam hi a rawn hit ar ar reng a,Palian tak mai,Lu ziat kawlh mul mai ani a! Car khalh tu kha ani em tih chu ka hrelo,Mahse khapa hmel khan chhan hriat chiah siloh hian min rap tlat thung!
School lam aţang bell a rawn rik tak ah chuan thawk la in ka let leh a,Engvang mahin hlauhthawn chhan tur ka neiin ka hriat loh rualin ka ngaih a țha thei chuang lo.
Office ka luh rual in Zothana message ka thawn a,Ka nghak deuh vang vang a,Minute thum hnuah a rawn reply rual chuan rang zet in phone chu ka ban a,Ka lungphu rang dawt dawt te chu a chhan ka hre mai bawk silo..A hrehawm tak zet!
*Ka thleng chiah e.* Ka thaw huai mai!
*Class ka nei dawn chiah* tiin ka reply vat a!
Tu lakah mah thil tihsual kan neilo a,Mihring khawsak pangngai satlaih ve mai kan ni bawk,Tumah in min tihnat chhan tur an nei hleinem tiin ka inhrilh zui nghal ta mawlh mawlh a!
Kan buai zui ta viau a! Naunawi ho school anih vang hian rik ve chul chang lah kan ngah mai,țhenkhat thuawih tak tak an awm laiin lo ninhlei fal nalh hi room tinah pahnih thum an awm lo thei lo a,Naupang na na nâ chu midang ninhlei an hmuh ruala tih ve zeuh chak vek an la ni bawk si,'Ti suh ' 'i țhiante tibuai tawh suh!' Tih hi kan țawngkam hman tam ber zing ami ani hial ta bawk.
"Awi,Nichin kha.." sawi zolo in ka thawhpui nu chu ka dawhkan lamah a chair chu a rawn lir phei leh rih a.
"Engnge a?" Ka lo ti ve vat bawk.
"Ka nau te class kal turin Zothana kha an rawn chang reng alawm." A rawn tih leh chuan ka hawi ta hû ringawt!
"Timaw?"
"An țhian ho khan an atchilh lutuk a." Nui vak paha a rawn tih tak ah chuan ka meng nghal kawk a,
"A hma chuan a clinic kawt ah khan an lo chang ţhin a,Kan school ah i rawn thawh ve aţang hian an channa a rawn sawn a." A la nui cheu chu nui ve hak hak pah in ka en a.
"I vannei tak zet,A chhelo si,Tlangval hausa tak hian a atchilh hlum lo chauh bawk che a.." a ti leh a,Ka ner ta nawng thung!
"Min atchilh mai mai lo.."
"Ka chiang ve e...A endan ah che hi chuan a luangliam thawkhat tih hi a hriat theih vek alawm,A pa lian in a pian a nalh bawk si." A mit a rawn siai zeuh a, ka biang a sa ham ham mai! A pian nalh zia chu thuamhnaw inbel miah lo a kan awm dun khan ka hre tawh a! Ka sa pup pup maiin ka hria.
"A zei hle bawk lo maw?" Ka beng bulah a rawn tih leh sep tak ah chuan ka țhutna nghenchhan ngheng in rum zet hian ka melh ta nghek a! Ani lah a nuih a za zual sauh thung.
Thelma ani a,fanu pakhat a nei ve tawh,A fanu pawh kan school ah hian a lut ve a,Kan kum a inrual vel hle in ka ring bawk.
"Chhuah miah suh ang che." Tawlh sawn deuh pah chuan a rawn ti leh a.Chhan mai dan tur pawh ka hrelo! Ţhian hi ka kawm tam lo a,Zico nen kan inneih hma pawh khan ka khawvel chu home leh college vel kha ani mai a,Pawn lam mite nen inhnaih a,Țhian siam kha ka duh ngai lo,A chhan chu kan dinhmun a inan loh ang bawk in an neih ang kan nei ve thei ngailo a,Kha khan natna chiah min pe ţhin bawk.
Zico nen kan inneih hnuah lah nau ka pai nghal mai vang in khawlai ka chhuak tam lo a,In kha ka khawvel ani leh mai a,Chawlh hmang a kan chhungkua a kan zin chhuah leh kan home ka tlawh chang te Zico te in lama kan len chang kha ka kal chhuah hun ani mai ţhin bawk.
"Hmeichhia te hi chu kan mipa tawn te a zir hian kan nun hi a inthlak hlawk zel ania.." Thelma rawn țawng leh tak ah chuan ka en ve vat a.
"I mipa tawn hmasak vang khan hnual phah lo la,A biktak in Mizo society ah chuan nuthlawi dinhmun hi kan han dah hrang bik nghal ngawt zel a,Hmeichhia te hlei hlei hi kan hmeichhiatpui te chanchin sawi nuam ti kan la ni leh ta nghal a,Tuman in nupa inkara thil thleng tak tak rawn hre kim miah silo khan nangmah zawk an rawn dem tlat chang che pawh a awm ang,Mahse engahmah ngai duh suh,Zothana anga mipa ţha i tawng hi lawm la,Midang te thusawi vang ngawt in a lak ațang inlak hran phah miah lo ang che." A ti sep a.
"Nupa nih tawh hnu hian mipa ten min hmangiahna a nep ka tihna nilo in mipa leh hmeichhia kan danglamna a lang ţan țhin a,Mipa in ho lam ti tak a an enliam theih kha keini hmeichhia chuan kan thei ve tlat lo,Chutiang bawk in mipa chu mipa an ni a,Han dai sual leh zeuh chang an nei leh ţhin,Khang ah tak khan hmeichhe awmnem mai mai an tih ţhin kan nih bikloh zia hi a rawn lang țhin a,Hmeichhe awmnem mai mai an tih a khan mipa daisualte ngaihdam theihna kan nei a,Kan ngaidam a,Vawi hnih khat mai nilo,Țum tam tak kan ngaidam a,Mahse mipa,Pathianin hmeichhia te lu atana a siam zawk te hian hmeichhe awmnem zawk te ngaihdam ngai reng a an awm hi an sim thei chuang der bawk silo..An thil tih ang hi țum khat lek han ti ve ta ngawt chhin ila,A sa ber ber ah an țang leh a...Ka sawi tum tak chu nupa ințhen reng reng ah hian hmeichhia zawk hi dem ngawt chi kan ni lo a,Kan enliam theih chin a pel ve tawh tihna ani zawk a,Chu thil chu kawppui la nei ve hauh silo hian hrethiam phalo in nupa ințhen an hriat hlek in a hmeichhia zawk kan dem rawn luai luai zel a,Hmeichhia zawk kan va dem vak vak khan thilsual titu zawk mipa kha thil tisual lo ang hleuh in a in dahsang zual daih thei.Thil tisual zawk tu tih in hrereng mahse khawtlang in a nupui zawk an dem rawn vak vak miau kha chuan chung mite demna thu hla vang chuan a lo indah mițha leh hmiah thei a..Hengte vang hian mipa kawppui neih lai reng a ngaihzawng neih hreh lo te hi kan tam phah tual tual maiin ka hria.Mipa te chu han daisual khat khat chang an nei a,An sim leh mai te hi kan han intih sak ngawt zel a,A tuar ve tu ni miah silo in 'han tuarchhel deuh se chuan' kan han ti thla ve rawk te hi a țul tam lo hi ka ti khawp a.." nui lui sak chung in min en ve ran a.
"In nupa inkara thil thleng kha engpawh nise kei chuan i pasal i țhen ta kha ka dem miah lo che..A chhan chu ka hmeichhiatpui i ni a,Kan en liam theih chen leh kan tuar theih phak bak chin a awm tih ka hriatchian ve vang ani.." a rawn ti a. A sawi dik ka ti kher mai!
Zan dar 7:30 a ni tawh a,Ka insiam mawlh mawlh lai chuan Zothana chu ka room ah chuan a rawn pen lut ve chiah a,A landan pa zet chu darthlalang ațang chuan ka lo en ve reng a.
Dinner suit dum nalh zet mai a taksa nen a inrem thlup a ha a,A banrek vei lamah sana hrawlpui mai a bun bawk! Ka lo en reng tih a inhriat rual chuan ka hnung maiah rawn dingin a nui suk a!
"Ka hmuhnawm viau ami?" A hmuiin ka beng a nawr nul zui thuak a,Ka nghawng ah a hmaiin a rawn nawr a,Chumi pah chuan darthlalang lianpui a kan pahnih thla lo lang chu a melh zui zauh bawk!
"Pangtilum i ngah bik e." Ka tisep a,A nui che dawt a!
Ka kawngah a ban a rawn suih zawm a,A taksa si chet in min pawt hnai nghal hmiah a.
"Ti khan..?" Nui suk chung in darthlalang lam chu a en zui ngur a!Ka mawng zawnah a taksa in min do nghal run mai!
"Kan kal chhuah vat a țha in ka hria.." Min kuah nghet sauh pahin a nui leh hawk a,Chumi ruala ka benghnuai rawn lum hak te chuan ka hnute hmur a ti țang nghal ringawt thei mai!
"Tinge i laih leh tlat ţhin le.." a la nui reng tho! Ka hnung a ding reng lai chu ka ban a,Ka darah a khabe a nghat a,A biang hmul in ka nghawng nem lai a rawn nul leh thuak ţhin bawk! A sam hnim lai nem thep mai chu ka țham salh a! Ngeiawm lutuk awmze nei bawk si hian a rawn rum chhuak hak a!
"Kal ang.." Tal put tum pah chuan ka ti ta nghal chul mai! A rimtui hman rim pa zet chuan amah nen a inrem in engtinemaw tak hian min ti danglam a! Tlem a min thlah dul tak ah chuan dawhkan a banbun sin te awm chu ka ban a.
Ka hnung lam ațang min la kuah reng tho!
"Zanin chiah hi ni rawh se aw.." Dimte in a hmui lum in ka nghawng a rawn nawr a,Ka thil tih lai chu chawl in darthlalang a kan pahnih thla lo lang chu ka en a.
"Zan in chiah tak tak.." a tih leh sup tak ah chuan thawk ka la ve halh a!
"Aw le.."
"A melh ringawt che pawh ka phallo...Chuvang chuan zanin hi a tawpna ni rawh se." A ti leh sup a.Hnunglam aţang a lungphu ri dawt dawt in min nghawr a! Dimte in a sam ah bawk ka zen lut leh a.
'' Zan in hian engkim a tawp nghal dawn lawm.."
"That's my girl." Tisup pahin ka nghawng ah a hmaiin a rawn nawr leh vang vang a! Ka thil tihtum hi a kaltluan ngei ka beisei!
Jayden bulah kal chhuah kan ngaih thu kan sawi vek tawh a,Hotel lam pan in kan inkhalh chhuak a,Zothana chu a thawchhuak leh deuh hawk ţhin a,Ka melh apiang in hma lam a en run zel bawk.
Khua a dur khup a,Ruah a hnai tih hriat zet in boruak a vawt sung mai bawk!Tukverh darthlalang ațang chuan pawn lam ka thlir reng a.
Ka malah kutphah lum vung vung a rawn innghah rual chuan ka hawi chhuak vat a! Zothana erawh engmah tilo ang chiah in hmalam a melh run thung! Halterneck var ka taksa phuar thlap mai ka ha a,Ka mal ațang chuan ka kawrfual hmawr chu a nawr tawm chho hlek a,Engthil nge tih a tum tih hriat tumin amah chu ka melh lui ve ngar bawk!
Dimte in ka mal te chhunglam chu a rawn tuai kual a,chumi pah chuan a rawn kuai zau sauh a! A kutphah hrawl zet leh lum vung vung che kual vel chu ka hriatna thazam chuan a lo hre hneh ngang mai!
"Zothan..," ka aw zet chu!
A rawn hawi vut a,Ka mal te chu a țham leh deuh salh a.
"Ka ta chiah i ni..A chiang em?" A rawn ti sup! Ka ngaihbel nge ka hrelo, a aw chu a khur ru ve tho in ka hria a.Ka kawr tlang chu a siam țha leh a.
"Ka ta chiah..." ka beksam ah a rawn zen lut a,A thawchhuak zui nghal ham ham a!
Hotel kan thleng a,Mi an țhahnem in mi pawimawh tak tak vek an ni a,Zothana chu ka bul chet ah rawn kal in ka kawngah nghet zet in a rawn kuah a! Ka melh zawk a,Min rawn en ve chiah vang chuan nui seih in lei lam ka bih a.
"I landan sexy zet vang hian ka hlatah awm miah lo ang che.." a tilui nge pawh ka hrelo,Ka kawrin a khuh loh chin ka dar chu a hmuiin a rawn nawr leh thuak a! Ka vawt nghal sung sung thei mai!
Pindan chhung kan pen luh rual chuan thawm tam zawk chu a reh nghal duk a,Nghet leh zualin Zothana chuan ka kawngah chuan a rawn hmer a,A taksa nghet țha zet leh lum vung vung vang chuan ka zamna tur zawng zawng pawh an bo ta duak mai!
Zothana chuan mi chi hran hran min hmelhriat tir a,Ka in thuamdan chu a tawngchham viau emaw ka ti a,Kei ai aia tawngchham leh taksa lang tam an lo awm nuk mai bawk!
"In lo thleng thei maw?" Mipa aw nghet zet in kan hnunglam ațang a rawn tih rual chuan ka hawi let vat a,Ka bul maia mipa lian zet nui suk ka hmuh rual chuan ka mi hmuh tur ber ani in ka hre ta mai bawk.
"Kan tlai em?" Zothana chuan a ti vat a,Kan hma a mipa chuan lu a thing nghut a,Min rawn en a.
"Bawihi,Ani hi ka ţhianpa Kc-a..Kc Bawihi anih hi.." mit a siai zauh a,A chetdan nghal ru zet vang chuan a ruk in a nakah ka nghawk zeuh a.
"I chanchin chu ka hre tam a lawm,I hming erawh thla 7 liam ta chauh khan ka hre thung!" A ti ve sup a,A kut a rawn phar a,Ka lo vuan ve vat a.
"Val senior-a hian a atchilh rei tawh bawk che a,In inneih sawmna card dawn vat ka lo in beisei dawn nia." A ti leh a.Ka hmai a sa nghal țawn ţawn mai!
"Bawiha." Zothana zawk in nuihza aw ri sexy zet a a rawn tih leh tak ah chuan Kca chu a nui hawk a.
"Lo kal ru le..Kan țan thei chiah e.." A ban chu phar in dawhsan lam chu a kawk zauh a.
Mipui kar aţang mit la sawn hlek lo a min lo en reng tu mihring ka hmuh rual chuan ka ner zui zauh mai! Tenawm khawp in min en chik a! Saw a mitmeng h*r hmel zet a min en chang a min sual luih ţum te kha....!
"Bawihi kal ang le.." Zothana chuan ka kawngah a ban a rawn rawlh lut leh a,Thawk la in ka nui lui a! Zanin hian saw mihring saw a beisei loh dan ber in ka chhang let ang!
Business lam an sawi vang in hriatthiam loh ka ngah mai,Ka bul mai a ding mipa chhelo zet mai chu ka melh leh zawk zel a,kan mit a in tawn rual in rang lutuk in ka hawi sawn nghal vat zel bawk! Hmeichhe awm ve ho mit chu amah ah hian a fu ţhup maiin ka hria.
"......... 30% share chang tu in a share chan te tih ral a duh vang a zanin hian kal khawm kan ni a,chu share nei tu chuan zan in vek hian a duhna ber hnenah a share hi a hlan zui nghal bawk ang..."
Kan bulah Zothana țhianpa bawk kha a rawn kal leh a,A kut ah glass no pahnih a rawn keng tel bawk.
Pakhat chu Zothana a rawn pe a!
"In ve i phal em?" Ka hmai bul chet ah a rawn kun hniam a.
"In rawh,Mahse tam deuh a țullo.."
"Ok.." Dimte in ka chalah a hmui a rawn nawr a,Mi dang hmuh laia a ta ka nih zia tih lan a tum ni ber hian ka hria.
"He laiah engnge i rawn tih ve a.." Ka hnunglam ațang ka taksa si chet a rawn ding an awm rual chuan kei aia che rang an awm ta vat thung!
"I hmeichhe rawn hnaih bulah tunge awm tih i lo hrelo palh a nge!" Zothana chuan hneh zet in Zico coat awm ah chuan a țham ta hmiah a! Pca khan rang zet in Zothana banrek ah a rawn hmer zui nghal vat bawk.
"Bawiha.."
"Kal bo vat teh.." Zothana chuan Zico a țhamna chu nem nawk pahin a thlah a,Ka kawngah a rawn kuah zui nghal hmiah bawk!
Thu puang mek tu in share nei tu leh a hralhna a puan zawh rual chuan midang awm ve ho chu an ri huk a,Kut beng riin a zui nghal a!
Nichin khan Rachel a awm ve tih ka hmu lo a,Mahse dawhsan a ka din chhoh rual chuan thip zet a min lo melh ngawt ngawt na chu ka hmu zui nghal vat thung!
"Mi pathum thawk ho in 30% share chan an lo tum țheuh tawh chu zanin hian Zodinpuii hian KC industry hnen ah a share neih zawng zawng chu hralh in KC industry neitu te hian company pathum inzawm khawm zingah 60% share nei tu dinhmun chang tu an ni tih ka puang e..Company in relbawlna thar chu company dan ang in hnathawk tu leh nihna dinhmun chelh mek tu te hnenah puan zar thuai ani ang.."
Kut beng dur dur karah chuan paper pakhat ah hming ka sign a,Tunah chuan kha mihring nunrawng pa khan a thil duh a hmu ngawt thei tawh lo ang.KC industry lam ațang Zothana țhianpa khan a sign ve bawk a.
Thawm reh duk lai chuan kil khat ațang glass a invawm keh ri chuaih a! Ka hawi chhuah hma in ka nui sak thung!
Mipui hawi dawrhna lam chu ka en ve a.Zico bul mai a glass no keh leh huh niaih ka hmuh ve rual chuan ka nui lui leh sak a! Ani erawh chuan thip zet in min melh ngur thung!
Ka sawi tawh kha..mi duham a nia a,Ka tih chhiat ve vek hma chu ka hahdam dawn lo tih pawh chiang tak in ka sawi tawh..Tunah chuan hotu chan a chan țhinna ațang khan a tla hniam tawh dawn a! Oh..Hnathawk tu satliah ang mai chauh ani tawh hial mai thei!
"Bawihi.. Paper vel kha buaipui fel a ngai dawn a..!" Zothana rawn phun sup chu ka en vat a.
"Ka tello in a tih theih tho em?"
"I hming i sign tawh tho a.."
"Anih chuan hetah hian ka lo awm ang,Rawn let vat la.." ka ti ve vat a.
"I ngaihtuah awm loh ang maw?"
"Umm,Reilo la a ni mai." Ka nuih a,a rawn nui ve leh suk a.
"A rei ber ah darkar chanve bak a ngai lo ang.." Ka chalah a hmui a rawn nawr a! Midang awm țhup lai nimahse pawi ka ti biklo!
Zothana te chu hotel pindan ruat lawk bik pakhat lam pan in midang pathum nen an in zui a,Pheikhawk sang zet ka bun vang chuan țhutna tur ka melh zui nghal zat a.
" Min tih chhiat theih i inring a maw?" Ka ke kham ka hmet mawlh mawlh chu ka tawp a.Ka țhutna bul chiah chair chu a rawn inpawt chhuak zui ve nghal zat bawk.
"Tih chhiat che ka tum hleinem..Dinhmun hniam zawk ah i tla thla lai ka lo thlir mai dawn chauh che.." nui sang chung in ka en a.A ner zui ta nawk a!
"Kha thil vang mai mai khan kei hi ka tlu chhe hauh lo ang.."
"Kan hria ang chu.." ngaih pawimawh loh hmel fe hian ka ti leh a..A rum nghut a.Ani mipa chapo leh duhamna a khat tan chuan a dinhmun ațang tlakhniam tluk a thil tlawmthlak dang a vang khawp ang tih ka chiang ve thawkhat e mai!
"E, Kha share chan tum a i mail rawn thawn pawh kha ka lo hmu a,kei hmeichhe hnuaihnung zet hian i data rawn thawn țhenkhat kha ka hrethiam ve mang silo a,Ka dawr duh list ah ka tel ta lo mai che anih kha.."
"Zodinpui.." seh chilh zet hian a rawn ti a,Kei erawh in ngeiawm zet in ka nuih let thung!
"I bialpa,Midang enkawlna vanga tun dinhmun thleng ve thei mai puihna che vang hian hawi sang vak suh aw.." a rawn ti a.A țawngkam chapo leh midang hmusit tak tak ţhin vang chuan thinrim loh hram hram ka tum a,Tun ah hi chuan a chaklo miau a,A duh duh tal a sawi ka phal sak rih mai a niang chu!
"Ka kalsan rih mai ang che..Ka bialpa pawh a rawn hman ve țep tawh ang.." ka ti sep a.Mitmeng sen rum mai a min enna chu nuih luiin ka ding kang a.
"Kha i taksa nalh zet kha belhchian a chakawm khawp mai.." A mize tenawm tak a chhuak leh țan e.
"Ka bialpa nen kan tih a tan khek zawk ila a fuh in ka ring!" Mit ka siai zauh a! Ka kalsawn tur chu rang zet in ka ban bulah a rawn hmer zui ta chawt a! Ka lo inring bawk silo nen..ka țe chhuak teuh kher mai!
"Zanin ngei hian ka phelh ruak vek ang che.."
"Min thlah nghal rawh.."ka ti tuar a! Midang chu an rawn hawi nghal ţhup mai!
Tenawm zet a nuih pah in a kut chu a la sawn a!
"Ka thusawi kha hrereng ang che.." ka taksa melh kual dan dan pah chuan a pen hnung dat a! Ka pheikhawk sang bun lai hi phelh a,Vuak zui chawrh ka chak dan chu pui tak ani ringawt!
Khawi ah nge a bik bo tak ka hrelo,Engtinnge ani ang a rilru bawlhhlawh lutuk pu mihring hi an pian ve theih tih chiah ka ngaihtuah zui tawh.
Mipa pakhat in in tur a rawn chawi kual a,Ka bul a rawn thlen rual chuan ka duh ve em tih min zawt a,A tray chawi lai chu ka melh zawk! Wine glass chu ka ban ve a,Wine hi ka in ve zauh țhin a,Tam erawh ka in ngai lo.
Minute 10 a ral leh tawh a,Zothana te pawh an rawn zo țep tawh ang.
Glass a wine awm zawng chu ka in zo ve vek a! Wine hi chu a thlum deuh dek vang hian insual a awl a,A thlum tel vang hian in hnem a awl bawk a,Mahse glass no khat lek vang chuan ka rui mai ngai biklo.
*In rei tawh..*
Rang zet in a rawn reply a.
"Just wait for 10 minutes*
Ka nui sak a,Washroom ka hman chhung in an rawn chhuah hman mai ka ring a,Ka țhutna ațang ka ding chhuak chu ka khawhmuh a phe deuh riai a! Mahse mit ka khap sak sak hnu chuan ka pangngai leh vat a.
"Ka in lohna a rei ve tawh em ani.." ti sep pah in washroom lam chu ka pan a,Hall chhung boruak lum ațang ka pen chhuak chiah chu a vawt nghal sung mai! Pawn lamah ruah a sur tih hriat zet in Hotel bang darthlalang ah chuan tui a rawn luangthla nguih a!
Corridor reh ruih mai ka kal phei lai chuan ka lu a hai deuh chhuih a! Chu mai pawh nilo in ka taksa hi engtinemaw tak a danglam bawk! Bang chu ka vuan ren rawn a! Ka lungphu chu amah in a rawn rang zui dawt dawt a!.
Ka pen lui a! Ka taksa chhung lam a rawn za uaih uaih reng a! Ka thawchhuak leh halh ţhin bawk!
"Ka sawi kha i hria em?" Min hlat lo tak ațang mipa aw rawn chhuak vang chuan ka ding dat a! Mahse a chhan ka hrelo,Ka chet zawng a ka taksa in nawk kual vel vang ngawt te chuan ka za a,Ka tha a khur ru a!
"Zanin hian ka phelh ruak vek ang che ka tih tawh kha.." Ka taksa si chet in a rawn ding a,A ban in ka kawng a rawn kuah beh rual te chuan ka lo danglam anih chu!
"Nang..Nang hian ka chungah eng thil nge i tih..?" Ka ti sep a.. ka țawng rin thei loh bakah ka aw a khur ru dar dar bawk! Zico chuan nui suk chung in ka taksa chu a rawn chul kual ta thuak a! Hmeichhe h*r zet ang maiin ka rum chhuak nghal hawk mai bawk!
Ka awmdan chu ka duh lo a,Mahse ka taksa chhung lam ațang min rawn ti danglam tu a awm tel ve tlat!
"Zico.." A kut pahnih in ka mawngah a rawn țham tawk a,A taksa si chet in min pawm bet a,Chumi pah chuan bang ah min nawr bet zui nghal zat a! Dang tur ka nih lai in ka thei bawk silo..Ka taksa chhungah chakna nasa lutuk a rawn in siam a,Ka rilru chuan thil thleng hi a duh lo a..Mahse chu ka rilru vek chu rawn nawr reh tu a awm zui nghal zel a.Bang a min nawr bet reng chung chuan a rawn d*p a,Ka khur ru dar dar reng bawk.
"Ka chungah engnge i tih..?" Ka ti bah nawk a,Mahse ka kap zawnah a rawn nawr leh sawk tak ah chuan bang chu ka ngheng a,ka thawchhuak zui ham ham bawk!
"Engmah tih ka neilo.." nui suk chung in awmze nei lutuk in a taksa hnuai lam chu a rawn chet a!
"Hlauthawng suh..i pasal a lawm ka nih..He thil hian darkar 5 chhung bak a awh dawn lo,Chumi chhung chuan i duh khawp zan i hmu ang.." hnehtu chanchang inti lutuk a a țawng ri te chu chhan let ka duh a,Mahse min thunun tlat tu a awm bawk si.
"Kha mihring khan kan awmdun lai video hmu ta se a la buaipui zui duh tho che angem tih hriat a chakawm hle mai.." a phun sur sur reng a,He mihring hi ka ten tih chu ka hria..Mahse ka hnar theih turin chakna ka neih lo..Tunah tak hian s*x chak ngawih ngawih in ka awm bawk!
Ka taksa a nawr beh tlat inkarah chuan a rawn zen lut a,Ka mal inkar ah a rawn zen a.
"Zico duh tawk rawh.." ka aw zawi lutuk chu a hre kher lo ang!
"Duhtawk turin min duh tak zet em." Nui hawk chung in ka mal kar chu a rawn khawih a! Ka sa nghal pup pup thei mai!
"Ka duh tawk dawn em?" A kut a chet zui nawk nawk a,A darah ka vuan a,Bang chu ka ngheng zui nghal ngawng ngawng a! Ka va han in ten tehlul em! Khawvel a ka mihring ten ber min khawihna pawh ka hnar thei lo chu ani a!
"Babe..Ka tawp dawn nge zanin hian min mamawh ve?" Tisa chakna aw khur dur dur te chu ka hre vuai vua i mai! Uar zet in a rawn nuai nawk nawk a,Ka rum leh hawk ţhin a,A chet nat pauh leh nuam ka ti ting mai anih chu!
"I la sawi lo.." nui suk chung in a chawl a! Keimah zawk in a banrek ah ka vuan ta chawt a! Ka rilru ţhenkhat chuan a hua a,Ka ten ngawih ngawih bawk a,Mahse min thunun tlat tu leh keimah a chakna awm vang hian ka taksa hi a puak darh thei mai dawn in ka hria.
"Engnge i duh sawi la.." ka taksa danglam chu a hre vek.
"Min khawih leh rawh.." ka ti a..Keimah ah hian rilru pahnih a awm! Engmah mumallin ka ngaihtuah thei lo a,Ka duh ber chu ka chakna neih zawng zawng tih puitlin vek ani tawp.
"Helai hmun ah hian maw?" Zico vek chuan min nuihsawh zet hian a rawn ti a..A kut chu dimte te in a rawn chet leh a.
"Sawi la..Helai hmunah hian a tawp thlen nghal i duh em?"
"Aw.."
"Ţha lutuk..I bialpa khan min rawn hmu ta se."
"Nilo..Zico duhtawk rawh..Engmah ka ti thei lo.." boruak ka hip zawk a! A kutťang ka taksa chhungah a rawn nawr lut anih chu! Ka mal a kuai zau sauh a,a awmin bang ah min nawr bet chet a! A kut chu a rawn chet nghal zawt zawt a! Ka taksa peng hmun tin mai chu a za chuaih chuaih a! Ka țe chhuak leh țhat ţhin bawk! Nuam ti lutuk in ka rum ham ham reng a! Chu tih rual vek chuan ka rilru fim a rawn lang ve leh zawk zel bawk a,Chumi ruala Zico nemsawn ka tum apiang in a che uar sauh a,Ka taksa thunun bet tlat tu chu a chak zawk zel bawk ţhin!
Ka taksa chhungah a kut luh tir reng pah a ka taksa nem lai a rawn nuai zui nawk nawk na vang chuan ka thawk te hi a chham thei mai dawn in ka hria a,Zico lah a che uar na ngang mai! Ka tai zawnah hian hit a rawn in țham khawm tup tup a,Ka tha a rawn khur hlawk hlawk a,thuk zet a a rawn nawr luh tawk rual chuan țe chhuak țhawt in a awmah ka hmaiin ka nawr a,Ka thaw khur hlawp hlawp a,ka mal chu ka chip dawn apiang in Zico in a pawt zau leh nghal zel a.A tawp ah phei chuan ka taksa chhung ațang a rawn lum chhuak pup a! Ka zawi vek! Ka taksa chu puak darh tur ang maiin a za kual chhuak vek a!
Zothana ka ngaihtuahna ah a rawn lang a,Tunah hian ka bula awm turin ka mamawh tak zet! Anih loh chuan he mihring hian ka taksa thunun tlattu a awm tih hre reng chung in min khawih leh anga..Zothana tan ka thianghlim tawh lo bawk ang!
"Duhtawk rawh.." ka ti țiak a! A kut chet a chawlh rual chuan ka thaw kawk kawk mai! A kut a la chhuak a! A awmah min kuah bet a.
"Darkar5 a daih dawn ka tih kha..Tun kha chu bul țanna chiah anih kha.." ti sup pah in ka hnung a rawn chul hauh hauh a! Ka inten ngawih ngawih hi ani tawp mai!
"Helai hmun ah nilo,Khum ah ngei i taksa hi ka fawp chhuak kim vek ang.." a nui che dat a! "Video hmuh nawm tak kan siam a nga..I bialpa ngei pawh kha kan hmuh tir ang chu le." Ka beng ah a rawn seh pah a.
Ka wine in kha damdawi pawlh anih vang ami hetiang a ka awm..He mihring tenawm lutuk hian damdawiin min hrai tih na maw?
Zothana...Ni e..Zothana khan min zawng tawh bawk ang..Ka tha neih zawng zawng hmang in tal chhuah ka tum a,Ka au dawn a,ka theihtawp chhuah a ka au chung pawn keimah ngeiin ka hre phak che che chauh anih chu!
"Sshhiit..Babe..I tal chau mai mai..Min mamawh..rilru fim put tum buai duh suh,Kha mihring khan a kalsan ta che anih pawn ka enkawl zui thei reng che alawm..Ka ngai che ka tih kha.." ka kawr hak a hlim chho deuh a,min rawn chul kual ruai reng a!
Damdawiin in min hrai a! Ka chaklohna chu hmanrua ah hman tum in chet a la zui zel bawk a...Mi tenawm tak ani..Chu tih rualin keipawh! Ka taksa a damdawi hnathawh ka hneh loh vang leh he mihring min khawihna apiang nuam ti tak a ka lo dawnsawn zel avang te pawh hian hmeichhe tenawm tak mai ka ni ve bawk!
"Room ah lut ang le.." ka mal inkar a rawn chul leh thuak thuak a! Ka thaw ham ham a! Kei leh ka fapa min hmangaih em em tu mipa chu zanin hian ka taksa a damdawi hnathawh ka hneh loh vang in ka phatsan anga..Na tak in ka siam dawn bawk!
"Room ah lut ang_" sehchilh zet a rawn phun sup in ka panty hak chhungah a rawn zen lut leh a,Mipa mamawh ber ang maiin ka taksa ka lo chet kual a,Dimlo takin min khawih se tih ringawt ka suangtuah bawk!
"Țha lutuk..Tuna i hmel landan hi a lawm ka suangtuah fo ţhin!" A kut leh lamin ka khabe ah a vuan a,Min kuai dak salh a! Ka panty chhung a kut chu a chet uar leh sauh bawk!
"Ka nei let leh dawn che ka tih kha.." ti sup pah in a kut a la chhuak a,Zo zet in min pawm kang nghal nawlh a!
"Vincent phiangsen kha chu theihnghilh ang che..Kan pahnih awm dun lai a hmuh meuh chuan a nun aţang a theh chhuak hmak bawk ang che.." a nui suk a..Keimah a damdawi hnathawh a reh fel rualin ka nunna ka la ve duh hial ang!
☆TE DOY 15K☆
Chapter19
By
Abbra Reo Ririni Khiangte(Pitartei)
Zothana's pov
Sana chu ka melh sek tawh. ,Bawihi bulah minute 10 nghak leh tura ka tih ațang khan minute 10 chu a ral dawn der tawh,Kan la zawh fel mai loh vang chuan sana chu ka bih sek a,Tiang tak a ngaihtuah viau tur si chuan kalsan loin lo hruai ve law law zawk tur ania! Ka ngaihtuahna vang chuan ka nui chhuak suk a!
A bula awm ka thlakhlelh ţhin zia hi tumah in min hriatthiam sak ngailo ang,Kei ngei pawh hian sawifiah dan ka hre lo bawk!
Nausen thla sawm mi lek kha home gate hmaah puan lum mang hleilo a tuam in a lo awm tawp a,Khang hunlai khan mipa naupang kum 10 mi ka ni tawh a,Zingkar gate ka hawng turin Puitei hi puan pakhat lek a tuam in gate hmaah ka va hmu tawp a,A tirah phei chuan nautelem emaw ka ti hial nghe nghe bawk!
Mahse a rawn che a,Puan an tuamphui tlatna kha rawn in hai hawn ve a tum a,Zingkar thophang hlim ka nih vang khan mit nuai nawn leh ngat in ka pan hnai a,Makti rilru zet a puan a intuamna rawn che ve det det ka keu hawn rual khan khawvela nausen piang tawh a hmelțha ber ka hmu a! A kutțang tereuh te te kha a chet ve a,Min țhawng lutuk kha khap pawh khap lo in ka en ta reng ringawt a! Reife hnuah a rawn ţap chhuak a! Kha nausen ţap ri khan mipa naupang kum 10 mi ngaihtuahna zawng zawng kha a luahkhat a! Khami ni ațanga tun hun thleng hian minute reilote chhung pawh amah ngaihtuah lo in ka awm ngai lo!
Ka hmuh hmasak ber anih vang khan ka ta chauh ang ah ka ngai a! Ka ta..Ka ta chauh! Ka lak ațanga awm hrang ngailo tur! Ka awmna apiangah awm ve a,Ka hming a rik ruala a hming ri tel ve zel tura ka duh leh ka lak ațang tuma lakhran theih loh tura ka ta bik chiah!
A kutțang tereuh te in ka kutțang a hum ve ran tawh kha chuan mipa naupang mai la nimahila khawvel hneh thei tu ah ka inngai țhin a,A ţah hlek in ka thluak a buai a,Aaa..Ka atchilh ani tawp mai! Keilo mipa naupang in an khawih ve te kha ka phal ngailo a,an khawih ve hlau khan ka veng tlat reng zel bawk,A muthilh hma chuan ka kalsawn thei lo a,A muhil ta cheng a,Tui zet a muhil sek sek ţhin kha enlo in ka awm leh thei ngailo a! Khang hun lai khan unau awmzia te hi ka la hrethiam ngailo,Ka hriat zawng erawh chu nausen thla 10 mi lek kha khawvela hlimna zawng zawng pek a,Ka lak ațang engkim dawn tir vek kha ani mai!
Thil hrethiam rual a rawn nih ațang khan ka bulah engthil pawh sawise pek vek ka tum a,Ka thawhrim phah hle zel bawk,Ka bul loah thil mamawh a sawi ka hlau a,keimah nilo midang innghahna tur a neih ka phal ngailoh ang bawk khan atan innghahna tlak leh a duh engkim a dilna tlak ni thei tur khawp a atana ber nih kha ka tum reng ţhin bawk!
Hmeichhe naupang nilo a kiang hnaih a an awm hlek tawh chuan chhan engvang pawh nimahse ka thinrim em em reng zel!
Mahse vawikhat a nui hmel ka hmuh rualin ka thinrimna zawng zawng an reh leh duak zel a.
A tihtauh a,Ka lakah a thinrim hlek chuan ka buai nghal vek zel bawk!
Ka hlat ah a awm ka phal ngailoh vang in ka khuahkhirh a,Ka thusawi zawm lo thei lo a nawr luih chang lah ka ngah mai!
Home pawn lamah zirna a chhunzawm ațang khan a lakah ka thikthu a chhe zual a! Chhe tak hi ani ringawt! A school kal tur ka thlah thlap a,A haw tur pawh keimah ngeiin ka hruai thlap loh chuan ka ngaih a ţha thei ngailo a,Ka nuam tih ber chu a kut ah vawn a,A țawng lai ngaihthlak kha ani ţhin!
Uar zet in thil a sawi ve pang pang zel a,A thusawi lai tihbuai a duh ngailo a,Ho te te ah min tihthinrim ang bawk in a thusawi pakhat lek vang in ka thinrimna te an reh leh ang lawi a..Min thunun ti ila a dik ber ang!
Hmeichhia,a thawk la i hmuh ruala mi nung ila ni tih i inhriat chhuah phah ţhinna hmeichhia chu tina ngailo la,A lungphu ri i hriat ruala i lung an phu ve tih i hriat theih phahna hmeichhia chu venghim tlat ang che! Achhan chu Pathian hian chutiang hmeichhia chu a siam mai mai lo a! I tan mi bik ani tih hria in venghim tlat zel ang che..
Paper tih fel ngai kan khawih zawh rual chuan ka thaw huai mai! Midangin mak tih hmel tak a min enna chu pawisa lo in room chu ka chhuahsan zui nghal zat a!Bawihi ngaihven turin hall lamah chuan ka kal zui vat,Minute 10 ral hnu khan message min rawn thawn tawh a,A lo ning tawh viau mai thei!
A bul ka thlen ruala a lo meng leh ram râm tur ngaihtuah chung chuan ka nui suk a! Ka awmdan atthlak zet chu min rawn hmu tu an awm em tih hriat nan ka hawi kual zui leh thuak a! Tuman min rawn hmu lo hlauh e!
Jayden duhtawk a a țawng pang pang lai leh Bawihi naupan laia a țawng ve pang pang țhin te khan danglamna pakhatmah an nei lo!
Jayden a tihtauh ve bar bar tawh hi chuan rang zet in Bawihi naupanlaia a titau ve bar bar țhin kha ka ngaihtuah let hmasa ber zel bawk!
Ka bana sana chu ka thlek leh zawk a! Thinrimna tur a lo hmuh loh hram beisei phawt ang!
Hall chhung ah chuan mipui an lo la zi hut hut a,Bawihi ka kalsan takna lam kha ka pan zui nghal vat a,Ka hmelhriat kal pelh țhenkhat in min lo biak kawi leh ţhinna te chu ka ning ru tak zet!
Ka kalsanna hmun ka thlen chuan ka hmu ta mai lo a! Ka hawi kual zui nghal thuak a,Hmelhriat a neih loh vang in midang zingah chuan a awm ve tawp lo ang!
Ngaihţha zan lo chuan hmeichhe awmkhawm deuh tawh phawt chu ka pan hnai a,A hmelhriat tu emaw hmu fuhin an zingah a awm ve mai te anih ka ring a,Mahse amah zawng reng chunga hall chhung ka kalkual vek hnu pawh chuan a hmel hmuh tur a awm hlek lo!
Thawk la hawk pahin ka kekawr ipte a phone chu ka la chhuak vat a! A number ah ka call a,A in ring chu ngaithla in ka kalkual pah reng bawk,Hall aţang a kalsawn ngawt ka ring bawk silo nen,Phone a chhang thei bawk silo! Thawpik zet in ka han thawchhuak hawk a!
"I va induh tak." Ka hnunglam ațang hmeichhia in a rawn tih rual chuan ka ner nghal sawk! Bawihi bawk call nawn leh chung chuan ka inher a,Rachel chuan min lo nuih nghal sang bawk!
"Ka buai rih a."Melh zawk pah chuan ka ti sup a,Engvang tehhrep nge ani pawh hian ka call a chhan theih loh!
Rachel chu kal pel mai ka tum a,mahse ka hmaah tak a rawn ding ve chat a,Ka phone chu dah thlain thawk ka la zui hawk a!
"Ka unaupa nupui kha i lo hmangaih reng a!" Nui lui hak pah in min din hnaih a,"Kei kha hmanrua ah min lo hmang mai mai ţhin bawk a." Ka coat nghawng chu a khawih zauh a!
"Ka unaupa nupui neih i duh vang in kei kha min lo hnaih mai mai a,Tunah i thil duh ber i hmuh tak hnu chuan min hrelo ang maiin melh pawh min melh duh tawh lo a.
A thusawi atthlak zet vang chuan ka țhen sak a!
"Duhtawk teh..Ka hnaih ngailo che a..Hmanruaah hmeichhia te hi ka hmang ngailo bawk.."A kut chu man beh sak in ka dah thlak sak hmak ,Min rawn khawih leh a tum rual chuan ka ban in ka lo vai sawn vat a! Za lo zet hian a nui chhuak ta hak a!
"Dindini i hnaih theih nan ani lawm ni kei kha min kawp?"
"Wow! Nang nen khan kan inkawp ngai reng reng hlei nem!" Ka aw rik dan chu a dawngtu tan chuan a ngeiawm hle ta ve ang!
"Vincent!"
"Rachel,Hmeichhe țha tak i ni ka tih tawh kha,Mahse ka tan chuan hmeichhe pakhat chauh an awm,Tunge anih i hre tawh a,ka laka a i rilru put dan pawh kha thlak tawh ang che."
Ka kal pel tur chu ka ban bulah a rawn vuan vat a,Ka thaw chhuak nghal hawk thung! Engmah sawi zui lo in a kutțang chu ka pawh phelh sak a,A taksa in min rawn hnaih leh sauh rual chuan ka tum aia na in a kut chu ka phih sawn ta sawk a!
"Ka endan che a ngai reng,Țhian kan ni tih theihnghilh ngai suh ang che.." ţap mai tur ang hrim a min en na chu ngaih pawimawh sak duh lo in ka kalsawn zui nghal vut a! Ka phone bawk chu ka hmet leh a.
Bawihi number ah bawk chuan ka call a! Mahse tun țum chu a in switch off ta tlat thung!
Ngaihțha lo zet chuan phone chu ka bih ngur a! Minute nga ral hma kha chuan ka call tlang thei a! Tunah erawh a in switch off ta hmak a!
'Buaina a tawk em?' Chu thil ka ngaihtuah chhuah rual chuan ka thluak a vir nghal zawk bawk! A hma khan eng vanga ngaihtuah hmasa ber lo nge ka nih!
Thawk la hawk chung in chil ka han lem deuh kawlh phawt a! Zico...Ka mihring phiangsen kha he hall chhung ah hian hmuh tur a awm ve tawh lo bawk!
Room ka kalsan tawhna lam bawk pan chuan ka pen let pawk pawk a! Bawihi number ah chuan ka call zui pah reng bawk a!
" Chhang rawh..Chhang rawh.."
Switch off!!
"Hrep tak chuan!" Nghet zet in phone chu ka hum a,Ka vawm keh darh lo chauh tawh!Tinge nichin khan ka lo hruai ve mai loh! Amah a awmfal tir tur ka nilo asin! Ka sam chu ka'n țham deuh tawk a! A chungah thil eng emaw a thleng anih chuan ka inngaidam thei ngailo ang!
"Bawiha.?"
Room ka luh leh hma si chuan KC-a chuan min rawn pan vat a.
"Thil diklo a awm em?"Ka awmdan a rawn hmuh rual chuan a ti zui sup a! Chhan ber hriat silo in ka thisen a lum pup pup bawk.
"Bawihi a awm lo.."
"Mawh?"
"Minute 10 kal ta kha chuan he hall chhungah hian a la awm..tunah chuan a phone a in off.."sehchilh nawk pah chuan ka ti hrawih a!
"Hotel hnathawk tu te kha ka mamawh dawn nia " ka tih zawm leh hluk a,Pindan tin leh chhawng tin enkual ka mamawh dawn tlat.
Kc-a chuan hotel hnathawk tu te biak tum in inbiak pawhna atana an hman ţhin bik a kawnghrena a pai chu a ban vat a! Keipawh Bawihi bawk call tum in ka phone chu ka lek kang leh zat a!Ka thisen lum em em reng chu ka hrethiam lo! Thil țha lo tak thleng tur ang maiin thlanfim in min bawh nghal țawk țawk a!
Room kawt ah chuan ka vei thuak thuak a,Vawi engemaw zah ka call leh tawh a,Mahse a phone a in switch off hmak thung!
A kalna awm tur ka ngaihtuah ngial pawh in engmah min hrilh hmasa lo in kalna tur a nei bawk silo,Thawk ka la leh ham ham ţhin a,Zico nen an awmdun te ka'n ring leh deuh thut thut ţhin a,Mahse kha mipa kha engti kawngmah in hnaih a duh tawh ngailo ang tih ka hria a! Chu tih rualin Hall chhungah khan Zico nilo hmelhriat ţha tak a nei lo bawk!
Hun kal muan vang nge ka awmdan in a zirloh vang teh hrep ni! Second tin mai te chu an muang in Bawihi number ah chuan ka call nawn tluk tluk a! Ani pawh chuan engvangin nge a phone a off reng reng le! Thil thleng reng reng chuan ka thin an tirim hlur vek a!Whatsapp Message a rawn thleng a! Chu pawh Bawihi number aţang in!
Kha tizo zai biak ka tum na kha engvang in nge a chhan loh! Ti hluk pah chuan message chu ka hawng a,Video a nih vang in second reilo te a in load a,A in load zawh rual chuan screen chu ka hmet leh zauh a! Video second 10 lek a rei clip vang chuan ka thisenzam hi a lum chhuak nghal pup mai! Ka thaw ri nghal hrawih bawk! Thinrim lutuk in phone chu ka hum bet zui ta ngawt ngawt a!
Khum ah Bawihi chu a mu a,A taksa ah chuan mipa kut a vak kual ruai reng bawk! A thuamhnaw hak inbel vek chung siin a taksa lang lai ah chuan mipa kut chu a vak kual ruai reng a! Min tina ber tu chu Bawihi zawk in chu mipa khawihna chu thlahlel tih hriat ngawih ngawih a rum chhuak a,Mipa ban vel a chul kual ve ruai chu ani!
Ka thisen lum lutuk vang chuan ka ngaihtuahna chu a mang duk thei mai! Kha a taksa kha midang a inkhawih tir thei a maw? Ka kawchhung lam chu a sa bulh bulh a! A vawihnihna atan ka taksa chhung chu a na leh hle tawh! Ni e..Pasal a neih ni khan mihring in natna a tuar chhuah theih zinga na ber ka lo paltlang tawh a! Tunah amah vang vek in khang hun laia natna ang chiah khan min rawn chenchilh leh tawh!
Engvangin nge tun ang hian a awm!
Duhthawh zet in thawk ka la chhuak hawk a! Ka ngaihtuah thlen theih chin zawng chu thisen chhuah chakna a ni tawp mai!
Nghet lutuk a ka phone hum lai chu a rawn vibrate zui chur chur a!Ka thawk a sa phat phat a,Thinrimna vang in ka thinphu a rang zaih zaih bawk!
Bawihi number ațang bawk video call ka dawng a! Ka phone hum lai chu paih keh pawp mai lo turin ka insum zui ta țang ţang a!
Call ka chhan rual chuan khum zau zet chunga Puitei mu lai bawk chu screen ah chuan a rawn lang a! Ka rum chhuak nghal hrawih thung! Thil hmuh nuam tak chu a ni lo khawp mai!
Mipa mamawh ngawih ngawih ang hrim in a thawchhuak ham ham a! Chu thil chuan min tina ber bawk! A kawrfual var hak kha a dul lamah a innawr tawm chho vek tawh! Ka thisen lum dan chu pui tak ani ringawt!
"Vincent?"
Mipa,Hnehtu chanchang inti lutuk aw ri vang chuan ka țhen lui sak a!
Kan mihring tenawm a bawk!
"A chungah khan engthil nge i tih?" Ka thinrim lutuk vang in ka aw chu a khur sehchilh nawk bawk!
A rawn nui ri huk a! Bawihi mutna khum chu a pan hnai tih hriat zet in screen ah chuan Bawihi taksa chu a rawn lang chiang telh telh a! Mipa kut in a mal bawr a zut chhoh leh rual chuan ka au chhuak ta țhawt bawk!
"I kut hmawr pawh khan khawih tawh suh.."
"Oh!' Nui leh huk chung in a kut chu laksawn a tum a,Chumi rual chuan Bawihi zawk in Zico kut chu a man behsak nghal anih chu!
Mipa nui ri hawk ka hre zawm leh zat a!
"Khawih loh chu ka tum ngei alawm,Mahse..Amah zawk hian min mamawh tlat a!" A thusawi chu rinloh pawh tum ila Bawihi zawk in Zico kut chu a taksa khawih kual turin a pawt bet țawk țawk a! Tun a thil thleng mek ka hmuh hi mangchhe berah pawh thleng turin ka duh ngailo!
"En la,Ka khawih a nih hi a mamawh!" Puitei kawr hak hlim chho tawk pah chuan a dul vel chu a chul kual ta ruai a!
"Zico,Thi tluk ah in ngai ang che.."
"I hmeichhia ka khawih lai hi ti khan lo thlir tawp mai rawh..!" A rawn ti a.
Ka that lo anih hlauh chuan a vanneihna in a venhim vang ani ang!
"Ngaihtuahna thar ka nei e.." A kut a chawl a!
"Zanin a in share midang kut a in hlan tak kha kei min pe anih chuan he hmeichhia, mipa mamawh ngawih ngawih nu hi ka khawih lo ang!"
Chil ka lem dawk a! He mihring tenawm lutuk hian engmah ti theilo in Bawihi hi hrai ruiin hmanruaah hman a tum lek zawk ani! Tenawm lutuk! Ani ang mipa hi alawm hmeichhe pawnfen feng tlak chu!
"I duh apiang sawi rawh ka pe ang che,mahse i kut hmawr pawh khan khawih tawh suh." ka ti sup a.
Ka bulah Kc-a chu a rawn kal ve vat a,Mahse phone screen erawh a hmuh ve țul ka tih loh vang in ka dah hla thung,Min rawn tibuai zawm ta lo bawk!
"Share kha keiin ka chang ang..Ka chang ka tih khan pawisa pek tumna che ka neilo..Helai khum a mipa mamawh ngawih ngawih hmeichhia i tlan chhuahna tur anih chu." Khum a Bawihi mu taksa chu chiang zet in a rawn ti lang leh a!
"Share in hralhna kha tunah hnukdawk leh nghal rawh."
"Ka hria e.'" Ka ti sup a.
"Minute nga chhung in paper in cancel na leh ka hming a engkim a awmna lehkha hmuh ka duh ang! Minute nga chhunga chu thil chu a thleng lo anih chuan he khum chunga hmeichhia ka khawih zui dan tur chu a chiang vek bawk in ka ring!" A rawn ti a!
A kut hmawr pawh a Bawihi a khawih ka duh loh ang bawk in amah venhimnan chuan ka neih zawng zawng pawh ka pe vek mai ang!
"Video hi ka off dawn lo a,Tunah khan i hun a ințan e." Dawhkan ah emaw phone chu Bawihi taksa lang thei turin a hung a! Khum lam panin a kal zui nghal zat bawk!
"Khawih suh ka tih kha.."
"I hun a ințan.."
Ka thawchhuak hawk a! A bulah Bawihi a awm miau vang in a thusawi ka hnial thiang lo!
Kc-a chuan kan inbiakna a lo hriat ve vek tawh vang chuan buaipui ngai a buaipui nghal zung zung a, kei erawh tih mai tur ka hrelo thung! I hmeichhe hmangaih ngawih ngawih damdawi hmang a hrai ruih niin khawvel mipa a zawng a rilru bawlhhlawh ber a kiang ah awm ve reng bawk si se..Tih hmasak ber tur tumah hian an hre bik lo ang!
Kc-a chuan a hming sign tawhna sa lehkha phek min rawn pe a.Zico chuan zaizir in lehkha a thu inziak chu a hmuh theih a dah turin min rawn hrilh a! Tun minute reilote chhung chiah hi a taksa him dam a a awm theih hun a ni ang!
"Ka zo e.." Kc-a zawk in a ti sup a.
"Vincent..I ti țha e! Kha lehkha kha Rachel va pe rawh.." Nui suk chung in a rawn ti a!
A hrawk ah tak ka hnek hun chuan a thiltih pawi zia hi a hre ram ram mai ang!
Lehkha chu Kca'n a keng a,Racheli awmna lam pan chuan kan kal zui zat a.Zanin hian he mihring hi pang dam in a awm dawn lo hrim hrim! Lehkha chu Racheli kut ah kan hlan rual chuan Zico chu a rawn nui suk a!
"Kan awmna hotel pindan rawn thlen nan hun i nei tam lo ania..Insum tumna ka nei lo tih i hrechiang bawk ang chu. " Screen a thim zui nghal hmak a!
"Thi tur in lo inbuatsaih rawh!"
Step ah ka tlan chho nghal zawt zawt a! Nichin khan ka ngaihtuahna buai viau mahse thluak erawh ka hmang ve thung!
Chhawng hnihna ka thlen rual chuan kawngkhar lo awm hmasa ber chu ka tlawh pawp a! Kc-a khan min rawn umzui tih ka hria! Min rawn nangchin hma ngei a Zico lo thah fel vek ka chak ta ber bawk!
Vawihnihnan ka tlawh leh pawp rual chuan kawngkhar chu chhung lamah a in hlap ri pawp a! Ka pen luh ruala ka thil hmuh vang chuan ka thisen a lum zual sauh bawk!..
Zico chuan Puitei chu pawm kangin bang ah a lo nawr bet a!Puitei damdawi vanga mumal nei tawh miah lo lah chuan rum chhuak ham ham chung in Zico chu a kherh bet nghet zual ve sauh sauh a! Ka â thei mai dawn in ka hria! Ka taksa chhung chu thinrimna leh natna vangin a rawn puak keh lo chauh!
Ka hmu tih a inhriat rual chuan Zico zawk chuan chet a la leh a!
Hrep tak chuan! Ka thah lohna chhan tur a awm ta lo!
Hnehtu chanchang inti lutuk in Puitei taksa nawr bet reng chung chuan a rawn nui suk a,Ka pen lut pawk pawk a,Bang ngheng chunga Puitei hmel landan mumallo zet chu en in ka thawchhuak hawk a!Nakinah rilrufim chu ka la pu ang!
Ka kut hum ruh tlat a phet vuai rual chuan Zico zawk a thal tawp a,Chumi ruala Puitei chhuata tlu ve hnawk chu ka pawm kang zui nawlh a,A taksa chu a zawi vek a chu kan mihring tenawma damdawi hrai na vang chuan a thaw ham ham reng a! Khum ah ka nghat a;Ka coat hak lai chu hlip in a taksa khuhnan chuan ka hmang a! Tunah chuan a laka thil tenawm zet ti tu mihring thah chiah ka hma bak tawh!
A rawn inben kan ve hma chuan a bek zawn ah ka pet zui pawp a,Hmeichhe chaklo zawk lakah tenawm tak a a chet reng dawn ai chuan thi daih mai se a țha zawk!
A kawrawm ah ka țham thawh leh rual chuan a la rawn nui suk a.
"A zei lutuk ti ila i awih angem?" Ta cheu chuan! A sawi zawh rual deuh thaw in a bek ka pet sak tawhna ah khan ka hnek zui chawrh a! Ka duh tawk mai mai dawn lo bawk!
Ka thinrim lutuk vang in ka chet dan mumal in ka hrelo, hmeichhia te hi mipa aia chaklo tawh sa an ni a,An lakah tharum kan hmang tur ani ngai lo bawk! Mipa kan nih vang ngawt in a taksa neih tum in diklo tak in kan che tur ani biklo,Dikna an nei a,Mipate hi chu an dikna zahsak tu tur leh an mahni venghim tu tur te kan ni bawk, Mahse..He mihring,!A hminga mipa hming pu ve mai mai te ang lek hi chuan hmeichhia te hi an thahrui hmang in an zahawmna hnehchhuh sak an tum a! Mipa te min timualpho țhin tu te an ni bawk!
A hrawk ah ka rek ngawt ngawt a,Ka thinrim bawk a,Amah ngei pawh chu chiang in ka hmu thei lo! A thaw ri hrawih hrawih a,Thei leh thei lo in ka reh beh mekna kut chu a rawn vuan ve țawk țawk a! Minute khat pawh tling lo ka rek leh anih chuan mipa te min timualpho țhintu mihring hi khawvel ah pakhat in kan tlem belh tihna ani mai!
"Ka..Ka..Min..min ngaidam rawh.." a thaw chawk chawk.Ka nui suk a,a thih hnuah ka ngaidam mai thei!
"Bawiha.?"
"Khai a! Bawiha,A tawk tawh..A tawk tawh.."
Ka hrang ta nawlh a!
"A tawk tawh! A thi mai dawh sin.." Ka taksa kuah bet chung a ka hmai zawna rawn țawng mawlh mawlh chu ka hmu phe ruai mai! Thawk ka la hawk a! Ka kut lehlam lehlam ah hotel hnathawk mipa pahnih in min lo chelh bet reng bawk!
"A tawk tawh..!" Kc-a vek chuan a rawn ti sup a.Ka kut chelh bet mek tute chu a mitmei zauh a! Chhuat laia Zico let hlawm reng en chuan ka thawchhuak leh hawk a! A taksa chu thisen in a bual huh zuih a! Nikhaw hrelo in a awm bawk!
"Sakawlh ang maiin alawm i chet le. " Za lo zet a nui hul hak pah chuan Kc-a vek chuan a rawn ti a!
A dik hial ta ve ang! Ka chetdan ngei pawh kha ka hrelo! Thisen in a bual huh vek danah hian a hming lek in kut ka thlak lo tih lah a chiang reng!
"Rawn thleng hman lo ila chuan mihring a chang tawh kher lo ang!" A ti leh sup a.Ka rilru a fim țan tawh a! Za lo zet hian ka nui hawk a! Ani ang mipa nep lutuk ang tan hian alawm veng tinah thlan khur laih lawksa diam a awm ţhin!
Kc-a leh hotel hnathawk dang in Zico chu an bawihsawm a! Khum lam pan in ka let zui vat a!
Zawi ngiai a khum chunga Bawihi lo mu kawm reng ka hmuh rual chuan ka thaw hawk a! Amah chu khawih ta mai lo chuan kut ka hum ruh zui ta ngawt ngawt a!
☆TE DOY 15K☆
Chapter 20
By
Abbra Reo Ririni Khiangte(Pitartei)
Ka thawchhuak hawk a!
Ka inher vut rual chuan ka la lungawi loh zia ka hre thar kuar bawk!
Hotel hnathawk pahnih leh țhianpa Kca'n Zico an buaipui mek chu eng khaw sawi set set lo in a khaberuh ah tak ka pet thal leh tawp a! Thisen per chhuak chuaih chuan chhuat a theh val nghal țhawt bawk!
"Bawiha?" Kc-a kâ hô a rawn dak chhuak dawrh mai chu ka nuih suk ringawt!
"A țha dawn lo tawp mai!" Ti nghut pah in a rawn ding chhuak vut a.
"A phu tawk a hmu anih kha.." Ha sehchilh ran chung chuan ka ti hrawih a! Ka thisen lum dan chu pui tak ani tawp mai!Ka kâ ațang ka thawchhuak leh hawk a!
"Room dang ka mamawh.."
"Hei la rawh.."Kc-a chuan rang zet in a kekawr ipte ațangin chahbi mal pakhat a rawn phawrh a! Ka ban a,Nghet zet in ka hum zui vang vang a! Zico che theilo thi hnuang mai chu tlawh zui leh chawrh lo tur in ka in bengdai hram hram a! Ka ngaihtuahna ah erawh a taksa hi bang awm lo a pawh darh vek chiah a awm!
Khum lamah ka pen let pawk pawk a,Harhfim miah lo tih hriat zet a khum chunga Bawihi lo mu chu ka khuhna chawp chuan ka pawm kang nghal nawlh a,Ani lah chu!
Ka awmah rawn zut in a nui sak a! Ka insehruh ngang mai! Zico phiangsen nen an khawsak dan vanga ka thinrim hi a lakah ka hrikthlak mai te ka hlau ta rum rum bawk!
Room ațang ka pen chhuah pui nawlh nawlh a,Kc-a zawk in min rawn um zui a,Ambulance a ko ani mai thei,Hotel pawnlam ațang Ambulance a rawn kiu ruai ruai a!
Bawihi pawm reng chung chuan kawngkhar pakhat chu chahbi hmang in ka hawng a,Kc-a a rawn lut ve tur chu ka dang a! A chhan chu Puitei khawsak duhdan hi mipa dang in an hmuh ve țul ka tilo!
"Damdawi ka mamawh dawn a,msg in ka rawn hrilh ang che.." kawngkhar nem phui pah chuan ka ti sup a.
Khum a ka nghah rual te chuan min fawh tum in min kuah bet țawk țawk a,Ka thisen lum laklawh bawk nen a ban ah man in a hnunglam ah ka kherhbeh sak ta nawk a! A nui zui hak bawk!
"Zothan.." a aw ri tham chhel vang chuan ka ner nawk a!
"Ka mamawh che. "
"Ngawi hmak rawh.." A hmai zawn ah ka phun sup rual chuan a nui leh hak a,A hnungah a ban ka kherhbet chung reng chuan min fawh tumin a la rawn che zawm zel a! Rum nghut pah in washroom ah ka pawt lut nawlh a,A nui leh hak ţhin bawk! A chung a thil thleng leh ka thil hmuh zawng zawng kha a thiamloh anilo tih hre mahila engtikah mah ka mitthla ațang an reh mai mai tawh lo ang!
Shower ka herh haw sawk sawk a,Tui chuan a taksa chu ka phuh sak a,Kha mipa in a khawihna hnu zawng zawng kha thlengfai sak vek theih ka chak kher mai!Ani harhfim lo lah chuan min lo ban ve chhen a,Ka thaw leh hak ţhin!
"Zothan..' a kawr hak chu aman a hlip ta zawk a,A taksa nalh lutuk vang chuan ka mipatna a tho nghal țawlh țawlh bawk! Ka thinrimna vanga thisen lo lum tawh sa bawk si nen chuan insum miah lo a chet zui ka hlau ta ber bawk!
Min awm hnaih sauh pah chuan a bra hak a hlip leh a,Ka thawk a rang in thunun harsa khawp in ka taksa peng pawimawh ber chu a che ve țual țual a!
"Duhtawk rawh.."
A nui leh hak a!
"Zodinpui,I harhfim ruala i inchhir lehna turin che reng reng suh!" Min din hnaih pah chuan ka beng zawnah a rawn thawchhuak ham ham a! Ka hmeichhe hmangaih ngawih ngawih leh hmeichhe dang laka rilru pu chhin ngai miah lo khawp a ka atchilh ngei mai saruak deuh thaw a ka hma a awm chu mipa hrisel țha pangngai tan chuan enliam harsa tak a ni ringawt!
"Ka mamawh che..Khawngaih in.." thaw ham ham chung in ka nghawng a rawn fawp a,Ka taksa chhung lamin a lo hre rang ngang mai!
A kut a rawn la a,A taksa huh dap leh mam hen mai chu ka kut a chelh bet reng chung chuan min han chul kual tir vel a! Ka thawk a ran mai bakah a tawp thlen ka inpeih der bawk!
"Khawngaih in.." Min ngen ngawih ngawih hi ani ber a! Thawk ka la hawk a! Amah hi mamawh lo ka nilo,Mahse a taksa ah hian damdawi hnathawh a awm a,chu thil a reh rual chuan a awmdan zahpuiawm zet vang hian hrehawm ti ber tur ani bawk!
"Mu vat la a țha ang!" Ti nghut pah in shower chu ka off a,Ani lah saruak deuh thaw a a awm chu zak hauh lo in a thaw ham ham reng a!
Towel chu ka ban a,A taksa ka khuh dawn rual chuan ka nghawngah a ban rawn suih zawm in min fawp zui nghal tawn tawn a!
Takzet chuan!
A dar ruak kang a ka khawih rual chuan ka insum tumna zawng zawng pawh a bo duak mai!
Bang ah ka nawr bet nawk a! A rak țhat a! Nuam ka ti zual ve sauh bawk!
"Zothan..Khawngaih in.." ka kamis hak kilh a phelh nawk nawk a,A che reng reng chu chak ngawih ngawih tih hriat lutuk hian a ni bawrh bawrh mai! Ka kekawr hak hma zawn ah a rawn țham leh rual chuan rum hawk pahin bang ah ka nawr bet zual sauh a!
"K* taksa chhungah rawn lu* tawh rawh.." ka nui chhuak hawk mai!
Bangah nawr bet leh zual pah chuan ka fawp zui ta tawn tawn a,ka kawrhma kilh a phelh vek tawh chu a rawn chul kual ruai a,A awm bawr a ka kut chu a rawn vuan chawt a! A dul thep thlep ah chuan a nawr hniam thla riai riai a! A panty hak kawng ka kut in a thlen rual chuan thaw hak chung in a tukhum in bang chu a ngheng a,Ka kut lehlam in a mal ka kuai kau sak zawm zat! A thaw halh halh reng a,A thawk lak zawng a a awmbawr kawh lahin ka awm bawr tihrawl khuh tu awm lo a rawn nawk kual vel te chuan min ti a thei takngial dawn!
"Zothan.." Ka hming lam in a phun leh sep a,Ka banrek ah rawn vuan in a panty hak chhungah min zen luh tir a! Mitmeng si sap chung hian a hmui hnuai a seh pah a! Ka thisen chu a lum tih piahlam ani e!
Ka kut ka chet rual chuan thaw ham ham pahin mit a chhing a! Khawih a duhdan te chu zahpah nei hauh lo hian a rawn sawi a! Ka nui chhuak hawk mai bawk!
Bang ah nawr bet chet pah chuan a chalah ka chal ka nghat ve a! A mal chu ka bawp in ka nawr kau zual sauh bawk!
"Heti hian maw?" Nui lui hak chung in ka kut ka chet leh a,A rak țhat a! Mahse nuam a tih vang zawk ani!
"Aw.." a taksa a rawn chet ve iak iak reng a,keipawh ka thawk a rang sawt kher mai!
"Zothan..A ai r*ngin.." Ka tum loh lutuk in ka nui chhuak ta hawk a! Bawihi pawh a rawn nui ve tho! A chalah ka chal nghat reng chung chuan chiang zet in a hmel chu ka en a! A biang a sen tek a,A thaw khur dar dar reng bawk! A mah en reng chung chuan a taksa chhungah ka kutțang chu ka luh tir a!
A tai bawr a kan awk a! Sexy zet hian a nui zui hak bawk!
"Tikhan..?"a hnara fawh sak zeuh pah chuan ka ti kher a! Ka kut pawh a aia thuk ah ka nawr lut bawk! Ang zawk chung in a taksa a kan awk a! Kut ka chet a! Ka ban bulah rawn vuan in a thaw hak hak a! A hmel landan duhawm lutuk vang chuan a nung chunga eizawh mai ka chak thaw thang tawh!
A kawchhung sa ham ham ah chuan nuam a tih theih dan ber turin chet ka la a,A taksa a khur dawt dawt thleng chuan ka chet zawm zel a,ka banrek ah rawn vuan in a thawchhuak kawk kawk a! Ka hming a lam ri leh sep zel leh thil dang beisei zet a min enna vang chuan a aia uar in chet ka la a!
"Duhtawk rih teh.." Ka speed ka san zual sauh! Thaw hawk hawk chung in ka hmaiin ka awm a rawn nawr zui ta nawk nawk a,A thawk a hip let zui nghal nawk nawk bawk!
"Zothan.." A țe chhuak tuar a,A khur zui nghal zawih zawih bawk! Muangchang in ka kut chu ka la chhuak a! Ka awm zawnah chuan a thaw ham ham reng a,A taksa khur a reh fel hma chuan ka pawm kang nawlh a!
Washroom ațang ka chhuahpui a,Khum a ka mut kai tur te chu min kuah bet țawk țawk a!
"Bawihi..Ka thei lo.."
"Engvang chuan?" A ţap ti tih a!
"Ka thlen tir thei lo.."
"Min hmangaih ani lawm ni?" A rawn ti țiak a! A awmdan hi ka hrethiam lutuk! Eng damdawi ber nge a hman hrelo mahila a taksa a thunun tlat a,a hriatna thazam ah hian s*x bak ngaihtuah thei lo in a siam tlat! Damdawi țhenkhat hi chuan mihringa chakna awm zawng zawng hi a ko chhuak thei a! Damdawi a taksa ah a luh tam dan a zirin darkar 2-5 thleng a daih thei bawk! Chakna sosang lutuk in thisenzam a fan a,Mihring thluak ah pawh chu chakna a thisenzam a awm mek tihpuitlin ngaihtuahna chiah a awm tel bawk!
"Ka hmangaih vang che in engmah ka thlen tir thei lo.." ka hmui zawnah wine rim nam chek chek chung a rawn thaw lum ham ham chu ka thleksawn san a!Ka tan lo hnar a hrehawm dan a hrethiam pha tawp lo ang!
"Ka mamawh che ka tih kha.." ka taksa rawn khawih kual ruai pah chuan chet a la zawm zat a! Ka chakna hi thunun har viau mahse a harhfim ruala a hrehawm ti hmel hmuh ai chuan keimah a chakna awm zawng zawng leh in mung khawm nasa lutuk hi chu hriat loh der hmak ka duh thung!
Ka kawr hak rawn hlih a tum chu ka dang vat a;a ţap ringawt bawk!
"I tan anih hi ka tih aw.."
"Mipa pawh i nilo..." Hrep tak chuan! Ka sa ve zak mai!
Mahse damdawi a hrai ruih anih laia ka khawih loh vanga mipa nilo a min hmu anih chuan a ngaihdan ka thlaksak thei hleinem!
Khum ah ka nawr bet nawk a,Ka kamis hak lai chu ka hlip mawlh mawlh a,Amah chu ka hak tir a;Lo phelh a tum ve țang țang bawk!
"Zodinpui.."
"Ka ha duh hleinem!" Ve pang pang chuan! A duh emaw a duhlo emaw a ha dawn hi a ni ringawt!
"Eng damdawi teh hrep chu nge a hman a.!' Ka phun hluk a! Bawihi lah chuan ka ban vel a lo ham ve tan tan a! Khawvar ruala a zah belhna tur leh a nat phahna tur engthil mah thlen nawn tir ka tum reng reng lo.
"Zothan.."
"Ngawi hmak rawh.." A lo chet ve sek vang chuan a taksa ah ka lawn kai a! A ni lah chu ka pangtilum a deh rual te chuan a lo thaw hak a!
Kamis kilh chu ka kilh mawp mawp a,ka kilh sa a lo phelh ve zel bawk a!
"Zodinpui.."
"I sual si.." Ka nuih tawp!
A naupanlai ațang a thil duh ang ka tihsak loh apiang in 'i sual si' hi min ti ve ziah a!
"I tan anih hi ka tih...Mamawh lo che ka nilo,I taksa a damdawi hnathawh vanga min mamawh aia nasa daih khan ka mamawh che..Mahse,I harhfim loh lai a ka khawih che anih chuan hriatna fim i neih let leh rual in nangmah leh nangmah kha i indem dawn..Chu thil chu ka thlentir thei lo.." a taksa chung a țhu kai ka ni a,Ka lak ațang a duh hmuh a tum ve ngang mai! Ka kap zawn chu a rawn țham lui ve salh salh reng a!Ka aw ri pawh a sehchilh nawk mai!
"Zico pawn min khawih thei a...!"
Ka sawi zawh tir thei hlawl lo! Na lutuk in a lu zawn khum chu ka chum dawt a! A nghing dawt mai! Ka kut chu ka hum ruh zui nghal tlat bawk!
"Ani nen khan min tehkhin suh.."
"Oh..!" Ngeiawm zet hian a nui chhuak hak a! Thunun tu a awm tih hrereng mahila kha mihring hming a lam ri tel kher kha chuan min ti sa tak zet!
"A khawih reng ang che chu..A tum ber a ni reng bawk! Ani ang khan che ve ta ila i harhfim rualin min haw dawn sin..Chu mai pawh nilo in nang..Nangmah leh nangmah kha i in haw dawn a,Chuvang chuan min nawr lui tawh suh.."
"Nep lutuk!" A ti leh hlak a! Mit ka chhing zui sawk bawk!
"Kal pawh kal hlei thei lo khawp a i lakah hian chet ka inpeih reng ti hre rawh..Chu thil erawh i harhfim hunah i thluk fim tak duhthlanna ngei khan ka la thlen tir ang.." ti hmuk pah in dimlo zet in a hmui ah ka fawp nawk nawk a! Kei ai aiin a lo duhthawh a!
"Mipa nep tak hian hun a nei rih tawh tlat lo.." ka in lak hran rual chuan rum hak pahin ka nghawngah kut a rawn suih bet a! A mit ah en reng chung in ka nui sak a! A rui thusawi mai mai tiin ngaihzam theih mai ka duh khawp mai!
"Muhil rawh.." a kut phelh sak pah chuan ka tho ta nulh a! A khek zui tuarh a! Zanin hian mut na in ka jection lo anih chuan insum thei leklo in min nawr tak tak mai ang!
Khum ațang rawn thawh chhuah ve a tum rual chuan ka ban ka vai vut a! Min melh ta kiau a! Ka nui chhuak țhelh!
"Khum ațang khan tho reng reng suh!"
"I sual lutuk!"
"Ka sual..Tun ațang phei chuan ka tawhkhirh leh zual ang..Thuawih tak khan mu la,Che sawn tawh suh.." a lamah kut lek reng chung chuan Kc-a ka call a,Min melh rawm rawm tu chu melh ve run pahin phone ring chu ka ngaithla a.
"Bawiha..Damdawi chu.."
Min rawn chhanna vang chuan ka thaw hak a! Cabinet lam chu ka pan a,Bawihi rawn che vat chu rum zet hian ka melh ta hrawk a! Harhfim lo mahse ka mitmeng erawh a hmu thiam ve tawh thung!
Khum ah bawk a țhutlet leh hnu chuan damdawi chu ka siam zui mawlh mawlh a,He thil hi muthilhna satliah a nilo a,nachhawkna sang ani bawk,mahse zanin hian hman a sual hauh lo ang!
Khum lam ka pan chu min lo melh kar a,Khum a ka țhutthlak ve rual chuan a ban ah ka vuan a,Damdawi chu ka vit lut a.
Hetiang teh hrep a hmeichhe nikhua lo tak a awm tirtu kha hremlo chuan ka chhuah mai mai hauh lo ang!
"Mu rawh le.."
Rang lutuk in ka mal chungah a rawn țhu kai a! Ka hmanraw ken lai chu chhuatah ka theh thla nghal tawp bawk!
"Hei hi nalh ka ti.." thaw ham ham pahin ka awm chu a rawn fawp kual dan dan a! Ka rum hawk bawk.
"Min hnar hlen tak tak ang maw?" Pangchang zet hian a ti leh sep a.
"Ka awmdan hi ka hrethiam biklo,Mahse min khawihtu an awm khan nuam ka ti a.." Ka taksa a lum pup, Zico bawk a sawi leh dawn a ka hriat vang in a hmui ah ka fawp ta tawn tawn a! Damdawi kha reilote chhung in a rawn thawk dawn a, a muhil zui nghal ani dawn mai!
Khum ah chuan ka bawh bet a,a bawp chu kar in ka taksa chu a lo kherh bet ve sauh sauh a!Ka fawhna ka thlah miah lo bawk.
A taksa a zawi tial tial a! Keipawn dimte te in ka fawp a,Thaw ham ham pah in ka fawhna chu ka thlah a! Mit a chhing a,A rawn nui sak a! He a nui hmel vang hian lawm a zunah uailo thei lo a ka awm țhin ni!
Ka kamis chiah a hak vang in a taksa nalh zet chu a lang chiang ngang mai! Dimte in ka inbeng khalh a,a bawp min kherhbeh na chu ka phelh sak a!
A harhfim rual a hrehawm tiber tur anih vang in keileh zel chuan a hrehawmna belhchhah sak ka duh lo!
A muhil nghet nia ka hriat takah chuan a hmui ah ka fawp.leh vang vang a! Țullo lutukin Zico nen an lo awm dun lai kha ka thluak ah hian a rawn lut zawk a! Ka hrang zui nghal nawlh bawk.
Thaw ham ham pahin ka tho chhuak a!
Puan in a taksa chu ka khuh a,A muhil hmel chu ka en reng a!
A duh reng vang nilo a thil thleng ta vang khan nat reng ka duh dawn loh ang bawk in ka nawt reh mai mai thei tawh dawn lo tih ka chiang ta viau mai!
Whiskey awmna lam chu ka pan vut a,Glass ah chuan ka thli chhuak a,Engmah pawlh lo in ka lem zui pap bawk! Ka thawk a sat phat rual chuan no khat dang ka thlit zawm leh a..Ka kawchhung a sa ham ham mai!
.
Phone chu ka melh ngur a! Ka hmuh ah kha chuan sex a hmanpui lo a! Mahse..Ka hmuh hma khan eng thil nge a tih ang!
Ka ngaihtuahna vang chuan ka sa țawlh țawlh mai! Nghet zet in kut ka hum ruh a! Bawihi landan leh a chet duhdan ațang ngat phei kha chuan..!
Eng khaw sawi set set lo in glass no chu ka vawm kheh chuaih a!
"I hmeichhe hmangaih vang tal pawn ngaihtuah zawm tawh suh!"
Whiskey chu a bur chuan ka in zui ta khawlh khawlh a!
Tinge ka thah law law loh?
"Mipa pawh i nilo.." Puitei thusawi kha ka beng ah a rawn ri nawn tluk tluk a!
A harhfim loh lai a ka khawih loh vang khan mipa nep tak ah min ngai tih lah hriat reng reng!
Pawisak nei miah lo a a pasal hlui ngei a lakah a chet theih lai khan engvang in nge ka chet ve mai loh...Ka ngaihtuahna chu a vak thuiin a insual bulh bulh reng a!
Mahse..Kei chuan ka hmangaih alawm!
I hmeichhe hmangaih leh a pasal hlui khawsak dan zawng zawng i hmu vek chung khan ila hmangaih ang maw?
Ka hrelo!
Haha..I ngaidam thei dawn ami?
Ka thei em em ang!
Hun i hmanpui dawn apiang in zanin a thil thleng hi vawikhat tal i hrechhuak ziah tawh ang!Chuan ila ngaidam thei cheu ang maw!
"Duhtawk rawh.." ka au țhawt a! Ka thaw halh halh bawk!
"Ka hmangaihna hi a chak tawk tih ka hria alawm.." ka ti chhuak hrawih a! Ka ngaihtuahna in ka inhnial a, Hotel room ka luhtirh a an lo awmdan kha nawh reh hlen vang vang ka duh a..Ka thawk lak a ti sak vek bawk!
"Ka thei em em ang!" Ti sup pahin whiskey chu ka lem leh khawlh a!
Mahse mit ka chhin hlek in Zicoa'n Puitei pawm kang chunga bang a a nawr bet lai te, video a taksa a chul kual lai te kha a rawn lang zut zut a! Ka kawchhung hi thinrimna,Huatna leh thikna vang in a puak darh thei mai dawn!
Puitei's pov
"Ka tiril a khur a,Boruak vawt in min țham er er reng bawk,Mit ka meng a,pindan chhung chu a thim mup a,Bang lehlam erawh pawnlam aţang eng rawn lut vang in a eng raih thung! Ka taksa khur ru der der tih reh tum chuan thawk ka han la vang vang a,mahse ka bul mai a hlimthla an awm ve reng tih ka hriat rual chuan ka hawi dawrh a!Zico an khum bul mai aţang chuan chiang lutin min lo en reng anih chu!
A hma zawng aiin ka khur nasa a,A rawn pen hnai hrut a,Thaw hlawp hlawp chung in khum lu lamah ka tawlh chho rawk rawk a,Mahse Zico chu khum tlangah rawn ţhu in ka kerek ah a rawn hmer ta chawt a! Ka lungphu hi a rawn chhuak mai dawn in ka hria!
Engmah sawilo in tenawm zet hian a rawn nui suk a,Chumi rual deuh thaw chuan khum mawnglam ah min hnuk thla zui nghal tawk bawk! Ka theihtawp a ring in au chhuah ka tum a! Mahse eng ri mah ka hrawk ațang a chhuak theilo!
Zico khum a rawn ţhingţhi kai ve chu ka theih ang angin ka lo leng zawt zawt a,A kutphah hrawlpui maiin ka dulzawn a rawn khawih rual chuan ka ţim uaih uaih thei! Ka taksa chu ka en a..Nightgown var pan te mai chiah ka lo inbel anih chu!
"Zico.." ka theihtawp chhuah in au ka tum leh a! Mahse ka hrawk aţang eng ri mah a rawn chhuak thei lo.
"Babe..Chiai vak lo teh..KA TA I NI TIH IN HRERENG RAWH!" A taksa in min awm hnaih leh rual chuan ka ban in ka taksa ka kuah khawm a,Ka au chhuak ta tuarh a!
Ka thawchhuak nghal hlawp hlawp bawk!
"I țha em?" Mipa aw thum dut vang chuan ka ţim sawk thei! Mahse zawi zawiin ka tana mihring hlauhawm anilo tih ka hriatna in min rawn hrilh a,Ka dulzawn ah a ban rit nulh a min rawn kuah leh rual chuan ka thawchhuak halh a!
Zothana chu a rawn inbeng kang ve a,thawk la pah a khum a hniam suih rual chuan pindan chhung chu a rawn eng ta kuar a!
"Bawihi?" Zothana aw bawk ani,Ka hawi kual thuak a,Kan awmna pindan chu ka hre ngailo,Chutiang bawk in engtinnge hetah hian ka awm theih!
"Zothan.."Ka aw a hnawk ţiak bawk,Min rawn țhut hnaih a,A pangtilum ka hriat rual chuan ka taksa ţang lutuk pawh an reh deuh huai thei!
"Muhil leh rawh.."A dar min nghen tir pah chuan a rawn ti leh sup a,A hmuiin ka beksam a rawn nawr a,Engtinnge hetah hian kan awm theih ka hrelo reng reng!
"Ih..khawnge kan awm..?"
Min chhang lo in thawk a la hawk a! A kutphahin ka dar a rawn hmer ta vang vang a! Amah ngheng ka nih vang in a thinphu ri ta dawt dawt pawh chu ka hriat hmaih loh kher mai.
"Muhil leh rawh."Zawi sup tak takin a rawn ti leh a,Chil ka lem dâwk thung!
Ka dul zawnah min kuah bet tlat a,A thawk lak danah chuan a muhil leh maiin ka hria,Kei erawh engtinnge he lai hmunah hian kan awm ngawt theih tih ngaihtuah let in mit ka'n chhing vang vang a,Ka hriatna neih a khing baiin engmah thui tak ka ngaihtuah let thei lo.
Khum bula alarm clock chu ka en zauh a,Zinglam dar 2:30 a pel tawh a!
Ka chunga thil thleng ngaihtuah let ka tum apiang in ka lu a na ngut ngut zel bawk!
"A pawi lo,Zingah Zothana ka zawt vek mai ang.' Ka ti sep a.
Mit ka chhing siar siar tawh a,mahse phone ri rawn vibrate chur chur vang chuan ka meng leh nghal kawk a! Ka thinphu a rang nghal dawt dawt bawk.
Alarm clock bul ami chu ka ban a!
Ka phone anilo a,Zothana phone lock ka hriat tho vang in amah melh zauh pah chuan lock chu ka hawng a.
Message pangngai pakhat lo awm chu ka hawng a!
*Police station ațang ka chhuak chiah!* Tih zawng hi!
Number hlang chiah anih vang chuan ngaihna hrelo zet in phone chu ka bih ta ngur a!
Phone ka lock leh tur chuan window close ngai ka hmet fuh palh a,Ka close dawn a,Mahse ka thil hmuh vang chuan ka tawp chiang kher mai!
Ka kut tha a rawn khur zui nghal dar dar a,A hma chiah ami chu ka close a,Chiang zawk a screen a thil rawn lang vang chuan thawk ka hip lut nghal hrawih mai! Ka kut tha khur nasa lutuk vang chuan phone chu ka thlauh tawp lo chauh!
Ka click a.
Screen a video rawn lang vang chuan ka meng nghal kawk kawk mai! Ka taksa chhungah vur tlang hriam tak vih luh sawk ang mai hian ka thinzawn hi a na hit zawk a! Ka bul maia Zothana muhil chu ka melh leh zawk a! Engkim a hmu vek! Engkim!
Engvang nge ka hrelo,Ka thlan a rawn chhuak bawrh bawrh a,Video ah khan Zico an ka taksa duhtawk a a khawih lai a lang a,Ka number ațang Zothana a thawn bawk,Thil thleng zawng zawng ka harh hlima ka hriat theih loh kha an rawn lang zut zut a!
Zothana'n Zico a sawisa a,Chumi hnuah khum a ka mu reng khan min rawn khawih a,Keilah chuan hmeichhe awmherh lutuk leh mipa mamawh ngawih ngawih ang chiah in ka lo bawh kual huam huam a! A mitmenga natna lang chhuak zawng zawng te kha!!!!
"Nilo.." ka beksam ah ka kut ka zen chho tawk a!
Washroom ah min pawm lut a,Shower tui vawt in min phuh huh vek a,Ka pasal hlui min khawihna nuam ti lutuk a ka dawnsawn lai reng a hmu vek tawh chung khan amah kha ka la beisei fan a!
Ka chetdan te lah kha!
Ngaihtuah zawm ngam lo in ka hmai ka hup ta vang vang ringawt!
Hmeichhe tenawm tak ah min ngai nghet hmak tawh ang!
Hotel pindan kawngkhar a rawn inhawn ruala a hmel a natna lang chhuak zawng zawng te kha ka mitthla let zut zut a! Thlan in min bual huh vek tawh mai!
"Bawihi..'' Zawi sup a a rawn phun ri vang chuan ka phu dawrh a! A rawn inbeng kang a! A hmel tak ngul mai chu mahni inten zet chung hian ka en lui ve ta ngar a!ka bul mai khum a a phone a rawn hmuh rual chuan phun hluk chung in a rawn ban zui nghal vut a!
"Engvangin nge i ta nilo i lo khawih a?' A ti chhum zui nghal hmuk bawk!
"I hmu vek.." Ka sawi zawh rual deuh thaw chuan a rum chhuak hrâwih a! Kei erawh zah lutuk vang in ka bing mup mup thung!
"Mu leh rawh." Ti hluk pah in khum ațang a tho chhuak vut a,Khum chu a kang zui nghal awk bawk!
Tih ber tur pawh ka hrelo,Zico min khawihna hnar thei miahlo a ka awm lai te..Zothana zawk mamawh ngawih ngawih chung a ka khawih luih țang țang lai te chu chiang lo ruai hian ka ngaihtuah let zut zut a! Washroom ah tuia min phuh lai reng te khan ka thuamhnaw hak hlip in keimah zawk in ka khawih țawk țawk bawk a!
Ipik lutuk in ka thawchhuak nghal kawk mai!
Tunah chuan min ten hluah hluah tawh ang! Zico video thawn ah lah khan---- 'Nilo..ka mumang mai mai ani tur ani!'
Kawr ha lo a Zothana tukverh bula ding ngawi ngul chu ka va melh zawk a!Kawr a ha lo a,A suit kekawr kha a la ha a,Kawnghren dum a hreng tel bawk,A taksa lang lai leh banbul vel te chu ka ham sakna vang in a khem nuk a! Eng ang pawh in min lo hmangaih tawh ţhin mahse khang thil zawng zawng a hmuh tawh hnu kha chuan a lakah mi tenawm tak ang chiah ka ni tawh dawn!
"Zothan,"
"Mu rawh!''Thawk la hawk pah in a rawn ti hmuk a,A aw ri vang chuan ka țim sawk thei!
"Inbia ang!' Ka ti leh sep a,Ka lam a rawn hawi ruala a hmel landan vang chuan ka thling te thleng hian a kâng nghal kawk kawk maiin ka hria!
"Sawi tur ka neilo,Mu leh rawh." Ti hmuk pahin khum ep a couch inhung lam chu a pan a,ka thawchhuak tawh pawn ka hrelo!
"Ka haw duh..'' ka rilru a rawn lang ang ang ka sawi chhuak tawp.Couch ah chuan țhu thla mai lo chuan a rawn inher vut a!
"Ka haw duh..."
"Muhil phawt rawh,Zingah kan let dawn nia.''
"Thil thleng kha i hmu vek."
''Chuan?'' A rawn ti sup. Mit ka chhing zui sawk mai! couch ah chuan a țhu nghal run bawk! Sawi mai dan tur pawh ka hrelo;Min hau hrep se,Țawngkam chhe tak tak in min au khum bawk se nuam ka ti zawk ang!
Ih..I hmu vek anih chuan..,"
"Eng thil nge tise min tih?" A rawn tih sup rual chuan ka melh zawk a! Mahse rang lutuk in ka mal chunga ka kut chu ka melh leh daih tawh thung! Chhan mai dan tur ka hre bawk silo,Ka kawchhung hi a tawt tup tup a;Zico khan engvang teh hrep in nge Zothana kha video a thawn kher! Ka awmdan zahpuiawm tak tak te lah kha a siam ţhat theih tawh der mai siloh!
"Mu leh rawh.." Zothana vek chuan a rawn ti leh sup a,Thil dang engmah tih tur ka hre tawh biklo,A ţhutna ngaiah ţhu run chung chuan hnuai lam a bih ngur a,Rawn mut ve a tum tawh miah lo tih lah a hmel ah a lang reng!
Engtinnge ka kiang a mu ve tur pawn ka rin ngawt theih! Min ten hluah hluah tawh ang chu!
Mit ka men leh chuan pindan chhung chu ni eng vangin a lo eng ruih tawh a,Lukham ah a saisir zawng a ka lu nghah pah chuan ka khap fak fak a! Nizan thil thleng kha ka nun ațang nawh reh vang vang ka duh a! Ka zak a,Keimah leh keimah hi ka inten hluah hluah bawk!
Lehkhabu phek a kan duh lai tak kan pawhthlak a,Hrual hlawm a bawlhhlawh bawm a kan vawm luh daih ang mai hian nizan hun bik kha ka nun aţang pawh bal a,Lei hnuaia phum bo vang vang ka chak hluah hluah!
Zothana ka ngaihtuah a! Ka thawk a sak nghal vek bawk,tu mihring mahin a hmangaih leh mipa dang awmdun lai a mit ngeiin hmu se..A ngaidam ngawt thei ngailo ang!
Lock a ri khap a,Ka phu zawk a,Mahse ka chesawn duh chuang lo! Zothana phone a video kha khawvel mi zawng zawng hian an hmu in an hre vek ang hian ka ngai tlat a! Kil tin aţang min nuihsawh tak tak tu hmel an rawn chhuak tup tup dawn a hriatna ka nei zui tlat bawk!
Ka hnunglam aţang khum chu a rawn hniam suih a! Ka lo ţang țeuh a!
"I harh tawh tiraw?" Zothana aw dam thlup si leh ngainatawm miah siloh vang chuan na deuh in mit ka chhing vak a!
"Rawn tho la,Jayden a ngaihtuah awm ania. " Hnunglam ațang ka chhipah a rawn fawp vang vang a,Mahse rum chhuak hrawih a a in lakhran rual chuan ka taksa chhung hi an nghal vawng vawng mai.
Khum a thawhsan zui tih hriat zet in khum chu a kang zui dawt a!
"Bawihi?" Ka ip chawih mai.
Tha tho lo zet in ka tho chhuak a,Ka ke in lei a deh rual chuan khum ah bawk ka țhu leh chawrh a! Zothana kamis var ka hak chuan ka mal te thleng a khuh a! Mahse ka taksa chu ka hup chawih thung!
"Khatah khan i thuamhnaw inbel tur a awm.." a rawn ti leh sup a! A hmel landan enturin ka dak chhuak ve ta nge nge bawk!
Khum lehlam tukverh bulah chuan a ding run a,Adidas running suit navy blue a ha zuih a;A jacket hak kawrban chu a hlih tawm vang in a ban hrawl zet chu a lang lian zual vek! Min lo en ve run vang chuan thawk la halh chung in ka thuamhnaw hak tur a dahna lam chu ka melh a.
Engmah a sawi belh chaklo tih lah a hmel landan tak ngul leh thim khup maiah chuan a chiang ngang bawk.
Motor chhungah pawh chuan inbe lo in kan chuang dun ran a,A thuamhnaw inbel lai ang chiah ka inbel ve a,Nizan thil thleng kha sawi chhuah tur ani em pawh ka hrelo!
"Gas la lawk ang aw.." reife hnuah a rawn țawng chhuak hlawl a,Ka melh zawk a,Min en ve lo in hmalam melh ngur chung in petrol pump lamah chuan steering chu a herh kual a!
Motor ațang in thazo zet a a chhuk thlak nawlh rual chuan ka thawchhuak zui ta ham ham bawk! Motor chhung boruak uap churh leh thihna hri a keng tel ve ta emaw tih theih tur khawp a boruak a thil ţhalo zam kual vel vang te chuan ka chau nghulh mai!
"In thlen hunah thil kan ei a nga..I duh chuan i mu leh lawk thei ang,Tlailam ah ka nu te inlam ah kan phei dawn nia.." Bolero ah a rawn țhut luh rual chuan a rawn ti liam puat a!
Țum dang angin ka thu ngaihchan derna a nei tawh pawn ka hrelo; a duh a sawi tawp hi ani ber mai!
In kan thlen meuh chuan zinglam dar 8 a pel va tawh bawk.Gate ah kan tlan lut a! Kawngkhar ațang Jayden phur zet in a rawn tlan chhuak a! Ka fapa hmel ka hmuh rual chuan ka insehruh ta țeuh a! Nizan ah a nu hi khawlo zet in a che tih a hriat ka hlau ta ber bawk!
"A hma ang chiah khan awm tum rawh." Zothana chu ka en vat a! Engine pawh a ti tawp zui nghal duk bawk!
"Jayden lakah sawn ania ka tih..Tim dui reng suh.." a ti leh sup a,A thusawi ah khan huat tur pakhatmah midang chuan an hmu lo ang,mahse kei erawh ka na zual sauh thung!
Ka fapa lakah ka tim dûi a ngailo a! Ani ve thung lakah hian engtinnge ka awm dawn? Huh! Eng thil teh hrep nge maw ka ngaihtuah le!!! Min ten hluah hluah ang tih hi hrereng tur ka nia sin.
"Apa.." Garage ah in hung lut lo in kawt zawlah a inhung tawp a,Zothana chhuak vut chu Jayden chuan a lo ban zui nghal zat a,Zothana chuan a pawm kang zui nghal nawlh bawk!
"Nizan i mu tui em?'' A ti zui sup a,Jayden bu lap lap chu chhunglam ațang chuan ka lo thlir reng ringawt!
"Api te inah kan kal dawn nia aw.." Zothana chuan ti sup pahin motor hmalam ah chuan an rawn kal a,Darthlalang chhan ațang Jaydena'n min hmuh rual chuan kut min vai lauh lauh a!
"Mum,Apa in today ah api te inah len tur a ti.." Zothana'n ka țhutna lam kawngkhar a rawn pawh hawn rual chuan a rawn ti lang lang a! Ka kal chhuah hma chuan thawk ka la vak a!
"Kan kal dawn nia.."
"Apa,Play na ah kan kal dawn em?"
"Jay,Play na chu mamma in ka hruai dawn che ania. " ka lo ti vat a! Jayden chu ka ban zui nghal zat a,Min lo ban ve mai vang chuan thaw huai chung in ka'n kuahbet deuh vang vang phawt a!
"Ka ngai lutuk che. " ka ti zui sep bawk! Ka mittui rawn hnam ringawt khap let tum chuan chung lam ah ka meng kual ralh a!
Inchhung kan luh rual chuan inchung lamah Jayden chu ka chhohpui zui hlawk hlawk a,Nuam ka tilo a,A bik takin Zothana nen inhmachhawn kha nuam ka tilo hulhual!
"Mum.."
"Jay,He ta țang hla deuh ah kal i la.."
"Play na ah maw?" Khum ah ka nghah rual chuan a rawn ti a.Nui lui hak pahin lu ka thing zeuh a.
"Aih,Hla deuh a,Mummy leh Jayden chiah awm theihna turah.." Khum ah ka țhu thla ve a,A sam nem thep ah chuan ka chul a,Ka ţah a chhuak tulh tulh bawk! Nu a zawng a vanduai ber hi a nu hi ani tih reng a hrethiam ve hauh lo ang!
"Apa a lo kal ve dawn em?"
"Aih,apa chu a buai dawn a lawm.." ka ti sep a;Pawi tih hmel zet hian a hmui a tipawrh ve tarh a.
"I duh a ngem?"
"Ka hrelo,Mamma,Apa buai loh hunah apa te nen kan kal thei lo ami?''a rawn ti ve nui nui a! Ka țah nuih hawk hi ani ber mai! Rang zet in ka kuah bet a,Țap chhuak mai lo turin ka insehruh zui țang țang a!
Engtinnge ka nuih zui zel ang?
A hmasa ber in he in leh khawpui ațang hla tak ah kal bo vang vang ka duh a!
Ka nun dan leh ka chunga thil thleng tawh zawng zawng ka ngaihtuah let a! Tun hnai a thil thleng te hi a rapthlak a ni tawp mai! Engtinnge thawk leh khatah ka nun hi hetiang taka a buai kual tak mup mai le..Buaina satliah mai mai ka hmachhawn ve ngailo a,Ka thil tawn reng reng ah ka taksa in a tuar tel ve zel a,Ka pasal ngeiin min sual lui ţhin a, pasal te khawihna mahnise tihluihna a tel tawh hi chuan a tuartu tan hian a rapthlak in kan thlarau lam thleng in a vaw chau ve vek thei a!Pasal in hmeichhe dang a kawpsan leh kan nupa khum ngei ah hmeichhe dang sex a hmanpui lai ngei hmutu hmeichhia ka ni tel cheu bawk! Ka pasal..Hmanrua a min hmang reng tu leh ka taksa chiah it a,Remchang a hmuh apiang a min khawih tum reng mai lak ațang khan Zothana hian min humhim tawh a.Chumi hnu ațang chuan hahdam tak leh nun pangngai tak in ka nung ve thei tawh dawn emaw ka ti a!
Mahse, Anilo.
Ka inhumhimna neih chhun ve ngei pawh in min ten hluah hluah theihna tur ka chung ah a thleng nawn leh bawk a! Hmeichhe vanduai satliah pawh nilo in chhiatna keng tel tu ka ni hial te hian ka ring ta rum rum a! Anih loh vek leh min hringtu ka nu leh pa diktak te hian thil sual tak an ti anga,An chunga anchhe tla tur zawng zawng kha siamtu hian ka chungah a leihbaw ta vek zawk emawni hial dawn ni!
If you want to be ORIGINAL,
be ready to be COPIED😝
Tukțhuan ei zawh chuan room lamah bawk ka chho leh a,Nu Liani min biakna pawh kha ka chhang mumal pawh in ka hrelo,Ka beng ah a lut a,Lehlam ah a chhuak tlang leh nghal zel ni mai hian ka hria!
"I damdawi kha i ei theihnghilh a nge?" Zothana rawn țawng thum dut vang chuan ka vir nawk a! Kawngkhar biang ngheng a alo ding run ka hmuh rual chuan na deuh in thawk ka la vak phawt a!
"Min ti hlau alawm." Ka ti zui hlak bawk!
A dar tihrawl țha zet chu a kan uk a! Cabinet ka nem hawn tawh sa lam chu ka hawisan leh ta daih a!
"Ka sawi chu i hria em?" Zothana vek chuan a rawn ti leh sup a,Diktak chuan amah a pa lianin a aw hi a thum deuh dut a,Ngaihthlak dan a fuh loh phei chuan awm hi a nuam duh lo tak zet.
"Eng chu?" Ti hâw chungin ka hawi let a!
"I damdawi.." A jacket hak a hlip tawh a,Shirt var thianghlim zet a ha a,Adidas running pants a la ha zuih thung!
"Ka hria.." tisep pah in thawk ka la a,Zothana lah engmah sawi belh a tum tawh der mai bawk silo.
"Kan inbe thei angem?" Room ațang a kalsawn tur chu ka ti sep a.A rawn inher ruai ruai a! Sawi ber tur hrelo mahila nizan thil thleng kha ka clear vek lo anih chuan engtik ah mah ka awm a nuam thei lo ang!
"Sawi la.." ti sup pahin a rawn pen lut a,Kawngkhar a pawt phui a,Ka en kar a! Lock a lock rik tak khep rual chuan chil ka lem ta dâwk a! Ka hrawk a ro nghal halh bawk!
"Nizan kha.." sawi zo lo in ka tawp leh rih a,A rawn pen lut zet a,Amah a hrawl in nizan boruak a ta tawh a hmel landan a la hahdam chhin miah bawk silo,Ruahpui sur tur ang maiin a hmel a dur thim khuih reng a!
"Nizan khan engtinnge min rawn hmuh theih?" Ka sawi zawh rual deuh thaw a a nuih ro hawk vang chuan ka țang țeuh a!
"Video ka dawng alawm.." a aw rik dan ngeiawm dan chu pui tak ani mai!
"Chuan..?" Ka ti leh a.
"Umm..Inbiak duh tu i nih kha..i sawi duh chu sawi la.." Zothana vek chuan kut kuangkuah hlun pah chuan a ti sup a! A awmdan zawng zawng chuan a lak ațang min nawr hla zual sauh!
"I hmu vek tawh a,Engmah sawi tur a awm tawh lo,Jayden nen hian in hi kan chhuahsan ang." Ka ti a.A kutphah hrawlpui mai chuan a khaberuh luah lai chu a tuai zauh a! Engemaw tak a sawi ka ring a,Mahse engmah sawi lo in a inher ta vut a!
"Naktukah i zin dawn a,Sunday ani bawk,Kan tan lo chhuah thut thut a rem dawn lo a,Mahse i rawn let leh hma chuan kan lo chhuak fel hman ang.."
"Țawng duah lo khan intifai la mu rawh.." chhum zet a ti hluk pahin lock chu a pawt hawng a! Cabinet chunga lotion bur hian a lu ah va vawm zui chawrh ka chak kher mai!
A kal chhuak fel chiah chu duhthawh lutuk in ka thawchhuak hawk a! 'Intifai la mu rawh!' A țawngkam khan min tih nat zia a hre hlek lo ang chu!
Tui lum sa țha ver vawr in ka inphuh tir a;Shower gel chu ka nuai phuan nawk nawk a,Ka taksa zawng zawng chu hnawih chhuak in nawhlung in ka innawt zui tawk tawk a! Zico min khawihna lai ka hriat chhuah lai lai chu na lutuk in ka nawt a! Ka vun te thleng hian nawh khawh vek ka chak kher mai!
Shower hnuaia ding reng chung chuan ka hmui chu ka hup a,Țah duhlo engang mahila ka chak tawk zo thlawt lo! Nilo..Nizan thil thleng kha khawvela hmeichhe chak ber chungah thleng nita ang se a țahpui ve tho ang! Ka thluak kha ka thunun thei lo a..Thunun a hneh in mipa taksa zawkin min thunun bet tlat zawk a!
Kawngkhar rawn inchum ri dawt dawt ka hriat rual chuan ka mittui chu ka hru tawk a!
Mahse hawn tumna ka neilo!
"I țha em?" Zothana chuan a rawn ti sup a.A aia na in a rawn inchum zui dawp dawp bawk!
Zothana danglam ta thut leh țawngkam bul zet a min țawngkhum fuk fuk pawh hi haw ngam tur ka nilo,Zico'n video a thawn tawite a lang chen chiah pawh kha ka hmuh leh dawn ni ve ta se ka lawm hauh biklo ang!
"Bawihi?" Kawngkhar vek chu a rawn ri leh chawrh a;Tun țum chu a rawn nek emaw a chhir emaw ani tawh ang!
"Zodinpui..i țha em ka tih chu!" Chang zet a rawn tih leh hrawih rual chuan thawk ka la vak a!
"Ka țha.."
Shower inphuh ri sur sur hnuaiah ding nimahila a thaw huai ri chu ka hre thei!
"Rawn chhuak tawh rawh." A rawn ti hmuk a!"Ka sawi chu i hria em? Rawn chhuak tawh rawh." A rawn tih leh țhawt tak ah chuan inhnial hrep in peih at hian shower chu ka off a;Bathrobe chu ban in ka inha sawk sawk a,Ka sam chu towel lian zet in ka tuam nghal tlat bawk.
"Engnge i hriat a," kawngkhar ka pawh hawn rual chuan a ban pahnih hrawl zet chu a phar hluai ringawt!
"I rei lutuk!" Ti hul hak pahin thawk a'n la halh a!
"Chumi ringawt sawi tur chuan maw?" Ka ti let hlak a.
"Mahni intihlum tum man chhuak ang mai a i rik hluai le.." amah kal pelh pah chuan ka ti leh hlak a;Dressing table ka thlen hma chuan ka banah a rawn hmer nawk a;A taksa si chet in min pawt let zui nghal hmiah bawk!
"Tunah khan engmaw i sawi a.." a țawng chu a sehchilh nawk!
"Mahni intihhlum tum man chhuak ang mai in ri hluai tawh suh ka ti anih chu!"
Phun hluk chung in min thlah a,Ka theih ang a rum in ka melh let ve ta kham a!
"Intihhlum lam pang kha chu sawi tawh suh.." ti hluk pah in a sam a tuai puat a! A hmel landan a buai ru ve nak bawk.
"Kal chhuah lawk ka ngai a,Ka nu te in lamah chuan zanah kan leng phei mai dawn nia..Lo chawl hahdam rawh.." Thaw ham ham pahin a hmuiin ka chalah a rawn nawr a! Ka ţim uaih uaih thung! Na zet in thawk a hip lut a! Engmah sawi zui tawh lo in a kal chhuak ta nul nul a!
Nileng in a rawn haw ta lo reng bawk,Ka nawm vakloh vang in Jayden pawh ka infiampui mumal thei lo a,Mami nen games an khel a;Engvang ber nge ka hrelo,Ka mut a chhuak em em reng zel bawk.
Ka phone rawn ri thut vang chuan ka phu dawrh lehnghal!
Screen a hming rawn lang ka hmuh rual chuan thawk la hawk chung in ka chhang a.
"Aw..U Machhan?"
"I țha em?Nizan thil thleng kha ka lo hria a.." a rawn ti vat a! Ka hrawk a ro nghal halh mai.
"Ka țha..!"
"Zico pawh hospital ah a awm a.." a rawn ti a.Ka meng nghal kawk mai!
"Zico maw?" Ka mak tih zia chu a hre thei ang!
"Aw..Zothana'n a sawisa tih i hrelo ami?" A rawn ti let haw a! A sawisa tih chu ka hria a,Mahse Hospital luh ngai khawp in a khawih tih ka lo hrelo!
"A serious viau em?" Ka'n ti halh a.
"Umm..A awmruh leh a khaberuh kha a khawihna deuh aniang.." a rawn ti a.Atthlak ti tawk lo awm mahse pawi ka tilo,Chutia Zico ana tih ka hria chu ka hahdam huai mai!
"Anih chu.." ka ti let leh a.
"Faith hruaiin ka la rawn leng ang.." a ti lang lang a,An rawn kal theih hun tur a sawi a,Jayden hmuh a chak tawh thu a sawi leh lang lang a..Kan ri ta chul bawk a.
"Dindin, Zothana chu i call tlang thei em?" Zan dar 7:30p.m ani tawh a,Ka nu te in lamah chaw ei phei tur anga a sawi vang in eirawng kan bawl lo a,Tun thleng in a la rawn let bawk silo.
"Ka call tlang thei lo a.."
"A va mak ve aw..Jayden kha a khawngaihthlak tawh lutuk.."Nu Liani vek chuan a rawn ti a,A sawi dik chiah bawk! Kal chhuah inpeih at in a țhu ve kak a! Kan mi nghah ber lah rawn let tih awm thei reng reng lo.
Kan nghak leh ren rawn a,Darkar khat a ral leh hnu chuan ka ngaihdan ani tawh biklo a.Eirawng bawl ang u ka ti ta tawp a,Nu Liani pawn min hnial ta biklo a.
Awlsam te in kan ei khawp lek kan siam a,Artui leh sausage kan kang vel mai mai a,Ril a țam tawh bawk a,A ei theih viau tho!
Jayden kal chhuah inring kal chhuak leh silo mu tur a ka thlak vel chu a vui ve nung nung a;Khum a deh rual erawh in a muhil zui vat thung.
Sana chu ka en zawk a,Dar 10:44 ani va tawh,Rawn haw theih lo chuan rawn sawi ve mai tur ania..!
Ka lo chhing diar diar hman tawh a,Kawta motor rawn tlan lut thawm vang chuan ka harh zawk a! Engine a tawp duk rual chuan Jayden tih harh hlau zet in ka tho țham ţham a.
Inhnuai ah lo zuk chhuk in ka lo zuk buaipui a ngem?tih chu inzawt in kawngkhar bulah chuan ka ding tawi leh hrat a!
Ka'n thaw ham ham phawt a!
A ngai kher lo ti leh rih in tukverh lam chu ka pan a,kawngkhar inhawng thawm a la awm lo a,ka room hman tukverh ațang hian in hmalam chiang zet in a lang thei bawk.
Parda chhah inzar chu ka keu hawng a,Pawnlam eng dul ruih chu ka en thuak a,Gate pawn ah car var a inhung a,Ka dinna sawn in kawt zawl lam ka en chiah chuan ka lungphu hi a rawn thlawk chhuak lo chauh!
"Anilo.." ka ti sep a.
Ka thawchhuak hawk bawk!
Zothana chuan hmeichhia a kuah a,Duat tak in a sam ah a chul sak hauh hauh bawk! Ka thil hmuh vang chuan ka bing nghal mup mup a,ka lungphu zawn na ngut ngut vang chuan thawchhuak lo in ka thawk chu ka'n vuan vang vang a!Hmeichhia a inlak hran rual chuan a hma zawng aiin min shock bawk!
"Rachel.." ka phun chhuak sep! Zothana nen hnaih tak a an in hmachhawn chu awih lo in lu ka thin khum nawk nawk a!
☆TE DOY 15K☆
Chapter 21
By
Abbra Reo Ririni Khiangte(Pitartei)
Ka thinphu chu a rang kher mai!
Mahse ka taksa chau nghulh vang chuan ka pen sawn thei chuang bawk silo a! Ka taksa chhung tawt lutuk tih reh tum chuan thawk ka'n la kawk kawk a, Mahse a awmzia lo, A hrehawm lutuk! Bang ngheng chuan ka thu thla hnawk a! He natna hi khawi atanga rawn kal ve nge a nih pawh ka hrelo, Ka hrawk te hi an na vek! Chhuak zet a tah chhuah hlawp hlawp ka chak a, Mahse, chu pawh chu ka thei lo.
"Engmah anilo.." ka ti chhuak leh sep a!
Mahse, Amah nghakin inah kan lo awm char char a, A chanchin engmah pawh rawn sawi lo in zan rei tak thleng a thang bo a, Ka nu te in lamah chawei tura kan inngaih vang in eirawng takngial pawh bawllo in kan lo nghak ve ţang țang a, Ani lah chu zanlai hnaih tawh takah hmeichhia nen an rawn inzui haw a!
Ka ngaihtuahna kual nuaih vang chuan a hma zawng aiin ka na zual sauh mai bawk!
Zico nen kan nupa kar chhiat țan tirh lai kha ka ngaihtuah let tello thei lo! Hmeichhe dang vangin kan kehchhia a, Inah hial rawn hruai haw in min zahzo lo in an khawsa kual a! Tunah! Zothana.. Zothana pawn chu ang bawk chu ka chungah a thlen tir leh a!
Za lo zet hian ka nui chhuak ta hak a!
Mahse ka taksa chhung chu thinrimna leh natna in a tawt kual tup tup thung!
"A duh dan dan in a awm thei alawm.." Ka han ti leh sep a, Mahse a duh duh dan a awm a, zanlaiah hmeichhia nen rawn haw rual turin ka phal bawk silo!
"Inzawmna tak tak pawh kan nei hleinem,Ka chunga thil thleng zawng zawng hria mai nilo in a mit ngeiin a hmu a, Min ten ta hle ta ve ang!'" Chil lem khawlh pahin ka thawchhuak leh vak phawt a! Ka tha khurh nasat zia chu pen sawn ka tum rual chuan ka hrethiam ve ta chiah mai!
In ațang hian chhuak vat zawk ila a ţha ber ang! Ka pasal pawh ala anilo a, A duh duh a kawp kual thei alawm! Nizan thil thleng vang ringawt pawh khan a chet dan engpawh sawisel ve ngam tur ka nilo hrim hrim, Chu tih rual erawh in a kiangah kan nufa a kan chen ve reng a țulna a awm tawh lo bawk!
Khum tlangah chuan zawi zet in ka țhu thla hnawk a! A țum hnihna atan phatsan ka ni leh ta! Ka pasal ngei leh hmeichhe dang ka hmuh dun aia nasa daih khan ka na a; ka lung hi ka taksa nen a inzawm behna thisenzam nen pawh hran tum ang mai hian a na thip hlur a, Ka biang a mittui rawn luangthla pap mai chu ka kut in ka chul a! Mit ka chhin rual te chuan Zothana'n keimah duat tak a min kuah ang chiah a Rachel a kuah a,A sam a chul sak hauh hauh lai te kha an rawn lang zel a, Engtinnge ka awm ve lai ngeiin hmeichhia a rawn hruai haw ve theih? Aaaa.. Thil thleng thei lo pawh hi a awm lo anih hi! Ni e, Ka pasal ngei pawhin a tih theih chuan ani ka pasal pawh nilo te chuan engvang in nge a tih theih loh teh lul ang!
Mahse Zothana ber kherin ka chungah hetiang thil a ti hian min țhawn dan a na zual a! Tunah chuan tumah neih ka neih ve tawh loh zia ka hriatchian phah em em tawh bawk! Engtik ah tehhrep nge ka nun hi pangngai tak leh natna tel ve lo a ka hman ve theih ang le!
Khum a ka fapa muhil sek sek chu ka en a, Ka hun tawn hrehawm tak tak a hrethiam ve lo hi ka lawm a, Chu tih rualin kei ang nu vanduai leh phatsanna tuar reng bik a nei hi ka lainat tak zet bawk!
Kei ang a vanduai a a țhan chhoh loh hram ka beisei!
Kailawn ah ke pen thawm a rawn awm a! Ka thinphu a rang zui nghal dawt dawt bawk!
Ka țhutna ngaia ţhu reng chung chuan kawngkhar lam chu ka melh ngar a! Rachel nen khan an rawn lut angem? Chu zawhna chu ka lungphu a phut dawt dawt rual in ka inzawt tel mawlh mawlh reng a.
Ke pen thawm chu a rawn hnai ve zel bawk. Zanriah pawh ei lawk lo in kan lo nghak ve a! Engang pawn buai mahse a rawn let theih loh tur thu kha message tal pawh in a rawn sawi thei reng si!
'Oh! Zodinpui chutiang chuan ngaihtuah tawh suh!'
Kan nufa room kawngkhar zawnah chuan thawm chu a reh ta duk a! Mihring thinphu hi tun ang a nasa hian a rangin a mangang thei tih ka hrethiam ve ta chiah!
Ka thawchhuak tawh pawhin ka hrelo, Khum khuhna puan chu nghet zet in ka hum tawm ta ngawt ngawt a!
Reilote hnuah ke pen thawm a awm leh a, Kan nufa mutna piah pindan kawngkhar inhawng thawm leh inkharphui leh thawm ka hriat rual chuan duhthawh lutuk in ka thawchhuak ta hawk a! Ka thawk ka vuan rei lutuk chu ka taksa hi a sen chhuak vek hial in ania ka rin ni!
Lukham a phone chu a rawn vibrate chur chur a! Ka mittui vanga khawhmuh phe vek chu ka kâ ațang thawchhuak pahin ka'n chul hul leh thuak a!
*I muhil tawh em?*
Chhang lo in nghet zet in phone chu ka hum zui ta ngawt ngawt a! Ka pasal ngeiin min phatsan lai aia nasa a ka nat ngawt nachhan hi ka hrethiam lo a! Ngaihtuahna hman zui dan tur takngial pawh ka hrethiam tawh lo!
Ka fapa taksa tereuh te leh lum ve veng veng mai kuah chung chuan ka mu meng kar a! He in ațanga chhuah a, hmun hla taka kal bo vang vang ka duhna chuan ka rilru chu a rawn ti chak thar mai in ka hria! In hi ka chhuahsan anih chuan Mizoram ah mai mai ka awm lo ang! An ni thawm leh hmel hmuh phaklohna hmun hla takah ka fapa nen chiah khawvel thar din turin ka kal bo hlen vang vang bawk ang!
Ka muthilh ve lai ka hrelo, Jayden nui ri ve hek hek vang chuan mit na țhum chung in ka meng a, Pindan chhung a ni zung rawn lut ruih tawh chuan ka mit men nuamlo chu a ti zual sauh leh nghal a!
"Call mummy!" Chu aw ri ka hriat rual chuan ka na zawk thei!
"Mummy." Jaydena'n min rawn bawh nghal chuk chuk a, Thawk la halh in mit ka meng leh a, Ka hmai zawnah ka fapa duhawm zet chu a rawn nui var var a!
"Jay,Good morning." Nui lui in a chalah ka fawp pah zeuh.
"Mum, Apa hi today ah a zin dawn sin." Jayden bawk chuan a rawn ti a. ' Keini pawh he in ațang kan chhuak bawk ang!' Ka rilru chuan ka ti sep a!
Ka hawi chhuak a, Khum mawng lama Zothana lo ţhu ngawi ngul chu ka melh zawk a, Kan nufa chu uluk lutuk a min lo en ve run vang chuan Jayden sam a chul sak zauh pah chuan thawk ka la leh a!
"Jay,Tho ang le.." Thawveng zet in ka zi mar ţalh ţalh a, Mit la sawn hlek lo a min lo melh ve ngur tu vang chuan ka awm a nuam thei chuang lo!
A thawhna ala rei biklo tih hriat zet in fullsleeve hringdal a ha a, Pajama mutna atana a hman ţhin a ha leh mai bawk!
"Apa,Mummy nen kan lo kal ve thei em?" Jayden zawhna vang chuan ka ner nak a! Khum ațang ka tho chhuak tawh a, An pahnih erawh in khum mawnglam ah an la țhu thung!
"Mummy hi dil la,A phal chuan in lo kal ve dawn nia." Hmela mai mai chu!
An thusawi ngaihven duh miah lo chuan puansin chu ka thlep țha sawk sawk a, Zothana'n min en reng tih chu hawi chhuak kher lo mahila ka chetdan țang ru țeuh vang chuan ka hrechiang hle bawk!
"Mum, Apa bulah kan kal ve thei em?"
"Jay, Uncle kha an chhungkaw thil ah a zin dawn a, Keini nufa kal ve na chi anilo.." Anmahni en miah lo chuan ka ti ve hmak!
Zothana a kâ ațanga thawchhuak ham ham ri ka hriat rual te chuan ka țang țeuh mai! Ka taksa te thleng a thunun thei pawh hi ka duhlo!
Washroom ah ka luh san a,Nizan thil thleng kha ngaihtuah zawm ka duh loh ang bawk in phai lamah ka tan hnathawh theih mai tur awm ang ka ngaihtuah kual a, M.A English ka zo ve a, Engemaw tak ka thawh tawk tur chu a awm em em ang!
Washroom ațang ka chhuah leh chuan Zothana chiah chu pindan chhungah chuan alo awm tawh a, Ka hmai hrukna towel chu a hmuh loh turin nghet zet in ka hum ta tlat bawk!
"I thil sawi dan kha a țul kher em?" Ti hluk chung in tukverh lam a pan a, Ka nui lui sak thung!
Chhang duh miah lo in ka hmai huh chu ka hruk zawm mawlh mawlh a, Tukverh biang ngheng chung chuan kut a kuangkuah rûn a; He pindan chhung zau ve tak hi a ti lang chep vek bawk!
"Ka bia che.''
"Sawi țha leh la.." Amah en pah chuan ka nui lui sak a, A mitmeng tûr zet ah chuan a lawm hauhlo tih a lang reng!
"Jaydena min kohdan i thlak sak kher a țul lo. " a ti chhum hmuk a! A kut kuangkuah a phelh vut rual chuan atthlak zet in ka tawlhhnung zui dat mai! A thawchhuak hawk a! Zico an ka in rinloh laia kut min thlak thut a chin vang pawh kha ni mai thei! Ka lo inveng ru ve nghal vat!
"Apa tak i nilo a, A koh ţhin dan che kha chu midang tan pawh ngaihdan diklo tak a piang ve thei alawm." Tûr zet a meng dur khup chu melh lui ve ngar pah chuan ka ti a, A dar zawn ah a ban a dah ngil tawp chu a hum nghet nghal tlat bawk!
Pindan chhung uap lutuk leh a mitmeng ațang a lawm lo tih hriat theih kawp a min en ngûr tu ka chhuahsan rual chuan ka thawchhuak nghal hawk a! Chhunglam ațang ke pen thawm a rawn awm ve rual chuan rang mangkhen in kailawn lam chu ka pan nghal rawk rawk a! A hmel landan ah kha chuan kut min thlak mai a hreh hauh lo ang!
Engvang teh hrepin nge Jaydena'n apa ti a a koh pawh chu a duh em em ni!
"Good morning." Nu Liani chuan alo ti leh vat a, vawikhat pawh ka wish hmasa chhin hman ngailo reng reng..
"Morning, Khawnge Jayden?" Ka ti vat a.
"Bean~bag bulah a awm ang." Nui hak pah a a rawn tih tak ah chuan insir lam kal chhuahna atan a siam darthlalang kawngkhar lianpui nem tawlh theih lam chu ka melh vat a! Ka fapa chu bean~bag ah chuan a lo țum ve alh alh a! Ka nui ta sak bawk!
"Khawi ka lo tihpui ang che." A purunsen chanlai chu ka ban ve vat a, English breakfast a siam leh dawn ani mai thei, Artui a vaw keh hnem leh tawh emai!
"Cream ka telh khan Jayden hian a ei țha duh vak lo in ka hria." A rawn ti a.
"Umm.. Ka sawi hreh anih kha.. Cream leh butter hi a ngaina miah lo.." ka ti sep a. A chek ta hlak a.
"Tinge i sawi hreh mai mai a, A hma khan sawi la chuan ka hre daih tawh tur ania.." pawi tih hmel zet hian Fresh Cream a lak chhuah tawh chu fridge lianpui kawngkhar chu hawng in a dah lut ta sawk sawk a! Kei erawh ka ngaihtuahna a vak thui ta hle thung!
Ka fapa hi nuamsa tak in a awm țhang tawh a, A duhloh zawng a piang pe lo leh a duh apiang pe reng in ka lo enkawl tawh a, Nakin ah kan nufa chiah kan nih hunah hna țha thawh mai tur ka hmuh loh palh te khan engtinnge a ei duh zawng te pe in a nun dan ţhin ngai let miah lo a ka siam theih ang!
"Zothana kha nizan a rawn tlai chhan i zawt em?" Nu Liani aw sin tliang ral ring ve ang reng tak ka hriat rual chuan nghet deuh in ka chem vawn fung chu ka hum nghal vak a!
"Zawt lo. "
"Nakinah lo zawt ngei ngei ang che.. Jayden lunghnur hmel kha ka lainat lutuk!" A tih zawm leh barh barh a, Zawh kher ka tum loh ang bawk in ka hmuh chin ah khan a chiang maiin ka hria.
"Jay, Omlette a ei theih aw.." ka au lang lang a, A chappal bun lo in a rawn tlan ve ta terh terh a, A sam a phe ve lap lap bawk.
"I kut sil rawh le." Basin lam kawk zeuh pah chuan a hmai zawnah ka nuih a! A tlan zui ve vat a, Ka din ngil ruala kitchen kawngkhar bula mipa lo ding ngawi ngul ka hmuh rual chuan ka inher san vat a!
"I rawn tho thei maw?Nizan kha tinge i va rawn let har ve?" Nu Liani zawkin a ti nghal zung zung a.
Zothana chu ngawi ngul chungin a rawn pen lut a, Dinning table pangngai ah nilo breakfast table lam chu a rawn pan vut bawk. Jayden kut sil zo rawn let chu pawm kang nawlh in stool sangah chuan a hlang kai zui nawlh a.
"Kan lo nghak reng che a, I buai anih pawn i rawn sawi thei reng a, Dindini te nufa an khawngaihthlak lutuk, Jayden lah chhuah inpeih sa vek tawh lunghnur zet in a mut phah.." a thusawi vang chuan ka lo ip chawih mai! Hmeichhe dang nen hun an hman laia hmeichhe â tak ang a nghak tu a ka ţan vang pawh ani mahna!
"Coffee hi in rawh." Zothana hma ah coffee dah pah chuan Nu Liani chuan a ti leh a.
"Ka zawhna che kha ?" A tih zawm zat bawk.
Vawikhat pawh ka hawi chhuak lo a,Jaydena omlette chu fork in tereuh te te in ka cut sak mawlh mawlh a!
"Nizan khan min lo nghak a maw?" Zothana aw ki hniam ruih vang chuan ka chawl dat a!
"Nghak tur che in i hrilh ani lawm ni, Zan darkua dawn ah eirawng kan bawl chawp leh vek bawk." Nu Liani lo țawng leh hman chu ka lawm kher mai!
"Ka hna khawih a laklawh lutuk a." A ti sup a . 'Dawt!' Ka rilru chuan ka lo ti thung!
"Eng ang a laklawh pawh nise phone i nei a, I rawn sawi lawk thei reng, Dindini te nufa in an nghak reng che tih tal pawh i ngaihtuah miah lo ami a?" Nu Liani vek chuan a ti a,Tunah chuan Zothana hi fapa ang tak tak in a en tawh tih ka ring nghet hmak tawh!
Ka hawi chhuak a, Nu Liani chuan Zothana coffee no hum run chunga keini nufa min lo en ngûr tu chu a din chilh tlat a, Zothana lah chuan țawng tawh miah silo hian a ep a keini nufa țhu chu min en ta reng a!
Ka kawchhung hi a sa bulh bulh thei mai!
Boruak reh duk lai chuan Jayden chu a thil ei hak in a rawn khuh ta khek khek a!
Zothana lak ațang hawi sawn in a hnung ah chuan ka beng thek thek a; A hma a glass no a bawnghnute chu a ban ve vat reuh a!
"Jay,Ei vat vat la Apu te Biakin lamah kan va inkhawm dawn nia aw." Ka en vat a, Min lo la en reng bawk!
"A hla lutuk.."
"Nizan kan tlawh hman silo a, Vawiin ah tal kan va kal dawn nia."
"Chutia tlawh i duh viau chuan nangmah in i kal thei reng. " ka ti hlak a, A coffee no nghet zet a hum pah a min melh vak takah chuan kan țawng ngaithla zuilo a Nu Liani kalsawn ta daih chu koh let leh ka duh rum rum bawk!
"Nizan vanga i lungawi lo anih chuan ka tihpalh, Hna ka khawih laklawh ka tih tawh kha." Coffee no nawrsawn pah chuan a rawn ti sup a.
"Engvang in nge ka lungawi loh ve ngawt ang?" Ka ti let ve hmiah bawk!
Min chhang lo in dawhkan ah chuan a kut a nghat a, Jayden chu a rawn melh zawk a! Ka thaw zui hak bawk! Zothana leh kei chu min lo en ve kar a! A kut in bawnghnute glass no kha a hum ve țai bawk!
"Jay,I puar tawh chuan room ah chho ang." Ka ti sawk sawk a, Stool sang ațang ka chhuk thlak rual deuh thaw in Zothana taksa lianpui ding kang ve vut chu ka mit sirin ka hmu a, Engkhaw sawi set set lo in Jayden chu rang fahran hian ka pawm kang zui ta nawlh a! A thaw ri hawk thung!
"Engthil nge i hriat a?" Rawn ti hluai pahin dawhkan chu a rawn kal hel a, Jayden ka kuahna chu ka ti nghet ve sauh thung!
"Jay,Lokal rawh,Apu te ina kal tura insiam tur!" Ka pawm lai reng chu min rawn lak sak nghal nawlh a, Ka che zawm ve phat bawk, Jayden lak let leh tum chuan ka ban zui vat a!
"Mum..A nâ!" Thinrim țun chungin ka thlah a, Zothana nghawngah kut a suih bet tlat a, Ka la hrang thei lo khan ka lo tina palh ani mai thei!
"I damlo ami?'" Zothanmawia ka huat zia chu pui tak ani! Jayden pawm țha nulh pah chuan ka pang rawn deh mai a tum a! A kut ka beng per nawlh a, Ka hrawk hi a tawt țun bawk!
"Ka fapa kha min pe rawh.." Ka sawi zawh rual in ka ban leh nghal tawp a, Jayden lah chuan Zothana a kuah bet ve tulh tulh a, ka chetdan chu an hrethiam lo tih an hawi â hu leh Jayden hlauthawng hmel ah chuan a lang reng!
"Jay, Mumma bulah lokal rawh.."
"Bawihi.. Na i nei em?" Zaidam tak a Zothana rawn țawng leh sup ka hriat rual chuan insum hman lo in ka buak hawk ka hlau ta ber, ka theih ang a rum in ka melh ta nghek a, a hawihai hmel leh min khawih mai tum a kut a rawn lek leh zuau te chuan ka thin a tirim hlur tawh tak tak!
Ka kâ ațang thumal khat lek a chhuak leh anih chuan ka țap mualpho thei mai ang, anni pahnih chu chak takin ka kalsan hlawk hlawk a, kal tumna bik pawh ka neilo, Ka hmazawn ah chuan ka pen zui hmawk hmawk tawp! Ka mittui vangin ka khawhmuh a phe ruai a! Tinge dawt a sawi kher! Hna pawimawh vang in maw keini nufa amah nghak reng tute kha min rawn biak loh!
Ka bula thingkung lianpui ding chu ka vuan a, ka awm zawn dawm in thawk ka la zui kawk kawk bawk!
"Dawt.. "
Tinge,Ka pasal pawh nilo vang in tiang tak hian ka nat le?
Ka hnunglam ațang ke pen thawm ka hriat rual chuan ka mittui chu ka hru hul sawk sawk a, ka hnunglam ațang taksa lumna ka hriat rual deuh thaw chuan sir lamah ka per zui nghal nawlh! Hawi let in Zothanmawia hrilhhai hmel lutuk chu nâ zet hian ka melh a!
"Bawihi."
"Kal bo rawh." Ka ti tuarh! A thawchhuak hawk a! Ka haw lutuk, ka kawchhung hi amah huatna vang in a puak darh thei mai dawn!
"Na i nei em? Tinge hetiang hian i awm tlat a?" Ti hul hak chung in min rawn hnaih leh a, ka lo tawlh hnung ve hrat a hmuh rual chuan ka bul maia thingkung lian zet ding chu a rawn hnek ri zui nghal pawp mai!
"Engthil teh hrep nge i hriat a?" A palian bawk si, a thinrim aw rawl ring lutuk vang chuan ka lo ip chawih thei!
"Na i neih chuan min hrilh rawh, tunang hian awm suh!" Ti chhum hmuk pahin min ban leh mai a tum a!
" Hmeichhe dang i khawihna kut khan min khawih tum reng reng suh!" Ka aw zawi leh thinrimna inpawlh nawk vang chuan a ban chu lek kang in a meng awk a! Tenawm leh lutuk!
"Engnge i sawi awmzia?"
Za lo zet hian ka nui chhuak hak a!
"Ka sawi awmzia chu i hre chiang khawp ang chu!"
"Bawihi."
"Khati khan min ko tawh suh,." A rawn pen hma leh hrut chu ka hmalamah ka ban ka dah chhuak vat a!
" I thil hmuh zawng zawng vang khan min hua in min ten ngawih ngawih ang tih pawh ka hria, kei ngei pawh hi ka inten a, kha mihring in ka taksa a khawihna lai zawng zawng te hi hlih vek theih ka duh.. Keimah leh keimah ngei pawh ka inten em em tawh a, Nang...nang ngei pawn min ten mai pawh nilo in min hmusit hluah hluah tawh ang, kal bo tura i hrilh kher ngailo in i nun ațang hla takah ka kal bo ang, i duh tawk in i inah hian hmeichhe chi hrang hrang i hruai lut thei tawh bawk ang!" Chil ka lem dawk a, Zothana hmel tak ngul chu in hersan in in lamah ka pen let hlawk hlawk a.
Inhnunglam luhna ațang inchhung ka pen luh rual chuan Nu Liani'n min lo buaipui vat a, mahse amah pawh chu be lo in inchung lamah ka tlan chho zawt zawt a! Ka awmdan zahpuiawm zet vang khan hmeichhe dang nen an awm dun anih pawh in sawisel ngam tur ka ni tawh lo, chuvang tak chuan a hmuh phakloh ah leh hmeichhe dang nena an awmdun lai hmu phalo a kal bo vang vang hi ka tan a țha ber!
Jayden kha khawnge a awm ka hrelo a, mahse kan mamawh ang ang ka khung khawm zawh vek hnuah ka zawng kual tawh mai ang!
Thuamhnaw ho chu bag ah ka vawm lut mawlh mawlh a, Kawngkhar a Zothana rawn pen lut ve pawh chu ka hmu lo der hmak bawk.
"Atthlak deuh hian che ţhin lo teh!" A rawn ti sup a, ka inkhung lui ngar ngar a!
"Zodinpui." Ring hauh silo, hlauhawm ru zet si hian a rawn ti leh tâwk a!
Bag ah ka in vawm lut mawlh mawlh tho!
"Duhtawk rawh, he in hi i chhuahsan dawn reng reng lo.. " ka bag chu a rawn la kang vut a, thuamhnaw ka khungkhawm ho chu khum ah a rawn bun chhuak leh vek a! Ka thinrim lutuk bawk si chu ka au chhuak tuarh ringawt!
"I duh hun hun a i chhuahsan leh mai mai turin he inah hian ka hruai lut lo che." A thinrim ve bawk aniang, chhuatah bag chu a rawn paih pawp a!
Rum zet hian ka melh nghek bawk.
Bag chu ka chhar leh ngat a, khum a thuamhnaw a bun chhuah vek chu ka khung zawm leh sawk sawk a, Zothana lah thinrim insum tih hriat hluah hluah in pindan chhungah chuan a lo vei tawn ve sek bawk!
"I chhuak dawn lo." Bag ah ka inkhung khawm vek tawh, ka ban rek ah a rawn hmer chawt a! Ka kut chu ka phih let sawk a, mahse a hmer nghet lutuk mah mah!
"Ka chhuah leh chhuah loh chu ka thu thu!"
"Min nawr lui suh aw. "
"Huh.. Nangnen hian inzawmna pakhatmah kan nei lo a, ka awmdan ah thuneih tum ngam tur pawh i nilo!" Ka hniam zawk vang in a awmzawn ah chuan ka au khum nghek a!
A hmel landan a rawn dang ta hlawk bawk!
"Engthil maw i sawi kha." Ti hluk pah in ka bag khai lai chu a rawn phih thla pawp a, tha a ngah bawk si, Ka lo vuan nghet ve bawk si chu ka pai nawk lo chauh!
"Nang nen eng inzawmna mah kan neilo." Ka ti a. Atthlak tih hmel lutuk hian a nui chhuak hawk a! Mahse hetiang a a nuih tawh hi chuan a nuihzat vang nilo in a lungawiloh lutuk vang zawk ani!
"NANG_NEN_HIAN_IN_ZAWMNA_KAN_NEI !"
"Aih... " Hmeichhe dang zanlaia rawn hruai haw thei tu hi inzawmna ka neih pui dawn reng reng lo a, a hma a thil thleng pawh kha a thleng palh ni tawh mai rawh se, ka tlawm nawn leh na tur in engthil mah ka ti tawh dawn reng reng lo!
" I ngaihdan ah ka buai lo, mahse ka ta i ni thung !" Ti hmuk pah in chhuatah chuan bag chu a theh thla tawp a! Zaklo hi ka ti ngawih ngawih!
"In hi chhuahsan tum reng reng suh.."
"Min kalh hnan ang maw?"
A nui suk a! A hmel landan chu ka hua hi a ni tawp mai!
"Ka tih theih chu i hre mai ang. " ti sup pah in room aţang chuan a pen chhuak ta nul nul a, Ka thin in a tuar tawh bik bawk silo, khum lu a lukham chu ka la sawk sawk a, a hnunglam ah chuan ka vawm zui ta dawt a!
Chhuatah lukham chu a tla tawp! Zothana pawh a ding chawt a! Rawn hawi let mai lo chuan a lu zawn ah a ban hrawl zet pakhat chu a phar kang zauh a, a kutțang chet in a kal zui nghal daih bawk!
A mize pawisak neilo lutuk leh a thu thu a min dah a tumna chu ka haw hlur a, ka bag chhuat ah a paihthlak tawh chu ka chhar sawk sawk a, ka ak a, kailawn ah chuan ka chhuk thla ve zawt zawt a, Jayden chu tv enna room ah a awm anih ka ring!
Jayden awmna nia ka rin lamah chuan ka kal zui nghal vat a!
Kawngkhar ka nem hawng chiah chu ka tîm zawk a!
Tv enna room ah chuan Nu Liani, Mami leh Zothana Driver te an lo awm țhap a, Zothana chu Jayden pawm chung in anmahni ep couch ah chuan alo țhu a, kawngkhar a ka ding reng a hmuh rual chuan chimawm lutuk in a nui zui suk bawk!
"Jayden lokal rawh.. "
"U Din?" Mami chuan min rawn melh zawk a.
"Jayden." Ka ti țha leh ngat ! Nu Liani leh Mami chu in mitmei zeuh in Mami chu a rawn ding chhuak a! An vai hian he mi room ah hian engthil nge an tih ni!
"In nufa a in hi in chhuahsan chuan U Zothana hian kan pathum hian min ban vek dawn." Mami chuan ka beng bulah rawn kun hniam pah chuan a rawn ti sar sar a!
Ka meng nghal kawk thei!
Zothanmawia chu rum lutuk hian ka va melh a! Hnehtu chanchang inti zet hian a lo hawi ve vah bawk! Chhe veh vuah lutuk!
Hetiang mai mai vanga ka chhuah loh a ring anih chuan a tisual khawp ang!
"Jayden rawn kal rawh." Vin deuh a ka tih leh takah chuan Jayden chu chhuatah a dah thla a, Jayden ka bul a rawn thlen rual chuan kal chhuahpui nghal mai ka tum a!
" Puite." Ka ding dat a, Nu Liani chu kan lam panin a rawn kal ve vat.
"Ka fapa hi a kal(Kidney) thlak a ngai a, a senso zawng zawng hi Zothana hian min tum sak vek thung, tunah hian doctor enkawlna hnuaiah a awm mek a, Ihhh..Aaa..Ka sawi tum tak chu.. In aţang in nufa a in chhuah chuan.. " Nuam lo tih hmel zet hian a che sek a! Sawi zo lo mahse a sawi tum chu ka hrechiang ta kher mai!
Zothanmawia ka huatna a zual sauh hi a ni tawp mai! Chu tih rualin Nu Liani leh a hnathawk dang ten an tuar ka duh bawk silo.
"Pa tello a enkawl ka nia, Zothana hian min buaipui sak vek a,Mahse in inchhuahsan chuan ka fapa a enkawl zui tawh dawn lo." Pathian leh! Hetiang khawp hian a rilru a bawlhhlawh in min dang chep duh ani maw?
Ka thinrim bawk si, tih theih ka nei bawk silo chu ka taksa chhung hi a tawt vek a, ka sa vur maiin ka hria! Couch chunga Zothanmawia ţhu run chu va vuak thluk tawp mai hi ka chak lutuk!
"I chhuah luih duh chuan thil thleng tur chu i hre tawh mai ang chu!" A rawn ti hmuk a, Hetiang khawp hian midang hmanruaah hmang in min dan chep ka ring ngailo reng reng!
"I va fair lo ve, Tinge midang hi hmanruaah i hman a?" Ka ti țhat a, nui suk chung in a țhutna ațang chuan a rawn ding chhuak ve vut a!A palian in a hrawl bawk si,A chet duh dan chu a naupangchhia in mahni hma a sial tak zet!
"Naupangchhia lutuk, Naupang infiamna ang lek ah a mi i ngaih a?" Kan awmna lam pan a a rawn pen pawk pawk chu ka lo vin tân tân a!
Ka hma ah tak a rawn din chut rual chuan lo ham vak mai te hi ka duh rum rum!
"Naupangchhia zawk chu a hriat khawp kha, țha taka ka sawi lai khan thuawih ta reng che.. khawi i bag kha.. " Min nuih suk pah in ka dara ka bag ah chu a rawn la daih a. Tih theih neilo lutuk a min dang chep hneh lutuk chu ka țah a chhuak hlur thei! Kal chhuak ta ngawt ila Nu Liani fapa a enkawlna a tawp san ang a..
Aaaa.. He mihring hi ka haw lutuk! Ka hua! Ka haw hluah hluah!
"Jay, Apa hi min lo insiam pui rawh le.." Eng thil mah thleng lo ang chiah in ka fapa chu a pawm kang zui nawlh a, inchung lamah a hruai chho ve nghal daih bawk!
"Ka haw lutuk!" Ka ti chhuak hap bawk!
"Tinge hetiang hian ka chungah a chet kher a!" Nu Liani te pathum melh pah chuan ka'n ti leh halh ringawt a!
"A duh em che alawm." Nu Liani rawn țawng chu eiloh hmel zet hian ka ner khum nghal sawk!
"I hmuthiam lo mai mai anih kha, in tello a awm a hreh lutuk hi keini hi hmanruaah min hmang ta tawp anih hi." A ti sep a.
"Anih chuan chhuak lui ta ila engtin mah a tilo ang che u maw?"
"Aih... Ka sawi tum anilo. Inchhuah luih chuan a thusawi kha a ti tak tak bawk ang, chuan he in ngei pawh hi a ti chhe duh vek mai ang, Zothana hi ka hrechiang alawm, a mihringpui te meuh hmanruaah hmangin in nufa hi chelh beh che u a tum țang țang a, a mihringpui te hi hmanruaah a hmang ve ngai lo ania.. " Nu Liani thusawi lai chu ka en ngawt ngawt tawp ringawt!
Midang zawng chu an kal chhuak a,Tv enna bik room ah chuan ka țhu ta reng a,Ka ngaihtuahna a vak thui bawk si,Chu tih laiin kei lah chu inchhung pakhatah mitang ang chiah in ka awm tlat ang lawi a!
Ka ngaihtuah chian piang in nizan vang khan ka thinrim a zual tulh tulh a, Rachel nen khan zanlai hnaih tawh tak ah engvang a inzui nge an nih!
Aaaa..Amah berin a sawi miau loh chuan engtinnge ka hriat ve ringawt ang!
Nizan ka mut țhat loh em vang in ka țhut tak reng hnu chuan ka ham zui bai bai a! Sunday ani a, Zothana flight hun pawh chawhnu dar 2:30 ani dawn a, buaipui vel chu tum lo ve tak ka ni ringawt!
Couch ban ah chuan lukham dah belh in ka mu kawm ngat a, He in ațang chhuah ka tum rualin hmanraw țha tak hmang a min danna tur a lo hre hman zel a! Ka haw lutuk hi ani tawp mai!
Kawngkhar dimte a in nemkhar thawm ka hriat rual chuan chiang lo zet in mit ka meng a.
Zothana chu a taksa lian leh in fit zaih rem em em in denim shirt a ha a, a ban a thlep let bawk, Trouser pants a ha leh tawp a, ka awmna lam pan chuan a rawn pen lut pawk pawk a, ka taksa chhung lam ah hian lo che dat a awm!
Chiang tak in a hmel chang run leh hriam hraih pawh ka hmu thei!
A rawn hnai zel a,Ka thinphu a lo rang ve dawt dawt bawk, Tiang em em a keimah ah nghawng a nei nasa ţhin hi mak ka ti! Ka bul maiah a rawn din khawng luah takah chuan ka țhu chhuak ve vat a!
"Jayden chu a muhil a ." Min chhuk melh run pah chuan a rawn ti sup a, ka bu nghat ringawt!
"Dar 12 hian in ațang ka chhuak ang." A bana sana lawk zet bih zauh pah chuan a ti leh vut a, engkim min hrilh turin ka ti der silo.
"Ka sawi lawk ang khan in hi chhuahsan tum duh suh, tuar lo tur turin an tuar phah mai ang, hahdam lo tum la, ni thum em em pawh cham lo in ka rawn let leh vat mai thei bawk." A ti leh sup a, A palian bawk si, Min chhuk melh run vang chuan naupang thuawih deuh ang maiin ka ngawi kar a!
Ka chhan loh vang chuan ani ngei ang, thawk la hawk chung in ka hma ah tak chuan a rawn ţhu hniam thla a, Ka mit ah tak a rawn melh nghal run bawk!
Ka dar a rawn vawn rual chuan a kut ka lo beng thla sawk bawk. A rum ta nghut a. Ka ding chhuak zui nghal phat bawk.
" Bul tan suh, Ka thusawi ngaithla hmasa thin rawh!" Chang zet hian a rawn ti țhawt a! Rum zet hian ka melh nghek ringawt!
.
"Lokal teh." tih leh sofa a min pawh thut a rual a,ka tal phat a, mahse hneh lutuk in ka darah a rawn kuah bet ta hmiah!
" Ka thusawi tur ngaithla phawt thin la.!"
"Engmah ka ngaithla duh lo!" Ka ti hlak a.
"Aih,I ngaihthlak a ngai alawm, Nizan a i thil rawn hmuh kha ka sawifiah ngei a ngai!" A tih leh sup tak ah chuan ka lum pup thei mai! Engtinnge anmahni ka hmu tih a lo inhriat?
"Ka sawifiah a ngai, min ngaihthlak a ngai bawk, I awmdan diklo vek leh i thinrim em em reng hi tih reh i duh chuan ka thusawi tur hi ngaithla rawh!" A ti sup a.
" Awmdan tur pawh hi min ti hre lo." ka ti chhuak halh a.
"Ka sawifiah dawn lawm, Nizan a i thil hmuh ang kha.. I hmuh ang kha anilo a nia.."
Ka nui chhuak hawk a! Sawi tur pawh ka hre ve tawh lo!
"Bawihi, min ngaithla rawh ka tih chu!" Ka tal ve chhen avang chuan nghet leh zual in min man bet a, A taksa a hrawl bawk si,Tha ah ka hneh bawk silo, Beidawng zet hian couch kil ah chuan ka thu ran, Zothana lah in thutak zet in min melh run bawk.
"Ka bulah chuan i duh duh i sawi thei alawm, Zanlai hnaih tawh tak ah hmeichhia in i in thleng in a rawn zui haw che a chuti chung chuan eng thil mah a thleng lo a." Tih el zet pah hian ka nui lui hak a!
Zothanmawia in sehruh țeuh chuan kut min rawn thlak duh mai dawn maw ka ti hial tawh!
"I duh duh sawi ngawt zel suh!" Ti hluk pahin a ding mar zui nghal zat a! Ka rin lawk ang chiah! Insawifiahna tur țha tak a neih ka ring lo hrim hrim!
Pindan ațang a pen chhuah rual chuan ka ruak huai a! Rawn hawi let miah lo in kawngkhar chu a pawt phui a, Chumi rual chuan a phone a rawn ri ve chiah a! Phone chhang pah a a kalsawn thawm chu a hla telh telh a!
☆☆☆☆☆☆☆☆☆☆☆☆☆☆☆☆☆☆☆
Zico's Pov
Ka khaberuh intuam chhah luk chu ka'n tuai zauh a! A na hrep lehnghal a. Kha mihring phiangsen kha a vannei rei hauh lo ang le..
Ka phone chu la kang in number ka hmet chhuak nghal zat a, a in ring chhung chuan ka khabe chu ka tuai hauh hauh a! Anni pahnih kha nuam sa tak chuan ka awm tir hauh lo ang! An nun hman lai mek hi hremhmun ah ka chantir a nga, Kha Vincent phiangsen khan Puitei hi ka hnenah ngei a rawn dah let leh bawk ang.
Engnge ka tih theih chu lo ngai reng rawh se!
"Hello Boss."
"Tun ah engnge a tih?" Ka ti sup a, nileng zankhua in a enthla reng a, ka sawi tum tak a hre bawk ang.
"Airport lam panin a kal mek!" A rawn ti a. Ka nui nghal suk a! A awmzia chu Puitei amah chiah in a thlahfal tihna anih chu! A phurawm phian dawn e!
"Zui zel la, a thlenna chen thleng ve ang che!"
"Aw le Boss!"
"Ticket pawh lak a ngaih chuan buaipui tur che an awm ang, ka mi chhawr i ni tih sawi tel la." Ka tih zawm zat a. "A țul ka tih dan a zirin Mizoram a rawn let ve kher a rem tawh lo mai thei!" Nui zui huk pah a ka tih tak ah chuan a hrethiam tih hriat tak maiin a rawn nui ve hawk a!
Ka thil neih duh min chhuh tum tlat tu chu vairam mipui tam zet na ah tualthi in awm daih mahse a pawi lem lo khawp ang!
Kan inbiak zawh hnu chuan phone chu khumah ka theh thla tawp a!
Thil hriat chhuah ka neih vang chuan phone chu rang zet in ka ban leh a, Ka nui zui nghal suk bawk!
Video ka lak ho chu ka en kual thuak thuak a, an lo la kim thlap bawk! Tunah chuan engtiang pawh in ka bulah a rawn let leh tur a ni tawp mai!
Video chu ka play a, khum khuhna var thianghlim zet a hmeichhe mu zawi ngiai mai duhtawk a ka khawih kual lai chu en in ka thawchhuak nghal hawk bawk!
Engtinnge tiang khawp hian min hip bet tih kha ka lo hriat ngailoh!
A vun var hluak ni silo, sen chek thung si lang lai ho chu a nalh in ka thisen a ti lum pup thei! Ka khawihna apiang thlahlel zet in a mal a lo kar zau ve zel a, Video a ka kut thlen chenna lo lang leh a rum ham ham thawm te chuan min va ti phur chiang teh kher em!
"Lo nghak reng rawh.. I la rawn let thuai dawn." Ti sup pahin video chu ka post a. Thawk ka la zui nghal ham ham bawk! Tunah tak hian a taksa nalh zet kha khawih leh ka chak lutuk!
Kawngkhar lock a rawn ri khap a, Lisa rawn lut chuan min rawn nuih seih a, ka lo en mawl tawp!
" Hospital kal chu i duh lo maw?" A rawn ti vat a! Ka melh rum nangang mai!
"Ok.. ka hrethiam e.." a hmui hnuai a seh zauh a; "Naktuk zan hian i nu in palai kan inlam ah an kal dawn tih a sawi a.."
"Huh.. Chu thil chu tunah ka hre ve chauh a maw?" Ka ti hluk a.
"Inneih kha chu suangtuah zui duh suh, neih che ka tum lo."
"Zico." A au ring ngang mai! Ka nui zui suk a, kut a hum ruh ve ngat ngat a!
"Ka nei duh lo che.. "
"Kan hria ang chu. " a ti hlak a, kan hre khawp ang, ka mamawh tawh lo a, ka it tawh bawk hek lo!
Lisa awm lai reng chuan ka phone chu ka hmet mawlh mawlh a, Thinrim insum zet hian min melh ve kham kham a, Diktak chuan hman ațang khan nupa nih duh in kan pahnih fa ngei pai duh ve nise chuan amah chiah hi ka hmeichhia ani reng ang! Mahse a duhthlanna vang in tun dinhmun hi kan thleng a, hmeichhe pakhat suangtuah zui reng lo thei lo a ka awmna chhan pawh amah vang hi ania!
"Hello pa.." Lisa thawchhuak hak chu nuih in ka ner zui zauh a.
"Puitei pa te in lamah khan palai lo va tir ula; koh ka duh tawh.. "
"Zico!" Ka hma a hmeichhe phun sep chu ngaihven zui lo zet in ka pa rawn țawng chu ka ngaithla a.
"Umm,An home ah khan ani mai ang chu."
Rawn haw duh lo pawh nise ka video neih hmang hian ka hruai let leh hrim hrim ang!
Phone ka dah rual chuan Lisa chuan min pan hnai vat a!
"I kal thei tawh ang."
"Zico, i ti tak tak lo tiraw?" Ka kut a rawn vawn chu ka lo theh per nawlh a,
"Ka in ațang hian i bungrua zawng zawng hi la chhuak nghal vek ang che." Ti hmuk pah in khum ațang chuan ka tho a, chet vel ala nuam chiah lo!
Ka pa in inbiak a duh vang in kan in lamah ka kal angai a,Lisa chu ngaihven zui duh lo in kawngkhar lam pan chuan ka kal a.
"Ka rawn let leh hma in lo chhuak ang che." Ti sup pahin kawngkhar ka nem hawng a,A au tuar tuar a, pindan chhung chu a ri nghal bur bur mai bawk!
A duh duh kha lo paih keh vel mai mai teh se a!
Traffic free lai ani bawk a, chak zet in kan inlam pan chuan ka inkhalh chhuak a, ka mi tirh pawh khan Vincenta zuiin Mumbai lam ah a thlawk chhuak dawn tih min rawn hrilh a. Thawveng zet in kan inpui gate ah chuan ka tlan lut a!
Machhani te nufa inkhawm bang nen kan lut rual a. A pum ngawt chuan ka mit a la bawk!
"A puar ve tawh hle mai!" Nui suk pah chuan ka ti a.Machhani chuan min rawn en vat a.
"I dul kha nia ka tih.."
"Oh.. nia, thlathum ani ve tawh alawm." A ti țha ve mai a.
"Puitei i be ngai em?" Ka ti leh a.A meng ak chu ka hmulo der lui a.
"Aa.. Ka buai thei lutuk a , Tinge?"
"Ka zawt mai mai che. Ka pa hmuh lawk ka ngai a ." Faith-i biangah piai sak zauh pah chuan ka kalpel nghal zat a! Kailawn tawp ber ka pen chhoh rual chuan ka hawi let a; min lo la en ve reng ! Nui suk chung in ka inher leh a.
"Ka plan ah i tel ve lohnan țawngțai țha rawh!" Ka ti sup bawk.
☆☆☆☆☆☆☆☆☆☆☆☆☆☆☆☆☆☆☆☆☆
Zodinpuii's pov
Jayden nen kan school bang chu ka chau chhe der mai!
Naupang bulah nileng in ka au a,Ka lu te hi a bur maiin ka hria.
Gate aţang kan chhuak chiah chu Zothana Driver Jerry kha a rawn lang zui zat a; Kei erawh ka thaw nghal halh thung!
"Min rawn hruai kher a ngai hlei nem!" Ka ti sep a. A nui tawi tuk bawk! Zothana khan a chah uluk bawk aniang, kan school kal tur min dah thlap a, class la tura office atang ka chhuah lai pawh khan gate pawn ah hian a lo la ding reng a! Ka tlanbo hlau ang hrim a min ven tir reng chu ka ning tak zet bawk.
Kan nufa in a hnung ah kan țhu ran a, Jayden pawh a infiam chau deuh aniang, a mu thlu mai dawn a ka hriat vang in ka malchung ah ka pawm a, Nizan Zothana thleng hlim in a rawn bia a, toys bawk an inchah uluk leh hle tawh. Kei erawh in biak ka tum chhin peih vel lo! Kan nufa zalen lo tak a min hreng bet reng tu anih vang hrim hrim pawh hian ka haw hlur mai!
In kan luh rual in ka phone a rawn ri a, Jayden ka darah a muhil bawk si, pawm nghet pah chuan phone chu ka dap rawk rawk a.
Takzet chuan!
Zothana leh bawk!
Chhang lo in silent ah ka dah ta hmak a, Jayden khum ah ka mut fel hnu vek ah a rawn call nawn leh a. Chhan tumna ka nei chuang lo!
Rachel nen chiang tak in ka hmu dun tawh a, a lak ațang inthiarfihlim ka tum char char tawh bawk, nakina nat belh lehna tur engthil mah tawh ka duh tawh lo a, he in aţang kan la chhuah loh chhan pawh a hnathawk te chungah a țuan ka duh lo vang chauh ani bawk.
Ka inthlak fel vek hnu pawn beidawng lo in a rawn call nawn ngat ngat a! Engthil tehhrep nge maw a duh chu le.
"Hello ." Ti hmuk pahin tukverh lam ka pan a. Lehlam ațang mipa rawn thawchhuak ham ham ri vang chuan ka lungphu a rang ti tih der mai!
" Tinge call i chhan vat loh a?" A rawn ti sup a, a aw rik dan ah chuan a chauh hmel kher mai!
"Ka buai alawm.."
"Ka hria e, Jaydena?" A rawn ti leh sup a, a rawn thaw zui leh ham ham a!
"A muhil.."
"Bawih?"
"I sawi duh i sawi zo tawh em?" Ka ti let hlak a,
"Sawi zo lo.." a rawn ti ve ta hmuk bawk.
"Oh.. anih chuan sawi la." Ngeiawm zet hian ka ti let ve vat a! Nimin a min dangchep hneh lutuk leh ka thinrimna kha an la reh ve miau hleinem le..
"KA_NGAI_CHE!" Zawi sup tak tak in a rawn ti a. Ka beisei loh lutuk a rawn sawi vang ani ngei ang! Ka taksa hi thil rit deuh a den dawt ang mai hian a nghing dawt thei!
"Ka sawi chu i hria em? Ka ngai che." Zothana vek chuan a rawn ti leh sup a. Nghet deuh in kut ka hum ruh ta vak ringawt! Ka nem mai mai tur anilo.
"I sawi a ka hria e.. Chu zawng chu i sawi duh anih chuan ka dah ania." Ka ti sep a. Ka hrawk ro ta lutuk te chu ka hrethiam lo! Min rawn chhan let lehna pawh ngaihven lo in phone chu ka off zui ta hmak a! Ka thinphu erawh a rang tak zet!
* Jayden thlalak chu min lo thawn la.*
A message rawn thleng zawm zat chu nui lui hak in ka en a.
"Lemchan kual vak angai lo a sin." Ka ti sep bawk.
Khum a ka fapa muhil sek sek lam chu ka pan a. A thla la in Zothana chu ka send a.A seen rang nangang mai!
*That's my boy* tih zawng in a rawn reply a.
*Zanah min lo call rawh aw.*
Ka reply tawh chuang lo, Call na chhan tur ka nei pawh in ka in hrelo!
Tlai lam zawng chu thuamhnaw rem fel nan hun ka hmang a, A khat tawk in Zothana message a rawn thleng reng a, engvang a tianga rawn awm tlat nge maw a nih dawn ni.
Zan dar kua velah chuan Zothana chu call ka tum uk uk a, Mahse amah zawk a reh hmak tak vang in mahni inti mualpho a call erawh ka duh chiah bik silo a. Hei erawh ka hrechiang ngang thung! A awmlo chiah chu Jayden hian a hming a lam reng a; ka fapa hian a ngainat tawh mah mah mai bakah Zothana nen engtik lai pawh a hun hmang dun tlat tawh turah a in ngai ta hmiah in ka hria.
Jayden muthilh ngheh hnu chuan dar zat chu ka en zauh a,dar 9:44 a lo ni va tawh.
Ka phone rawn ri thut chu rang zet hian ka ban a, Screen a hming rawn lang ka hmuh rual chuan ka hnual nghal rawih ringawt a.
"Hello, Pa."
"Mambawih.." a rawn ti sup a. Thawk a la zui leh ham ham a.
"E
Pa, engkim a țha em?"
"Aa... Zico te khan let leh tur che in an rawn ko che a." A rawn ti a. Ka hriat sual anih ring in ka thawchhuak hak a!
"Palai an let chiah a, Ka rawn be nghal che."
"Pa.." Ka ti sep a. Zico tehhrep pawh chu!
"I ngaihdan kan ngaichang anih hi, palai rawn kal te pawh i duhthlanna anih tur thu kan lo hrilh a.."
"Ka let duh tawh lo.." ka ti sep a. Zico ka ngaihtuah a, Engtinnge tun ang hian chet a lak ngam leh zawk ni, ka chunga a chetdan bawlhhlawh lutuk te kha inthiam loh phahnan a hmang ve miah lo hial emaw ni! Hotel a a chetdan ka ngaihtuah let rual te chuan ka thinrim lutuk hi ka â thei mai dawn in ka hria.
"A țha e, i thuthlukna ang ang kha palaite kan hrilh tur chu ani mai.." a rawn ti dam dap a.
Ka pa nen kan inbiak zawh hnu chuan ka thinrim lutuk vang nge ka hrelo, Ka taksa chu a țang țung mai! Ka mitthla ah Zico pawisak neih loh hmel zet a nui suk ţhin kha a rawn lang a! Amah neih leh ai chuan thih daih pawh ka duh zawk hial ang !
Phone ring chu ka ngaithla vang vang a!
"Hello.." Hmeichhe aw hian a rawn ti a.
"Zothana ka be duh a, a awm hnai em?" Ka ti sep a. A meeting laklawh a call midang a rawn chhan tir emaw ka ti a.
"A inbual lawk a." Mizo țawng hian a rawn ti leh a, Min deng dawt mai! Harsa zet in chil ka lem dawk a! Zan dar 10 pelh tawh ah Mizo hmeichhia in a inbual laiin a phone a lo chhan sak a!
"Nakin ah ka lo call leh mai ang!" Pangngai tak chuan ka ti chhuak halh a, Rachel a ni lo tih a aw ri ah khan ka chiang lutuk bawk.
"Zodinpuii i ni em?" A rawn ti a, Ka hmel landan hmu thei ngat ila chuan ka meng phar nasa ngawt in ka ring!
"Aw..!"
"I țha maw?" Hmeichhia vek chuan a rawn ti a, Mak ka ti tulh tulh mai!
"Min hria ami?"
A rawn nui hak a! A nui ri chu hriat tawhna ka nei țhin.
"Nang pawn min hre chiang lutuk." A rawn ti a; Engpawh chu nise Zothana inbual laia a phone lo chhansak ngam khawp ani a, Zothana nen pawh an innel tawk hle bawk ang.
"Rindan tur ka thiam mai lo.." nui lui hak pah in ka ti let a.
"A pawilo, Zothana nen kan rawn haw dawn lawm, Min hmu anga, min hre em em ang!"
Tunge ni ta ang? Zothana leh kei min hria a, min hre satliah mai pawh nilo in ka hming pum te nen lam a hre vek a!
"E.. Zothana pawh a rawn zo dawn chiah.." a țawng tawp lam ah chuan a rawn nui leh kher a. "Phone hi ka'n pe ang aw.."
"Aih... a ngailo mai."
"Oh.. ila danglam miah lo anih dawn hi.." chiang zet hian a rawn ti a, Amah zawk chuan phone chu a off zui ta hmiah bawk!
☆TE DOY 15K☆
Chapter 22
BY
Abbra Reo Ririni Khiangte(Pitartei)
Ka phone rawn ri chur chur chu rang zetin ka switch off zui ta hmiah a! Kei reng reng pawh khan engvanga call ngawt nge maw ka nih le?
Khumah chuan ka mu thla tap a, Mahse, inhnuai lama landline phone rawn ri ta ral ral vang chuan ka țhu chhuak leh zawk a! Reilote hnuah Nu Liani'n emaw a chhang ani mai thei, thawm chu a reh a, Kei erawh tukverh parda zar phui loh ațang eng rawn lut raih chu melh in ka khap fak fak a!
"Dindin?" Ka hawi nghal dawrh mai! Pawnlam ațang Nu Liani chuan a rawn kik zui keuh keuh a!
"I muhil tawh em?"
"Aih, engnge a?" Kawngkhar ka hawn rual chuan ka ti vat a! A hmel landan hahdam ta huai chu hrethiam lo zet hian ka melh a.
"Zothana.. Aaaa.. i phone i off daih sia, home phone ah a rawn call a, zuk chhang lawk mai ta che." Jayden vengthawng tih hriat zet chuan a rawn ti sep a! Kei erawh chu ka thaw ro halh thung!
Tinge a tal buai luih chiam chiam duh ţhin le?
Inhnuai lamah chuan ka chhuk thla hmawk hmawk a, Nu Liani'n Jayden min lo ven sak bawk.
"Engnge a?" Hello pawh ti lo in ka ti nghal tawng!
A rawn rum nghut a!
"Tinge i phone i off kher a, i chungah thil ţhalo a thleng emaw ka ti hman alawm!" Chhum bung zet a rawn ti ve hrâwih rual chuan ka sa ve phat mai!
"I sawi duh chu sawi rawh." Ka ti hlak a, zanlai tawh a phone kal tlang leh nghal a inhnial chiam ka peih lo! Ka bul a awm ni thung se chuan ka bul hnaia thil engemaw ber hian ka vawm pawp duh ang!
"Min rawn call rawh ka tih che kha." A rawn ti hluk a!
"Chu zawng chu maw?" Ka ti ve hmak! Beidawn hmel lutuk hian a thawchhuak a!
"Bawihi, tinge min huat em em a?" Nâ tuar ang hrim a,A aw ki hniam ruih vang chuan ka taksa chhung hi a che zawk thei!
" Ka ngai che ka tih kha.." amah vek chuan a rawn ti leh sup a, a aw hniam ruih chuan min fan chhuak vek hi a ni mai, Mahse chhang lo in ka ngawi reng ringawt! Sawi leh mai tur a hre tawh biklo aniang, a thawchhuak ham ham ri bak hriat zui tur a awm tawh bik lo!
"Bawihi?" Reife hnuah a rawn ti leh sup a.
"Hmeichhe dang i awmpui reng laiin min ngai thei chu i fakawm ve hle mai!" Phone chu ka dah zui hmak a, Mahse a rawn call nawn leh ka hlauh vang in call a rawn luh theih tawh lohnan a khaikhup zawngin phone chu ka dah leh ta hram a!
Inchung a ka chhoh leh hma chuan ka theih ang a tam boruak ka hip lut a,Ka hnarin ka thawchhuak zui ham ham bawk. Kawl rawn phe zuai zuai ah chuan ruah a hnai ani mai thei, Boruak pawh a vawt sûng mai!
"Bum nuam takin awm tawh suh!" Ka hriat tawk lek chuan ka phun sep a!
Ka let kual sek a, ruahsur tur ang maia khawpui rawn ri dur dur te chuan ka thawk lak a tipik vek! Zico khan engvang in nge palai tira haw tura min lo va ko leh nge anih? Hotela thil thleng kha chu kei, Zico leh Zothana te chiah khan kan hria a, Khang thil a thlen tir tawh hnu pawh khan a bula awm duh turin min la ring reng reng emaw ni?
Ka phone switch off tawh chu ka ban a, zinglam a hnai kuar tawh in ka ring! Phone ka on rual chuan message a rawn lut ţuk țuk a, Zothana min lo call na pawh a tam hman ngang mai!
Nichin khan call lo ka ni reng reng lo, Tu tih hriat loh a hmeichhe awmpui in call a lo chhang a, Min ngai ber ang te chuan a la rawn awm zui leh ta nghal bawk a!
Khua a var rual chuan Jayden pawh a rawn tal ve leh zauh ţhin, Pathian zarah tlang hrileng a kai ve mai mai ngai lo a, chumai pawh nilo in chaw ei țhat duh loh leh zan mut duh loh te hi a nei ve ngailo reng reng!
"Mum, khawnge apa?" Mit a men rual chuan a rawn ti hnawk ţiak a! Ka thaw hak thung!
"Tinge apa i tih tlat a?" A hriatthiam pawh ring lo hian ka ti sep a, ka kiai zat bawk.
"Kan school ami pawn apa an ti vek alawm." A mit la nuai nauh nauh pah chuan a rawn ti ve a, sawi mai tur hrelo zet hian a chalah ka fawh sak zeuh a.
"Mum, Apa chu.." a rawn tih leh nûi nûi tak ah chuan țah vak mai te hi ka duh!
"A zin kha... i hre tawh lo ami?" Ka ti a, a tum zui ta hmak a! Hahthlak lutuk mai!
"Jay, apa bulah hian kan awm reng thei dawn lo, khatia tihtauh kual pui vel kha ka duh dawn miah lo ania." A ti a, ka vin lo, mahse ka aw erawh a ri fak thung!
Min chhang lo in a ban tereuh te chuan a inbeng kang a,A la tum ve puk tho!
"Jay leh mamma hi hla deuh ah kan la kal dawn a, chuvang chuan nangpawn thuawih i zir a ngai ania."
"Apa bulah lo ka kal duh lo!" Khum ah bawkkhup thek pah chuan a rawn ti ve pâng pâng a! Ka thin a rim hlur ringawt!
A pa tak anih loh thu han sawi khum chiam dawn lahin engvak a la hrethiam ve bawk silo!
"Tho rawh, inbual ang."
"Aih"
"Jay,Mamma thinrim khum suh aw."
"Mamma chuuuuu!" Uar zet hian a rawn ti ve vak a, thawh hlim ațang min thinrim khum ngam ve tawh chu ania!
"Apa pawh in Mamma leh keima bulah a awm char char dawn a ti alawm,Mamma in hla deuh ah kal ang a tih leh pawn 'aih' ti zel rawh min ti." A rawn ti a, ka nui chhuak hawk a! Mak ka tih lutuk vang ani zawk!
"Apa chuan engmaw a hrilh che a?" Ka ti a.
"Mamma in hla deuh ah kal ang a tih chuan 'aih' tih zel tur, Mamma chu sometimes chuan baby ang ani țhin a,Apa kha a thinrim khum vak zel a, mahse apa chuan a pawi ati lo a, mahse mamma in hla deuh ah kal ang a tih chuan apa hrilh zel tur a ti vek tawh, apa ka call leh hun ah ka sawi vek ang!" A rawn ti pâng pâng a! Kâ haû in ka en reng ringawt!
" Apa in khawiah mah kal loh tur a ti vek tawh." Ka kuah na ban dah sawn ve ngat pah chuan a tho ta daih a! Kawngkhar lam pan in a kal ve terh terh a, Engtia han tih tur nge pawh ka hrelo, a awmdan leh a thusawi zawng zawng khan min țhawng ani tawp mai!
Jayden hi naupang fing tak ani a, Zothana khan a kal hma in a thluak ah khang thu kha alo thun luh sak hman vek tawh ani ngei a! Tak zet chuan leh! Kal bo ka sawi apiang in amah hrilh zel tur maw? Ha! Mahse Jayden khan tinge a thusawi a piang a zawm vek zel le!
Khum aţang tho chhuak in hmai ka phih sawk sawk a, a chang leh Jayden awmdan kha ngaihtuah let in ka nui leh hak țhin, Hamhaih lutuk vang hian a lo nuih theih reng anih hi! A awmdan kha kum4 mi tan chuan a mak mah mah!
Jayden nen inbual leh tho kan ngaih dawn vang in ka inthlak duh ta lo a, ka sam hnawk chu ka kutin ka hui mam sawk sawk a, dressing table a samțawnna lo awm chu banin ka ţawn tawm tawp, Khum a puansin chu ka thlep fel leh a, vawiin hi holiday anih vang in nileng in ka fapa nen hun kan hmang dun thei ang!
Ka phone rawn ri chu rang zet in ka ban vat a, Ka pa bawk alo nih vang in ka in sangmar nghal ţeuh mai!
"Mambawih, Vawiin in rawn leng phei hman dawn em?" A rawn ti sup a, khum bul dawhkan chunga alarm clock chu ka melh zawk a, zing dar 7 a hnai kuar tawh!
"Aw, school kal a ngailo a, Jayden nen kan rawn phei dawn nia." Ka ti vat a, phone kal tlang lo deuh a min biak a duh pawh ani mahna!
"Zothana hi a buai viau emawni le, ka call tlang thei reng reng lo mai!" Ka pa bawk chuan a rawn ti leh sup a, kut ka lo hum ruh nghek ringawt!
A buai khawp ang chu! Zalo zet hian ka nui chhuak hak a! Kha hmeichhia kha hriat ve ka chak zual sauh mai! Zanlai hnaih tawh lamah a inbual hlanin a phone a lo chhansak nalh thei a!
Eng engemaw kan sawi hnuah home lam a phei ngei ngei turin min chah nawn leh hram a, keima mimal vang pawh hian an rilru a hah ve ţhin ngawt ang! An hnen ațang pasal ka nei a, sumchhuah bawk in ka pasal nen kan inţhen leh a, sumchhuah ngai khawp a nupa kar inţhen lah an vang pharh maiin ka hria!
Zinglam ka muthilh ve hlanin ruah a lo sur a, boruak chu a vawt ve sung mai, kawrlum phiar la chhuak in ka inthawlh sawk sawk a, Jaydena jacket hak tur ken thlaksak ve ka tum zet a, inchhung dungah a tlankual reng vang hian thawmhnaw pante inbel chung pawn a thlan leh hluam ţhin a, a mamawh dawn a ka hriat loh vang in thlep țha in a thuamhnaw bik bawmah chuan ka dahlut leh daih a!
"Jayden a lo chhuk em?"
"A u Mami room ah a kal anih kha." Driver motor hrufai tur chhuak pah chuan a rawn ti vat a! A la titau ve reng emaw ni zawk ni.
Choka ah ka luhsan a, Nu Liani chuan min lo wish leh vat vat a, Tui lum in thlit in no khat chu ka inzo nghal vek a.
"Thlasik lai ang maiin khua chu a vawt alawm le." Nu Liani chuan a rawn ti lang lang a, ka pawm thlap, vur tlak hun lai ang mai khan alawm boruak hi a vawh vuk ni!
"Vawiin chu ka pa te inlam ah kan leng phei dawn a." Ka ti a, min rawn en vat a.
"Driver kha in va indah tir dawn nia." A rawn tih zawm zat bawk! Zalo zet hian ka nui sak a.
"Ka uanglo a nia, Zothana khan in nufa chiah a thlahfal che u a phal miah lo ania, a kal tur in min chah uluk lutuk kha ka beng ana vek in ka hria!" Nui chung hian a rawn ti a, "Mak deuh asin, mipa mahni in enkawl zo veh vawh tak leh che buai chhin ngai miah lo, engkim huaisen taka hmachhawn hmiah hmiah ţhin hian in nufa hi hlauh che u a hlau tlat mai a, Nizana phone ka chhan hlim phei kha chuan ka hlauthawng hman alawm, rang tak a in nufa room a chho tur khan min rawn au khum țhawt alawm." Purunsen chan mawlh mawlh pah chuan a rawn ti a, ka lo ner nawng thung!
"Jayden khan bawnghnute a in duh chuan a intheih tawh aw." A rawn ti leh a, bu nghat pahin tuilum bawk ka inthlit chhuah leh a.
"Nu Lian?"
A rawn hawi rang lutuk chu ka tim leh hnuhnawh!
"Sawi la."
"Aaaa.. He inah hian kan nufa rawn awm hmain Zothana hian hmeichhe dang a rawn hruai lut ţhin em?" Ka ti a, za zet hian a nui chhuak ta hawk hawk a, a eng khan nge maw a nuih ti za em em ni!
"Zothana chu i va ring mak ve!" Lu thing mat pah in min pan hnai a.
"He in a sak zawh hlim aţang khan ka awm tawh a, tu hmeichhia mah a rawn hruailut ngai lo, nangni nufa hi in ni mai.. Ka hrilh tawh che kha, in rawn awm hnu aţang chiahin Zothana pawh hian he in hi in ang tak takin a ngai ve ta chiah alawm.." a ti sep a. Sawi mai tur pawh ka hre tawh lo!
"Mipa mahni a rei tak chhung lo tlafal tawh ani a, chenpui a nei ngai bawk silo, a mize tamtak hriatthiam sak loh chang pawh i nei țhin ang, mahse hriatthiam sak hram hram tum țhin ang che, a zin tur chhhuah i tum bawk si te kha a talbuai nasa asin, dan beh dan che u a hriat awm chhun kha a hmang ta tawp anih kha.." a ti a, ka nui ve hak bawk!
Sunday chhun lama kan inhnial dan leh bag kan inchuh dan te kha ka ngaihtuah let a, kan dinna ve ve ah khan kan ding nghet dun bawk si, in la thu zet a ka bag min chhuhsak chunga ka fapa nen inchung lam a an chho ta daih te kha nuihzat a lak dawn chuan nuihpui chiam tham ani hial ang! A hun lai kha chuan ka thinrim laklawh bawk a, a chetdan zawng zawng kha raino in thil kan huat deuh ang chiah hian ka haw hlur vek anih kha.
"Ee... Dinning table ah sawn i lehkha tur a lo thleng a,Ka dah ania." Nu Liani chuan a rawn ti a. A mak hle mai! Eng lehkha tak chu ni ang maw!
Ka tuilum in na no chu ka sil a, kitchen towel pawtthla pah chuan dinning table lam chu ka pan a, lehkha ip var lian ve ang reng tak hi a lo awm ngat bawk.
Ka hmingpum leh he in addres hi a inziak a, a rawn thawn tu lam address erawh a inziak tello thung!
Ka la kang a, a rit vei nulh a, ka bo tulh tulh bawk!
A incharna chu ka kheuh hawng a, a chhung ah chuan thlalak ni ngei tur hi a awm a, thlalak pakhat ka pawt chhuak ta chiah mai chu ka tlu tawp lo chauh! Ka taksa chhung hi a sa chhuak vek a, Ka kut a ka ken lai reng chu ka hmu hla tial tial bawk! Harsa zet in chil ka lem dâwk a, ka â thei takngial dawnin ka hria.
"Engthil nge a?" Ka phu zui dawrh mai! Rang lutuk in thlalak chu lehkha ip ah chuan ka dahlut sawk sawk a, thlalak lah chu pakhat mai nilo, sawm chuang fe an ni ang!
"Ih.. Aaaaahh.. school lampang thil anih hi" ka aw a bah nawk a, ka hrawk a chhah nghal luk bawk!
Thawk ka'n la leh vak phawt a,
"Engtinnge ka tih ang?" Ka tawt tup tup a, ka kaihza tha khur nasa lutuk vang chuan table tlang chu ka'n hum vang vang a! Harsa zet in chil ka han lem leh a! Ka țah a chhuak hlur mai!
Room ka luh rual chuan rang lutuk in kawngkhar ka nem phui a, ka tukhum in kawngkhar chu ka nawr leh vang vang a! Ka inhnit chhuak nghal ta hlawp hlawp a!
"Eng thil nge ka paltlang leh dawn?" Ka biang a lum thla pap a! Hruk buai ka tum tawh lo! Ka kut lehlam in lehkha ip chu nghet zet in ka hum zui ngawt ngawt a! Ka nunna hi ka la mai dawn ami?
Kut tha khur zawih zawih in khumah chuan lehkha ip chhunga thlalak ho chu ka bun chhuak a! Thlalak a hmeichhia chu keimah ngei nimahila ka rap a, Ka tiril a țham a! Ka bing mup mup bawk. Kut khur zawih zawih chung in thlalak ho chu ka ban a, min țhawn lutuk vang nge ka mangang ber pawh ka hrelo, ka sa huam huam a! Thlalak tin mai ah chuan ka hmel chiang takin a lang vek mai bawk si, ţhenkhat ah chuan ka kawrhak ka dul lamah a innawr tawm chho vek a, ka dul a țang mipa kut in ka panty chhung a zen lut a, ka hmelah lah chuan nuam ka tih hmelin hmeichhe h*r herh zet hi ka ang a!
A tam lutuk!
Ka panty hak in pawtthla a ka mal in nawr tawm chhoh vek na te ! Hlauhthawnna in min rawn tuam hlup hlup a, he thlalak hi midang hmu ve tu an awm angem? Nge ni a kei hian mi zawng zawng hmuh hnuah ka hmu ve chiah zawk! Kawchhung tawt zet hian ka rum chhuak hawk a! Ka ngaihtuahna hi a buai kual nuaih rualin ngaihtuah ber tur lah ka hre der mai bawk silo!
Thlalak karah chuan lehkha them a lo awm a! Ka mittui vang in a thu inziak te chu ka hmu phe ruai vek!
*A dang pawh ka la ngah ania, i rawn kir hma leh a bo hma ani mai!*
tih zawng hi! Ka rum chhuak hawk a! Nghet lutuk in lehkha them chu ka hum khawr nghal ngawt ngawt bawk! Ka harhfim loh laia thil thleng vang hian engtiang chiahin nge ka nun hi a buai dawn! Keimah leh keimah ka inhuat phah em em a, chumai pawh nilo in Zothana lakah ka in kiltawih in hmeichhe dang a awmpui pawh thik țha ngam lo in ka awm phah a! Tunah ka chenna inah ngei zahpuiawm tak a ka awmlai thlalak a rawn thleng zui leh zat a!
Tinge maw ka nun hi a harsat bik em em le? Kha zan ah khan engkim hi an tawp vek thei mai lo em ni?
Zico lo hetiang ti duh tur an awm lo, hetiang khawp a mi nunrawng bulah hian ka kir leh ang maw?
Ka phone chu ka hmet eng a, screen a number hmet chhuak tur pawn ka kut tha a khur nasa lutuk a, anilo lo ka hmet chhuak nawk nawk mai! Mihring te hian mangang vawr tawp a kan din rual hian min țanpui thei tu nia kan rin hi kan ngaihtuahna ah an rawn lang hmasa ber ţhin a, keipawn ani chiah hi ka mangan tawp ah chuan biak tur ka hre bawk.
Phone in 'ring' chhungte chuan ka lungphu rang lutuk chu ka taksa hian zolo in nikhaw hrelo in ka awm tawp tawh mai dawn maw ka ti hial tawh!
"Hello.." Nizana hmeichhe aw bawk khan a rawn ti a! Ka ţap chhuak teuh kher mai! Tinge Zothana pawh hi hetiang hian a awm tlat!
"Zothana ka be duh.." Ka ti sep a. Ka in sehruh nasa lutuk chu ka hrawk hrui te hi a puar țalh ţalhin ka hria!
"A la mu!" Tih zawngin min rawn chhang hmak! Ka beiseina chhete neih ve zawng zawng pawh an bo zo vek!
Phone chu ka hmet tawp a! Ka malchungah hmet betin ka ţap zui nghal hlawp hlawp bawk, tunah hian ani kha ka mamawh a sin! Mahse, ka mamawh lai berin biak tur in a awm bawk silo, chumai pawh nilo in hmeichhia in a phone a lo chhang a, zanlaiah a lo chhan sak tawh bawk a, tunah zingkar ani a, in kalsan lo in an riak dun hial ani ta ve ang! Ka ngaihtuahna chu duh loin lu ka thing zui nawk nawk a, ka mangan lutuk vanga ka taksa sa vur vang te chuan ka chau nghulh a, mahse chau hman ka nilo, hmeichhe dangte angin in humhimna ka nei ve lo a, ţap chau mai mai hman ka nilo!
Rinchhan tur pakhatmah ka neilo! Ka taksa anih ang bawk in keimah chiah ani in venghim thei tu!
Thlalak ho chu ka la khawm sawk sawk a, bawlhhlawh bawmah ka vawm lut bawrh a, lighter chu ti alh in a chhungah ka vawm lut ve a,a kang ta puat puat a, kei ngei pawh hi kang ral ve daih thei ila, lungphu ran dawt dawtna tur leh chauh ngawih ngawihna tur thil engmah hre thei lo lekin awm ve ta daih zawk ila!
Engthil ngemaw ka ngaihtuah le, ka fapa vang tal pawhin ka nung ang! A țha e! Zothana pawh ka tan a awm thei tawh lo a, keiman ţha ka tihdan in ka in enkawl tawh mai a niang chu!
Cabinet chu ka nem hawng bawrh a, ka ac chu ka zawng kual sawk sawk a, balance awm chu enin thawk ka la zui hawk a! Kan nufa dam khawchhuahna tur a tan chuan a tawk lutuk!
"Jayden.." Mami room a ka fapa lo țawng ve barh barh chu ka va pawm nghal lawp, A lo hrethiam lo nasa mai si.
"Mummy, today chu holiday anih kha. "
"Ka hria alawm." A lu ah ka fawp vang vang a! Kan pahnih tan zel ka bei tawh ang.
Bag ak puar luah chung a kawngkhar lam kan pan hlawk hlawk chu Nu Liani'n min rawn hmu ve vat a, a rawn tlan nghal hlawk hlawk bawk.
"Khawnge in kal dawn a?" Mangan hmel lutuk hian a rawn ti zui chul a! Mahni lo maha lo ipik tawh sa tehreng nen! Ka thluak te thleng hian a vir mup mup maiin ka hria.
"Ka tihpalh, ka hrilh thei lo che."
Kawngkapui lam ka pan nghal sawk sawk a; Nu Liani chu a phi buai nghal rûai a.
"Zothana i hrilh em? In hi chhuahsan suh u a tih kha. " a aw a sin bawk si, a ri chul hi ani tawp mai!
"Ka tihpalh.." kawngkhar ka nem hawng tur chu min rawn pawt ding nghal chawt a!
"Dindin, Zothana be phawt teh..Ti ringawt tur hi ani lo. "
Biak ka tum a , hmeichhia in a call a lo chhang alawm! Ti a au khum nghek mai hi ka duh a!
"Dindin?"
"Nu Lian ka tihpalh, I fapa enkawlna a buai phah vek mai thei, mahse.. Kan kal angai.." Ka aw chu a la khur reng!
"I thei lo.. ka fapa enkawlna kha chu a pawi lo, mahse he in hi chhuahsan suh.."
"A pawi ka ti lutuk!" Ka ti sep a. Jayden lah Nu Liani phi buai vel vang khan a hlauthawng ve vek a, ka nghawngah nghet zet in kut a suih bet ve țang a!
Min dan a tum lui ngar ngar a chu awm ka tum tawh miau loh vang in in chu ka chhuahsan hlawk hlawk a, Thlalak.. Ni e.. khang thlalak teh hrep ho kha! Tumah in kan nufa an hriat ngailohna hmunah pilbo vang vang kan mamawh.
Taxi rawn tlan lai chu ka phar a, bag ka dah lut a, Jayden ka hlan luh leh lai chuan Nu Liani chu phone hmang chung in a rawn tlan chhuak ve a! Zothana a bia ani mai thei! Ka mamawh lai khan biak tur awmse chuan tunang hian ka tlanbo angai lo ang!!
"Dindin.. kal lui suh.." Gate a rawn chhuah ve hma in ka ţhu lut a, kawngkhar ka pawtphui nghal hmiah bawk! Beidawng leh mittui tling pam chung in gate ah chuan a rawn tlan chhuak a! Keipawn khawngaih lo ka nilo, a fapa kal țha lo Zothana'n a thlawn in a enkawl sak a, keini nufa kan kalbo rualin a enkawlna tihtawp sak ah a vau bet ve bawk si!
"Khawi ah nge in kal duh?" Driver chuan a rawn ti a.
Kalna tur ka hrelo, ni e..KA HRE RIHLO TAK TAK!
Home ah ka let anih chuan Zico tan zawn hmuh ka awlsam dawn a, tunah ticket tello in khawilai vai ram mah ka thleng ngawt thei lo bawk.
"He ta țang a hla thei ber ah. " Ka ti sep a. Jayden chuan min lo en ve kiau a!
"Maw?" Driver chuan a rawn ti hu bawk!
"Khawi hmun ah pawh ani mai..Aaa..Thingtlang.. Thingtlang hmun kilkhawr i hriat ber ah ani mai."
Rawn hawi let meuh in min rawn en hû a!
"Khawngaih in pawisa chu min dil zah zah ka pe ang che.." Ka ti a, a thawchhuak hawk mai.
"A va buaithlak ve, Aizawl khawchhung bak hi ka la tlan ngailo asin." Ti bui bui chung in taxi chu a ti nung a, ka phone a rawn ri ve chiah a!
Zothana hming screen ah a rawn lan rual chuan ka switch off zui hmak a!
Ka mimal natna hi ka tuar atan chuan a tam tawk tawh, amah vang a natna neih belh leh zel tur chuan ka chak tawk lo a, ka pasal ngeiin min bumna ka man chhuah țum aiin a chet hlek danin min tina zawk zel a, chu thil chuan khawvela hmeichhe chaklo ber ah min siam thei mai ang!
Driver chuan a ţhian te phone in a bia a,Thingtlang khaw kilkhawr deuh a zawt kual a, Driver lakah pawh inthlahrun a na duh ngang mai.
Ka fapa chu ka malchungah keimah min hmachhawn zawng in ka kuah bet a, ka chetdan khan a ţhawng tawk tih hriat zet in engmah sawi lo in ka awmah chuan a bei hle hle a, a changin a chhip ah chuan ka'n fawp leh vang vang zel a. Ka nun hmandan awlsam biklo lutuk vang a ani in a tuar ve tur hian min tina ber!
Mit ka chhin ve hlek in thlalak a ka taksa lang vek ho kha ka mitthla ah an rawn lang tel zel a! Pik zet hian ka thawchhuak leh hawk ţhin! Thawnthu ziaktu in a lehkhaziah chhunga chang mek tute nun duhtawk tak meuh meuh a a ziah buai nuaih ang mai hian ka nun hi buaina hrang hrang in min deng zui dawt dawt ta ber a! Ka hlimna ni turin pasal ka nei a, ani lah chu khawvel mihring a nunrawng ber leh pawisak neilo ber alo ni a! Ka nun bul chhiat ţan na pawh amah vang vek bawk chu ani!
Hun hi kohkir leh theih se, Zico nen kan inhriat hma hunah khan kir leh thei ila, Zico rawn lan rual khan tlanchhiatsan dan kawng ka zawng ngei ngei ang!
"Ka pi." Driver rawn țawng ri vang chuan ka hawi nghal dawrh mai!
"Gas thun lawk ka ngai a, ka ţhiante min hrilh danin i kal duhna hmun tur chu ka hrethiam in ka hria, ka hruai dawn che u ania." Taxi petrol pump a tlan luhpui pah chuan a ti a! Ka thaw huai mai!
Aizawl khawpui lang pharh duai mai chu hnungchhawn in kan tlan zui ta zel a, He khawpui hi ka pianna ani em tih ka hrelo, mahse ka nausen tet ațanga ka țhanlenna hmun ani a, tunah lah hlau thlabar in ka tlan chhuahsan leh si a! Khawpui chhunga mi chengte leh ka mi hmangaih Zothana ngei pawh ka mangțha hlen tawh bawk ang.
'Maw? Kei hian Zothanmawia kha ka hmangaih a maw?'
Umm, Mi mawlnu, ani kha i hmangaih.. I hmangaih a, mahse i mamawh hun lai pawhin hmeichhe dang nen an awm a, i tan hun a neilo, chutiang bawk in i nunah mipa te hian awmzia an nei tawh tur anilo a, i fapa tan chiah i nung tawh tur ani!
Zothana's *pov*
Ka pa in a sumdawnna ah buaina a tawk a, ka nu duham luat lutuk na lamah darkar reilote chhungin bankrupt a thleng a, kei pawh Mumbai ka thlen aţang darkar 4 bak ka mu hman meuh lo!
Ka chhungkaw thar te sumdawnna hi ka pa lam pang ațanga an chhawm nilo in, ka nu te lam aţanga an chhawm anih vang hian ka pa hi a hming a neitu hmingpu nimahse ka nu zawk hian lo thunun ve phet hi a tum ţhin a, tuna buaina kan tawh tak nachhan pawh hi company lem lutuk leh sum invest hlawkna let thum ngawt a hmuh theihna offer ah hming a lo sign hnan vang vek ani!
Ka pa nen kan sawi dun tawh a, keipawh in thawh hona lo neihpui lo tur a ka chah thlap tawh hnuah ka nu in ama thu in a lo kalpui a, karthum lek hnuah an sum invest zawng zawng chu an bikbo pui ta hmaih a! Khawlai dungah kutdawh in an awm phah lo chauh!
Bank ah leiba a tam bawk si, ka theih ang ang in loan rulh hun chhung min pawhsei sak turin bank ka dawr kual pah reng a, ka thluak hi a chawl hman lo hrim hrim ani tawp mai!
Fa atan min lak tirh khan keihi Doctor min zirtir nghal mai lo a, an chhungkaw sumdawnna ah ka pui a, kum tam zawk kha chu sumdawnna vang in ka hun hlu tak ka khawhral vek phah bawk, ka nu hi a sual chu ka tilo a, mahse hman ațang tawh a vai hausa thlah an ni a, sumdawnna hi ama chhawm luh ani tih a in hriat kar na hian thil engpawh a ti harsa zual vek zel bawk.
Mumbai ka thlen thlak rualin ka id leh lehkha pawimawh zawng zawng min laksak nghal vek a, an fa ang a awm reng chung khan mi tang pakhat ang chiah ka ni thung, kha vang reng a Mizoramah pawh let thei lo a, Bawihi pawh hmu thei ngailo ka ni reng bawk!
Zingkar ah Bank in hawn hma in kan investor țhenkhat nen meeting kan nei a, Heng lai vairam hnathawk tute hi Mizoram hnathawk tu te ang mai mai a a hming lek a hnathawk tumah an awm ve lo, varţian ah pawh meeting turin hotel pakhat ah kan kim țhap ţhap thei zel.
Reife meeting a kan țhut khawm hnu ah 10% humhim theihna tur ang chu ka insawikaw thei ta hram a, tukkhat atana tihah chuan a ropui tham tho e.
Ka apartment bik pan a ka inkhalh let rual chuan ka phone phawrh mai ka tum a, ka lo ak hlek lo!
Khai aw.. inah ka theihnghilh leh pek aniang chu!
Nizan Bawihi awmdan ah kha chuan a lungawi mai mai hauhlo ang tih ka hria a, call nawn leh ka tum pawh in home phone ah takngial pawh ka call tlang thei lo a, a naupantet aţanga a mizia hi ka hrechiang a, a duh tawh lohna ah chuan nawr luih dan ka hre ngai miah lo!
A kawlh a, a thinrim lah hian a thluak a fing ve sauh emaw tih tur khawp hian chetdan a che maksak ţhin bawk!
Za lo zet in ka nui chhuak nghal hawk mai!
Sunday chhun a a thinrim dan lah kha pui tak ani ringawt, Nu Liani te ho chungah khan engmah tih ka tum reng reng lo, mahse Bawihi dan dan kawng ka hriat awm chhun a kaw tawp ber anih tawh tak tak vang a anni kha hmanrua a hmang ta mai ka ni a, a ni lah in a lo khawngaih hlawm ta reng a, min chhuahsan loh phah ta bawk!
Mumbai khawpui bengchheng zet țhin kawtthler reh ruih ah chuan ka inkhalh zel a, zing lam dar 6 ani a, mihring cheng tam zawk chu an la muhil vek ang! Front glass ațang chuan hnunglam chu ka melh zawk a, saw car bawk chu! He khawpui ka thlenthlak tirh aţang khan ka la hmu fuh ve ziah zel a, thil thleng palh mai mai atan chuan kan inhmu zing ta mah mah!
Speed chu ka tihsan zawm zat a, a car khalh a hlui tawh bawk a, second reilote chhung lek chuan ka hmu zui ta lo, meeting ka neih zawh rual a, hmun dang ka pan leh țum hian ka hmu fo ziah, ka lo chik ngailo a, ka hnung ah mai a tlan ziah zel bawk!
Ka apartment thleng turin darkar dawn ka la inkhalh a ngaih vang chuan Ac off in glass chu ka down a, Hranghlui Kenny Rogers hla play pahin speed ka ti sang zawm zat a! Ka nileng hun hman dan tur chu meeting ani deuh tawp mai!
Minute 45 hnuah ka apartment bik chu ka inkhalh thleng ve thei ta chiah! Engang pawh a traffic free lai nimahse khawpui kar kawng a thui tham in khawpui hi a lian a, traffic tam lai phei chuan darkar 2 dawn tlan chang lah ka ngah mai!
"I lo let maw?" In chhung ka pen luh rual chuan ka thaw nghal hawk thung!
"Let tawh rawh ka tih kha.." ti nghut pahin ka kamis kilh chu ka phelh thawl a, a ner zui nang bawk!
Ngaihven zuilo in ka room lamah ka lut tlang a, khum a ka phone let ngat chu ka ban zui zat a, ka rin ang chiah! Bawihi min biak tumna pakhatmah a awm lo!
"Helam a i awm chhung tal chu ka awm ve rih dawn." Room kawngkhar a hmeichhe rawn țawng lang lang vang chuan ka lungawilo tawh tak zet!
" A țul tawh lo, let tawh rawh." Ti nghut pahin phone chu khum ah ka theh kai a, a hmui a pet sawi nghal zauh bawk.
Ani hi Home a ka awmpui ţhin tho kha ani a, kum 5 kal ta khan Home chhuahsan in ama thu in he khawpui hi a rawn pan ve tawp a, min rawn zawng chhuak a, nau ang a ka lo en leh belh tur a neih loh zia ka hriatchian vang in ka pa company ah hna ka lo pe ve mai a, in luah țawmpui tura hmeichhe dang a hmuh hma kha chu ka kiang ah ka chentir ve a, tunah chuan in luahlai a neih tawh bak ah a hna a tlin in amah a fing a, ka pa company aia lian zawk ah hna a thawk thei der tawh.
"Engmah tham ka ei hek pui che pawh nilo." Ti hlak pah in a rawn pen lut ve zat a, ka nui ro halh thung.
"Mate; ei in lam ka sawi lo, i chen naah let la, i hna țha takin va thawk rawh.." nui lui suk pahin towel ka ban a.
"Zodinpuii kha i inah a cheng ami?" Teh tawl a!
"Puitei." Ka lo ti vat a, a ner zui nang chu hmu lo der in room ac chu ka on pah zauh a.
"I inah a cheng ami?"
"A in ah zawk alawm ka chen ve." Ka nui zui hak a.
" I atchilh hneh ve ngawt mai, Nuthlawi zun a uai hi ana duh an ti a, A tak tak anih dawn hi.."
"Nunhlim!" Ka ti țhawt! Ka vin na chu pawisa lo zet in khum ah chuan a țhu thla thak a.
"Ka sawi diklo ami? A pasal in ațanga chhuak in a rawn luhkhung che a.."
"Ngawi rawh.." ka ti nghal hrawk!
" A chanchin i sawi dan ah khan fimkhur țhin rawh ka tih kha.. Nuthlawi anih hma pawh a ka hmeichhe hmangaih anih hi.."
"Oh.. Ka hria.. A nuthlawi hun i nghak reng bawk." Ka țawng lai a a rawn tih ve leh rual chuan ka rum hawk a!
"Ka inbual zawh hma in in aţang hian lo chhuak fel hman ang che.."
"Zothan, harhchhuak tawh ta che.. i atchilh em em nu hian pasal a tan a duh reng reng che em? An ințhen ațang hun a liam leh țeuh tawh a, neih tum tak tak che chu nise chuan a nei daih tawh ang che.." chhang lo in washroom ah chuan ka lut tlang a.
"I neih bak engmah a duh tak tak lo ang.. " nghet zet in ka towel ken lai chu ka hum bet chawt a.
"I tan a țha tur anih chu ka sawi, nang aia țha zawk a hmuh rualin a pan san lo ang che tih tunge sawi thei!"
"I țawng tam tawh khawp mai!" Hawi let vut pah chuan ka melh ta run a.
"Thil ni thei ka sawi mai mai anih chu.. mi hausa chiah duh lo se chuan Zico pawh kha a nei tawp lo ang, an inzui reilo si, a hriatchian hleihloh a neih ngawt dan ah khan sum a um vang anih home a mi te chuan kan ring fur vek..Chu loah i lehkhathawn pawh a chhan let ngai miah loh che kha. " a rawn ti zat zat a.
"Chhuak rawh.." Kut ka thlak duh mai ang! Zico leh Bawihi chanchin sawi kawp tu an awm rual hian ka thik a, ka thinrim a, ka taksa chhung hi ana tel ţhin bawk! Tunah ngei pawh hian ka inthunun zawh lo mai ka hlau țhelh tawh.
Tui vawt in ka taksa chu ka'n phuh tir sar sar a! Ka kawchung sa lutuk pawh a zia ta deuh e!
Bawihi'n pasal a neih rual khan ka tawp ve vek maiin ka hria a, mipa in khati tak a ka la na te kha nep ka inti ve țhin a, mahse ka inthunun thei chuang ngai bawk silo, Nono-i hi a hrechiang ber tu pawh ani ang, Puitei te inneih hma chiah in a rawn chhuk a, ka inah min chenchilh miau bawk.
Hmeichhia a naupanlai hun aţang i kawppui tur atan a ilo suangtuah lawk vek tawh leh a hlimna tura engkim i tih chhan ngeiin a hnawl che a, midang a thlang ta zawk chu chak tak a tuar thei bik an awm anih chuan mihring rilru pu nilo in khawl ang a siam anni ang tiin ka sawi hial ang!
Washroom ațang ka chhuah chuan Nono-i hmel hmuh tur a lo awm tawh lo a, ka thaw huai mai! Lo awm reng in a thusawi ang kha sawi ta reng se chuan kut ka thlak duh hial ang tih tur khawp in ka thinrim tlat!
Ani pawh nau ang chiah a ka enkawl anih vang hian ka lakah a pangchang a, tunah pawh Mumbai ka kal dawn tih a hriat rualin ka apartment luah lum tawh loh a lo tifai vek a, keipawh in u ka nihna ang chuan ka enkawl țha tawk bawk in ka inhria, Mahse naupan tet ațang in Bawihi nen an inmil chhin ngailo a, a chanchin chhe lai min sawi khum pawh nuam a ti sak sak khawp zel mai!
Engtinnge an ințhen tih pawh a lo hriat hman reng reng ni?
Meeting leh mai tur ka nih vang chuan ka thuawmhnaw hak tur chu ka dah chhuak mawlh mawlh a, khum a phone chu ban in Bawihi number ka hmet chhuak a, ka call dawn chiah a, Mahse Nu Liani number ațang call ka dawng ve ta chiah bawk!
"Dindini te nufa in ațang in chhuah an tum ania." Ka țawng hma hauh in a rawn ti ta chul a! Min deng dawt hi ani ber!
"Tunah khawnge amah chu phone kha pe rawh." Ka aw rik dan chu a chhum bung in a rum țha kher mai!
"Kawtah.. Aw Lalpa, taxi ah an lut dawn.. "
Eng thil teh hrep nge a hriat a!
"Khawiah mah kal tir suh ka ti ani lawm ni?" Ka ti leh tâwk a, ka thisen lum bulh bulh mai vang chuan in hrikthlakna tur ka mamawh ta hle bawk.
Lehlam ațang Nu Liani'n Bawihi a ko ri lawng lawng te chu ka hre ve thei a, Keilah khawpui hran daih ah ka awm bawk si!
Ka'n thawchhuak hawk a, Tinge he hmeichhia hi a luhlul em em mai le.. A tello in ka awm thei lo tih hi a hrethiam lo nge a hre duh miah lo zawk!
"Zothan, an kal tawh.." Cement bang chu ka hnek zui pawp a!
"Khawi lam nge an pan?"
"Aa.. ih.. Awi, ka phili buai lutuk.. thlanmual lamah khan an tlan a.." a rawn țawng bah nawk nawk a, nghet lutuk in kut ka hum a! In chhuahsan lo tur khan ka hrilh chiang viau asin! Tinge min ngaihthlak hi a hreh ţhin em em a!
Ka kut hum ruh tlat chuan cement bang chu ka'n chum leh țawlh a!
"I bulah sawi a nei em!"
"Aih, țha tak in lehkha a hmuh hma zawng kha chu a awm a sin.. a va buaithlak em! Driver lah chawhmeh tur leiin a kal chhuak daih bawk si.. Zothan pawi ka ti lutuk! " a rawn ti mawlh mawlh a!
"Eng lehkha nge a dawn a?"
"Ka hrelo school lampang a ti a chu lehkha a dawn rual khan a dâng vek a, room ah a chho a, tihian in a chhuahsan zui tawp."
"Ka hrethiam e." Ti nghut pahin phone chu ka hmet tawp a!
Ka thawk a sa in ka thinphu a rang ve kher mai!
"Ka bulah hian i hlim thei thlawt lo ami?" He zawhna hi vawi engzah nge ka in zawh nawn la ngai dawn!
Ka tih hmasak ber tur chu vawiin ni la lâ a Mizoram a let nghal ani.
Call ka siam zui nghal zung zung a, laptop chu ban in air ticket ka enkual zui pah bawk a, ticket lah a lo full fur a, emergency in vanneihthlak lutuk in ka book fel thei hram bawk.
"I va hma ve?" Ka pa chuan a rawn ti vat a! Ka'n thaw leh hawk phawt a.
"Pa Mizoramah ka let nghal a ngai dawn a, thil chinfel hmasak tur ka nei rih a, ka zawh fel veleh ka rawn let leh ang.."
"Tunah tut tut maw?" A lawm hauh lo tih a lang reng.
"Aw.. Tunah.."
Engang pawh in min chelhbeh tum mahse ka kal ngei a ngai tlat miau ani! Sumdawnna chu ka dam a ka hrisel țhat chhung chuan ka din chhuahpui leh em em ang, mahse.. Bawihi.. ka nun atang a kal chhuak anih chuan mi lawilo ber ah ka țang mai ang!
Dar 12 a thlawk chhuak tur kan nih vang in phone call meeting in hna tam zawk chu ka la khawih zui thei a, chu tih rual erawh in hna lamah ka rilru a lut thei hlek lo bawk.
Minute khat lek hunawl ka neih rual chuan ka driver chu ka call a; an ni lakah ka thinrimna lan chhuah tir chiamna hun anih loh ang bawk in khawpui ah an la awm ngei em tih tal erawh ka hre chhuak rang tur ani!
" Jerry hna pawimawh thawk tur in ka duh che " ka ti nghut a,.
" Bawihi te nufa kha i theih ang ang in lo zawng rawh, hotel awm zawng zawng pawh kal chhuak vek ang che " ka tih zawm zat a. In ațang a chhuak anih chuan Home ah khan a let tawp lo ang, a chet duhdan hre tur in a mizia ka hrechiang tawk tawh, ka zawn hmuh mai mai theih loh na tur hmun pan a tum ve ngei anga.. Mahse ka zawng hmu ang! Ka hmuh hma chu ka zawng zel mai ang.
Bet lo zet in phone call meeting chu ka han nei ve a, ka rilru erawh ka awmna ațanga mel za tam tak a hla ah daih a awm thung!
An nufa khan khawi hmun nge pan a tum reng reng! Lehkha ah pawh chuan engthil teh hrep nge in ziak ang, Nu Liani'n a awmdan diklo vek leh a hmel landan te thlengin a buai phah vek a rawn ti bawk si! Call ah pawh rilru pe hlei thei lo chuan ka thaw leh hawk ţhin a.
Nizan khan ka lak ah a thinrim ngei alawm, mahse a awmdan kha thinrim satliah ringawt ani tawh a, a chungah engthil emaw tak thleng awmlo se chuan a kal chhuak tawp lo ang!
Ka rilru hmanhmawh nen hun te chu a kalmuang ta sawt hian ka hria a.
A tawp ah phei chuan nghak zo lo in call neih lai reng chuan airport lam ka pan zui ta chuk chuk a!
Mihran hran in sumdawnna lam an rawn insawi chhawk a, rilru khingbai tak a indawr theih mai lah ani bawk silo.
Ka thawk zing lutuk chu Airport taxi hma lam in a tuar zing malh malh bawk e!
"Call Meeting hi zanin dar 8 ah kan nei țha leh dawn nia, chuan tuna kan sum invest tlanbopui tu te chanchin chhui zui na kha a aia chak ka mamawh bawk ang." Tiin call tawp chu ka khar a! Airport ah kan tlanlut fel ve chiah bawk.
Airport chhungah pawh chuan ka vei kual thuak thuak reng a , ka rinlawk ang chiah in Home ah a thleng lo a, Jerry pawn a hotel kalkualna chin ah chuan an nufa an la luh loh thu a rawn sawi tel ve zel bawk.
"A bulah thil sawi i nei reng reng em?" Nu Liani pawh a awm a nuam thei ngang lo, min rawn call leh ta ngawt bawk.
"Engmah sawi ka nei lo.." ka ti sup a, Airport darthlalang bang hlaipui ațang chuan thlawhna thlawk chhuak leh rawn țum lut ve mek in sulpel ruau ruau mai chu ka melh rûn a!
Ka sawi dik ngei bawk, nizan khan ka ngaih thu chiah ka sawi!
"A mak ka ti e mai, in chhuahsan tumna kha a nei tawh miah lo a sin.." a rawn ti chuai raih a! Ngaihdan pakhatmah in ka siam thiam lo.
Chu tih rual erawh in Hotel a thil thlen hnu khan amah in hunthawl a mamawh nia ka hriat vang in ka hnaih țha duh lo a, chu pawh harsa ti tak chunga atana ti zawk ka ni, nge ni a ka awmdan ah khan ka lo ti lutuk in min huat phah ta hle zawk!
Ka taksa che awk khawp in ka'n thaw leh hawk țhin..
Engvang in nge dar 12 pawh chu a rik har em em a!
A fapa naupangte hruai chung khan khawi hmun nge a pan ang, Damlo in tawhsual an tawk palh thei tih tal pawh a ngaihtuah tello emaw ni!
Gate hawn nghah chhung ringawt pawh in ka vei kual hnem tawh e.. Hmanhmawh nen, hun kal muang lutuk te chu ka thinrim a belh chhah vek a!
Tlai lam dar 2 :30 ah Mizoram leilung kan thleng a, airport ațang Aizawl khawpui pan leh nan darkar fe tlan a ngai leh dawn a! Rilru hmanhmawh zet chung in Taxi ah chuan ka țhu run a! A khat tawk in Bawihi number ah chuan ka call thul, A switch off hmak a! Zico phiangsen kha atan a hlauhawm tih takngial pawh a ngaihtuah ve eih lo emawni?
In ka luh rual chuan an nufa room ah chuan ka tlan chho nghal pawk pawk a, Nu Liani'in min umzui ve vat bawk.
Cabinet lam chu ka pan a, țullo zet in a kal hlen hlauhna vang in ka lungphu a rang dawt dawt a! Ka pawt hawng a!
A thuamhnaw tur a ka leisak ho pakhatmah a keng lo, A bungrua kan laklet țum a mi ho țhahnem vak lo a keng a , Jaydena thuamhnaw bawm lam ka hawng a, a ruak deuh huau thung!
Inchhung chu a reh zui vawng vawng a! Ka taksa chhung ngei pawh a ruak vek bawk.
"Khawnge kan zawn ang?" Nu Liani chuan ka dara rawn vuan in a rawn ti sep a, Jaydena thuamhnaw țhenkhat lo la awm ve ram chu ka ban a!
"Ka hre rihlo.."
"A pawi e mai, ka theihtawp a lo dang tur ka ni a sin.." a ti leh sep a.
A tihsual anih loh zia hrilh ka duh a, mahse țawng chhuah zui ka chak lo tak zet!
He kawr tereuhte ha chunga khum a a zuang kual ve leuh leuh zel kha ngaihtuah let in ka nui lui suk a.
"Ka rawn hruai haw vat ang che u.." ka hriat tawk lek chuan ka phun sup a!
"Zawng tur in ka chhuak dawn nia,Nang pawh ngaihțha deuh in lo awm rawh."
" Rawn hruai haw ngei ngei ang che.." tilui tih hriat zet hian a rawn nui sak a.
"I khawvel te an ni a, i khawvel ah lo chuan i cheng thei reng reng hleinem.." ka darah a rawn tuai vat vat a!
"Khawvel leh a chhunga cheng mihringte kan awm hrang theilo ang bawk hian in awm hrang hi hmuh ka duh tawh lo ania.."
"Ka rawn hruai haw leh ang.." Ka ti sup a. Ka sawi mai mai lo bawk! An nufa tello chuan he inchhungah hian ka pen lut leh tawh bawk lo ang!
☆TE DOY 15K☆
Chapter 23
By
Abbra Reo Ririni Khiangte(Pitartei)
Rilru fim put tumin khum tlangah chuan ka'n țhu leh ren rawn phawt a! An kalna tur awm ang ngaihtuah dan ka thiam loh ang bawkin belh tur dang an neilo tih lah ka chiang hle bawk si!
Bawihi kha sum duh tiin an sawi a; mahse a nihloh zia tunah ngei pawh hian ka hmu zawm zat bawk, Zico an a pek theih ang a piang pek tum in ka theihtawp ka chhuah a, rangkachak aţanga siam tlereuh leh thil hlu dang tam tak pawh he closet chhungah hian ka dah sak vek bawk, Țhenkhat tan chuan ka chetdan hi attthlak tiin a sawi theih bawk ang chu.. Zico kha ka thik em em reng a, chuvang tak reng a Bawihi pawh a pek theih ang apiang pek ve tum a, thi leh thau pawlh tak zeta hnathawk ka ni bawk, Tuna a kal chhuah hian sum chiah duh nise chuan heng tlereuh man tam tak tak te hi a la chhuak vek ngei ang, mahse pakhat te mah a la chhuak lo a, in a rawn luh hnu hian a khawih che lo hrim hrim ani zawk mah! A bank book chiah la in a fapa kha a kal chhuahpui a; chu tak chuan ka awm a tihnawm loh bak ah harsana tawk palh ta se a sum neih ang kha a tam tawk lo a, khawilai ah emaw harsa zet a hnathawh ngaia a awm ka hlau ta ber bawk!
Thawk ka'n la leh ham ham phawt a, Khawi hmunah nge zawng ila fuh ta ang!
Ka din chhuah hluai rual chuan bangkil lamah ka mit la nghal chat tu ka hmu a! Ka pan zui zat a, Washroom luh dawn bang bula dustbin chu a hal ani tih hriat zet hian a dum huam mai!
Chhuatah chuan ţhuhniam thla in a chhunglam chu ka'n enkual thuak a, Chemical telna thil inhal sawr leh a vap a lo awm rám a, engthil nge ani tih a hriat theih mai tawh siloh a, lehkha phek satliah erawh ani hauh lo thung!
Ka room lamah lut in ka in thlak nghal thuak thuak a, sports bag lian vaklo ah thut awm thei thil a tan hak thlak ţhenkhat ka thun khawm zung zung a, ar khawthim dai tak zet in ka chetchhuah angai a, chutiang bawk in hun ka nei tam lem lo bawk.
Room ka chhuahsan hma chuan laptop bawk ka khawih leh thuak thuak a, airport lam hnathawk ka hriat te chu vawiin a thlawhna thlawk chhuak a chuang ve te hming list ka dil leh rih a, an dan kalh ni mahse ka hmelhriat țha tak anih miau avang in list ho chu min rawn thawn vat a, ka enkual thla thuak thuak a, Bawihi hming ka hmuhloh tak ah chuan ka thaw huai mai!
"A țha e, Mizoram chhungah i awm anih phawt chuan ka hmu leh em em ang che.." Ti sup pahin laptop chu ka khup a, ka pa hna khawihtel sak reng ka ngaih vang in laptop pawh chu ka bag ah chuan ka thun ve a, zanin ngei pawn call pawimawh tak ka buatsaih a la ngai leh dawn bawk!
"Khawi lamah nge i kal ang..?" Kailawn a ka chhukthla chiah chu Nu Liani chuan alo ti vat a! Ka nui ro hawk thung!
"Ka hre mai lo, mahse kal chhuah phawt ka duh."
"Aw le, fimkhur la, an nufa nen ngei rawn let bawk ang che.." Ka kut chu la kang in a'n hum vang vang a, min hringtu ka nu hi tunge anih ka hrelo a, fa atan mi la tu ka nu ngei lak aţang pawhin hmangaihna ka dawng lo a, chu tih rual erawh chuan Nu Liani ațang erawh ngaihsakna, hmangaihna ka dawng tel vek thung!
"Chak takin awm la, Tunge i nih in hrechiang la, i hma a tihtur engkim hlen chhuak ţhintu i nih kha." Nui sang in ka kut chu a beng thek thek a!
Car chahbi pakhat chu la in garage lamah ka lut zui nghal a,Jerry kutah Aizawl khawpui chhung bik hi dah ka tum zet a chu a la kal lohna lam ah kal kual ve hrim hrim phawt țha ka tih vang in a thlen tawhna chin ka zawt a, kan hna tur ve ve chiang takin ka hrilh zui hnu chuan ka inkhalh chhuak ve a! He in hi a ta ani a, in neitu ber tello chuan in hian hlutna pakhatmah a neih loh ang bawk in an nufa tello chuan a famkimlo a, bungrua engkim awm vek si hian a ruak hûng vek bawk.
Hmanhmawh takin Aizawl khawpui hmar lam panin ka inkhalh chhuak a, thawk a pik duh khawp mai, Bawihi number ah bawk chuan ka call pah reng zel a, a kal chhuah chhan tal hria ila chuan zawn dan pawh a hriat theih deuh anga, Mahse engmah hriat belh tur a awm bawk silo.
Reife ka inkhalh kual a, hmelhriat miah loh zawn nen ka awmdan chu a inang reng mai te hian ka hria, ţhian han kawm bik a nei lo a, chumi te inah chuan a awm ang tih tur takngial pawn midang chanchin a sawi ngai bawk silo.
Khua a thim lek lek tawh a, khawpui dai ah motor chu hung in ka'n țhu vang vang phawt a, awm ve lo zawn ang maiin hmuh tur an awm miah lo.
Car hma a ka phone dah a rawn rik rual chuan rang zet in ka ban vut a, screen a number rawn lang ka hmuh takah chuan ka thaw hawk mai.
"Hello."
" I la hmulo ami?" Ka pa chuan a rawn ti sup a,
"Aw."
"Ka hrethiam e, hahdam phawt la, tha tharin kan ngaihven zui leh dawn nia." A rawn ti sup a. Kei erawh hahdam chu khawi ah! Tunah hian engnge an tih ang tih leh tuma hmuh loh in tawhsual an tawk mai a ngem tih ngaihtuah reng reng in ka awm a!
" Kan buai a talang chuan... Zico te lam khan palai rawn tirin an ro ko leh a." Ka pa in a rawn tih leh sup rual chuan ka țhutna ațang ka kang uaih a! Ka thawk a sak nghal kher mai!
" Chu chu tinge tunah chiah min hrilh a."
" Kan boruak tawnin a zirlo tih chu i hriat kha.." a rawn ti a, "Mambawihi pawh min hmu tura rawn kal turin ka hrilh a, mahse hetiang hi kan hun tawn ani ta nuaih si a." A rawn ti hap a. Steering chu ka hum nghet kher mai!
"Zico te palai rawn tirh leh chu a hria em?" Ka ti sup a, diktak chuan keimahah hian diklo lian tak a awm! Kha mihring nen khan an lo inhnim hnaih leh mai rinna ka nei a, ka... KA HLAUTHAWNG tel bawk.
"Ka hrilh alawm.." Ka thawchhuak hawk a, Zico an a koh leh vang in min letsan ta mai tihna ami? Ka nunna vang chauh tal pawn chu thil chu thleng lo hram teh se!
"Sawi chiang deuh teh." Ka ti ta táwl a, "Zico bulah chuan kir leh a...."
"Buan buan ţhin a che. " Nui hawk pah hian a rawn ti a. "Mambawihi chu i hriatchian ber kha, ka duhlo tih a sawi tawh chu engang a nawrluihna nen pawn a tilui ngai tawh lo.." a rawn ti a, ka thaw huai a chu ka hahdam phah chuang hlek lo!
"Let a duh loh thu min hrilh a, vawiin hian țha taka inbiakna neihpui ka duh vanga min hmu tura hrilh ka ni bawk.."
"Ka hrethiam e, a rawn biak hlauh che u chuan min rawn hrilh nghal dawn nia." Ka ti sup a.
Car seat nghenchhan ngheng chuan mit ka chhing vang vang a, ka mu tam bawk silo nen ka lu chu a rit bur mai!
Inthing harh pahin car ațang chuan ka kal chhuak a, ka jacket hak chu phelh in car chhung lam ah chuan ka vawm lut tawp a.
Thil engemaw ka hriat chhuah vang in laptop chu seat hnunglam ațang ka la chhuak vat a, tuna ka hunthawl neih lai hian company lam hna khawihnan tal ka hman loh chuan hun hian min daih thei ngailo ang!
Driver side tukverh chu pawt hawng in ka țhu lut a, ka hna khawih ngai zualpui tak tak chu ka khawih nghal zung zung a, call siam ka la ngai dawn cheu bawk.
"Aw, Jerry."
"U Vincent, zawn ngaihna ka va hre tawh lo ve, hotel leh mikhual thlen ţhin tawhna phawt chu ka kal kim vek tawh.. Aizawl ah hian an awm lo ani hial lo maw?" A rawn ti a. Ngaihtuahna a vak thui ta kher mai! Keipawn hmun tin chu ka dap kual ve vek tawh a, anmahni nufa lo hmu fuh tu takngial pawh an awm lo, Khawpui chhungah awm talo se khawi hmun nge an pan chuan ang?
"Ka hrethiam e, In lamah let la, Nu Liani pawh kha hahdam tak a lo awm turin i hrilh dawn nia.." Ka ti let a. Rei inbe tawh lo in phone chu ka ti tawp a, ka jacket hlih tawh chu ka inthawlh zui mawlh mawlh a, Hotel vel enkual in zanin hian ka tlan kual leh hrim hrim ang! A țul dan a zirin naktuk ah thingtlang hmun kil zawk enkual turin ka chhuak zui tawh mai ang!
Hmelhriat pakhatmah neilo tu leh țhian tlawh ţhin eih pawh nei ngailo hmeichhe zawn chu thil harsa tak ani ringawt, mahse ka nunah beidawnnna tih hi hmun ka chantir ve ngailoh vang in beidawng lo in ka hmuh hma chu ka zawng zel mai ang!
Ka phone rawn ri chu ka ban vat a, Hotel Reo ațang ka chhuak chiah a, zanin a lut thar list ah pawh Bawihi te nufa hming an la tel ve lo cheu bawk.
"Hello.."
"Mam.." Lisa rawn insut hrâih ri vang chuan ka ding dat a!
" I țha em?" Ka ti vat a, ka bana sana chu ka en zui vat a, zinglam dar 2 ani tawh a, khawpui chhung pawh a reh dûk tawh!
Min chhang lo a insut zui tak hlawp hlawp ah chuan ka car hunna lam chak zet in ka pan a.
"Lisa, i țha em? Tunah khawiah nge i awm.." Chahbi chu hmet in pawnlam ațang car lock chu ka hawng a, Lisa chuan engemaw hi rawn sawi a tum ţhin a, mahse a insut nasat lutuk vang in engmah a hriat theih loh!
" Tunah khawiah nge i awm?"
"Inah, lokal rawh." Țap țiau chunga a rawn tih tak ah chuan ka thawchhuak hawk a! Ka hun tawn mek nen chuan buaina dang ka mamawh belh lo viau asin.
Car ah chuan ka țhu lut vat a, chak zet in kan in lam pan chuan ka inkhalh chhuak zui nghal zat a, Zico inah a awm reng a, Engvanga kan in lamah awm ta daih nge anih?
Ka nu leh pa lah Mumbai ah an awm daih mai bawk si, tun a a rawn awmdan ah khan chuan a țha miah lo bawk ang!
Inchhung ka luh rual chuan rim dang ka hre vat a, ka ner zui nghal nâwk bawk!
Light thim vek chu pakhat ka hmet eng a, leather sofa dum hlap chung a Lisa ţap hrep tawh tih hriat zet a lo ţhu tawm chel lam chu ka pan a, ruih a nei bawk ani ngei ang, a lam pan a ka kal chu min lo nui sak a! A mit hnawih a pherh nasa kher mai!
"I țha em?"a bula ka țhut thlak ve rual chuan min rawn kuah vat a, a ţap zui leh nghal hi ani ber! Duat tak in a hnung ah ka chul sak a, ka nu leh pa hnenah a pangchang ngailo a, a tan hun an neilo ti ila a dik zawk ang, ka awm hnu khan min nei a, ka bulah chuan pangchang in min nawrlui thiam ve tak hi ani tawp mai. Mahse Zico nupui Bawihi a ni tih ka hriat ațang khan a lak ațang hian ka inla hrang a, a țul tawp ah lo chuan ka hnaih tawh mai mai ngailo!
"A chhan min hrilh rawh le." A ţap rei tawh bawk a, a dara vawn sak pah chuan ka nawr hla deuh a. A biang huh niai mai chu ka tuai hul thuak a, a duh apiang nei thei hmeichhia hi engvang a ţap ngawt nge anih.
"Zico.." tisep pahin a hmai a hup nghal a. Kei erawh ka sa zak thung! He mihring hian ka nuna hmeichhe pahnih pawimawh em em te nun a tih chhiat hnehsak tawh lutuk!
"Eng thil nge Zico chuan a tih?" In control ka tum viau a chu ka aw ri chu a rum mah mah! Zico tel ve tawhna anih hi chuan ka inthunun zo țhin lo.
"Min țhen a, chuan Dindini te nufa a umzui!" Țap ţiau chungin a ti a, Bomb puak in a chhehvel a thil awm nasa tak a nghawr dawt ang chiah hian ka taksa chhung hi a che dawt mai! Thawk ka la hawk a!
"Sawi chiang la."
"Sawi tur pawh a awm lo, Dindini a ko leh a, an innei leh dawn tih pawh a sawi. " au țhawt pah hian a sam a țham zui ta vak a, ka thisen a lum pup bawk! "Chuan tlai ah khan amah nen inzawmna kan neih tawh loh thu leh a hmuh a inlan tawh lo turin min ti a, min mamawh tawh lo a, Dindini nen ka telloa an hlim thu te.. Aaa.. a tam lutuk, tunah pawh a in ațang ka bungrua te nen min theh chhuak in Dindini a umzui a.. Engtinnge ka chungah hetiang thil hi a tih theih, ka hmangaih a sin, nangpawn i hriat kha, kan pahnih hian ințhen thei kan ni reng reng hleinem.." a tawp lam phei chu a rawn au ta tâwn tâwn a, a țhutna ațang tho chhuak in a thil hmuh theih ang ang chu a vawm darh nghal pawp pawp a! Dan ka tum chhin lo bawk !
Za lo zet hian ka nui chhuak hawk a!
Mahse ka kawchhung chu bawm tawt zet chhunga awm ang mai hian a tawt țun thung! Kha mihring khan a umzui ang maw? An innei leh dawn! Takzet chuan!
Ka ding kang hluai a! Ka ţhutna couch chu insum hman lo hian ka tlawh zui dawt a! Ka hmai chu ka tuai leh puat a! Ka kawchhung sa hal lutuk vang chuan ka thlan a chhuak bawrh bawrh bawk!
Bang kil a Lisa țhu tawm ta tlat chu mahni inthunun zet hian ka pan hnai a . Ka khup lehlam chu chhuatah ka nghat a, ani pawh a na tawk hle tih hriat zet hian a ţap khur dar dar reng!
" Mam, ka hmangaih asin, nangpawn i hriat vek kha atan chuan ka taksa pawh ka hlan a, ka nu leh pa in ka tan hun an neih ngailoh laiin ka kiang ah a awm a, amah ka duh lutuk nalam ah thil tam tak ka tih phah a, mahse a thil duh a hmuh tak hnuah chuan min kalsan leh si a.. Dindini.. Kha nu phiangsen kha ka haw lutuk." A tukhum in bang a tauh zui dat dat a! A țah na lamah a taksa a khawng vek thei mai dawn a lawm le!
"Mu hahdam rih rawh." Ti sup pahin ka pawm kang nawlh a,
" I lawm tawh em?" Ka en vat a, mittui tling pam chung in min lo en ve reng bawk
"I rui anih kha , kan la sawi țha leh dawn nia."
" I hlim tawh ngawt ang chu.. I thusawi ka zawm duh ngailo a.. " a nui leh hak a. " Zico bansan tura min hrilh lai te khan ka huat phah che a, nupui a neih tawh vang tal pawh a thlah tura min hrilh lai te khan engkim kan remruatna i hriat ve loh lutuk vang te khan ka nuih zat țhin che a.. " ka pawm reng chung chuan a'n thaw ham ham a!
" Khang hun lai kha chuan min kalsan hi ka ring ngailo reng reng, A nupui kha a ning em em ţhin a, a hua a, ka bulah hlimna zawng in a rawn kal a, kha hmeichhe hnuaihnung zet kalsan khan min rawn pan țhin asin.. Mahse kha nu kha tunah chuan min pan san ta zawk a.. ka haw lutuk, kha nu kha ka la that ngei ngei ang, Ka nu leh pa lak ațang ngaihsakna ka dawn ngailoh lai a min ngaihsak tu ka neihchhun mipa min lakbo sak a.. " a khek tuar tuar reng a, a chang leh inchhung khawk rum rum khawp in a au leh tuar tuar țhin! Han tih vak dan ka thiam bawk silo a.
Khum ah mut mai ka tum a,A duh bik bawk silo a, tinge maw hmeichhe thinrim hi an kawlh bik em em zel le.
"Ka nat ang hian i na ve em?" Nui chung in ka mit ah chiang zet hian min rawn en ta ran mai! A mitmeng chu natna leh huatna in a thim raih bawk!
"I hmeichhe hmangaih bulah ka mipa hmangaih a awm a.. Haha.. unau khawngaihthlak tak chu kan ni.. "
"Duhtawk la mu rawh." Ka ti hmuk!
"Zico khan maw kei nena s*x a hman lai ngei pawn i hmeichhe hmangaih-i hming khan min ko țhin asin."
"Lisa." Ka ti nghal țhawt! A thusawi khan keimah a thinrimna awm thei zawng zawng a ko chhuak kim vek!
"Ka sawi dik alawm.. Vawi tam.. vawi tam tak kha hmeichhe hming lam chung leh amah suangtuah reng chung khan min khawih țhin.."
Khum ațang ka tho chhuak vut a, a țawng reng anih chuan ka tum loh dan zet in ka che mai ang, a hmanraw dahna lam ka pan zui vat a, a rilru nat vang sawn a duh thu chuan a mu mai mai rih lo ang, a țawng reng leh ka thinrimna tur thu a sawi reng dawn bawk a, chuvang chuan kan pahnih țhat zawk nan jection ka pe tawp mai ang.
" Zico kalna lam chu i hria em?" A ban ah hriau ka vit lut a, ngeiawm zet hian a rawn nui chhuak hawk a.
"Min hrilh duh i ring ami?"
"Lisa."
"Min hrilh lo, mahse kha nu nen khan an hlim dun thu leh a hmuh a in lan tawh lo turin min hrilh.. Ka la that ve ve ang.." bah zet hian a rawn ti leh tuar a!
"I hria em? Zicoa'n Jayden hi a fa nilo ang a rin tir tu pawh kha keimah hi ka ni asin.."
"I sawi awmzia chu.."
"Hah.. DNA kha ka test sak reng reng lo, Mahse, kan awmdun laia Zico an kha hmeichhe hming a lam chhuak kha ka thinrim a, Chulo ah Jayden kha, hmeichhia ala mamawh vang mai mai a la inneilo kan nih vang khan ka hua a, a fa lo ang a ka lan tir thei anih chuan kan inneihna tur kha an dal tawh ngai dawn lo a, chuvang a khatiang a ti kha ka ni.. "
"Kha thil i tih vang khan Bawihi'n nau a chhiat tih i hria em?"
"Khawvel ațang chhuak law law se ka duh asin.." Au tuar chung a a rawn tih leh tak ah chuan ka kut a phe vuat a! Mahse engmah ka tilo! A hmaizawn ah chuan nghet tak in ka kut chu ka hum khur ngawt ngawt tawp, engkim Bawihi tuarna bul ințanna kha ani leh Zico hi an ni a, na taka hrem ka duh țhin ngei alawm, mahse kum tam tak liam ta a thil thleng vang bawk in he hmeichhia hi ka tina thei ngailo.
"Mu rawh, i muhil vat mai ang.. " in control zet in a dar ah ka vuan a, ka thawchhuak zui ham ham bawk!
"An ni pahnih kha engtikah mah ka hlim tir ngailo ang, kha hmeichhia khan ka mipa hmangaih min chhuhsak a, a chung ah engthil emaw tak ka tih hma chu ka hahdam thei ngailo ang!" A taksa damdawiin a thunun hma chu a țawng char char a, Ka nu leh pa teh tawp zel pawh hi tinge hmeichhia amah chiah a an thlahfal ţhin le.
" Lisa, Zico kalna hmun chu i hria em?" A muhil tawh tur chu a sam chul sak pahin ka ti sup a, chiang lo zet in a rawn meng leh siar siar a.
" Dindini te nufa kha ka hmuh ngei ngei an ngai a. "
"A bulah Zico a awm tawh a lawm , a mamawh tawh lo ang che." Ngeiawm zet a nuih sak pah in mit a chhing a, " Khawpui chhungah hian an awm lo.. Zico pawh khawpui chhuahsan in a chhuak tawh.. Kha fahran hmeichhia kha a um anih chu!" Mit a chhing ta daih a! Ka kawchhung a tawt ta kher mai!
Lisa lah kalsan ngawt chi ani bawk silo, Bawihi number ah chuan ka call reng a, khum a Lisa muhil sek sek chu tukverh bul ațang chuan ka thlir zui reng bawk!
"Chhang rawh.. Chhang rawh.. "
Takzet chuan le!
Bang ngheng chung chuan ka thawchhuak hawk a! Tun ang reng hian ka nunah ka la chiai ngailo a, a kalna hmun tal hria ila chuan ka hahdam deuh ang a chang chuan ka thinrim lutuk hi ka thawchhuak leh hawk ţhin a, a chhan chu ka call a tlang thei bawk silo, an him em tih takngial pawh ka hre bawk silo nen Zico an a umzui tih ka hre leh a, khawihmun ah pawh awm se kha mihring kha atan mi hlauhawm ani a, a khawih chhe leh hreh hauh lo ang! Chung thil zawng zawng ngaihtuahna nen a awmna hmun diktak ka hre ve bawk silo nen chuan tawt țung chung hian ka rum chhuak leh hawk zel a!
Ka venhim theih loh laia kha mihring khan a khawih leh anih chuan tunge lo humhim ang, Kha mihring khan mangang tak leh rilru fim pawh pu theilo in siam zui leh ta se tuin nge țanpui ang!
"Bawihi, tinge i at em em ţhin le..?"
Thaw ham ham chung in khawpui thim ţhup lam chu ka thlir a, kha hmeichhe â tak leh a thinrim chang apiang a naupang rilru ang mai mahni thu ang ang a kal ve hmak hmak ţhin nu kha khawi hmun ah nge a awm ang? A rualpui ang mai a kut min thlak ve țawlh ţawlh reng tu leh a mize ang em em tu a fapa kha khawi hmun ah nge an awm ang?
Ka tihtur hrelo bawk si chu pawn lamah ka kal chhuak a! Nilo tihtur chu ka hre lutuk zawk! Lisa hi ka kalsan ngawt thei biklo, ka car hunna lamah chuan let leh in ka laptop bawk ka la chhuak a, inchhungah lut leh in Lisa room balcony ah chuan ka țhu chhuak a, zinglam dar 3 a pel tawh a, keilah chau viau e tilo chuan mut chhuahna pakhatmah ka nei lo!
Ka pa company pawimawh bawk ka khawih sak a, tunang hunah hian midang biak tur awm lo mahse investor țhenkhat ka biak leh hun a ka topic bik tur ka thliar hrang a, Bank lampang leh business lampang a hran a khawih a ngai a, Bank lam chuan ka dilna vang in thlariat chhung hun min pek belh a, mahse company chhunga sum invest tu țhenkhat chhungkaw harsa ve tak tak ten an sum invest sa hmuh let leh tum a an beihna a rawn nasa ve sauh a, keipawn lehlam tak chuan anni hi ka lainat lutuk, marawhchu sum ber a awm loh chuan engmah tih sak theih ka nei bawk silo, a pawi ta ber chu ka nu in ka pa thu ngaithla lo a a duhdan a a lo kalpui ve kha ani!
Hmeichhia te hi khawvel sawi nghing dawt thei tu an ni a, hmeichhe țha chuan a kawppui tan malsawmna a thlen theih laiin hmeichhe țhalo, mipa te zahna chang hre bawk silo a, kei ka ni ti ve bar bar pha chin tawh hi chu mihring nun indona tualzawla hnuk lut thei tu an ni tlat zel!
Hmeichhia te hian mipa te min hlau se ka ti reng reng lo a, min zah se, kan thusawi te zawm ţhin bawk se, mipa rilru diktak pu te hian chutiang hmeichhia chu kan hlut a, lunghlu țha mi ang maiin kan enkawl ţhin bawk!
Motor horn ri ruai ruai vang in ka harh zawk a! Ka pang a kham țhum mai!
Ka zi mar țalh țalh a, Lisa room bathlar ah ka lo muhil reng chu niin!
Rang takin pindan chhungah chuan ka lut vat a, Lisa pawh a rawn che ve ţalh țalh a, nizan khan a hmai hnawih pherh nasa lutuk kha ka hrukfai sak a, a hmel hmuh a nuam ta deuh bawk.
"Good morning.." a rawn țhu chhuak chu ka lo nuih suk a! A tum hmuk thung!
"Kal chhuah leh ka ngai a, Nizan ang khan awm tawh lo ang che.." ka ti sup a. Ka kut lehlam in laptop ka keng ran bawk.
"An nufa khan i zawng dawn a?" Ti hlak pahin a puansin a theh hlip a.
"Umm.."
"Zico khan Jayden a fapa ani tih a hre tawh a, a hma zawng aiin an nufa neih let leh tum khan a bei nasa ang." Min nuih sak pah chuan a tho a.
" A pawi lem lo, mahse ka zawn phawt an ngai!" Ti sup pahin kawngkhar lam ka pan a.
" Nunhlimi kha engtinnge ni dawn?"
Ka hawi let rual chuan a lo nui hak a! Thil țullo tawp ani a rawn sawi!
" Lisa.. Games tenawm tak ka duh tawh miah lo ania.."
"Hah! A țha ve reng reng e, nang, Zodinpuii leh Nunhlimi te ho hi chu Love triangle alawm in nih..."
Ka rum nghut ringawt ! Han chhan vak ngaihna ka hre bawk lo!
Car ah ka țhu lut a, petrol a lo tam tawk tawh loh vang in warning a rawn lang vat vat a! Tinge maw thil hi a kal tluan mai loh ţhin ni!
Petrol pump lam ah ka inkhalh leh te tê a, Ka phone rawn ri ve mek chu ka ban zui vat a!
"Zothan, Mambawihi'n min rawn bia a."
Car chu ka brake ri nghal tuar!
"A țha em?"
"A țha e, an awmna a sawi duh tlat lo a .. E chuan a number aţang min rawn be miah lo ania.. " a rawn tih leh tak ah chuan ka țhu țha lah vat a,
"A number rawn biakna che chu min rawn thawn rawh.. "
"Aw le."
Reilo te hnuah phone number a rawn thawn a! Mit ti zim sán chung chuan ka ngaihtuah kual vang vang a! Mobile number a ni lo a.. PCO number ațang anih ngei ka ring ta tlat bawk!
Number pawh digit 6 chiah ani bawk!
Number hma lam pathum chu chhinchhiah in thawk ka'n la halh a, ti hi chuan ka hmu har tawh lo ang che u.
Phone directory chu internet ațang ka en kual a, Aizawl district anilo tih ka hre zui vat a!
Ka keu leh chiah chu ka nui suk a!
"Ngopa maw?"
Ka pa chu call leh in Ngopa khua ațang a rawn call thu ka hrilh a, a rawn thaw ve huai mai! Tawi khawmuang tawh lo in petrol pum p lam ah chuan ka tlan zui nghal zat a, tanky khat in petrol ka thun a, ka helhhawlh bawk si, ka awm ngaiin ka awm hle hle theilo ani ber e.. Petrol a in fillup chhung chuan Ngopa bik chu google map ah ka zawng kual a, hmarchhak lam hi vawikhat pawh ka la kal ngailo, mahse ka thleng thei em em ang!
Petrol ka lak zawh hnu chuan car chu ka turn pawp a, ka hmanhmawh bawk a traffic pawh ka vengthawng hman tawh lo, ka duh ber chu an nufa hmuh leh thuai thuai a, an nufa kianga hun hman leh chu ani tawp tawh.
Zico khan Jayden a fapa ani tih a hre tawh a, a hma zawng aiin an nufa neih let leh tum khan a bei nasa ang."
Lisa thusawi chu ka bengah a rawn ri nawn tluk tluk a, steering hum nghet sauh pah chuan ka thaw leh hawk țhin a, mahse hnual phahnan ka hmang tur anilo.
Midang zawt pah zel in ka tlan ve zel a,Kawng lakah pawh ka chawl khawmuang lo hrim hrim bawk, Aizawl khawpui ațang a hla zek lehnghal a, Champhai district ni siin Champhai lo lam ah pen a ngai a, an awmna chen ka hre tawh thaveng huai ata lang in dar zat takngial pawh ka lo ngaihven lo, Car hma lam chu ka bih zauh a, chawhnu lam dar 2 a hnai kuar tawh a, Ngopa khua pawh km24 chiah a ni tawh bawk.
"Â leh lutuk; heng heng ah te eng rilru pu in nge i kal reng reng a." Tisup pahin speed chu ka tihsan zawm zat a.
Kei aiin Zico kha a thleng hmasa dawn chiang sa a.. Engtinnge Bawihi te nufa in an lo dawn sawn ang, Jayden a fapa ani tih a hre tawh a, a hma ang khan rawng tak in a che zawm tawh kher lo mai thei! Mahse kha mihring tenawm zet khan a hnaih ka phal chuang lo . Engtinemaw tak Bawihi a khawih leh anih ngat phei chuan!!!!
Car hma lam chu a rawn ri khup khup a, khu a rawn chhuak bawk anih chu!
"A hunlo lutuk!" Ti hluk pahin tlan tir luih ka tum a, mahse a thi zui duk anih chu!
"Khai aw.. Bawiha chhiat hun ani reng reng lo. "
Hmanhmawh nen chuan a va in millo kher em!
Car ațang chuan ka chhuak vut a, car hma lam ke chu ka tlawh zui nghal pawp bawk!
"A hunlo lutuk!"
Ka jacket chu phelh in car chhungah chuan ka vawm lut bawrh a, tlailam nisa vul bawk si leh motor engine sa bawk si nen chuan ka thlan a chhuak bawrh bawrh bawk.
Car hmalam chu ka hawng a, a kang mai dawn maw tih hlauhawm khawp in a rawn khu chhuak hluah hluah bawk si nen chuan na zet in ka nem khar leh tawp a, tinge thil hi a harsa zawng a a kal zel a. Ka thinrim lutuk chu car ke bawk in a tuar leh pawp! A tawp nan car hma lam chu ka'n chum leh pawp a! Chhe hun lo lutuk!
Ka jacket dah luh tawh chu la chhuak in ka kawngah ka suih nghet tawp a, ka bag lian vak lo chu ka'n ak leh te te a.. Km zat in ziahna lungphun ka tlanpelh hmasak ber ah kha chuan km13 ngawt a la awm a, ka chhaklam tlang chho a kawngpui awm chho zui chu thaw hawk chung in ka en chho a!
Ka kal thleng em em ang!
Zodinpuii's *pov*
"Mamma!"
Ka darah kut nen thep in a rawn khawih a,
"Mamma.." min sawi ve dat dat takah chuan mit ka meng a, ka hmai zawnah Jayden chu a rawn inbeng kang ve vat bawk!
"Jay, good morning." Nui ver ver pahin a chalah ka fawp zauh a.
"Mum, khawnge apa?"
Ka nui tawp nghal riai riai mai!
"Mum, khawnge apa.." nur deuh nang chung hian a rawn ti leh kher a, a thawh rual a Zothana a zawng nghal ziah zel hi ka duh lo.
"A awmna ka hrelo, eng atan nge i tih?"
"Mum, apa bulah kal tawh ang!" Khum a zuangthla ve nghat pah chuan a ti zui ta nûi nûi a, ka thawchhuak halh bawk.
"Jay, apa bulah kan kal thei tawh lo ka tih kha.."
"Mamma chuuuu.." a ke tereuhte chu khum ah a leng ve ta tán tân a, ka melh ta reng ringawt.
"Apa ka call duh, Mamma'n hla deuh ah kal ang a tih chuan apa hrilh zel tur a ti alawm.." a ţap ti tih der mai!
"Apa chu kan call thei lo, mamma in biak ka tum laiin ka call a chhang duh lo a ,A buai bawk, tihbuai a duh lo." Ka fapa nen kan inhnial thinrim a ni ber tawh!
"Keiman ka call mai dawn lawm." Ţap țiau chung hian a rawn ti let pang pang a, a chala kuk fawk tak tak ka duh tawh.
"A țullo, Tunah chuan apa chanchin sawi tawh loh tur!" Ti hmak pahin khum ațang ka tho chhuak a, Jayden erawh a la mu lui ngat thung! Luhlul ve reuh lutuk mai!
"Jay, rawn tho rawh." Ka ti hlak a, min en kiau a, a men puai puai bawk!
"Jay, ka sawi chu i hria em?"
"Mamma.. apa ka ngai tawh a lawm." Chhuak zet in a rawn ţap zui ta bai bai a, ka pawm kang vat a, a ban tereuhte chuan min nem ve țang țang a, engtia han tih tur nge pawh ka hre lo, tinge maw Zothana hi a ngaih em em mai le..
"Jay, Apa chu a buai alawm, mamma pawn biak a tum tawh a, a be thei lo alawm.."
"Ka be mai dawn lawm." A ti ve țang țang a, ipik zet hian ka thawchhuak a, kan pahnih chung a thil thleng a la hrethiam ve lo lutuk bawk si nen hian thinrim khum vak lah a chi der mai siloh.
"Thil ei ila apu te kan be dawn nia." A lu a fawp zeuh pah chuan ka ti a, min chhang lo in ka țhi awrh lai chu a rawn khawih a.
Kan mut na pindan zau lo te chu ka en kual a, nimin khan Driver țhianten Ngopa khua hi min rawn kawhhmuh a, sawisel lo in ka rem ti ta tawp bawk.
Khawchhung kan luh rual ațang ka tim ru deuh a chu tumahin min rawn hmuh ka ring lo a, tourist lodge lam ah kan indah lut a, mikhual thleng ve dang an tam lo bawk a, ka ngaih a ngam sawt bawk!
Tourist lodge enkawltu te ka zawt a, thlawhna service hi a awm țhin a, chu chuan vawiin tlai lam la la hian Aizawl kan pan leh anga, Goa ah hna zawng turin kan nufa in kan chhuk thla zui nghal bawk ang.
"Jay, thil ei ila kan kal chhuak dawn nia aw." A sam a tuai sak zeuh pah chuan ka ti a, min chhang lo in a ngawi ran a, tun hnai te hi a luhlul in min hnial ve pâng pâng hi a ching thar a, keilah ka hun tawn in alo zir bawk silo nen ka lo vin leh nghek țhin!
Jayden pawh reilote hnuah ka thlem lungawi thei a, ei tur kan ei zawh hnu chuan pawnah kan kal chhuak a, khawpui ang lo tak in a reh raih mai! Tourist lodge ațanga lang thei khawchhung in ding dul mai chu en in ka nui sak a! A khaw awmdan leh tlangdung vel chu a nalh in lung a ti leng raih thei!
Ka phone a hman theih loh vang in nimin a kan tlan pelh tak kawn lam pan chuan ka fapa chu ka kai hnak hnak a, ka tan chuan engkim mai chu thil thar vek ani mai!
"Mum, apa in min lo hruai tawh dawn em?"
"Jayden." Ka ti zui hmak a, a hma a lung lo awm chu a chhuih lui ve ngat bawk!
A lakah hian eng hi nge maw ka beisei vak le, amah ang rual ka nih lai hian Zothana lakah ka pangchang in ka tihtauh khum ve bar bar zel!
Țullo zet a Zothana ka ngaihtuah chhuak chu ka in haw hlur mai! A in a kan awm ve reng kha hnawksak min lo ti ru viau thei a, tunah chuan kan kal chhuak tawh bawk a, a thawveng huai tawh ang chu!
PCO lo awm chu ka hmang zui vat a, ka pa te pawh rei be lo in kan țhat thu chiah ka hrilh bawk, Jaydena toys tur leisak pah in naupang lawm zawrhna dawrah chuan kan lut a, eitur eng eng emaw ka lei tel nual bawk.
Nizan ah Tourist lodge hnathawk tu in kan thlawhna ticket tur min buaipui sak vek tawh a, Ngopa ațang Aizawl service hi karkhat ah vawikhat a awm țhin a, vawiin hi a service ni a lo ni hlauh chu ka lawm kher mai!
Kan nufa a Tourist lodge kan thlen leh meuh chuan ni sa lutuk vang in ka lu a na bur mai! Kan thlenna chhak lawk hi helipad anih vang in thlawhna thlawh chhuah dawn hnaih ah kan kal chho thei mai a, kan nufa tan lah a remchang zel bawk.
"E, in kal chhuak elaw?" Tourist lodge enkawltu pa cher lampang chuan alo ti vat a.
" Umm, kan chhungte kan be lawk a.."
"Khua hi in fang kual dawn em?"
"A chakawm rual in kan thlawhchhuah hun nghak a he ta awm rih hi a țha in ka hria." Ka ti let a. A bu nghut a.
"Thingpui huan vel saw khualzin hian an rawn tlawh nasa a, khawchhung ațang hian km4 chiah ani bawk.. "
"Kan lo kal leh hunah min la tlawhpui dawn nia.." nui pahin ka chhang a, a nui ve suk a. Ka fapa toys kuahbet ve țan chu a be zawm malh malh a, pa fel tak chu ani ve khawp ang!
Khumah Jayden chuan toys a khawih pah mawlh mawlh a, a bulah chuan thatchhe zet hian ka mu ve a, a tlei ve em em ringawt bawk.
Nimin a thil thleng kha ngaihtuah let loh ka tum ngar ngar vang in thil dang ngaihtuah tur ka zawng reng a, mahse ka mang lamah erawh Zico bawk ka hmu leh thung! He mihring lak ațang ka him chiang bal a ni tih ka hriat hun ah chiah ka hahdam thei tawh ang!
Reilote chhung ka phone chu ka on lawk a, message a rawn thleng zui nghal țuk țuk a, Zothana min rawn call na pawh 100 chuang fe ka dawng mai, Nu Liani leh ka pa lam ațang pawhin call a lo awm nual a, an lak ațanga ka kal hran ngai hi keipawn hrehawm ka ti ve tho!
"Mum, outsite ah ka play thei em?"
"Jay, room chhungah hian awm zawk la." Ka ti a, ball a keng ve ran a, a hmui a tihsawih leh tak nui nui ah chuan ka thawchhuak halh a.
"Kal hla suh aw, mamma pawh ka in pack zo anga ka rawn chhuak ve ang." Ka ti a, rang zet in a tlan chhuak zui vat a! Zothana tello a kan nun a ngaih tawh thu hi ka hriatthiam tir vat angai dawn a, chu tih rualin kei pawn a tello a hun hmang reng tawh tur ang ka indah chuan ka nà ve tho! Mahse a tan a țha tur zawk leh ka tan a țha zawk tur anihna a tam a, ka pasal hlui min vau na thlalak bawlhhlawh tak tak vang in ka mualpho hun a la awm anga, chu tih hunah chuan ka bula a awm ve reng anih chuan a mualpho tel ve thei dawn a, chuvang chuan tun a ka inthiarfihlim san hi a țha ber ang!
"Mamma.." Jayden mangang tih hriat lutuk in a rawn au ta chul a, a tlu palh emaw a ball ken a ti liam palh emaw anih ring in ka ding chhuak zui vat a.
"Mamma.." ri chul a min koh leh rual chuan kawngkhar lam ah ka tlan vat a, mahse ka fapa zo zet a pawm chunga mihring lo nui suk ka hmuh rual chuan ka mit sulh sulh thei!
Jayden lah chuan a hlauh hmelin hmuh theih khawp in a taksa chu a var sawp sawp a, ka fapa pawm reng chung chuan a rawn pen lut a, mak ka ti bawk si, min țhawng lutuk bawk si chu ka tawlh hnung dat dat a!
Kawngkhar pawt phui a, a lock rik khap rual chuan ka thinphu a rang nghal zawih zawih a, current man ang mai hian ka sa chhuak pup pup bawk!
"Ngopa ah maw? A nawmloh lem loh hi.."
"Zico.." ka ti sep a, hlauhna, thlabarna leh manganna in min tuam hlup hlup a, min en ngur chung chuan a rawn nui leh suk a! Ka fapa a pawm reng chu ka melh leh zawk a! Ka thawk hi a tawp thei mai dawn in ka hria.
" Min tlanbosan theih i inring a maw?" Nui suk chung in Jayden chu chiang zet hian a en a.
"Zico." Ka ti nghal tuar bawk, a lam pan a ka pen tur chu a hmui ah a kut chal nawr siin lu a thing zui zauh a! A hmel ka hmuh ruala hlauhna ka neih tawh sa kha Jayden a tihnat mai hlauhthawnna in a rawn belhchhah a, ka taksa chhung hi a tawt kual tup tup a, ka kaihza tha a khur nghal dar dar bawk.
"Ti na miah suh.."
"Babe, tinge min rin chhiat theih em em a..?" A rawn ti hluk a, ka ip zui chawih mai! Ka fapa a kut ah a awm miau a, engmah ka ti zui ngam bawk silo.
" Junior.. " Jayden a hmai zawnah pawm kang nawlh pah chuan a ti sup a, ka lo țek sawk hi ani ber mai!
"Papa hi min ngai em?" Zico vek chuan a ti chhum hmuk a, Jayden taksa phen ațang chuan min rawn melh zui kher bawk.
"Zawhna ka zawt che." Ka fapa chu a aia sangah a pawm kang leh nawlh a. Ka au tuar hi ani ber mai!
"Zico duhtawk rawh."
"Nang kha lo ngawi rawh, tullo zet ah bengchheng i siam chuan ka kut a ka ken lai hian a tuar ang!" A rawn ti țhawt a, rap zet hian ka melh zui ta reng a, a sawi ang chuan a ti hreh hauh lo ang tih lah a mit meng pawisak neih loh hmel zet ah chuan a lang reng mai bawk si! tinge he mihring hi a rawn lan leh thut țhin, a rawn lan rual hian hlauthawng thlabar in min siam zui zel bawk si!
"Engtin mah ti suh.." ka pan hnaih rual chuan Jayden chu a sir lamah a pawm thla nawlh a, ani mihring pawisakna neilo lutuk hian ka fapa naupangte chungah hian engmah a ti hreh lo ang tih ka hria a, chu chuan min ti hlauthawng zual sauh mai bawk si!
"Engtinnge kei apa pawh ngai zui miah lo tur a i enkawl a.?" Ti hluk pahin min pan hnai a, zak lo ka tih dan chu! Ka hlauh ve na te zawng zawng kha thinrimna in a rawn thlak vek tawh.
"I fapa anilo, chu chu nangmah ngei pawh i sawi bawk.." a hma ah tak chuan ding in ka chho melh ran a.. a rawn thaw ri hrawih ah chuan kut min thlak tawh mai dawn maw ka ti hman tawh!
"Ka fapa anih hi." A rawn ti sup a. A nui chhuak hak thung!
"A nilo.. ka fa chiah ani.. "
A mit ah tak en ran pah chuan ka ti chang fak a; a taksa a ka fapa ți dek leh țah chhuak ţap chhuak ngam bawk silo chu ka ban zui vat a, a lo thlah ve mai bawk.
Jayden pawm chunga ka pen sawn tur chu na lutuk in ka dar ah a rawn man bet ta chawt a, ka țe chhuak tuar chu ka kâ ah a rawn hup bet zui hmiah a nih chu!, Jayden lah a in hnit nghal hlawp hlawp bawk a, ka chiai bawk si, ka hlauh ruk ve tho bawk si vang chuan na lutuk in mit ka chhing sawk a, kan nufa chiah a Jayden room a min sawisak lai kha duh lo teh mahila ka thluak ah hian a rawn lang zawk zawk a, ka hnungzang a tha kal chho lai hi hit in a zawh chho nghal zawk zawk bawk!
"Babe.. Ka fapa anih hi.. " ti sup pah in a ban lehlam chuan min rawn kuah bet a, ka țim uaih uaih tih chiah ka hria! A kutphah chu ka kâ hup behnan a la hmang reng! Jayden lah a taksa tereuh te chu a țang lutuk mah mah bawk.
"Ka fapa anih hi.." ka hnunglam ațang chuan a rawn ti leh sup a, khamsang tak ațanga tla thla vawn vawn ang chiah hian a aw ri chuan min țham sawk sawk!Ka thin a phu dawt dawt a, hetianga a awm zawh hnu hian engtinnge min tih zui leh ang? Kut min thlak ang nge hmeichhe hlutna neilo ang maiin min sual lui leh dawn!
Lalpa chu thil chu thlen tir lul suh!
Ka kâ ațang a kut a lak sawn rual chuan ka thaw khur nghal dar dar a! Vawi tam sual lui tawh tu che leh kut thlak reng tawh tu che in i taksa a tawh rual khan chak tak leh engahmah lo ang mai ah i ngai thei anih chuan Pathian in mihring a siam ang nilo in khawl chi khat, hriatna neilo i ni tiin ka sawi hial ang che!
"Zico.." Ka aw chu tuipui fawn hlup hlup ang maiin a khur a! Ka hnunglam ațang ka awmah a la rawn kuah bet reng bawk!
"Khawngaih takin min kalsan thei em?" Ka ti a, kut min thlak leh tawp mai ka rinna chuan ka taksa hmun tin hi a țham a, Jayden taksa tereuhte hlauhna vanga khawng ve vek mai chu ka hmaiin ka nawr bet tlat a!
"Ani hi ka fapa ani tih engtinnge i zep theih?" A rawn ti khur khur ta mai!
Ka zep anilo a, amah ngeiin DNA result lehkha keng chunga a rawn haw vang ani!
"Mawh? Engtinnge ka fapa a ni tih hrereng chung a i zep theih!" A ti leh țhawt a, min kuah betna a phelh rual chuan rilru fim pu hmanlo in khum lamah ka tlan phei ta rawk rawk a, Khum hmawr a ka țhut rual chuan nghet lutuk in Jayden chu ka kuah bet zui tlat a! Tun a Jayden awmdan hi a lawm ka rilru tina ţhin.. a hlau a, mahse a ţap chhuak ngam lo!
Zico lah chu kan nufa hmachhawn zawng in a ding ngur a, ka rap lutuk tih hian a landan chu a sawifiah ber ang! Ramngaw chhahpui hnuai a kan ramsa hlauh leh ţih ngawih ngawih in kham khawkrawk tak kara min dang chep tlat ang mai hian chet ngaihna ka hre hlawl lo!
" Ka fapa ani a, keimah ngeiin ka enkawl dawn, tunah la lâ hian ka hruai haw dawn che u!" A ti hmuk a, ka melh kawk chu ngeiawm zet a min nuih let in a ban a phar ta hluai a!
"Sawi dikloh ka nei ami?"
"Kan zui dawn lo che.." ka aw a la khur a, mahse a ri fiak ve țhat thei tawh
"Kan hria ang chu, Junior hi kha aia thlabar a siam leh kher kha ka duh biklo ania." Ti hluk chung in kan nufa țhut na lam chu a rawn pan ve a.. ka tawlh sawn vat vat a, mahse rawn che thut a ka ban a rawn hmer tak chawt ah chuan ka țim uaih a! Mit chhing chung in Jayden nghawng ah chuan ka hmai ka nawt bet tlat a! Ka rap lutuk na leh kut min thlak ka hlauhna in min thunun tlat a, ka kawchhung hi mangang in a tawt tup tup bawk!
"Junior, Papa bulah lokal rawh.."
"Aih..." a insut zui fap chu Zico an a ngai thei leh der tawh mai bawk si lo, a ding kang vut a, khum pawh a che dawt mai!
"Engtianga enkawl tur che u nge chu ka hre hneh khawp ania..ti hian min dodal zawng in awm kual lo in ka thusawi ang chuan awm vat rawh u.." ti țhawt pah in min phih tho zui dâwrh a!
"Mamma, apa bulah kal ang.." Jayden-a'n mangang lutuk hian a rawn ti ta chul a! Ka ţap chhuak teuh kher mai! Kei ang bawkin hlau thlabar a a awm laiin Zothana bawk a ngaihtuah chhuak ve tho!
"Apa.. Apa.. apa.. " kan bul mai a khum a ri zui țhawt a!
"Mamma.." A aw ri manganna a khat chuan Zico thinrim buluk lutuk hi bengdai zo se ka ti hluah hluah!
"Zico duhtawk rawh.."
"Min zui ru tih kha ka sawi em?" Ti hluk pahin khum ah chuan min nawr țhu leh dawt a! Ka taksa a ațang Jayden chu a rawn phih hrang nghal nawlh bawk a, a fapa ani tih hrereng chung in engtinnge tîmna a neih chhin miah lo!
Zico taksa a a awm takah chuan Jayden chuan thawm a siam ngam tawh lo hrim hrim! A mitmeng fiah zet ţhin ah chuan mittui a tling pam a, Keipawh eng ka ang biklo.
"I fapa hi hmuh ila duh anih chuan insiam la min zui nghal rawh.." thutawp a sawi tih hriat hluah hluah hian a ka a chip zui ta hmak a!
"Min en rawh.." Jayden melh zui khûi pah chuan a ti leh nghut bawk!
"I pa chu keimah chiah hi ka ni.. I hria em?" Tih pah in a hmai zawn ah a pawm kang nawlh a, khum aţang ka ding chhuak ve zawk chu a ban in min rawn vai a"Lo inrawlh suh, tun ațanga ka zirtir țhat loh chuan ka huat tur a sawi reng mai ang.." he pa hi mihring chu ani ve si a maw??!!!
"Junior...?" Zawi si, rum zet hian a ti leh sup a; Jayden lah chuan Zico awm zawn chu a melh ve ran a, "Junior?" Vin țhawt a a tih leh takah chuan ka fapa chu a in sut chhuak hraih a, chu tak chu Zico in a haw leh tawh bawk si! Inchung lam hawiin a thawchhuak hawk a! Chutah rum zet hian min rawn melh a.
"Eng zirtirna nge i lo pek ţhin a?" Sehchilh zet hian a rawn ti sup bawk.
"Junior, papa hian naupang sual chu a lawm lo ania.. Ka mit ah hian rawn en rawh.."
Thluak fim tak put tum in thawk ka la a, ka kawchhung hi thawk pawh thaw hlei thei lo a tui in a chim pil tlat ang mai hian a tawt a! Ramhuaipa kut a ka fapa awm reng chu tih theih nei miah silo hian ka en leh a, ka huaisenna zawng zawng sawn khawm in risk ka lak a ngai tih ka hria! Chu thil chu min man chhuah a thiang lo a, min man chhuah ruala ka chung a thil thleng thei pawh ka chiang hle bawk.
"Papa bulah i awm tawh dawn a, Papa chuan naupang thuawih lo a ngai theilo, chu thil chu i mamma pawh hian a hrechiang hle bawk.." ti sup pahin min rawn melh a, ka thawchhuak lo hrim hrim!
Ka hnung lam a ka phone chu ka dap pah rak rak a.
"Kan inah khan kan let leh dawn a, thu i awih chuan Papa pawn a duat dawn che..."
Zico țawng bûl bûl reng chuan ka kawchhung lam hi a nghawr tel tlat tawh..
Ka phone chu ka khawih thei tawh a, mahse engtinnge Lock ka hawn theih ang..
".... Babe.. Insiam a hun tawh viau lo maw?" Nui suk chung in min melh zui ta ru a. "I hriat hmaih takin i phone kha i hmang thei lo.." a rawn tih leh tak ah chuan ka țek sawk thei! A sawi dik.. ka hmang thei lo! A chang chang bakin signal a man lo a...
"I thil tihruk tum kha hremna hmuhna tham a ni tih i hre bawk ang chu.!" Thip zet hian min melh ta ngur a, ka phone hum lai hian vawm zui chawrh mai ka duh a, mahse ka vawm fuh loh a, a thinthawk zual tawk lek a na a ka vawm fuh chuan a let lehlam ka tuar thei dawn lo lutuk bawk si.
"I bialpa ve sek khan a rawn puih che chu beisei reng reng suh.. khawi emaw laiah nuam ti tak in a la awm vel mai mai ang.." Nui zui huk chung in khum ah chuan a rawn țhu thla a,Jayden chu lo ban mai ka tum a, mahse ka banrek ah a lo man bet vat a!
"Khang thlalak ka rawn thawn hnu kha chuan țha takin ka thu i zawm mai tawh turah ka lo ngai a, huh! Mahse a harsa zawng zel in thil i kalpui tak si ah chuan enkawl dan tur che kawng thar ka hriat belh phah ta bawk.. Insiam rawh, ka dawhtheih loh zia chu i hriatchian em kha.." ti chhur chhur pahin ka kut a hmerna chu a rawn paih dawrh a, ka âng zui zawk bawk!
Engnge tih theih ka neih! Tukverh inhawng ah hian chak tak a tlan chhuak in ka zuangthla mai dawn mi? Ka taksa hi lung khawkrawk tâkah a tla keh darh vek anga, he mihring hmel ka hmuh a ngai tawh lo bawk anga.. Mahse ka fapa.. ka fapa pawisawi lo chungah hian eng thil nge a tih zawm ang!
"Insiam rawh..."
Ka dar a min nawr sawk pah chuan a rawn ti nawn leh nghut a! Ka mit chuan kil tin a hmanraw awm chu a melh kual a, che zawm thei miah loa siamna tur khawp hmanrua pakhatmah a awm lo!
"Zodinpui.." a tih leh tuarh takah chuan Jayden zawk a țhawng nasa zual a, a rawn au ve chul a, mahse rang lutuk in a tawp a!
"I mamma pawh hi zirtirna pek deuh chu angai dawn nih hi.." ti bul hluk pah in Jayden chu a din pui zui nulh a, ka fapa hi ka kut ah awm nise chuan thih leh thih tiin kawngka ah hian ka tlan chhuahpui ang! Mahse a kut ah a awm miau bawk si!
Khur ru dar dar chung in bag ah chuan ka indah lut a, ral lehlam ațang thlawhna rawn thlawk ri vung vung ka hriat rual chuan țah chhuah hawm hawm mai hi ka chak a, hei ai hma hian rawn thleng ta se keini nufa hi kan zalen thei ni mai tur!
Kan thlawhna ticket ve chu en in thawk ka la ham ham a, a thawm a rawn hnai zel a, ka lungphu a ti rang a, ka beiseina neih ve ang ang ti bo tu ani daih zawk mai si a. Ka thlep tawm a, ka kekawr ipte ah chuan ka ak bo zui a! Air bag lian vak lo chu ka darah ka bat a, tunah chuan hremhmun kawngka ah bawk ka nun a lut leh dawn ta! Eng hi nge maw ka tih sual a mangang reng reng a hun ka hman tak bik mai le...
Zico an kawngkhar lock a pawh thlak khap rual chuan beiseina chhete ka nei thar a, chetsual a thiang lo tiin ka inhrilh nawn mawlh mawlh bawk.
Ka banrek ah rawn man bet a kawngkhar a nem hawn rual chuan kan thlenna building chu thlawhna in a rawn thlawh khum a, kan chhak lawk helipad ah chuan a rawn țum ta run a! Ka lungphu beiseina leh chetsual palh thiang bawk silo vang a phu dawt dawt te chuan thaw hlei thei lo in min siam a, Lodge bathlar leh a bul vel chu ka en a, mihring hmel pakhatmah hmuh tur a awm lo!
Kawt a Zico car lo ding run ka hmuh rual chuan zawite in thawk ka la a.. Ka fapa a la pawm a.. ka kut a kai bet tlat bawk. Hnathawk tu sawi dan chuan minute reilote chhung thlawhna hi a chawl ţhin a, passenger te hian an lo nghah lawk vek vang in an lut fel a, an thlawk chhuak leh mai ţhin..
Zico lak ațang tlan chhuak in khi hmun khi thleng chho ta ila, thlawhna thlawh chhuah hmain min rawn man leh ta si se.. Thlawk chhuak ve tur midang te lah min pui tur khawp a țhalai nilo vek lo nita bawk si se..
Lalpa.. Țanpui ka ngai tak zet!
Car lam pan chuan min kai zui dawr dawr a, kan awmna hmun hi khawchhung ani lo a, khaw hmawr, hmun reh lai a ni pakhat kher bawk si!
"Zico.." ka ti sep a.. min chhang lo!
"Jayden kha ka lo pawm ang.."
"Car ah sawn țhu lut vat rawh.." a aia chak a min hnuh dawr dawr pah chuan a ti a, ka rilru a hmanhmawh bawk si, chet lak hman loh ka hlau ber mai.
Car bul kan thlen rual chuan Jayden chu min rawn pe ta hlauh! Nghet zet hian ka kuah bet sauh sauh a!
Kan țhut luhna turin Car kawngkhar a pawt hawng zui pawp rual chuan ka melh zawk a, min lo en ve run bawk. Helipad lam chu ka han melh leh zawk a, kawngpui kan in step tam ve angreng tak ah ka tlan chhoh angai dawn a.. chu tah ka fapa pawm bet chung leh nghal in ..
Chil lem dâwk pah in car ah chuan ka țhu lut a! Car kawngkhar a rawn nemphui rual chuan ka fapa chalah chuan ka fawp vang vang a! Kan pahnih nunna atan kei hmeichhe chaklo tak hian ka theihna zawng zawng ka sawm khawm angai!!!!!
Zico-a a țhutna tur lam pan a a let chiah rual chuan kawngkhar chu ka nem hawng ta thut a!
"Zodinpui!" A aw rawl vin lutuk vang chuan ka khawng zui lo chauh! Mahse ka dam chhung a a kiang a awm ai chuan vawikhat tal ka theihna leh huaisenna zawng zawng sawmkhawm in tlanchhiat san ka tum ve alawm tih sawi tur tal neih ve ka duh a, kawngpui lam kan chuan ka tlan zui ta tho a, min rawn umzui tih pawh ka hria..
Mahse ka fapa nen hremhmun a kan luh hmain kei hian ka theihtawp ka chhuah ve a ni tih ka ngaihtuah let ve tal theihnan ka tlan lui a!
Nunkhaw chhuahnan hian ka beih ava ngai nasa bik tak em!
Ka hnunglam ah thawm ri fua mai ka hria a! Ka țek zawk bawk! Mahse kha taksa ka ţih em em mai khan min la rawn man bet miau lo, ka tlan lui țang țang a, vawikhat pawh hawi let lo in step chho zui mai lo awm ah chuan ka tlan leh zel a.. Ka hah lutuk hi ka thawk pawh ka kâ ah a leng tawh lo.. Jayden lah in tlak hlauin min kuah bet ve ţang țang a.
Mi te hmuh ah chuan nu ropui tak ni lo mahila ka fapa tan tal chuan nu ropui nih a, sakawlh ang mai mihring lak a venghimtu nih ka tum ţang țang thung!
Thlawhna a ri zui ta vut vut a, ka chau tawh lutuk leh hah bawk si chu ka pai chho nawk nawk a.. a lo thlawk chhuak hman anih chuan ka beih ve na zawng zawng hi a tawp vek ani mai!
Thawk la kawk kawk in ka ding chawt a! Ka tlan thei tawh thlawt lo.. step zawh chhoh tur lah ala tam lutuk bawk.
"Mamma.." Jaydena'n ţap ţiau chung a rawn tih leh takah chuan thawk la hawk chung in ka tlan pui leh a, hnunglam hawi let a Zico min rawn um tu hmel hmuh ka duh lo hrim hrim bawk!
Kan chhuak chho hlawl a! Thlawhna ah chuan an lo lut zo tawh ani mai thei! Mihring hmel hmuh tur an awm tawhlo.
Nilo... a thlawk chhuak thei lo...!
Gate ah chuan ka tlan lut rawk rawk a, chho hlir ah ka tlan a, phei ka tlan leh chiah chu ka kaihza tha a rawn rawl a , ka khup a sai nghal hlawk hlawk bawk.
Lei a ka ţhingţhit thlak hnawp rual chuan Jayden a țe tuarh a, ka khawhmuh a phe vek! Thlan in min bual huh vek tawh.. ka dang a ro in ka thawchhuak hlei thei lo a...
Kan hma a thlawhna chung vir kual mup mup chu ka melh zui țawk țawk a. Ka hnunglam ah ke pen thawm ka hriat leh rual chuan ka beih ve na zawng zawng a tawp zo ta vek!
"Jay.. Mamma hian a hmangaih che a.. chuan kan pahnih tan hian theihtawp ka chhuah bawk tiraw?" Hnunglam ațang ke pen a rawn ri khup khup a.
"A tawp ka thlenpui zawh loh vang che in ka tihpalh aw.. mamma hi haw suh aw.. .." ka ti zui mawlh mawlh a, ka hnunglam ațang taksa lum in min rawn ur a, ka meng zui nghal kawk mai!
Zo zet in kan nufa chuan min pawm kang zui nawlh a, ka kâ ațang engmah a chhuak thei tawh lo.. min pen sawn pui nawlh nawlh a, ka fapa hmel eng ta hawk ka hmuh rual chuan ka hahdam huai thei!
"Zothan..?"
"Mi â nu..." ti sup pahin ka chalah a hmuiin a rawn nawr a. " Â lutuk.." ti nawn leh sup in thlawhna kawngkhar lo inhawng ah chuan min hlang lut ta nawlh!
☆TE DOY 15K☆
Chapter 24
By
Abbra Reo Ririni Khiangte(Pitartei)
Ka beng zawn a Zothana lungphu ri dup dup chu ka ngaithla a, A ban tha ngah zet chuan min kuah bet tlat bawk, Ka chhipah a khabe a rawn nghat a, A kâ ațang a rawn thawchhuak zui ham ham a! Jayden lah khawdur khup mai ni (sun) engin a rawn chhun ven ang hãwk maiin a hmel a eng ta sawt sawt a, Thlawhna ri vung vung chuan a taksa peng pakhat ang maia ka behna lungphu ri chu a hliah khuh zo map lo bawk! Ka kuah let ve mai lohnan ka in thunun tang tang a, A ang chhunga awm hahdam thlak zia ka hriat thar lehna vang ngawt pawh chuan ka țah a chhuak țun thei!
Heng a ban tha chak zet a duat tak a min kuah hnuhnun ber zana thil thleng te kha an rawn thar leh ni maiin ka hria!
Zico an hotela min khawih zan kha Zothana nena inhnaih tak a kan awm hnuhnun ber ani a, a ni a chhut chuan ni tam a la rallo a, mahse ka ngaihdan ah erawh kum engemaw zat ral ta ang mai hial an ni thung!
Vansang lam ah kan thlawk vuâi vuâi reng a.
Zico khan engtinnge min rawn hmuh? Chuan Zothana hi rawn thleng hman lo ta se kan nufa hi engtinnge kan awmzui zel ang, thawk la in mit ka chhing zui vang vang a, Zico hmel chiang zet in ka hmu zawm zat a! Ka taksa chhunglam hi vawt in a rawn țham nghal sung sung mai.
"Hahdam tawh rawh le.. " Ka beng bula rawn phun sup pah in a hmuiin ka beng chu a rawn nawr leh vang vang a, ni e, Zothana bulah kan awm tawh a, min rawn tibuai pha tawh lo, helipad pan a hlauhthawnna nen a ka tlan lai te kha mitthla ah a rawn lang zuai zuai a, ka nunah hian thleng nawn leh turin ka duh tawh lo, min man let hman phei se chuan rawva takin ka chungah a che leh duh ngei ang!
Zothana'n ka lu ah a hmui a rawn nawr leh tak vang vang ah chuan chil ka lem dak a, ka thawk rang lutuk pawh an reh ve tual tual bawk.
Vansang tak aţang chuan leilam chu ka thlir thla a, Engtinnge Zothana hian min rawn hmuh theih, chutiang bawkin Zico kha engtinnge a tih? Ka nuna ka mamawh ber laiin a rawn lang nghal vat ţhin a! Thlawhna(helicopter) lian ve ang reng tak chhung ah chuan ka hawi kual thuak a, pilot leh midang pakhat chiah mihran an awm, ka fapa muhil sék sêk mai pawm hlu hlu chung a min lo en reng tu ka hmuh rual chuan ka sa pup mai hian ka hria, a ngawi ngul a, a hmel landan ațang a ngaihtuahna a thil awm pakhatmah a hriat theih loh.
Lawmthu hrilh mawlh mawlh tur ka nih laiin sawi tur ber ka hre bawk silo a, a mit ko a sen phei țân a, a shirt hak lai a thler tel hnuang bawk.
"Hahdam rawh, kan thleng țep!" Ka dar a rawn vawn pah in ka fapa beilohna lam, a awm ah chuan min kuah bet zui hmak a! A taksa lum vung vung mai vang chuan kei hmeichhe der dep ve tak hi ka hahdam suai suai thei.
Thawk a lak zawng in kan nufa chuan kan che ve ãk ãk a, a ban hrawl zet ka dar a a rawn kuah liamna chu ka melh zawk a, kut hnathawk chunga ka thil awh zawng leina tur ngaihtuah a a inhlawh țawk țawk zel te kha ka ngaihtuah let a, a hnathawhna vang a a kut thap hrup thleng khan ka tan hna a thawk ţhin a, vawikhatte pawh a sawisel chhin ngailo!
"Bawihi.. " Dimte in a khaberuh kualin ka chhip a rawn nawr rual chuan ka che ve țalh țalh a, thlawhna engine ri vung vung ri pawh alo reh duk tawh.
"Kan thleng tawh e. " ka hawi chhuah rual chuan a rawn ti sup bawk, a hmui hmulin a hmui a khuh tel pha a, a mitmeng ațang chuan duatna aia thuk ka hmu bawk.
Chuang ve pakhat pawh kha a lo chhuk tawh a, Jayden erawh a mu tui ngang thung!
Thlawhna khan sang ve angreng tak ațanga ka țum thlak tharh rual chuan ka khupruh hi a rawn na hit zawk a, Zothana ka fapa pawm chunga inthazo zet a rawn chhuk thla ve chu inthunun tum zet hian ka lo melh ve ran bawk.
"Haw ang.. " ti sup pahin min kal pel a, helipad ah chuan thlawhna dang pawh a awm nual, chung thlawhna ding zing a Zothana pen pawk pawk chu ka melh reng a, ka ngaihtuahna a thil rawn awm hi a hun loh zia ka hriat rualin Army rothap zet mai, a ram tana feh chhuak hlim rawn haw hi ka tehkhin tlat pek anih chu! Ka fapa chu rihna neilo ang maiin a pen pui pawk pawk a, a sam hnim ve ang reng tak chu thliin a chhem che ve dar dar bawk. Mahse a inah khan ka haw thei tawh reng reng lo.
"Kan nufa in airport kan pan nghal dawn.." a hnung ațang ka tih rual chuan a ding chawt a! "Goa ah hna ka zawng dawn!" A rawn hawi let lo a, thawk a la in ka hria.
"Chawlh hmang in kan kal ho thei anih chu!" Awlsam zet a ti hluk pahin Helipad gate lam pan chuan a pen zui ta pawk pawk a.
A lo kal ve ka duh reng reng lo! Chawlh hmang satliah a kal tur pawh ka nilo a, awmhlen tawh tura kal tum asin ka nih! Ka theih ang a chak in ka umzui ve vat a, a pen khat lek pawh tlan chung pawhin ka pen hnih zu han tling a mawle.. Cotton dum hlap a ha a, a bawp sei thlurh mai chuan min nghah tum miah lo in a pen lui ve zel mai bawk si!
"Zothan.. "
"Taxi ah khan lut rawh.."
"I lo kal ve thei hleinem." Ka ti a, kan bul mai a taxi hman mai theih driver chu a be zawm daih a! Min ngaipawimawh lo lutuk chuan ka thin a tirim hlur thei!
Driver a țhut luh rual chuan a rawn inher vut a, rum mangkhéng hian ka lo melh nghek bawk.
"Lut rawh.. " a aw ri a zawi, mahse a rum takzet!
"Aih, Jayden kha min pe rawh."
"Lut rawh."
"Ka sawi chu i hria em? Jayden kha min pe rawh.." ka ti hlar a! A ner zui nawk chu ka melh zui nghek bawk.
"Ka tello in khawiah mah in kal tawh dawn lo, Goa a kal i duh anih pawn ka rual zelin in kal ang, i duh loh leh inah kan haw tlang thei bawk." Ti hmuk pahin ka fapa a pawm behlohna lam chuan Taxi hnunglam chu a pawt hawng zat a!
"Lut rawh.." a rûm țha ngang mai!
Kut kuangkuah in ka ding tlat a, chawlh hmang mai mai turin ka kal dawn lo a, chuan a rawn tel ve zel hi a țul hlawl lo, Zico lak ațanga min rawn chhan vang ngawt khan zanrei a a hmeichhe awmpui te kha ka theihnghilh tihna a ni ringawt lo!
"Bawihi, naupangchhia viau zel lo teh.. In nufa hian min mamawh a sin.." a rawn ti a, "Venhim che u ka duh, ka venhim phakloh a in awm hran ka phal i ring em? A teuh lo!" A ti zui leh hluk a, a taksa a lian in a hliam neih te nen zawng zawng chuan a lang hlauhawm ta vek mai!
"Ka thu i hnial hma hian ngaihtuah nawn ţhin rawh, tunah pawh ka ho in kan kal ang, ka hmuh theih loh a in awm ka rem ti reng reng lo!" Chhum zet hian a ti leh hmuk a, a thusawi chuan engtinemaw tak hian min țham bawk!
"Lut rawh, inhnial buai reng lo teh ang!" A kutphah hrawl zet a lek leh zuau rual chuan min en ve ta ngur a, engtinnge a hmeichhe lo awmpuinu bulah khan a insawifiah ang tih ka ngaihtuah tel daih bawk! 'Hmeichhia' huh, zanlai a a call lo chhangtu kha!
"Ka fapa kha min pe la, let rawh." Ti hlar pah in a taksa a ka fapa bet thlawp chu ka ban zui zat a, min hnial lo a, Jayden ka pawm rual chuan a lu ah ka fawp vang vang a, nichin kan boruak vel vang khan a chau ve hle aniang, a muhil tuiin a hahdam hmel tawh tak zet!
Taxi ah chuan ka țhu lut zui hmak a, kawngkhar ka pawhphui rual chuan front seat lam ah a rawn țhu lut ve nulh anih chu!
"Lengpui airport lam ah aw." Driver en zauh pah chuan a ti sup a.
"Ka sawi kha i hrelo a mi.....?"
"Jayden kha a harh ang, ri vak rih suh!" A rawn hawi let vut a, a palian in a hrawl ropui si, taxi body hniam tak chhunga a awm ve run chuan boruak a ti uap vek!
"Airport!" Ti leh sup pahin hma lam a en ta ngur a, Driver in engine a tih nun rual te chuan kal chhuah leh daih mai te hi ka duh rum rum mai!
Kan tlan chhung zawngin kan inbe tawh lo, lawmna chang hrelo hmuh pawn min hmu mahse pawi tihna ka nei lo, ka mamawh em em lai khan ka call chhang ni ngat se chuan!! Engthil tehhrep nge maw ka ngaihtuah le.
Bungrua engmah kan nei lo a, ticket online hmang a kalo book lawk vek tawh vang in awlsam takin min lo pe chhuak vat a, Zothana lah in awlsam zet in ticket a nei nghal der bawk! Engang pawhin hnial lui mahila a rawn kal ve dawn tho tih a chiang reng tawh.
" Keiman ka lo pawm ang." Jayden la muhil mek chu a rawn ban vut a, ka inrin ve hma in min laksak ta daih a, "Hei keng la.." ti leh sup pahin a ticket chu min pe a, ka'n melh deuh rawm phawt a chu ka lungawilo chu a haider lui ve tlat!
A kut ațang ticket ka phihthlak sak rualin țhutna lam ka pansan ta nal nal a, tuna kan buaina hi chu dahțha rihin a lakah ka lungawi lohna ka lantir tluang lui ve zel bawk.
" I duh hi chuan i luhlul ve mawle.?" Ti sup pahin ka bulah chuan a rawn țhu ve vat a, ka melh zawk a, chimawm zet a alo nui suk ka hmuh rual chuan hmalam ka melh leh daih a!
" Goa ah chuan kan cham rei dawn lo ania.."
"Ka thu thu!"
"Umm , kei leh Jayden chu ni thum hnuah kan haw ang." A tih sup rual chuan ka en vat a, a mitmeng sexy zet ah chuan min cho lutuk tih a lang reng.
"I thu lo. " ka ti hmuk a, a nui ri zui ta hawk a, kei a pawh chu engvanga naupangchhia deuh a ri leh vak ţhin nge maw ka nih le.! Ka en leh chuan nuihza insum tih hriat zet hian min lo melh ve reng a, 'tunge chak zawk chu kan hria ang chu!' Tih hi a mitmeng ah chuan a lang tel a, ka chak tir dawn reng reng lo!
Zan dar 9 pelh ah Clark International Airport ah kan țum a, hman deuh a Zico nen chawlh hmang a kan zin tawh vang in thil kalphung chu ka hre rei ruai a, amaherawhchu ka bula mipa hrawlpui hian ka buaipui ngailo in engkim a buaipui vek a, Jayden pawh a rawn harh tawh a, a khek chul hi a ni ber a!
"Deltin Suites." Airport taxi Driver bulah chuan a ti sup a! Driver lah chuan bungrua zawng ve ang hrim hian kan bul vel chu a rawn en thuak a!
"No luggage!" Zothana bawk in a ti leh sup a, țawngtheilo ang maiin an bulah chuan ka ngawi ran thung.
Taxi a ka țhut luh rualin Jayden pawm chungin a rawn ţhu lut ve a, Jayden lah chuan ka awm ve tih pawh hre tawhlo in min ngaihsak tawh der bawk silo.
"Apa, Long time kha ka bulah i awm lo a." A ti ve a, Zothana malchungah a țhu a, zan a Goa khawpui eng pe tuar mai chu tukverh ațang chuan ka en reng a, Jaydena zawhna vang chuan ka lo ip chawih bawk.
" Apa kha i lo ngai em"
"Aw, Mamma bulah pawh apa bulah kal ang ka ti a, mamma khan min lo listen duh lo reng reng."a ti ve bâi bâi a, min han puh vel chu le.
"Jayden." Ka ti sep a, a rawn hawi ve nghal vat reuh bawk.
"Apa call ang ka tih pawn 'a buai' i ti tlat nih kha " Jayden tho! Zothana call min dil laia ka hauh kha hrechhuak ve ang hrim in a tum zui ve pak pâk a!
" Mamma in hla deuh ah kal ang a tih khan Apa hrilh zel tur ka ti in ka hria." Zothana zawk in Jayden 'on' belh pah a a tih ve leh takah chuan rum zet hian ka melh a, ka fapa nen an ţang dun tlat zel hi ka hrethiam lo.
"Mum in a phallo alawm, Apa mummy thluak ah khan baby a awm tiraw?" Zothana malchung ah chuan a lawn kai that that a, A thusawi vang chuan ka thinrim hlur hi a ni tawp mai.
"Awm țhin e, Baby girl ang kha a awm alawm." Ka haw ngei dawn tih a hre lawk ani khawp ang; Jayden kuah beh hlun pah chuan a hawi sawn zui ta vut a! "Baby kawlh zet pawh."
Ka hriat loh ringin a phun zui sup a, ka va han ngei hluah hluah tak em aw.
Jayden lah chu a ngawi zui ta hle hle a, seat kil lamah chuan ka tawlh thla zui daih a, nuih insum zet a min rawn en leh chu han chum zui țawlh tak tak mai hi ka duh hial bawk.
Light a hmet thim khap a, a shower zawhna a la rei lo bawk a, a sam chu a la hnawm chhap bawk, Bathrobe var lianpui ha chung chuan kan nufa mutna lam khum chu a rawn pan a, hotel ah kan lut fel tawh a, Jayden pawh ka bual zawh vek hnuah a muhil zui nghal der mai!
Zothana'n engkim a buaipui vek a, he hotel hi a thlen vawikhatna a ni tawh lo tih hriat zet in hnathawktu ten an lo zah em em a, hotel thuamhnaw bik ka hak tur te thleng in kan room ah an rawn dah vek a, bungrua engmah keng lo in ka kal ve tawp a, Zothana rawn tel ve lo se kan talbuai dan tur lah ka hrechiang kher bawk! Mahse hrelo ang hmak leh hmeichhe lawmna chang hrelo ang maiin ka awm lui tlat thung.
"A muhil tawh ami?" A rawn ti sup a.Amah a palian in thuamhnaw dang a inbel miah lo tih hriat zetin bathrobe suih phuiloh a ațang chuan a awmbawr tihrawl a lang raih a! Ka thawk a sak ve vek bawk.
"A muhil tawh..!" Ka ti sep a, kan nufa bulah hian a rawn mut ve mai ka hlau a, mahse khum dang a awm der mai bawk silo, couch ah hian a mu em ang chu ka ti rilru mawlh mawlh a.
"Nang pawh mu hahdam tawh rawh." Khum sir a a rawn din ve rual chuan a ti leh sup a. Chhang lo in thawk ka la hak a, ka inlet thawk a, Jayden kuah chung chuan mit ka chhing zui nghal daih bawk. Zothana nui ri suk ka hre zawm leh ta hram bawk.
"Ka sawi kha i hria em? Ni thum chiah kan cham dawn." A rawn ti a, a ban in ka hnunglam khum chu a rawn nem zui tih hriat zet in a hniam zui âwk bawk! Mahse chhan ka tum lo hrim hrim, naktuk ah internet ațanga ka enlawk vek tawh hmunah ka kal a nga, ka be chiang bawk ang.
"I la muhil lo tih ka hria a nia." Ka darah a rawn hmer salh rual chuan vin hrep mai in peihsa at hian ka inher ve vat a, a lo la nui suk zui anih chu!
"Ka duh chen chen ka awm dawn ka tih tawh reng kha.." zawi sep vin tak si hian ka ti hlak a, khum ah chuan a rawn țhu hniam ve vut a, ka inher leh tur chu ka darah a rawn man a, Jayden nen kan inkarah chuan a ban pakhat in a rawn in nem zui nghal run bawk.
"Zanin hi inngaihtuah nan i hmang thei ang." Rawn kun hniam pahin chiang zet in ka mit ah tak a rawn en a! " He khawpui ah hian in nufa chiah in ka kalsan che u i ring anih chuan chu i ngaihdan chu thlak ang che " ka hmai bul chet ah a rawn phun leh sup a. Ka taksa chu a țang nghal vek thei!
"Naktuk ah pawh ka chhanna hi a la ngai reng ang." Ka ti sep a; a lian bawk si, ka taksa chu a ban inkarah a awm a, kan hmai insi lo chiah in a rawn kun hniam tlat bawk si.
I chiang meuh ang maw?" Ti sup pahin a țhen leh sak a, a shower gel hman rim fresh zet chu ka hip lut hap a, ,A khabe kual nalh zet leh hmul to deuh siar chuan ngaihtuahna dang daih min put tir hman țep bawk.
"Aw." Ka tih leh sep rual chuan Zothana zawk chu a rum ri hawk a, ka hmuiah a rawn fawp zui ta ngawng ngawng a, ka nghing che dawt hian ka hria!.
Min bawh bet deuh ti tih hian a rawn insiam rem zui zat! Ka chhang let ve pawn ka hrelo, duhthawh zet hian a che zui ngawng ngawng a! Ka kawchhung thleng hian min fawh dan duhthawh lutuk chuan a nghawng pha vek! A thawk lak zawng in ka awmbawr a rawn delh na ve zual sauh a, ka zep lo, a nuam tak zet! Dimtea a kut țang a ka biang a rawn tawh takah chuan ka harh chhuak ta zawk a; a darah ka nem zui nghal chawrh bawk!
Harsa tih hmel zet hian ka hmui hnuai a rawn pet a, ka kâ chhungah a rawn thaw lum zui nghal hak bawk a!
"Kal bo rawh.."
"Aih" Ti nghut pahin ka chalah a chal a rawn nghat zui hmak a, a la thaw ham ham reng bawk!
"Naktukah haw ang che." A darah ka nem zui țang țang a, a ngawi ngul a, a taksa a rih nulh vang chuan ka nem chesawn zo lo reng reng!
"Zothanmawi!" Vin hlar a ka tih rual chuan a kutphah hrawl zet chuan ka kâ a rawn hup zui hmak a, ka chalah a chal a la nghat reng bawk.
"Bengchheng vak zel lo teh." Nui suk chung in a awm hrang hlek a, room kil khat ațanga LCD light eng dul raih mai chuan min fawh zawh chiahna hmui la hnawm chep mai chu a chhun pha a!
"Tinge i luhlul em em mai le..?" Phun sup pahin ka bula Jayden-a mu chu a melh leh zawk a, " Ani ang lek hian i naupangchhia reng zel bawk a." A ti leh sup a, ka kâ a hupna banrek ah chuan ka man bet ve vat a, laksawn sak ka tum dawn tih hria ang hrim hian a lo țang ve tlat a.
"Ka laka i lungawi lohna i sawi chhuak anih loh chuan ka hre ngai dawn lo.. Chuan in i chhuahsan ni khan eng lehkha nge i dawn?" A rawn ti leh sup a. Kei erawh ka meng nghal kawk thung! A banrek ka vawn chu ka thlah riai riai a! Thlalak ka dawn a ka landan zahpuiawm zet mai ho kha ka ngaihtuah let zut zut a, Zothana pawh in dimte in a kut chu ala sawn a, mahse ka bek zawn ve ve ah a kiu in a rawn inbeng khalh zui nghal hmiah thung!
"Bawihi.."
"Ka.. ka mu duh tawh." Ka ti bah nawk a, ka tiril rawn khur ru dar dar chu ka hre rang kher mai. Ka inher tur chu Zothana'n rang vut in min nem zangthal leh bawrh a, ka ter ve nghal at bawk
"Ka sawi kha i hrelo ami, ka mu duh tawh." Ka ti chhuak tuarh a! Diktak chuan thlalak ka hmuh lai hun ang chiah khan ka hlauthawng a, ka thawk lak te hi a sak leh vek tawh. Chutia ka au chhuak ta tuar chu rang zet in Jayden lam a melh zui vat a!
" I sawi chhuah hma chu zanin hian i mu dawn lo." Ti sup pah in thawk a la zui ve ta hawk a.
"In i chhuahsan chhan te, i lehkha dawn a thil inziak zawng zawng te pawh min hrilh vek hma chu i mu dawn miah lo ania.."
"Kal bo rawh.. "
"Zodinpui." Sehchilh zet hian a rawn ti chhuak hrawih a!
"I awmdan hi nawrluihna tello chuan min dodal reng dawn a ang tlat, zankhua hun a awm tho alawm." Nui zui suk chung in ka mit ah chiang zet in a rawn melh a.
"Hmeichhe naupang ang chiah a min en hi bansan tawh rawh.."
"Chutianga ka en ngailoh zia che chu i hriat chian khawp kha.." a rawn ti sup a, ka ang zuau a, mahse a sawi awmzia chiang lutuk a ka hriat rual chuan ka taksa hi a sa nghal pup thei!
" Hmeichhe naupang angin ka en lo che, ka ta, ka venhim tur leh ka enkawl tur i ni tih in hria la, ka bulah engmah zep ţhin suh." Zawi sup a a phun leh rual chuan a kutțang hrawlpui chuan ka sam a rawn hui kiang a. " Ka zawhna che kha chhang tawh rawh le." A rawn ti leh sup bawk!
Chhanna pek dan tur pawh ka hrelo, chu tih rualin a chetdan ho te vang a ka thinrim ve na zawng zawng an reh nghal hmiah thei te hi mak ka ti a, "Bawihi?"
"Ka mu duh tawh." Ka tih sep rual chuan a thaw ri nghut a, a rawn inbeng khalhna ațang a in lakhran vut rual chuan khum ațang ka kang zui ve ta lawp mai! A darah min pu nawlh a, a hnung ah ka chum zui pawp pawp a, ka ke ka leng nghek nghek bawk, eng thil nge tih a tum reng reng ni!
" Talbuai suh.." ti hluk pahin ka mawng ah a rawn beng thlawp a, ka huat dan chu ka puakdarh lo chauh hi a ni tawp mai, min pen sawnpui rual chuan ka theih ang a na in a hnung ah ka chum zui pawp pawp tho a, a ni lah a hrawlin ka chum ve na te chu engahmah angailo tih hriat zet hian a pen zui pawk pawk a, Khum ațang hla ve angreng tak a couch var lianpui lo awm ah chuan a ţhu thla zui chawrh a, amah hmachhawn zawngin a mal chungah chuan min nghat thla zui zat a, ka sam hnawk nuai mai chu ka man khawm a, Zothanmawia chu rum lutuk tak mai hian ka melh zui ta nghek a!
" I chetdan kha a atthlak hle mai." Ti hlak pahin ka tal a, mahse ka kawngah a man bet zui nghal hmiah a!
"Zothanmawi.."
"Sawi la.." a dar kan uk pah in a rawn ti sup a, ka thinrim bawk si nen chuan a awmdan hlek chu ka haw hluah hluah hi a ni tawp a.
"Min thlah rawh.."
"Ka zawhna che kha chhang rawh.." ani zawhna zawng zawng hi ka chhanna chhan tur pakhatmah ka hriat loh ang bawk in kha mi zing khan ka call lo chhang se chuan engkim a hre ve vek ang, mahse a hmeichhe awmpui in a lo chhang a, ka beiseina neih ve zawng zawng te kha min tih chhiat sak vek bawk!
"Ka mamawh lai che khan khawnge i awm.? " ka ti a, ka țah a chhuak nghal țun bawk. "Mawh? Ka mamawh lai che khan khawnge i awm? Ka kuta ka thlalak bawlhhlawh zet khur hlawk hlawk chung a ka ken lai khan khawnge i awm? Ka mamawh che asin, min hnem a, i chungah engmah a thleng dawn lo, kha thil titu lakah khan ka venghim ang che ti a sawi turin ka mamawh che asin.. mahse khang hun lai khan nang chuan nuam ilo tawl a.. hah.. zanlai ah i phone hmeichhia in alo chhang a, chumi hnuah pawh atthlak zet in ka mangan vawrtawp laiin biak che ka la rawn tum ţalh a.. mahse i hmeichhia bawk in alo chhang a, chuti chung chuan ka chung a thil thleng hriat ila mamawh a maw, min ngaihtuah ang tak a lan kha bansan rawh.." ka thinrim lutuk chu ka aw a khur hlak hlak a, ka kawchhung hi thinrimna vang in a let kual bulh bulh a, khami țum khan a lak ațang thil tamtak ka phut lo, ka call kha amah ngeiin lo chhang se, Ka hlauthawng lutuk leh mangang lutuk kha min țawng thlamuan se tih chiah ka phut, mahse chu thil te mai pawh chu min tihsak thei hleinem!
"Zico lak ațang min rawn chhan vang khan ka lawm a, mahse ka nunah i inrawlh zui ka rem ti ta tihna anilo.." ka kawng a vawnbehna banrek ah chuan ka vuan a, ka phelhsak dawn a, ngawi ngûr chung si hian min chelh ve tlat a, Jayden a harh hlauhna pawh ka nei tawh lo a, ka sual let ta nghek a, a taksa rem lai laiah ka chum zui pawp pawp a; a in dang lo a, a țawng chhuak bawk lo a, mahse nghet takin ka kawngfek laiah chuan a vuan bet tlat thung!
"Ka haw lutuk che.." ti țhawt pahin a dara ka kut humruh tlat pahnih chuan ka chum leh chawrh a, kut thawh leh tur pawn tha ka nei tawh lo, ka taksa chhung hi a chau nghulh a, ka thinrim lutuk vang ani ngei ang, ka thawk lak zawng in ka khur dar dar reng a, ka taksa hi a sa vek bawk.
A lak ațanga tal thlak leh ka tum chuan min dang tawh lo a, rang lutuk tak maiin ka tal hrang vat a, Nichin khan ka mittui alo tla ve ringawt bawk, ka mittui hru hul tawk pah chuan khum lamah ka let phei hmawk hmawk a, Zothana chu a țhutna ngaiah ala țhu reng a, hmeichhe dang hun a hmanpui lai ka hre chhuak khan a țhawng a ni ngei ang! Tenawm leh lutuk!
Jayden kuah bet tlat chung chuan ka mu tawm ve kak a, Zico~a'n chiang takin min bum a, tunah Zothana'n ! A țha vek mai e, mahse tun ațang chuan ka nun hi anni pahnih vang hian a buai leh tawh ngailo ang.
Khum a ka mut kai leh hma khan zinglam dar 1 a pel tawh a, ka ngaihtuahna a vak thuiin ka hun tawn tawh tam tak ka chhui kir a, thawklehkhata ka nun buai tak nuaih ațang khan hlim takin thlakhat chhung pawh ka awm ve tawh lo hial in ka hria, Zico ka chhuahsan hnuah a nu leh a farnu in uire chhuah a min rawn chhuah in min rawn kal chilh a, Zico leh a pa an rawn lang veleh ta sek a, Zothana nen kan inkara thil thleng a awm hnuah lah hmeichhe dang an rawn tel ve leh a, engmah vang hian nat zui loh hram hram ka duh tak zet!
Ka muthilh lai ka hrelo, chiang lo zet in mit ka meng a, Jayden pawh alo la mu tui ngang mai, a taksa chu ka lo la kuah bet reng a, pindan chhung boruak chu a reh ruih rualin a la thim tel map tho! Thawk ka la a, mahse ka hnunglam ațanga min lo kuah bet ve run tu an awm tih ka hriat rual chuan ka meng zui nghal kâwk a! Ka thinphu hi an intlansiak nghal dawt dawt ringawt bawk!
Mahse a thawk lak zawng a ka nghawng hnunglam a rawn lum ve ham ham takah chuan tunge ani tih ka taksa hian a hria a, ka tha chu ka thlah zál tial tial a, Amah a hrawl bawk a, kei hmeichhe thawk lak dan ai daihin a thawk lak dan hi a nâ a, innghahna tlak anih zia hi a hriat bik ngawih ngawih zel ! Ka ngaihtuahna teh nek chu a!
Jayden ka kuah behna chu ka phelh țhem țhem a, kan awmna suites chhung chu light cream rawng vek ani a, parda fual zet an zar chu gray rawng a ni leh thung, ka bula mu te pahnih tih harh hlau zet chuan ka mut dan ka siam rem a! Pawnlam thawm hriat theih loh turin sound proof hmanga thuam țhat vek ani tih hriat zet in bang a AC khawl ri vûng vûng thawm bak chu thawm dang a awm lo.
Harsa zet in ka zangthal a, ka dul zawn a ban rit nulh mai chu a che ve țual țual a, a harh dawn maw ka ti a, mahse a taksa hrawlpui che ve sauh sauh pah chuan ka nghawng ah a hmaiin a rawn nawr a! Ka țang nghal țeuh mai!
Reife thawk pawh thaw țha ngam lo in ka awm a, Ka awmdan chu a lai vel vek hi a ni tawp! Jayden lah a thaw ri ve sek sek a, amah ang a nimin lam a thil thleng te theihnghilh zung zung theih hi ka chak ve tak zet! Khawvel a kan pian chhuah rual hian kan duh emaw duhlo emaw kan țhanlen rual hian sual hi kan zir a, thikna te, theihtawp chhuahna nun nei silo a midang hlawhtlinna changte er em em ringawt te kan ching a, hei hi kan duhthlanna a kan nuna bet tel ngawt anilo a, khawvel kalphung anih tawh vang ani!
Mahni thil tih laia theihtawp chhuah hauh silo a, midang er em em ringawt leh midang aia țha leh mite hriat hlawh nih tum ngawt nun hi a hlim ngailo a, engpawh ti ila, midang aia țhat tum nghal ngawt lo a theihtawp chhuah ţhintu te nun erawh nun awhawm tak a ni thung! Chutiang mite erawh khawvel mihring za zel ah sawm bak an awm kher lo ang!
Jayden rawn inlet ve thek chuan min ti phu zawk a, ka en vat a, a la mu tui nasa reuh bawk si! Lehlamah lah taksa hrawlpui maiin min kuah bet tlat bawk a!
Ka thle deuh a, Zothana khaberuh kual ruih mai chu ka hmu thei a, a chal in ka nghawng nawr miau hek! Dimte in ka dul chunga a kut chu ka nawr sawn țhem țhem a, a hrawl in a rit nulh bawk si! Chutia amah tih harh hlau zet sia ka nawr țhem țhem lai chuan a rawn che thut a, ka khek chhuak vak lo chauh!
"Mu mai mai rawh.." Rawn dak chhuak lo in ka nghawng ah a hmai a phum tlat a, ka thinphu rang lutuk tih reh tum chuan ka awmah kut ka'n nghat vang vang a!
"Min ti hlau alawm.."
A nui che dawt a! A bawp in min rawn khan zui nghal hmiah bawk!
"Khawi teh.." Min khanbehna bawp ka nawrsawn leh tur chu a kut a rawn chet a, ka darah vuan in ka mu zangthla lai chu amah hmachhawn turin min kuai her ta nawk a! A thophang hmel leh sam thur siang mai chu melh hnai tak hi ka ni ringawt!
"I la thinrim em?" Ka hmui bul chet ah a phun sup a, a ti lui nge pawh ka hre hrep lo, a biang hmul chuan ka hmui bul chu a rawn nul zui thuak a, kut ka humruh vak ringawt!
"I la thinrim em ka tih chu.." Zawi ruih a a rawn phun leh rual chuan ka lukham ah a lu a rawn nghat ve a, a biang lum vung vung mai chuan min rawn nul zui zawm zat bawk.
"Ka hua che.." muang zet a mit chhing pahin a nui ri suk a, a landan cool lutuk vang chuan ka buai ru leh der tawh.
"Kha thu i sawi tawh kha chuan min huat vang nilo in hmeichhe dang i thik vang ka tih fo kha.." a ti sup a, a kut a chet zui dan dan a; ka pajama hak chhan ah chuan ka mal a rawn chul thla a, ka mal te ah a țham salh a, a taksa chung ah ala kang zui hmiah a, ka sual let dawn tih a hria ani khawp ang, ka mawngah rawn vuan in a taksa si chet ah min pawt hnai zui nghal hmiah bawk!
"I inngai ropui mah mah.." ka hmui bul chet ah a hmui a awm vang in țawng pawh ka țawng ring ngam tawh lo! Ka thusawi vang chuan a țhen suk a, ka mawng ațang ka kawr hnunglam ah a zen chho a, ka vun mam hen mai a a kut che chho chu ka hriatna cell sin te te hian lo hre rang tak an ni! Ka taksa hmun tin mai chu a bawl chhuak nghal țiam ţiam ang ka ring!
"I thik lo anih chuan a țha e.." ka mit ah tak en chung in a nui leh suk a! A landan cool tak si leh sexy ru zet vang chuan țah khum vak mai hi ka duh zawk!
" Phone lo chhang tu kha.."
"Ka hria.. i hmeichhia.." ka lo ti vat a, a chal ti chuar tap chung hian min melh zui khui a! Ka diau duh bik der lo! Melh rum ve tak ka ni mai!
"I rilru a lang ang ngawt hian thil hi sawi țhin suh." Ti sup pahin a kut in ka hnungzang chho a chul thuak a, Pathian leh! Bra ka ha reng reng lo! Ka ngaihtuahna rawn hria ang hrim chuan a nui zui suk a, ka ip zui chawih chawih ringawt! Mahse ka beisei loh zet in a zen tlang chho a, ka nghawng hnunglam hi a rawn hmer a! Chumi pah chuan amah hnaih in min hnuk hnai ve sauh bawk!
"Phone lo chhang tu khan Nono-i anih kha.." a ti sup a; ka hriatsual anih ring in ka melh zui káwk a!
"Nono-i , Nunhlimi kha.." Ka hriat sual ani tawh lo! Min shock dan chuan a nâ tel bawk!
"Oh.. I chenpui a." Ka kawchhung a ni nghulh a, mahse ngeiawm lutuk in ka nui thung!
"Ka chenpui lo, Mumbai ka chhuk dawn khan ka apartment min lo tih fai sak a.." ka nâ zual sauh!
"A țha alawm.." ka ti zui sep a, Mahse ka taksa chhung hi a nâ lutuk! Sawi tur pakhatmah ka hre tawh lo! Nono-i, hah! Ka naupan hun lai zawng zawng pawh a ka thik em em reng leh Zothana min lakhran sak tum reng tu! Mumbai a chhuk tur pawh alo hre leh zel a maw..
Zico nen kan inneih hma siin Home ațang a tlanchhuak daih a, ka nu leh pa te kha an hlauthawng in mitin kha min ti mangang a, mahse nithum hnuah ngaihtuahawm anih loh thu leh ama ke ngei a din a tum thu sawiin home kha a rawn be pawp a, chumi ni ațang chuan kan mit hmuhah vawikhat pawh a rawn lang leh tawh ngai lo! Zothana awm loh hnu te khan min ti duhdah in min zuam em em a, Zothana'n min ngaisak tak tak loh thu te kha min sawi khum nuam a ti a, aaa.. a tam lutuk, ka thil neih engpawh min lawmpui a hnek in min tihchhiatsak a ching a, zirna lamah ka pass țha deuh anih chuan min lawmpui ve lo in min huat let phah daih zel a, Zothana'n barbie leh toys dang ho min lei sak te kha ka awmloh laia lo la bo in a lo paih bo vek zel!
"Bawihi..?" Ka ngawi reng a, a rawn thawchhuak ham ham ri te chuan ka țah a ti chhuak tlat pek bawk!
"I ngaih ang kha engmah a awm lo ania, Mumbai a rawn thleng ve hlawl a, min rawn zawng chhuak a, ka nau anih na ang khan ka buaipui a ngai ve tho alawm,.." zawi sup hian a rawn phun zui a, ka kawchhung hi a in let but but mai! Khang kum liam ta zawng zawng khan an lo inhre daih tawh bik a! Kei min hmu tura a rawn haw ngailoh lai khan ani chu a lo buaipui bik daih tawh! Heng thu ka hriat ruala ka natdan zawng zawng hi tumah in min hriatthiam sak ve lo ang! A thil min pek ho zawng zawng min paihbo sak vek tu kha duat tak in a lo enkawl bik a.. A țha mai zel e!
" I buaipui zui zel thei alawm, khang kum liam ta zawng zawng khan in zawng chhuak in inlo inhmu tawh bik reng a.." zalo zet hian ka nui chhuak hak a! "Keichu ani i buaipui zawh vek hnuah min rawn ngaihven veleh a.."
"Khati zawng in ngai suh." A rawn ti nghut a, mawl hmel zet hian ka nui chhuak ta hawk a! Bum ka ni reng bik anih hi!
"Mumbai i chhuk dawn pawn khu lamah a awm tih i hre sa thlap a, ka bulah a chanchin vawikhat pawh i sawi tawh chhin em? I nau i duat em em chuan zanlai ah i inbual hlanin i call alo chhang a, hah! Zing karah pawh alo chhang leh a, in cheng dun tih sawi zawk law law ta che. " ka țawng ring lo, mahse thikna, bum ni a inhriatna leh thinrimna in ka khat vek a, ngeiawm lutuk in na tuar ang hrim a min melh ngur tu chu ka nuih khum a!
"Tunah pawh i inah bawk chuan a la cheng em? Ni dawn tak.. i rualin Mizoram ah a rawn let tur thu pawh min hrilh tak kha..!" Ngeiawm zet hian ka nui chhuak hak a, a chalin ka chal a rawn nawr a, a kut a ka biang a rawn vawn tum na chu na zet hian ka lo phih thlak sak nghal sawk bawk! A awma nem chung in rum lutuk in ka melh zui ngawt ngawt bawk!
"Min khawih tawh suh." Ti fak pah in amah hlat thei ber ah chuan ka tawlh a, Phone lo chhang a nuihsawh zet a min lo be tu kha Nono-i vek maw? Haha.. Atthlak zet a Zothana biak ka duh thu ka sawi lai te khan min lo hre vek tawh a, min lo nuihsawh ngawt ang chu!
Khum ațang a thawhkan vut rual chuan khum chu a che ve dawt a! Hman ațanga hmeichhia i nihna dinhmun chhuhsak chak em em tu che leh ani chuan a ngaihsak zui tawh lo che tia min hrilh ţhin mipa, atthlak zet a ka bula lo let leh tura ka beisei ţhin tlat nen min kalbo san hnuah an lo inzawng hmu tawh reng a, ka bula min ngaisak zui tawh loh thu a sawi ţhin mipa ngei lak ațang ngaihsakna a lo zuk dawn bik laia min lo nuihzat ţhin dan tur ka ngaihtuah let hian ka nâ ngawih ngawih a, Kha hmeichhia nen khan kan inmil ngailo hrim hrim a, ka hlawhtlinna min lawmpui a hnekin min huat phah a, Zothana ka hriatrengna tur thil reng reng min lakbo sak vek bawk a! Ka hua hi ani tawp mai!
Jayden chu zing dar 7 velah a rawn harh ve ta chiah a, ka lo muhil leh hman țep bawk.
"Mum, khawnge apa?" A mit pawh la meng mang hlei lo chuan a rawn ti ve țiak a!
"Jay, Good morning." Ka chhan hma in Zothana zawk in a rawn chhang vat a, Jayden pawh a in perh tho ve nghal vat a, khum mawng lam a Zothana rawn țhu kai ve chu a bawh ve ta rak rak a!
"Apa, hei kan new house ami?"
Zothana nui deuh suk chu en zui duh lo in puansin chuan ka in lukhup zui hmak a, Jayden nen chuan an inbe zui ta reng a, Kei erawh ka pik țun mai!
Zico bulah ka bag ve kha ka hnutchhiah ta daih si a, tah khan ka lehkha pawimawh leh bank book zawng zawng pawh a awm vek! Khang ho tello chuan engmah ka ti thei dawn der mai silo.
"Mamma?" Pangchang zet a Jayden a rawn țawng ve ngâng ngâng tak ah chuan thawk ka la halh a.
"Apa in mall ah kal ang u a ti.." ka puansin lai rawn keu hawn ve rak rak pah chuan a rawn ti a.
"Jay, kal chhuahna tur kan nei, hmun danga kal a țullo.."
"Bawihi..?" Zothana rawn phun sup chu ka melh duh lo reng reng, hna ka zawn tur thu kha ka ti mai mai lo a, duhleh online hmang pawh in MBSC ah ka lehkha pawimawh ho kha ka dil mai ang.
"Mamma hi a intifai lawk a nga, kan kal chhuak dawn nia." Ka ti a, Jayden chu a nur nâng a, khum ațang ka tho chu ka banrekah Zothana'n a rawn man chawt a.
"Inbe teh ang." Hnial luih ngam miah loh a fiah hian a rawn ti zui nghut bawk! Ka nui lui hak a.
"Kan inbe reng lo a mi?"
"Bawihi?"
"Ka hmanhmawh, hlawh ka neih ve hunah he hotel awm man pawh hi ka rul let ang che " ka ti kher a, a thinrim in control tum tih hriat zet hian a rawn thawchhuak ham ham a! Ka kut a vawn chu ka thing thla zui nghal nawk bawk.
Washroom ah ka lut a, mamawh a awm vek a, hotel a emergency ti ila ka sawisual lo ang, thuamhnaw hak thlak lo awm sa chu ka enkual leh thuak a, an hotel hming chuanna shirt var leh pajama var hi ani deuh tawp mai!
Tui lum in ka inphuh sar sar a, Ka bank book ve ah khan pawisa awm tam lo mahse hna țha ka thawh ve hma a kan nufa in enkawl na khawp chu a awm a, mahse chu pawh chu ka kutah a awm leh tawh bawk silo, Ka hna zawnna tur hmun pan tur pawn taxi emaw auto emaw ka lak a ngai dawn a, chumi tur takngial pawh chu ka nei chuang silo a.
Ka thaw hawk a, midang te nun a awlsam bik em em lai hian ka nun ve hi chu a harsa mah mah zel, ka kut ah cheng khat pawh ka kawllo a, keimah mai nilo in fapa ka la nei tel zui bawk! Zothana hnen ațang engmah dawn ka duh tawh lo a, Hah! Nonoi kum 5 chhung a lo enkawl tawh tih lah nichin mai khan ka hre ve chiah a, a pawi tawp lo e, khawvel ah hian mihring tlem te ka hre ve a, chung ka mihring ka hriat awmchhun te lah natna min pe tu te vek an ni!
"Tah khan i thuamhnaw tur a awm." Washroom ka chhuahsan rual chuan Zothana chuan alo ti sup a, a ban lek vutna lam chu ka en a, cabinet lian vaklo khum bul ami chuan ka mit a la nghal chat bawk.
"Nono-i thuamhnaw hlui maw?" Nui lui sak chung in ka ti a, a mit ko a chuar táp a, min melh zui khûi bawk!
"In ha la eitur siam ang che.." ti hmuk pah in a inher zui vut a, ka sam huh hrukna towel hian vawm zui pawp mai ka duh rum rum, choka zau vak lo hi alo awm ve reng a, Jayden chu stool sangah a țhu a, Zothana pawh phone hmang chung in Jayden bulah chuan a ding ve a.
"Mum?" Zothana zawk a rawn in her zui vut a, min hmuh rual chuan phun luk pahin phone chu a ti tawp a.
"Cabinet ah sawn i thuamhnaw hak tur a awm ka tih kha..!" Hrelo ka ni reng reng lo, haksak ka tum loh vang zawk ani!
"Ka mamawh lo." Awlsam zet in ka ti liam puat a, ka pen lut ve a, a thaw ri hawk bawk!
Gas lam ka pan a, coffee lumna bik ah chuan tui ka dah lut a, artui leh chhangthawp ur thar hlim chu basket ah tui hnai zet in a lo inchhawp sa thlap bawk.
"Jay, Apa phone hi keng la, khum ah lo zuk awm rawh aw, Mamma leh apa hi kan inbiak lawk angai a." Zothana aw ri dam thlup vang chuan ka lo in sangmar vak a, Jayden tlan ve terh terh thawm ri hla ta tial tial chuan ka thawk a tirang vek bawk.
Boruak dang ta hlawk vang chuan ka zam ru ta kher mai!
" Ka chet dan eng khan nge i lung ti awilo a?" A rawn ti sup a, coffee tui rawn so chu ka ngaihven san daih a!
A ni thin in alo tuar leh tawh bik silo.
Ka darah na zet in a rawn țham zui ta sawk a, ka ang zâwk thei!
"Min ngaipawimawh lo viau zel suh." Ti sup pahin amah hmachhawn turin min pawt her ta nawk a!
" I call kha ka duh vang a chhang lo ka nilo tiin vawikhat tal i ngaihtuah chhin em?" Gas hunna in dawhsang bik a min nawr bet pah chuan a rawn ti sup a, a țawng zawih danah chuan Jayden a vengthawng hle in ka hria!
"I duh vang nilo se kha hmeichhia kha i chhan tir lo ang.."
Ka hnung a gas inhunna chu a rawn beng ri deuh dàwp a, ka la phu zawk zui!
" Nono-i kha ka chhan tir lul lo.. Phone ka inah ka theihnghilh vang zawk alawm.." a rawn ti țhawt a! Dawheh lutuk!
"Oh.. chuti maw? "
"I ring emaw, ringlo emaw pawh nila i call chhang turin midang ka hrilh lo, chuan , i hriat loh a Nono-i ka buaipui pawh kha sawina hun a awm reng reng em? Tinge engmah ngaihtuah chiang hmasa lo hian min runluih zawng a khawsak phet i tum țalh a, ani ka lo enkawl pawh chu a sual viau a mi?" A thusawi tawp chuan min chhun zawk! Thal mu in taksa a chhun tlang záwk ang chiah hian ka na a, a țan hlum lo chauh tih lah a chiang reng mai!
"A suallo, i duh duh i ti thei.." Ka nui lui sak a, Hman ațang a tum ber ţhin chu a nei ta bawk e! Ka lak ațang Zothana lakhran kha a tum ngawrh bawk a! Tunah chuan a nei ta alawm.
Ving zet in choka ațang chuan ka kal chhuak hlawk hlawk a, Jayden bula kal ta mai lo chuan balcony ah ka kal chhuak a, boruak ka hip lut zui nghal kawk kawk a! A țha e. Ka nun aţang hian kal chhuak vek rawh se.. an vaiin , an zavai hian kal chhuak vek se, tu nen mah inzawmna neih ka duh tawh lo , tumah hian min lo ngaihtuah ve tak tak ngailo bawk! Ka hlat tak ah kal bo vek rawh se!
Nimin lam a ka thuamhnaw hak ho chu ka inbel sawk sawk a, he hotel ah pawh hian ka awm tawh lo ang, a duhtawk in kha hmeichhia kha va ngaihsak rawh se!
Ka thinrim bawk si chu ka insut leh hraih ţhin a, Ka thuamhnaw pangngai ka inbel zawh vek hnu chuan khum a Jayden games khel lai chu ka pawm kang zui nawlh a, a lo hrethiam lo nasa mai si.
"Mamma,"
"I chappal bun rawh.." lei ah ka nghat thla a, khum bul a a chappal chu a ke tereuhte ah chuan ka thawlh sak nghal sawk sawk a, Nu ka ni a, ka fapa nen kan ei khawp lek chu ka thawk chhuak ve thei em em ang!
Jayden pawm chung chuan kawngkhar lam ka pan zui hlawk hlawk a, choka a Zothana lo ding ngawi ngul kan kalpel lai te chuan hrehawm tih hmel zet hian min lo en ve rûn a! Hah! Ka hmu sual ani ngei ang, hrehawm lo tih chhan tur pakhat te mah a nei lo.
"Mamma, khawnge kan kal dawn?" Kawngkhar ka pawh phui rual chuan Jayden chuan a lo ti vat a! Ka hriat mai bikloh zia sawi khum chiam ka duh lo.
"Hmun nuam deuh ah.." Nui luiin a chalah ka fawp zeuh a.
"Apa kha?" 'Sawi ziah tawh suh' tih vak mai hi ka duh a.
"Ani chu hetah a awm a ngai a lawm." Ka tisep a, ni e.. Heng hmun ah te hian Nunhlimi pawh kha alo hruai ve tawh ngei ang, cabinet ah ka thuamhnaw tur a awm maw? Ani thuamhnaw hnutchhiah bak kha va ni suh!
Inhnuai lamah kan chhuk thla a, phone hman tur ka neilo a, ka kutah cheng khat lek pawh ka neilo! Counter lampang chu ka pan vat a.
"He ta țang hian Bandodkar Marg, Campal a hla em?" Hmeichhe pahnih lo țhu te chu ka zawt a,An rawn nui sang a.
"A hla ve ang reng a, taxi emaw in kalla a fuh ang."an nui sang a, Taxi fare tur takngial pawh ka neilo.
"Ka lawm e.." ka ti sep a. Ngopa a ka awm lai khan Showroom Hostess hnaruak kha ka hmu fuh a, hlawh a chhe hran lo a, hna țha nghah nana lo thawh zawk ka hreh loh vang in thawktu te lam pawh ka be kual zuai tawh nghe nghe.
Jayden pawm chung chuan pawn lamah ka kal chhuak a! Ka țah te hi a chhuak țun mai! Cheng khat pawh neilo in engtinnge ka thlen theih ang!
Ni sat dan a la rum lo a, ka fapa engmah hrethiam ve bawk silo hawi kual veuh veuh chu țah chhuak țun chung hian ka en a, keimah aia nu țha leh nuamsa tak a siam thei tu nei tur zawk ani a sin.
Zothana room ah khan engmah ka ei hman bawk silo a, ka pum chu a ri deuh rawk rawk reng a, Jayden ka ngaihtuah zual sauh bawk.
"Jay, i rilțam em?"
"Aih, apa in cupcake min pe a lawm."
"Ok, a țha e, kan kalna tur a la hla deuh sia, nangmah in kal la. " nui chung hian ka ti a,A bu ve nghat a, lei ah ka nghah thlak rual chuan a ban ka chelhsak zui vat a.
Kan thlenna compound bik kan kal chhuak țep tawh tih ah kan bulah car dum hi a rawn ding chawt a, a chhungah chuan kawrvar vek ha driver hi a lo țhu a, kan thlen hlim a gate vel lo vengtu inthuam dan chiah in kutkawr var a bun tel a, lukhum var a khum bawk.
"Deltin Suites a mikhual te kha in ni tiraw?" Vai awphawi zet sap țawng hian a rawn ti a.
"Aw."
"Kal duhna in neih chuan ka hruai ang che u; Kha suites a thleng te hman a tan free service car hi a awm reng alawm." A rawn ti a. Ka lawm lutuk chu ka mumang emaw ka ti rum rum mai!
Kan țhu lut vat a, kan kal duhna ka sawi chuan a bu nghut a, car hma a phone ah chuan eng emaw hi a type lut a, Google map a hmang chawp ve dawn tho a nih hmel, mahse ke a kal thlen tawp ai chuan a tha zawk tho tho!
Reife kan tlan hnuah Car Showroom lianpui kawt ah kan ding ta ran a, ka lehkha pawimawh tel miah lo in ka kal a, min lo ruai duh kher a ngem?"
Jaydenam kai dat dat chung chuan darthlalang kawngkhar chu ka pawt hawng a, hnathawk tu te chuan min lo chhawn thuai a, kristian ram a dawr nghaktu te ai hian ringlo mite rama dawr nghaktu te hi biak an nuam daih zel!
"Puih theihna che u ka nei em?" Nui sang a min rawn en in Jayden chu a thlek zauh a,Ngainatawm deuh hian a nui zui a.
"Aa.. in manager hi biak lawk ka duh a."
"Ok.. he lamah min lo zui la." A kalna lam ah chuan kan zui a, showroom chhung chu a zau in a thianghlim em em a, car man to zet zet a inhung phui khup mai bawk.
Pindan pakhat ah min luhpui a, Mipa lian angreng lo țhu chuan min lo welcome zui vat a, min hruaitu kha a chhuak zui leh nghal daih bawk.
" Nizan hmasa lam a lo be tawh tu che kha ka ni a." Ka ti a, a meng zui awk a, ka bul a ka fapa țhu ve then chu a melh leh a.
"I lehkha pawimawh vel ka lo en ang." A ti nghut a, min hruaitu nen kha chuan in anglo tak an ni.
"Pawi ka ti lutuk, harsatna vang in ka rawn keng tel thei lo a, mahse he hna hi ka mamawh lutuk a.."
"Lehkha pawimawh tello chuan engmah ka tihsak thei lo che, Mi thiam tak tak lo ka ruai anih chuan ka hna hi ka chan phah thei tih min hriatsak ka ring!"
Tinge maw ka tan hian kawng engkim hi a ping vek mai le.
"Ka lehkha pawimawh ho chu ka theih ang a rang in ka pe ang che, mahse chumi hma chu hnathawh tur ka mamawh lutuk a."
"Madam , pawi ka ti lutuk, mahse lehkha pawimawh tello in mi tu tih hriat loh ka chhawr ngawt theilo."
"Min hriat kha, a hma pawh in ka lo biak tawh che kha.." ka ti a, ka harsatna hi hrethiam hram se ka duh tak zet!
"Sorry, hna rawn diltu dang nen ka hriat pawlh vek che u a, tunge i nih ka hriat loh ang bawk in call lama min rawn be tu hi chu an tam lutuk!"
Ka thaw hawk a! He hna hi ka mamawh tak zet asin!
Ka bul chair a ka fapa rilru thianghlim tak țhu ve at chu ka melh a, ka mit ah chiang zet hian min lo en ve kal a. Amah vang chauh tal pawh hian hna ka mamawh lutuk!
"Sir, khawngaih in.."
"Ka hna hi chan ka duh biklo, lehkha pawimawh tello chuan ka chhawr theilo che." A ti fuk a,
Dil lui engang mahila a rilru ka sawhsawn sak thei ngai dawn lo tih ka hre tawh.
Beidawng zet in Jayden chu ka kai a, a pindan chhung bik ațang chuan muangchang in kan pen chhuak a, ka fapa hi chhunah te a ril lo țam ta se engnge ka eitir ang!
"Jay.." hmai zangthal haw hian a rawn dak chho a, a va han duhawm chiang tak!
"Mamma leh Jay hi vanram ah kal daih ila i duh em?" Fiamthu titak deuh hian ka ti a, ka nun hi a beidawng em a tin ni!
"Mummy hi haw suh aw." Ka ti leh sep a. Nisa vûl hnuaiah chuan pan tur ber pawh hrelo hian ka hawi kual ruai a, kawngpui engemaw ber hi ka zawh a ngai dawn a, mahse ke pen a, zawh țan tur pawn khawi ber nge ka zawh ang tih ka hre chuang silo a.
"Miss Zo?" Showroom ațang manager kha a rawn tlanchhuak a, a hah hmel kher mai!
" Aa... hna i mamawh viau chuan kawhhmuh theih che ka nei." A rawn ti a, ka thaw vak a, ka hlim lutuk chu au chhuah vak mai ka duh tawh.
"Ka lawm lutuk.. Vawiin ațang ka thawk țan nghal thei em?"
"Thei e.. A.. Mahse i fapa.!"
"Ani chu buaina tur anilo, i hna sawi chu min hrilh hram la.." nui pah chuan ka ti a.
A'n thawchhuak hawk phawt a.
"Spa lampang ania."
"Oh?" Ka ti ro halh a.
"I landan ah hi chuan sum i mamawh tak tak a ang a, chuvang chuan ka hmelhriat pakhat ka biak sak che a, a bulah chuan kalla a țanpui thei ang che "
"Ka lawm lutuk, engtinnge an awmna ka zawn hmuh theih ang!" Ka lawm zia chu a hrethiam lo zawk ang, spa a ka thawh ka ring ngailo a chu tunah chuan duhthlang thei ka ni lo.
"Ka'n call leh ange, a hnathawk tu emaw in a rawn hruai thei ang che u, sum a tam a, i thawh duh dan a zirin darkar khat lek chhung in cheng sang fe ila lut nghal mai ang " khi deuh suk pah chuan a ti a, a kekawr ipte ațang phone a la chhuak zui zat a, ka țawng hriatthiam loh in an inbia a, a țawng pah chuan min rawn en zauh zauh zel a, Jayden chanchin pawh a sawi tel ve ani mai thei!
Minute 3 hnu velah chuan an inbe zo ta hram a, " Cafe ah sawn lo nghak ula, a rawn thlen veleh ka rawn kalpui ang. " a ti a. Kan piah deuh a cafe chu a kawk zauh a, mahse pawisa engmah ka neilo a, Jaydena'n eitur lo ngen palh ta si se.
"Aaa.. Hetah kan lo nghak mai ang.." ka ti a; chu pa chuan min en deuh vang vang a, chil a lem zui ta khawlh a!
"Pawisa i nei miah lo ami?" A rawn ti a, ka nui tawi tak mai!
"Pawi ti duh suh, i hnathawhna turah hian i fin thiam chuan sum a tam dawn lawm." Mit siai zauh pah in Jayden sam ah chuan a rawn khawih thuak a! He mihring hi rin tur a ni em tih pawh ka hrelo, mahse tunah rih chuan rinna aiin sum ka mamawh a, darkar reilote a liam leh chuan ka fapa hi a ril a rawn țam anga, chuta a thil eitur leina chu ka mamawh tak zet!
Kan bulah car a rawn ding dat a! Ka zam ru lutuk chu ka kut a thlan huh dap tawh.Vai palian pui, lukawlh mul si, a chal a thilsen in hnawih hi a rawn chhuak ta vut a, ka bula manager nen chuan an han in nuih kher a.
"Miss Zo-i maw?" A dul a kiar deuh luah a, a kutphah chum buang mai chu a kutphah lehlam nen a hmer kawp a, min en chik ngang bawk!
"Aw.."
"Hei i fapa a mi?"
"Aw."
"Naupang nen hnathawh kan phal ngailo a, mahse i hnathawh țhat dan a zirin i fapa pawh hi nitin i rawn hruai ve ka remti ang!" Vai aw phawi zet broken english deuh hian a rawn ti a.. Jayden ka kianga hruai ve zel min phalsak chu ka lawm hluah hluah!
"Aw le, ka theihtawp ka chhuah ang.."
"A țha e, Kan kal dawn mi?" Ka darah a kut a rawn nghat zawk a, mahse amah zawk pawhin hria ang in a awm lo a, a la sawn leh mai bawk a, manager nen chuan vai țawng bawk in an inbe leh rih a , an thusawi ka hrethiam lo a chu an nuih huah huah dan ah an hlim hle chu ani phawt ang!
" My friend get in the car." Jayden a ding zum reng chawh phur tum pah chuan a rawn ti zui lawng lawng a, ka nun a thleng thei ngai pawh a ka lo la dahloh chu a thleng mek zel chu ania. Car kawngkhar chu a rawn pawt hawng a, car chhung a seat dup nawm hmel zet chu ka melh a, cell phone ka nei lo a, ka id card ka kawllo bawk, tu tih hriat loh leh mihring ka vawikhat hmuhna lehnghal hi nunphung pangngai a ka din lai kha nise chuan ka zui ngailo ang!
Mahse tunah hi chuan ka fapa rilțam hunah eitur pek ka ngai dawn a, ka kut ah lah cheng khat lek pawh ka nei silo!
"Jay, lut ang le.." ka ti sep a, mahse kei ngei pawh chu engtinemaw tak hian ka tîm dâi a.
" Vawiin a i thawh țhat phawt chuan i tan ni ropui tak ani ngei ang... Darkar reilo te chhung in sum i siam țeuh thei dawn nia.!" Vaipa chuan a rawn ti leh a. Car chhung a lut tur chuan a ban phar zauh in min hrilh nawn leh a.
Chapter 25
By
Abbra Reo Ririni Khiangte(Pitartei)
He lamah phei chuan zing lam dar 3:21 sorry vek u, ka tlai a..
Ka hmun hriat ngailoh lam pan tur chuan Car chhungah chuan kan nufa chuan kan chuang ve ta ran a, Kha pa khan car a khalh a, front glass ațang chuan kan nufa chu min rawn melh leh zawk zel a, ka khup tha hi a sai dar dar reng vang chuan Jayden a kut chu nghet tak in ka hum sak vak bawk.
"In ril a ţam em?" Broken english zet hian a rawn ti a, lu ka thing nghauh a, nichin te kha chuan zing karah engmah ka eiloh vang in ka pum a ruak a, tunah erawh eng thil nge anih tih ka hriat siloh vang in ka kawchhûng lam hi a inlet but but a, a sa kual rúai reng bawk.
Chil lem dawk pahin pawnlam chu ka en a, building lianpui pui kan tlan pel a, Goa hi țum khat bak ka la kallo, ni sa vul maiin building lian pui pui darthlalang a in bel phui khup mai a chhun en sûar mai te chuan ka awm a ti nuam lo ringawt bawk, Mahse ka tana hlauhawm thei thil pakhatmah a ti miau lo a, huaisen turin ka infuih ru mawlh mawlh a.
Țullo zet in kawngkhar in lock thlap te chuan ka thawk lak a tirang vek.
"Mum, Apa bulah kan kal dawn mi?"
"Maw?" Rang zet hian ka ti hû a, Jayden chuan min lo en ve kiaû bawk!
"Aaaa.. Mamma hna thar turah kan kal dawn a, Jay, fel deuh a awm tur aw.."
"Apa bulah ka kal chak e.." a ti bai bâi a, ka khawngaih reuh kher mai! Mahse ani kha chuan thinrim takin hmeichhe dang alo enkawl kha a sualloh thu min sawi khum hrep a, an lo inpawh tawh bik lutuk leh an lo inhre chiang bik lutuk te, min vin phah nana a hmang te khan min ti na a, tunhma ațang tawh kha hmeichhia vanga min hauh changa ka nat țhin zia hrechiang tu ani a, mahse, min vin hrep tho!
Car a din tak dat ah chuan zawite in thawk ka la a, kan hma ah chuan building lian tham ve fe mai, a hma lam darthlalang chhah țha mi vek a thuam hi alo ding khup a; lut chhuak an awm reng tih hriat zet in a chhûnglam ah chuan mi an awm nual bawk.
"Hemi hmun hi a nia." Nui suk chungin a rawn hawi let a, a chalah thilsen kai vang chuan vai puithiam te hi a ang lek lek in ka hria.
"Chhuak ru le." Pangngai tak chuan a rawn ti a, kei lehkha pawimawh pawh keng hlei lo min chhawr ngawt duh chu mak ka ti leh hnuhnawh a, chhawr mai pawh nilo in ka awmna hmun ațang min la rawn hruai vang vang peih bawk a!
Ka ngaihtuah buai chiam chiam chuan ka hna hmuhchhun hi thawh chakna ka neilo thei mai dawn a ka inhriat vang in kawngkhar chu ka nem hawng a, car chhûng ac dai raih ațang ni sa vul in kawngpui a em sat țha zet leh boruak lum hulh mai a ka kal chhuak chiah chu ka luak a chhuak hlui thei! Ka pum ruah lutuk vang ani pakhat ang!
"Jay.." Zawite in ka au sep a, a banrekah ka vuan a, car hung țha zo chiah kan lam pana palianpui lo kal mek chu ka melh zawk bawk.
"Fel tur aw, Mamma khan hna a thawh angai a, inchhung kan luh tawh hnuah mahniin pawnah lo va chhuah loh tur aw." Ka ti leh sep a, a bu ve nghat a, ka buai laklawh laiin a lo va kal chhuak ang tih ka hlau hluah hluah, he khawpui tumah ka hriat loh na ah leh phone takngial pawh ka neihlohna hmun ah hian ka hlauh ka hlau a, chuvanga kal chhuak lo tura hrilh thlap chu ka ni!
Mipa chuan min rawn kalpel in darthlalang kawngkhar chu a pawt hawng a, ka va zam tehreng em!
A lu thle zauh in lut turin min hrilh a, a chhungah chuan sap mipa leh hmeichhia te pawh an lo awm ve tho a, Jayden kai chunga kan pen luh ruala darthlalang kawngkhar inkhar thawm siam vang chuan ka kawchhung lam hi a che dawt mai!
"Tunge?" Hmeichhe hmai hnawih nasa zet chuan a rawn ti hlar a! A hmel chu ka ngainat zawng ani lo tawp, chumai bakah a hmai a hnawih nasa in a mitmu a lian kiaû a, a eyebrow a ziah tak belh kuaû mai bawk si!
" Kan hnathawktu thar tur anih hi, agent in min rawn bia a, ka va hruai.." Min hruaitu mipa in a tih rual chuan hmeichhe chuan chik zet hian min rawn en a, vai movie a lam ţhin, in hnawih nasa thei deuh hi ka tehkhin ta ber!
"A thawk thei meuh ang maw?" A ti leh kher a; mahse mipa zawk chuan Hindi pangngai ni silo hian a chhang a, a thil sawi awmzia ka hrethiam ve tawh lo. An inbiak chhung zawng chuan hmeichhia chuan min rawn melh leh zawk țhin a!
" Engkim ti tura ka hrilh che i tih hreh dawn chuan i rawn thawk thei lo ang!" Min panhnai pah chuan a rawn ti a.
"Pawisa i mamawh tih ka pasal hian a sawi a, mahse pawisa i mamawh vang ngawtin ka chhawr thei lo che a, engkim ka thupek i zawm vek angai tel, chu thil chu i ti thei lo anih chuan i kal lehnghal thei ang!" A ti zung zung a, ka thluak ah hian kal chhuak mai tura a min hrilh tu a rawn awm a.
"Ka ti thei ang.." a mitmeng a len tawh sa tehreng nen, a rawn meng kual kâwk a!
"I chiang em?"
"Aw..."
"Helai mipa naupang hi?"
"Ka fapa.. Ka fapa Jayden anih hi, ani hi chuan min tibuai lo ang, hna ka mamawh a.. chuan.." sawi zo lo in thawk ka'n la halh a. "Pawisa ka mamawh bawk.." ka ti hlah a. Hmeichhia chu a nui zui ta sak a, a mitmu lian leh a hnawih ran nasat zet mai chu chet kual râlh in thawk a la a. Sari vel a kaih hnuang lo a, pawnfen sen var mai chhing lam lek lek a feng a, tank top var a ha a, rangkachak leh tlereuh dang a inbel khat chûaih bawk!
"Thawk tur a ka tih che thawh hreh i neih loh chuan sum lamah chuan lungngai suh.." mipa lamah chuan a'n thle leh bâk a, Hindi ni silo vai țawng ni tho bawk si khan thil a sawi leh a. Mipa chuan a phone phawrh in room dang a pan ta nghal a.
"Oh, My boy hetah lo kal rawh i infiampui tur ka nei ania." Rawn kun hniam in Jayden sam ah chuan a rawn chul thuak a.
"Aa.. English a la hrethiam ve vak lo a.."
"Ok.. A pawi lo, He lamah rawn hruai rawh.." a ti leh a, pheikhawk sang aŕ mai a bun a, customer pawh an ngah tawk hle ani khawp ang, hnathawk tu dang pawh an awm nual mai!
Chu nu chu kan zui a, pawnlam ațanga a lan ang ngawt ani hauh lo, inchung lam chu rawng uk kharh mai an hmang a, chuan pindan hrang hrang a tam in a reh ruih reng bawk!
" Rose tiin min ko mai dawn nia, rawn hruaitu che u kha ka pasal ania, boss tiin i ko dawn nia." Kawngkhar pakhat a pawt hawng a. "Chenna hmun tur i neilo tih a sawi a, hetah hian i cheng rih dawn nia.."
Ka meng kawk mai! Chenna tur leh zel min pek ka beisei phalo!
"Ka lawm e.."
"Lawmthu sawi a ngailo, pawisa mamawh tak tak tu te leh thawh hreh neilo te hi țanpui nuam ka ti a, chu tih rualin ka thuawih se ka duh bawk." Nui sak pah in a chhunglam ah chuan a lut a.
"Spa ah ka awm tawh, min rawn hruai rawh, ka lo nghak che.." Room pakhat kawngkhar rawn in hawng ațanga rawn pen chhuak chuan Mizo țawng a rawn hmang ta mai! Ka hawi dawrh a, mahse hall lam pan khan a kal zui daih a.
"Ka ngai tawh che..." a tih ri leh a ke pen ri hla tial tial chu ka en zui reng a! Ka Mizopui aw ringawt pawn thlamuanna min pe tawh mai chu ania...
A chhunga kan nufa a kan luh ve chuan Rose chuan chik zet hian min lo en a, ka hawikual thuak a, a zau hran lo a, in chhungah fan a inkhai a, khum zau vaklo leh hlui lam tawh a lo awm a, chuan plastic chair dawr-a an hman hlui tih hriat zet pathum a lo awm tel bawk a. Kan nufa lek chenna atan chuan a tawk lutuk!
"Tah hian i fapa chu a lo awm thei mai ang.. " a rawn ti a, Jayden chu ka en vat a, a lo hawi kual ve rûai mai.
"Aa.. "
"Hna i țan nghal angai dawn, experience i nei bawk silo a, i zir țan nghal a ngai alawm.." a rawn ti a, a sawi dik. Mahse ka fapa he room a kalsan ngawt chu ka ngaingam chiah bawk silo a.
"Jay, hetah hian lo awm i hreh em?"
Min en kiau a; hei ai țha zawk hna ka mamawh zia ka hre thar kuar kuar bawk.
"A duh chuan tv a lo en thei reng ania." Ti ram hmarh pah in tv hlui tawh lam in hunna chu a pan a, ka thawveng huai mai! Tv en pahin khumah hian a lo mu thei a lawm.
Jayden chu khum ah ka hlang kai a, ka hnuk a ulh țun mai, harsatna pakhatmah hrelo in a hun a lo hmang tawh a, hna vang in vawikhat te mah ka la kalsan chhin ngailo; mahse kan pahnih nun khawchhuahna tur atan ka kalsan angai dawn a, he pindan chhung ah hian amah te in hun a lo hman angai ţhin tawh dawn bawk ang.
Cartoon channel a hmet chhuak a, Jayden chuan ngawi ran hian tv lam chu a melh a, min ngen buai a tum miah lo chu a lawmawm rualin min ngen thei dinhmunah ka siam tlat lo a, a fing ka tih tawh kha, thil hi a lo hrethiam ve zung zung zel a; Kun hniam in a chhip ah chuan ka'n fawh sak vang vang a!
" Fel deuhin lo awm rawh aw, ka lo let leh vat ang " ka ti sep a, a bu ve nghat a. Ka chhel a ngai zual ve sauh bawk dawn tih ka hriat belh zat bawk.
"Hei nangmah zirtirtu tur che.. " Room kan chhuahsan rual in hmeichhe pakhat chu min in hmelhriattir vat a. Spa a thawk ani bawk a, makeup a hmang ve viau tho mai!
"Lo in zirtir rawh u.." Rose chuan chiang zet in min zirtirtunu tur chu a'n melh leh a. "A man thiam vat a ngai ania.." a tih zawm leh zat a, hmeichhia chuan a thu a zawm hmel kher mai, bu nghat pahin a nuih a.
Rose a kalsawn hnu chuan thawk ka'n la ham ham phawt a.
" Helam ah aw.." Hmeichhia chuan nui sang chung in ban a phar zauh a, kan luh tirh a hall lamah bawk khan kan let phei a, Jaydena awmna room lam chu ka va hawi let leh țawk țawk a, a chung ah eng em a thleng lo ang chu maw?
" Hei i uniform tur." Counter hnuai ațang sarang a fun hi a rawn la chhuak a.
Ka ban vat a; chumi rual chuan hmeichhe pakhat hian min rawn kalpel a, țullo zet hian ka en zui a, a hmel hmu lo mahila room ațang rawn chhuak Mizo nu kha aniin ka hria, kawngkhar ah a kal chhuak a.
"He mi room lam ah hian aw." Min zirtirtunu tur khan a rawn ti a, hawi let in ka nuih sak a. Mizo nu bawk kha ka va en leh kher a; darthlalang bang chhan ațang ka mihring hmuh vang chuan ka meng nghal kâwk a! Ka sarang fun ken lai chu nghet zet in ka hmer bet a!
Zothana!
Hmeichhia chuan ban a phar va a, chuan Zothana car ngheng a lo ding rûn mai chu a va kuah a! Ka.. Ka nghilh dup mai! Hmeichhia lah chuan ti țhang tih hriat zet hian Zothana kuah chung chuan a taksa chu a'n sawi tel pah a, ka bing mup mup a, ka khawhmuh a phe ruai mai bawk! Hmeichhia zawk in la hrang a hmel ka hmuh theih a a rawn inher ve chiah chu silai mu a kah pawp ang mai hian ka nâ a! Ka tlawm nawn a! Ka â vek bawk!
Zothana'n car kawngkhar chu a hawn sak a, Shirt hring dal a ha a, Cotton kekawr dum hlap a ha bawk, Nunhlimi chu a țhu lut ta tharh a, za lo zet hian ka nui chhuak ta hak thung! An ni kha chuan min rawn hmu ve kher lo ang.. Mahse ka nat ngawih ngawihna tur erawh ka hmu chiang viau e!.
Zothana chu car ah a luh ve hma in a hawi kual thuak a, a hmel landan tak ngul leh ka thlakhlelh ngawih ngawih ţhin a taksa pawh a la pangngai vek.. mahse ka thil hmuh hian min ti na hluah hluah, spa chhung lampang a rawn hawi dawn rual chuan rang lutukin ka inher vat a, ka taksa hi a sa țek zawk thei!
Goa rawn kal ve a duh tlatna chhan te khan kan nufa min ngaihtuah vang tiin a sawi a. Huh! Dawhheh lutuk, Nunhlimi a lo awm ve reng vang zawk ani tih a chiang tawh khawp kha! Ka thil ngaihtuah vang chuan ka nâ zual sauh mai! Engtia rei nge min bum a tum; kei chiah min ngaihsak angin a awm a. Mahse kha hmeichhia kha a tel ve zel thung a! Tunah te hian hotel ah kan nufa khan lo la awm ve ta ila; Nunhlimi hruai tura a chhuah dawn khan eng chhuanlam nge ka bulah a sawi ang!
Ka taksa chhûng chu a tawt țun a, ka chau hlauh hlauh bawk!
"Excuse me!" Min zirtirtu tur khan a rawn ti lang lang a, chil ka lem dâwk a, thawk ka lak zawng te chuan ka khur chhuak dar dár a, Kha hmeichhia in nalh duh vang in spa a pan a, a haw leh lam lehzel pawh a hruai a ngai tawh a. Tak zet chuan! Ka tan engmah an ni tawh lo.. an duh duh danin awm rawh se, kum 5 hmalam daih tawha lo inenkawl tawh an nih kha.. ani a enkawl kha a sualloh thu min hrilh nek tawh bawk kha..
Ka pensawn dawn a, ka kaihza tha khur nasat lutuk vang chuan ka'n tawp leh dát a! Mahse ka fapa vang tal pawn ka chak tur ani!
Thawk ka'n la leh vang vang a , Nunhlimi'n nel tawk tawh tih hriat zet mai a kuah thak lai kha ka mitthla ah hian chiang zet in a lang zui ta reng a! Ka taksa chhung nat dan chu sawifiah ngaihna a awm miah lo bawk!
Ka thil zirlai ah pawh rilru ka pe hleithei lo, achang in ipik lutuk in ka thawchhuak leh hak zel a, Zothana ber kher in min bum ţhin hi ka tuar thiam lo ani ber! Hman ațang tawh a ka hmeichhe thik ngawih ngawih leh chu hmeichhia in min lakhran sak a tum ruk ran mipa hmuh dun a, chak tak a la awm thei hmeichhia chu, mi chak tawpkhawk a ni hial ang! A nat dan a dang a, tun hma thil a ngaihtuah let loh theih loh a, zing lama Nunhlimi a lo buaipui a sual viau loh thu sawi a min vin ta hrep pawh khan min ti na tawk tawh viau asin! An inkuah lai ka hmu a, Nunhlimi room ațang rawn chhuak in a biak kha a ni leh zel bawk a, a ngaih tawh thu te anih kha a sawi tel!
" Miss Zo?"
"Aaa.. Ka tihpalh.." ka ti sep a, mitmeng dur khai mai hian min lo melh a, "I rilru pe rawh." A ti ram leh hmarh bawk.
Rilru pangngai put tum in thawk ka'n la vang vang a, mahse Zothana leh Nunhlimi awm zui dan tur ka ngaihtuah tel tlatna chuan rilru fim min puttir thei der lo! Kan nufa kal chhuak ta daih kha a ven phah hawk ang a, ani nen khan hun thawl nuam tak an nei thei bawk ang chu!
Chawhnu dar 2 rik dawn ah ka zo a, rang lutuk in Jayden- a mutna room lam pan chuan ka tlan nghal rawk rawk a, kawngkhar dimte in ka nem hawng a, khum a ka fapa lo muhil ngat mai ka hmuh rual chuan ka thaw huai thei!
Kawngkhar chu nemphui lehin ka pan hnai a, tv ah chuan oggy hi a lo la chhuak reng a, ka off a, Jayden lo muhil ve ngat mai chu ka panhnai a, a biang ah dimte in ka hmuiin ka nawr a, A nunkawng bumboh țan dan tur lah ala hrethiam ve der mai bawk silo, ka thawh loh ruala nghei mai thei kan ni tlat tawh a, keichu rethei deuh pawn ka awm thei mai dawn a, ka țhanlen chhoh dan ani miau bawk, mahse ka fapa, retheihna dinhmun vawikhat pawh la tuar ngailo tu hi engtinnge ka enkawl chhoh ang, a zirna tur te engtinnge ka ngaihtuah sak anga, a thil awh zawng te ka leisak zung zung theih ang!
A lu lam khum ah chuan ka țhu hniam thla ve a, a lu chu amah tih harh hlau zet in ka chawikang a, ka malchungah ka nghat a, a thaw ri ve sek sek chu ka ngaithla ran a, Mamma chiah hi a neih awmchhun ani tih a la hrethiam pha ve lo a, Mamma pawn amah chiah hi a nei a, amah venghim thei tu awmchhun pawh Mamma chiah hi a ni tawh bawk.
Pindan kawngkhar rawn in hawng ri rak ah chuan ka hawi chhuak nghal dawrh a, Rose pasal kha a rawn lut anih chu!
Lo lawm lo ngawt thei ka ni der mai silo, mahse kan nufa awmna tur room ah duh duh a a luh chhuah chu ka rem ti hauh lo ang!
"A muhil a mi?" A rawn ti a. A thuamhnaw hak a thlak tawh a, kurta fual hnulh a hak chhan a a dulkiar luah mai chu a langsar nangiang bawk.
"Aw.."
"Lunch i ei tawh em?"
"Aih..."
"Va ei rawh, chuan i hna tur a awm bawk." Room chhung hawi kual thuak pah chuan a ti a.
"Ka fapa hi.."
"Miss Zo, hnathawk lai i ni tih in theihnghilh suh." Ti fuk pah hian min rawn melh a. A sawi dik ! Ka dinhmun ah phei hi chuan midang aia thawkrim tur bik ka ni leh zel bawk.
"Ka rawn chhuak ang." Ka ti a, he dawra hnathawk dangte hak ang kawrfual navy blue khup khuh țawk mai, taksa phuar zet ka ha a,
"Ka nupui khan min koh dan tur a hrilh tawh che in ka hria." Kut ka hum ruh ta nghek mai!
"Ka rawn chhuak ang,.. Boss."
"I Boss ka ni, hrereng ang che." A kal chhuah hma chuan a rawn ti leh hram a. A kal chhuak chiah chu ka thawchhuak ve hawk a! Min hnuaichhiah dawn tak zet!
Jayden chu ala mu tui tho a, ka kalsan leh ngei ngei angai bawk. Khum lu a lukham lo awm chu a taksa bulah chuan ka dahhnai a, midang va pawh ve tur chuan room ațang chuan ka kal chhuak a, kawngkhar lock mai ka tum chu ka meng nghal kâwk mai!
Lock a awm lo, ka tih awmzia chu lock na pangngai tak tak a awm lo, handle invuah chu herh in a inkhar nghet thei mai a, mahse lock dawn tak tak in a theih loh.
Khum a Jayden la mu ngat mai chu ka en leh zawk a, he pindan ah hian kan nufa hian kan him meuh a ngem!
Mahse zanah te chuan dawr hi an khar anga, midang an rawn luh em chu ka ring lo a, mahse hnamdang karah lehnghal pindan kawngkhar kalhphui loh chung a mut ngawt chu a him zo a ngem! Engpawh nise sum tlem te tal ka thawk chhuak phawt a nga, he ta ka riah luh a ngaih loh vat ka beisei!
Chaw chhun pawh tlem te tak tak chiah ka ei a, nichin a ka zir kha tih tham a nilo a, mahse Rose pasal in a sawi dan chuan customer ka nei nghal der mai bawk si.
"Ka zirtir ang che khan tila engmah harsa a awm lo, i customer in ti tur a hrilh ang che kha țha takin ti la, massage tak tak pawh a ngai lo mai thei, thu i zawm țhat chuan pawisa i hmu hnem dawn a, i tan vek anih chu!" Min zirtirtu nu khan a ti zat zat a, massage room bik lam pan chuan min hruai pah zel a.
Pawn lam ațanga a landan ang aiin a zau a, a reh raih a, music play ri pawh mit chhin vang vang a ngaihthlak chian a hriat theih tawk lek ani bawk.
Kawngkhar pakhat zawnah a din dat rual chuan thawk ka la hawk a! Min rawn en ve chiah bawk.
"Fapa i nei tawh kha, zam lutuk suh, pasal nei tawh tan phei chuan thil harsa a ni lo." A rawn ti a, ka bo deuh hû mai!
"Lut rawh le.." a ti sep a.
"Ka customer tur hi mipa nge anih hmeichhia tih ka hre thei angem?"
"Mipa,nang chuan mipa i chang dawn." A nui sak a." Ka zirtir ho che kha chu he ta mipa rawn kal ho hian an mamawh tak tak lo a, aaa... i țan a nga, i hrethiam mai ang." Kawngkhar nem hawn pah chuan a ti a, pindan chhung chu pawnlam ang lo tak in a lang eng sar a, enkawl uluk tih hriat zet in a fai sar mai, kawngkhar ațang a lang kim thei lo chiah ah khum a in hung a, ka pen lut a, khum chung a mipa lo bawkkhup ka hmuh rual chuan ka zam lutuk leh ka hreh lutuk chu ka tawt tup tup a!
Kawngkhar a khar phui tur chu a ban ah ka vuan ta chawt a! Khum a bawk mek mipa sawn thuamhnaw a inbel reng reng lo!
"Ka ti thei lo ang..." ka tih rual chuan a kut chal chu a hmui ah a nawr si vat a. Bengchhen a duh lo tih a lang reng.
"I fapa ngaihtuah rawh.."
"Mahse.."
"Pasal nei tawh i nih kha, bul i țan dawn chuan harsa mahse reilote ah pangngai takin i awm mai ang." A rawn ti sar sar a, ka thawk lak a sak kher mai!
" Hei hi i tan pawisa thawhchhuah dan awlsam ber anih hi.. i taksa i hlan dawn pawh anilo.." a rawn ti leh a, spa a thawh hi a him lo an tih chu ka hre tawh țhin a, spa a thawk tur ang a phai a an hruaithlakte chhanchhuah lah an awm nawk zel bawk! Tuna ka hna hi a himlo kher em tih chu ka chiang ngam rih lo, mahse mipa taksa khawihsak chu ka duh lo!
"Duhthlang thei i nih loh kha.. " a rawn ti leh a, a kut ka vawnna chu a rawn phelh a. "A harsa zawng in ngai mahta che.. i fapa kha ngaihtuah tel tlat rawh." A rawn tih leh takah chuan hreh chung chung in ka tih angai tih ka hria a, "Jayden kha min lo va ensak lawk rawh aw.."
"Aw le.." nui sak chung in kawngkhar chu a rawn khar phui a! Kawngkhar hmachhawn zawng chuan ka la ding reng a, mit ka chhing a, ka rilru in ka țawngțai ru mawlh mawlh a, Ka mit chhin rual chuan Zothana hmel chiang lutukin ka hmu a! Ni e.. Ani hi ka mangan chang apiang in kawlphe ang a chakin ka ngaihtuahna ah a rawn lut ţhin.. Mahse ani chu Nunhlimi nen hun nuam tak an hmang ngei ang! Ka ngaihtuahna vang chuan ka thawchhuak leh hak a! Ka tan leh ka fapa tan ka ti thei em em ang!
Khum lam pan chuan ka pen phei a, Vai a nilo tih hriat zet in a vun a var fai sar a, a secret part lai tak tak chiah towel varin a inkhuh bawk.
" I rei hle mai!"
"Ka tihpalh, aaa.. Ka.. ka țan nghal mai dawn mi?"
"That's upto you!" A rawn ti fuk a, a aw phawi ah chuan British lam mi chawlh hmanga Goa rawn pan anih ka ring ve tawp.
A taksa a hnawih tur oil chu ka kut ah ka bun chhuak a! A taksa ka khawih hreh lutuk te chu ka kuttha a rawn khur chhuak dar dar a! Ka hreh vang ngawt in ka tilo thei der mai bawk silo...
Hriatna thazam ti danglam tawk lek a oil sa deuh veng veng mai chu a taksa ah chuan ka chulh kual a, keimah zawk hi ka tîm lutuk hi ka ip chawih chawih thei! A hnungzang a thazam kal chho lai ka hmeh chhoh lai chuan amah zawk chu a rawn thawchhuak ta ham ham a! Tlanchhuah vang vang mai hi ka duh a, ka țah te hi a rawn chhuak țun thei mai!
Ka meng siar siar a; pawnlam ațang eng rawn lut chuan bang lehlam chu a rawn chhun a, chhuat a eng tel raih bawk a, Jayden ka kuah behna ka phelh rual chuan ka hnunglam hi a rawn za zawk a, bang lam hawi ka nih vang in rang lutuk in ka in her vat a, kan nufa mutna pindan kawngkhar ri zui dawp mai ka hriat rual chuan ka phu dawrh thei!
Khum ah chuan ka țhu chhuak záwk a, ka hawi kual thuak a, khum bul a table lamp chu ka hmet eng zui nghal zat a! Ka thawk a rang in ka thin zawn hi a ri nghal dup dup bawk.
He spa ah hian ni thum chhung ka thawk ve tawh a, beisei loh tawp in ka tluang ve phian bawk, mahse tuna thil thleng vang khan ka himlo nia ka hriatna reh deuh tawh kha a rawn zual a.
Khum ațang ka tho chhuak a, ka chappal chu ka inthawlh sawk sawk a, kawngkhar lam chu ka pan a! Ka ngaihbel vang nge pawh ka hrelo, Rose pasal perfume hman ţhin rim chu kawngkhar bul velah chuan ka hre ta tlat a!
Nichin khan a thim lutuk a, ka harh chiang bawk silo nen engmah ka hmu chiang der bawk silo.
Kawngkhar handle chu ka herh a, ka pawt hawng a, dawr chhung lam chu rapawm khawp in a thim a, a reh duk mai bawk!
Ka thinphu ri dawt dawt leh inchunga fan inkhai vir ri mûai mûai bak thawm dang a awm lo a.
Thawk la hawk chung in kawngkhar chu ka kharphui a, lock chhiat thu hi ka sawi tawh a, mahse Rose'in khami ni khan min hauh phah nek thung! Kan nufa chiah in he dawr chhungah hian kan riak a, hlauthawn a ngaih loh thu min hrilh hrep bawk.
Khum lamah bawk ka let leh a, khum lu ah lukham dahthuah in ka țhu awñ ta reng a, a tir a ka hreh ang aiin tunah hi chuan ka hna pawh harsa ka ti lutuk tawh lo, ka customer ten min force lo bawk a, a him chin chiah ah kan tawp ţhin!
Mit ka chhing vang vang a, Rose pasal hian ka hnathawk che vel hi min lo thlir vung vung a ching țhin a, ka ngaihbel mai mai ani em tih ka hrelo, mahse mit la sawn miah lo a min lo en vung vung tawh hi chuan Zico kha ka ngaihtuah chhuak tlat zel a, nuam ka tilo a, ka boss te an ni a, ka sawisel ngawt thiang ngai bawk silo a.
Zanina thil thleng nen phei kha chuan a hma zawng aia ka fimkhur zual a ngai tawh ang.
"Jay, tv hi lo en leh la, tah hian chips leh juice ka dah aw.." kan form ka inthawlh mawlh mawlh a, a nur nang a chu engmah a sawisel zawm ta lo a.
Tv ka on sak a.
"Mum, Apa kha long time ka hmu tawh lo.." a channel en duh ka zawn kual lai chu ka tawp zui ta chawt a.
"Apa khan min ngai tawh ngawt ang.." a ti leh reuh a, ka inher a, khum ah a țhu ve ran a, tv pawh en lo in tukverh a coconut kung rawn ding chho vuah lam chu alo en ve daih a.
"Apa chu a buai alawm.." ka ti sep a, Mizoram ah Nunhlimi nen khan an let daih tawh hial ang! Ka hmuh hnuhnun ber ni te lah kha..!
" Apa bulah kan kal thei lo mi?" Rawn hawi let vat chung hian min rawn melh ve ta ran mai!
"Thei lo.."
"Mamma chu.." țah tum in a meng leh ta nui a, "Apa ka ngai tawh alawm.." zawi si, lainatawm deuh te hian a rawn ti leh tung a.
"Jay, apa chu a buai ka tih tawh kha, apa sawi ziah tawh loh tur.."
"Mamma chu i sual e.." min ti anih chu!
"Apa pawn hla deuh ah kal loh tur a ti a, mahse Jayden kha hla deuh ah min hruai daih a, apa bulah ka awm duh alawm.." khum ah a ke pahnih leng chung chuan a rawn ti ve ta tan tan a! Ka thinrim lo a, ka nâ thung!
Vawikhat pawh Zico chanchin a sawi ngailo a, Zothana zawk hi a nun a bet tel tlat ah angai hmiah a, chuan.. Zanah a țawngvaih pawh 'apa' tih hi a rawn sawi ţhin.
Chhan na pek tur ka neih miau loh vang in CN channel ka hmet chhuak a, khum lam ah chuan let in a sam ka tuai sak zauh a, min en duh lo ve tlat bawk.
"Jay, Mamma leh Jay chiah hi an nih a ngai alawm, Apa chu a buai a, Jay leh Mamma ta ani lo a, khitah Api Liani bulah khan a haw tawh bawk a, chuvang chuan a chanchin sawi tawh lo ang aw.."
" Nangman hla deuh ah min hruai anih kha.." rum deuh hian min rawn melh ve a, ka nui chhuak ta hak a! Chutia ka nuih rual chuan ni thum chhunga ka nuih na hmasa ber tih ka hre chhuak bawk.
"Ka naute chuan Mamma melh rum dan te a thiam tawh ani maw?" A sam ka chul leh chu a duh lo ve a ni ngei ang, ka kut a lo pawt thla ve vat a.
"Jay, ka kal angai tawh a, tv hi lo en la, Mamma khan free time a neih veleh tuipui kam ah kan kal dawn nia aw..."
Min chhang duh miah lo!
Hna kan țan tawh dawn vang in ka kal chhuahsan ta tho a.
Customer kan neih tam tak tak hma chu Rose ang thawm a awm reng a, sawisel tur a hria in a neitu ani tih lantir reng hi a tum a ni tawp mai!
"Zo, Boss in a ko che." Hnathawk pakhat in a rawn ti a. Rose chuan min rawn en nghal ta kâl a! A mitmeng a lian bawk si. A hlauhawm tak zet!
"Engvang in nge a koh a?" Vin hlarin min rawn au tu nu chu a melh leh a. Kal mai tur ani em pawh ka hrethiam lo!
"Ka hrelo.."
"Va kal rawh." Vin hlak a rawn tiin darthlalang hma ah a ding zawm zat a, a sam hraw pui pui a kir chu a chul zui thuak thuak a.
Min rawn ko tu chuan private room lam min kawh hmuh a.
Ka pensawn hma chuan thawk ka la zui ham ham a, nizan thil thleng vang ngawt pawh khan hmuh tam loh hram hram ka duh.
"Hei kan customer hlun a nia, vawiin chu nangman i enkawl ang." Pindan chhung ka luh rual chuan alo ti vat a! Sofa a sap pahrawl zet lo țhu ve run chu ka melh zawk a, ka taksa ațang a mit a la sawn miah lo.
"Aw le.."
A rum nghut a.
"Boss.." ka ti leh sep a. Boss ti a koh hi ka hreh tlat vang hian ka lo sawi tello leh ţhin.
" Sir, ani hian a enkawl țha ang che tih ka tiam e.." Sap pa melh pah chuan a ti a. Ka hma lamah kut ka suih zawm a, nghet zet hian ka kut chu ka hmer kawp a!
"I thusawi ah chuan i chiang a ngem?"
"Tehreng mai, fapa a nei a, a fapa enkawlnan sum a mamawh a lawm." Min rawn en kher pah chuan kan Boss chuan a chhang a, ka sa ve zak a chu a sawi dik miau tlat!
"A țha alawm,.." sap pa chuan a ti sup a, ka awmbawr ațang ka taksa hnuailam a melh thla dan dan a. "Sum chu i mamawh zah zah ka pe ang che..Miss?"
"Zo." Kan Boss in rang zet in a lo chhang a.
"Miss Zo.. Tunah kan țan nghal mai dawn mi niang.." sap pa vek chuan a rawn ti leh sup a. Ka tiril a khur dar dar mai.
Kan Boss chu a tho chhuak țuah țuah a, sap pa en chung chuan mit a siai zui zauh a, min rawn kalpel tur chu nui suk pahin ka dar ah a rawn hmer zui leh a!
" Țha deuhin a thu zawm ang che.." ti leh kher pah chuan a kal chhuak a, kawngkhar chu a rawn pawt phui a, ka hma a sap pa țhu run chuan min nuih zui suk bawk.
Dawhkan a glass no chu a ban a, karei leh! A tir khan zu a in tih ka hre lo reng reng, ka luh tirh khan ka hmu miah lo bawk!
Whiskey no a awm zawng chu a tlak pap a. Dawhkan a no a nghah thlak leh rual te chuan ka taksa chhunglam hi a lo che zawk a!
"Kan hna tur chu țan tawh ila.." a shirt hak lai chu țhu reng chung chuan a hlip a, ka hawi kual hrek hrek a, kawngkhar lam chu ka melh leh zawk a.
" Chawhnu lam ah meeting ka nei ania.." a kawr phelh tawh chu a bul sofa zawk ah a theh kai nawlh a.
"Aaa.. Hmanrua vel ka va la nge.." ka ti a, min chhan let hma in kawngkhar lam chu ka pan sawk sawk a, Boss khan a lock loh hram ka beisei!
Ka vanneihna a kal tluan vang nge a lo in lock lo hlauh a, rang lutuk in ka pawt hawng a, pawn ka chhuah rual chuan ka thaw zui kawk kawk a, ka hna pangngai ang mai mai nilo min khawih tel tir a tum tlat a ka hriatna chuan ka awm a ti nuam theilo.
Hmanrua chu inchhungah khan a awm kim vek a, mahse khatia ka tih ngawt loh chuan buaina lian zawkah ka inbarh luh ka hlau tak zet!
Hall lam pan chuan ka pen hlawk hlawk a, Boss leh Rose in min lo hmuh chuan an țhutna ațang an lo ding vat a, Rose phei chu a lawmloh hmel tak zet!
"Ka ti thei lo ang.."
"Engvang in?" A rawn ti tuar a, customer awm loh lai ani chu ka lawm tak zet!
"Ka thei lo a ni tawp."
"Oh.. i duh duh sawi thei ah i inngai ami a?" A rawn ti zui hlak a, lu ka thing zauh a.
"Va lut leh nghal rawh." A rawn ti a.
"Ka thei lo.. a dang min tih tir mai rawh.."
"Tunge i nih tih leh tunge ka nih tih i hrelo ami? I hna thawk tura ka hrilh che chu sawisello in zawm mai rawh." A rawn ti a. Chu tih mek lai chuan ka mitsirin kawngkhar rawn inhawng zau chu ka hmu a!
"Va lut vat rawh, mahni dinhmun pawh hrelo.." Rose vek chuan a ti leh sep a. Chutah customer rawn lut te chu zangkhai zet hian a welcome zawm ta zat a. Ka ngaihtuahna a buai tak zet.
"Min rawn zui rawh.." hnuailam bih a ka ding reng chu Boss chuan ka banrek ah a rawn hmer ta chawt a, rang lutuk in a kut ka thing thla nghal nawlh a, Kawngkhar bul mai ațanga mipa min lo en reng tu ka hmuh rual chuan ka pen hnung ta dat a! Ka lungphu hi a rang nghal dawt dawt bawk.
" I hna ah let rawh ka tih chu!" Rose zawk chuan vin hlar hian a rawn ti leh țhat a! Ka din mekna chhuat hi rawn chim in min dawlh bo daih thei se ka duh dan chu pui tak ani.
Nunhlimi'n Zothana ban ah a kuah țai a, Zothana chuan min melh ngur a, a bula ding hmeichhia erawh in min nuihsawh hmel zet in min en thung!
Khawvel ah hian ka lungphu ri dup dup thawm chiah mai hi a awm tawh in ka hria a, ka thawk lak a sak vek bawk.
"A pawi ka ti lutuk, kan hnathawk tu thar hian nungchang mawi a hrelo deuh hlek a, lo kal ru, i treatment ngai tho kha mi?" Rose chuan zah hmel zet in Nunhlimi chu a be zui ta sawk sawk a! Nunhlimi hmel a min nuihsawhna lang chhuak chu mi â ber pawh in an hmu thiam ang.
"A pawilo, Zirtirna pe țha deuh la, a danglam thuai mai ang.." Nunhlimi chuan a ti let a, ka dinhmun chu min hmusit in ka chanchin sawi vel chu nuam a ti hluah hluah tih lah a aw ri zang vah leh min deuhsawh zet ah chuan a lang chiang ngang mai.
"Ni e, zirna sang tak tak nei hnathawk turin kan hmu zo lo tih chu i hriat kha." Nunhlimi chhang let pah chuan a ti a. "Nang kha engnge i la tih reng, i hna thawk tur a ka tih che kha va ti vat rawh.." ka lam rawn hawi leh pah chuan a rawn ti leh chiam a,
Zawite in thawk ka la a, Zothana ding ngawi ngul mai pawh chuan min hmusit hlauh hluah in ka hria.
Kan Boss zawk in ka ban bulah a rawn hmer ta chawt a, private room lam pan chuan min kai phei ta dawr dawr a! Țang tur pawh ka awm lo, an ni hma a zak tak a awm reng ngailo a min kai hrang ta dawr dawr chu a lawmawm zawk daih bawk.
Nunhlimi pawh hmeichhe nalh tak a lo ni tawh a, tuna a landan ah leh lek phei kha chuan a lang class in Rose ngei pawn a zah em em a, a lo treat dan ah lah khan customer dang ai daihin an inpawh hmel zawk daih!
Zothana tan pawh lo chhan hlum loh chauh awm reng ani!
"I zawh hma chu rawn chhuak tawh lo ang che." Kawngkhar pawt hawng bawrh pah chuan min paih lut dawrh a! Bang ah ka in tauh zui chawrh lo chauh!
Kawngkhar a khar phui leh chawrh rual chuan pawnlamah chuan engemaw hi a ri zui ta dawp a! Mipa na tuar rum ri dawt hian a zawm zat bawk.
Kawngkhar chu pawnlam aţang a rawn in pawt hawng pawp a, thinrim tih hriat lutuk a Zothana rawn pen lut zui pawk pawk mai chu tawlh hnung dat dat pah hian ka lo en a, a rawn hnai zel a, a hmai a sen țawn țawn a, ka hma ah tak a rawn din chut rual chuan ka ip zui ta chawih a!
Engmah sawi lo in a taksa hrawlpui mai che awk awk khawp chuan thawk a la a, a kut chu nghet takin a hum ruh tlat bawk!
" Min zui rawh.." a aw rum zet vang chuan ka mur uaih thei!
"Buaina a awm em?" Ka customer tur sap pa chuan boxer chiah ha chung hian a rawn ti a, a awm ve tih pawh ka lo hre leh tawh lo!
Sap pa lam chu Zothana chuan a hawi vut a; a hma zawng aiin a hmel landan a hlauhawm zual ta sauh bawk! Min rawn en leh a.. Ngaihtuahna bawlhhlawh tak nei zui pawh nise ka dem lo!
"Hetiang hna thawk hian maw i fapa enkawl i tum a?" Mit ka chhing sawk mai! Nunhlimi min deuh sawhna kha chu nep tak ani ringawt!
"Hetiang hna țawp lutuk i thawh chak vang hian maw he khawpui hi i pan ?" A rawn ti leh țhawt a, ka melh a, min pawh darh vek mai hi a chak hmel hluah hlauh!
"Hetiang hna bawlhhlawh lutuk i thawk duh anih te chuan tinge min hrilh mai loh a, kei min khawih in sum ka pe thei reng che asin.."
A ri sawk a, ka kut zawk pawh a nâ chhah nghal tup tup mai!
A kutphah hrawl zet in a biang chu a tuai zauh a, min ten hmel zet hian a nui zui ta suk bawk! Engtin khatiang khan min țawngkhum theih zawk! Engmah ka sawi thei biklo, ka thinrim lutuk leh ka nâ lutuk chu ka thaw khur dar dar a!
"Sawi dikloh ka nei em?" Sehchilh zet hian a rawn phun sup a, ka beng bulah a rawn kun hniam a." Nge keimah ah khan i lungawi zo lo?" A aw a khur ru dur dur a, ka puak darh vek maiin ka hria! Zawi muang a ding mar in ka hmai zawnah tak a rawn nui leh suk kher a! Ka hrawk hi tha chak tak a reh beh tlat ang mai hian a na sa huam huam a, Zothana hmel chu ka hmu phe ruai bawk!
Min rindan khawlo lutuk chuan min ti nâ a, inhum ruh tlat chung in ka ding khur ngawt ngawt ringawt!
"I chhuak thei ang?" Sap pa lam hawi pah chuan a tih zawm ta hluk bawk! Ka mittui rawn luangthla pap mai chu ka hru hul tawk a! Awmdan ber tur pawh ka hrelo, ka thawk a pik ngawih ngawih!
"Kha hmeichhia kha ka hire anih kha, nang kha chhuak zawk rawh."
" Țawngthei lo a ka siam hma che in chhuak vat rawh." Zothana zawk chuan a ti țhawt a, Sap pa lam pan a a kal rual chuan ka theih anga rang in kawngkhar lam ka pan zui hlawk hlawk a, kawngkhar bulah Rose pasal lo let hlawm reng chu buaipui pawh buaipui lo in hall lam ah ka tlan tlang a, Rose leh Nunhlimi chuan mak tih hmel zet hian min lo melh kawk a,
"Hna thawk rawh ka tih kha." Rose'in a rawn tih vin hlar rual chuan nuam ti lutuk in Nunhlimi chu a lo nui sak thung! Chhan pawh chhang lo in ka room tura min pek lam chu ka pan zui hlawk hlawk a,
"Zothan?" Nunhlimi aw in a tih tak chul ah chuan ka tlan ta vak a, kawngkhar ka nem hawng a, ka kharphui leh dawn tih ah chuan tha chak zet hian pawnlam atang a rawn nem ve ta bawrh a, ka theih ang a na in ka taksa rihna nen ka nawr let țang tang a, mahse ka hneh lo lutuk, a rawn pen luh vut rual chuan kawngkhar phen bang lamah ka tawlh hnung zui ta vat a! A taksa lianpui mai chu thinrimna vang in a sen vek mai hian ka hria!
Ka lu zawn bang a rawn chum zui pawp a! Mit ka chhing zui sawk bawk!
"Apa ." Jayden aw ri a hriat rual chuan ramsa khawlh zet ang mai hian a rawn rum chhuak ta hrawih a!
"Apa.." Khum ațang a rawn țum thla tharh a, kan lam pan chuan a rawn tlan ve ta tarh tarh a! Ka awih lo zawk! Nithum chhung in a vawikhatna atan a hmel a eng nghal sar thei!
Jayden chu a pawm kang zui nawlh a, Jay lah chuan a nghawng ah a kuah bet ve ta țai a! Jayden kuah reng pah chuan thip zet hian Zothana chuan min rawn melh leh ta hram tho anih chu!
"Apa, min lo hruai dawn mi?"
"Aw.." a aw rik dan ah chuan a thinrim in control a tum nasa hle tih a lang reng.
"Mamma in api Liani bulah i haw daih a ti a.." Jayden bawk in a ti leh a, ka ngei ru kher mai!
" I Mamma chuan a thil hriatchian loh a sawi mai mai anih chu.. let ang aw.." a ti zui sup a, nichin a na zet zet a min țawngkhum tu kha chu mihran daih ani leh tawh!
"Jayden hi ka hruai let dawn.. i duh chuan min zui ve thei ang." Chhum bung zet hian a rawn ti hmuk a, ka melh zui nghek chu engahmah ngai duh lo in a kal chhuahpui zui ta vut a.
"Zothanmawi ka fapa anih kha, ka phalna lo in i hruai ngawt thei lo.." ka ti zui tuar a, a ding chawt a!
" I phalna ka lak kher a țul lem lo.. i duh chuan min zui ve thei ka tih kha.." a ti hluk a; ka fapa pawm chung chuan a pen zui ta pawk pawk a!
Hmela mai mai chu! Engang mihring ah nge min ngaih teh chai ni! A duhtawk in min țawngkhum a, chutah amah zui leh turin min ti maw? Huh.. zahna tlachham lutuk! Ka zui dawn lo hi a ni tawp mai!
Spa ațang an kal chhuak chu Nunhlimi zawk in a um chhuak dawr dawr a! Țullo zet in airport a Zico leh Lisa rawn inzui chhuak kan lo hmuah țum kha ka hre chhuak zawk a!
Khami ni pawh khan ka fapa pawm chung in mi â ang maiin min chhuah a, a bula hmeichhe kal zawk kha min venthawnna nei miah lo in a ngaihsak zawm ta hmak bawk anih kha!
☆TE DOY 15K☆
Chapter 26
By
Abbra Reo Ririni Khiamgte(Pitartei)
Ka nunah mipa pahnih chiah ka tawng a, mahse kan inkarah hmeichhe dang an tel zel thung! Min zahpahna neilo zet a ka fapa a pawm chhuak ngam leh a bula hmeichhe dang awm reng chung a kan nufa min la rawn tibuai ngam chu ka haw hlur a,Thinrim lutuk in ka dinna ngaiah chuan ka ding ta reng ringawt! Khatiang khawpa hmusita min țawngkhum hnu khan ka zui ang maw? Ha! Zak lo lutuk mai! Pathian ang ah a inngai tawh anih hrep hi a!
Darthlalang chhan ațang chuan Zothana'n Jayden car ah a țhut luh tir chu ka hmu a, ka fapa enkawlna tura ka hna hmuh ve chhun pawh min hmuhsitnan a hmang zui a, ka haw lutuk, a dinhmun a ţhat vang hian ka hun tawn harsat zia pawh min hriatthiampui duh lo in deuhsawh tak in min rawn țawng khum a, ka lungphu leh ka thisen lum pup pup mai te chu amah ka huatna vang ani tih ka hrechiang lutuk! A dinhmun a ţha a ni mai thei, mahse min hmusit tel theihna dan a neilo! A neilo hlawm tawp!
Car kawngkhar a nem khar dawt rual chuan Nunhlimi chuan engemaw hi a sawi a, Tun dinhmun ah phei saw chuan saw hmeichhe nalh tak a țan hlum loh chauh nu saw kei aia thlan zawk tlak ani reng bawk, thlang se ka nunah hian rawn lang tawh lo law law se ani tur ! Ka hua in ka thik tih a hre vek tawh a, ka kalsan chhanna pawh a ni reng bawk, min lo ning zawk khawp anih dawn hi, an inzui ngawrh ta ngat ngat e mai!
Nunhlimi a duhtawk a a țawng zo chu Zothana chuan a darah a tuai sak zauh a! Ka huat tawk a tling em em bawk, Zothana'n spa chhunglam en a rawn hawi vut te chu va chhut thluk tawp mai hi ka duh rum rum!
Car hnunglam kawngkhar chu a pawt hawng a, Nunhlimi zawk a ţhu lut nghal tharh a, a nem khar leh rual chuan spa chhung lam bawk chu a rawn hawi leh kher anih chu!
Ka thawk a sa in a rang nghal zaih zaih a, engthil nge tih ber tur pawh ka hre lo, ka fapa a hruai daih a, ka duh chuan amah zui tur in min ti bawk, khatiang khawp a nâ leh hmusita min țawngkhum hnuah leh ka hmeichhe huat ngawih ngawih a bulah a awm chung sawn ka zui ang maw? Mi â ber pawn chu thil chu an ti tawp lo ang, a duh phawt chuan ka fapa saw hruai lui rawh se, ka fapa ru bo ang in case ka file ve thei tho!
Spa lam hawi chuan a ding zui ta run a, amah pawh in min rawn hmu thei tih ka hria, a kut pahnih a kekawr ipte ah a zen lut a, a taksa hrawl zet mai saw na takin ka sawisa thei dawn tih in hre ngat ila chuan ka sual nghek ang! Nichina ka benna aia nâa kut ka thlak kha a phu bawk!
A kut pakhat la chhuak in a khabe a tuai zauh a! Lei lam a bih a, a thawk lak zawng a a taksa hrawl zet che ve awk te chu ka hmu a, a rawn hawi chhuah leh rual chuan min hmu thei emaw theilo emaw ka theih ang a rum in ka melh zui ta nghek a!
Ka inher zui hmak bawk, room chhungah chuan lut in thawk ka'n la zui ham ham phawt a, Tukverh ațang hnai tak a coconut kung rawn ding chho vuah mai chu ka en a! Nunhlimi khan min la hria em tih chu ka hrelo, mahse spa chhung an rawn luh tirh a min țawngkhum dan leh min nuihsawh tel tlat ah kha chuan ani khan min la theihnghilh biklo chuan ka ring a, Ka hnathawh hmusit tak a Zothana rawn țawng tel leh kher khan min tina hlur bawk!
'Engkim a ţha.. A țha vek..' keimah leh keimah chu ka in hnem zui mawlh mawlh a, Zothana'n min rin ang a bawlhhlawh leh tenawm khan he hna ka thawh hnu hian vawikhat pawh ka la awm chhin lo, a tirah kha chuan min nawrluih mai te kha ka hlau ru țhin a, ngaihngam takin engthil mah kha ka ti thei lo a, ni chanve lek zirtirna min pek hnuah min thawhtir ringawt te kha mak ka ti a, mahse heta hnathawk ve tho pakhatin Spa rawn kal ţhin mipa te hi an khirh lo a, a țhen chuan an taksa hmeichhia in an khawih sak hrim hrim te kha an duh vang ania, Hmeichhe customer te erawh an khirh viau thung tih te in min hrilh a, keipawh hmeichhe lam min chan tir lo hrim hrim a, vawiin kha min nawrluihna hmasa ber chu ani a, chu pawh engthil mah a thleng lo, chutiang bawk in room chhunga lut nawn leh tura min hrilh bak kha min nawrluihna an neilo a, ka rilru putdan diklo vanga hlauthawng mai mai pawh ka ni ve thei tho!
Jayden kha a hruai maw? A țha a lawm, police hnenah ka kal ve thei tho!
Ka inher rual chuan kawngkhar ngheng a Zothana lo ding run chu ka hmu thut a, ka thawk ka hip let zui nghal zawk thei! A kal daih tawh emaw ka ti asin.
"Min rawn zui rawh.." bung zet hian a rawn ti hmuk a, ngeiawm lutuk in ka ner khum sak a! A hmaiah tak sawn ka beng leh chawrh mai dawn mawni zawk!
"I tan a țha tur anih hi." A rawn ti leh sup bawk.
" Pathian, ka awmdan tur engkim duang a thu min pe kual thei tu niin i inhria em ni?" Ngeiawm lutuk a nui hak pah in ka ban ka phar chhuak hliai a!
"I ngam chuan ka fapa kha hruai rawh, naupang ru bo angin case ka file thei tih i hrelo palh a nge?" Uar zet in ka au tawn tawn a, a kut lehlam a kekawr ipte ah a zen lut a; min melh ngûr ringawt bawk.
"Rawn dah let leh vat la i tan a țha in ka ring.." ka ti hlak a, pawisa lo zetin a lo nui suk anih chu!
"Min zui rawh tih ka sawi, thil dang sawi kual vak suh.." ti hmuk pahin a kekawr ipte ațang a kut a la chhuak vut a, ka haw hlawm hi ani tawp!
"Ka zui dawn lo lutuk che.. "
"A harsa zawngin thil hi kalpui vak zel lo teh.." ti hmuk pahin a rawn pen lut vut, a ngam chuan min khawih rawh se, ka pheikhawk bun lai hi phelhin a hmai ah tak ka vaw sawk hreh reng reng lo!
" Tunah min zui dawn nge dawn lo?" Ka hmaah tak rawn ding run pah chuan a rawn ti sup a, che dawt khawp in a awmah ka kut pahnih in ka nem a! A lo nui suk ringawt anih chu!
" Kawlh viau ţhin suh, min suallet hian awmzia a nei dawn lo tih chu nang tluk a hrechiang an awm lo.."
"Oh.. I hausa in duh duh i nei thei tih i sawi tumna ani em? I hausa ta lutuk a ka fapa nen kan nun khawchhuah vena tura ka hnathawh ve chhun pawh min hmuhsit zui nan i hmang thei tawh a.. Zothanmawi i ropui hluah hluah, i sawi kha.. nangmah ah chiah ka lungawi zo lo, chuvang tak chuan ka awmdan min rawn thunun tum tawh lo la, kha hmeichhia kum 5 chhung ilo enkawl leh a sal ang mai a, a duh duhna hmun a hruai kual ţhin tu che nen khan ka nun ațang hla takah kal bo rawh u.." uar lutuk in ka au khum tawn tawn a. Ka sawi hnem bawk a, ka awmchhung aţang boruak hlawm sa zet ka thawchhuak zui nghal bawk! Zothana in sehruh țalh ţalh mai chu a huat belh dan lutuk tur hian ka nuih khum tel kher a.
"In pahnih a min hmuhsitna tel lo pawh khan ka chau tawk tawh, chuan ka eizawnna rawn sawi buai i tum anih chuan i tisual ang,..!" Thip zet a melh nghek pah in kawngkhar lam chu ka pan a, mahse hneh lutuk in ka ban ah hian a phih in min rawn phih let nghal nawk anih chu!
A taksa ka hnaih rual chuan ben leh chawrh mai inring sa in ka ban ka vai ve ta nghek a! Mahse ka banrekah a rawn man hman a; ka hnungah ka ban chu la pheiin a hnung khirh zui ta hmiah a!
"Ka haw lutuk che, tawh pawh min tawk suh!" Ka tal zui nghek a ka taksa hi thinrimna leh huatna vangin a puak darh thei mai dawn in ka hria a, mahse ka tal nat zawng chuan ka ban a khirh miau vangin keimah zawk ka na zel thung!
"Min hnial tawh suh, min zui ang, ka rualin i let dawn." Hnunglam aţang a hmuiin ka beng a rawn nawr tàwk a , Ka tal leh aih rual chuan ka beng hnuaiah a hmuiin a rawn nawr anih chu! Ka mur chhuak uaih a, mit ka chhing zui sawk bawk.
"Ka sawi chu i hria em?" Ti sup pahin ka tukhum lamah a chalin a rawn nawr leh vang vang a. Ani zawk pawh engtinemaw tak a awm a ni ngei ang, a thaw khur ti tih ve tho mai!
"Ka zui ngai dawn lo che. " ka ti chang fak! A thawchhuak hawk a, chumi rual chuan ka tukhum lam chu an lum ve ham ham a, a bula ka awmchang apiang a ka danglam ţhin ang khan tunah pawh hian ka danglam leh țhelh tawh, ka hnunglam ah a ding run a, a taksa nghet zet leh a chhunga lungphu ri ve dawt dawt chu ka kut a kherh beh miau vang in ka ngheng lo thei lo a! A lungphu ri hi ka thlamuanpui viau ţhin tih lah ka chiang em em bawk.
"Kan hria ang chu.." a ngawih reng hnuah nghet zet a a rawn tih hrâwih rual chuan ka hnung a khirh beh chu a thlah a, ka thaw zui nghal hawk thei mai, mahse a rei lo, ka taksa chu a kang nawlh a! Hmela mai mai chu!
A darah min pu leh nawlh a, Pawnlam pan in min kal chhuahpui ta nawl nawl a! Ka theih ang ang in a hnungzang ah ka chum pawp pawp a; ke ka leng zui nghek nghek bawk! Mahse Zothana ke pen din tir pha in ka sawisa na zolo ani ngei ang!
Leia min nghah thlak rual chuan luhai deuh chhawlh chung hian ka ding ngil vat a, Ka hma a taksa hrawlpui mai chu ka thinrim bawk si chuan a awmah ka nem zui leh chawrh ringawt! A chetdan a mak thei lutuk, Min zawh vang ringawt in tharum in min pu nawlh tur anilo hrim hrim!
" A chhungah khan lut rawh.." ti sup pahin car hmalam kawngkhar chu a pawt hawng a, Jayden lah chuan Zothana'n min pu chhuak ngawt kha a lo lawm ve em em ringawt a.
"Ka sawi kha i hrelo ami? Ka zui dawn lo che, Jayden rawn chhuak rawh.." ka tih zawm leh zat a.
"Tinge a duh lo chung chu hruai i tum a..?" Car hnunglam ațang Nunhlimi chu a rawn chhuak a. " Zothan, kal tir mai mai rawh, a hna kha nuam a ti aniang chu.." nem hlei si a a rawn ţawng chu ben nghal chawrh tak tak mai ka duh!
"I lo inrawlhna tur anilo." Zothana chuan bul zet hian a ti zui hmuk thung, min melh leh a, a mitmeng a zim sûn a, "Lut rawh.." a rawn ti zui sup bawk.
"Aih... Jay rawn chhuak rawh.."
"A va mak e aw, Zodinpui.." Zothana rawn che vut chuan car chhung ah chuan min nawr lut hi ani ber mai! Kawngkhar a rawn kharphui zui nghal chawrh a! Car a rawn kal hual pawk pawk mai chu Nunhlimi chuan a zui dat dat a!
"Nang pawh kha i luh dawn chuan a hnungah sawn va țhu lut rawh." Driver side pawh hawn pawp pah chuan Zothana chuan a ti zui ta hluk a! Nunhlimi ner nawng chu ka lo hmu fuh hram bawk a.
"Mum, Apa in Jayden a play pui ang khan a play pui ve che ami?" Ka malchunga rawn lawn kai that that pah chuan Jayden chuan a rawn ti a, kha thil kha infiamna a ni lullo tih khum nghek mai hi ka duh a, mahse ka fapa hi vin a țul ber lo bawk, a lu ah ka tuai sak thuak a, thinrim țun hian ka thawchhuak vak ringawt!
Zothana a rawn thut luh ve rual chuan țum dang ang bawk in car chhung boruak chu a chep nghal vek a, "Seat belt kha hreng rawh." Min en zawk pah chuan a rawn ti leh sup a; Nichin a kan inhnial thinrim kha chu hre ve ang pawhin a awm leh tawh lo. Nunhlimi rawn ţhu lut ve chu front glass ațang chuan ka lo melh zawk a, min lawm hmel teh chiam loh.
"Zodinpuii kha maw i nih a? Heng lai spa ah i thawh ka ring ngailo reng reng a, Nang kha chu princess ang mai kha i ni ţhin sia , Zothana hian nangmah i ni tih a sawi a ka hre ve chiah che." A rawn ti zat zat a. Chhanlet ka tum reng reng lo. Zothana zawk chu steering hum ruh pahin a rum chhuak nghut a!
"Bawihi, Nunhlimi kha anih hi.." Zothana zawk in dam thlup a a rawn ti chhuak chu haw em em hian ka melh a!
"I pasal nen in inţhena, Zothana in lamah i awm chilh tih ka lo hria a.."
"Nunhlim.." Zothana zawk in a ti chhuak țhawt a, Zothana vin a hmuh vawikhatna ni bawk a, Jayden chu a meng nghal kawk thei!
"I sawi dik a lawm.." Hnunglam chu hawiin ka nui sak a. "Kei chuan Zothana call ilo chhan țum khan nangmah i nih ka lo ring ve tawp a." Ka ti a, ka ring tak tak pawh anilo, he hmeichhe huaisar zet hma ah hian tlawm ka tum țhak tawh lo!
"Oh, .." Zothana melh zawk pah chuan a nui tawi tak a. "Chutiang ka va hre ve lo ve.."
Hnunglam la hawi reng chung chuan ka nui leh sak a!
"Mumbai a rawn kal țum a a call i lo chhan kha a nia ka sawi.. !" Ka ti leh kher a, A meng kual deuh zak zak chu en duh tawh lo in hmalam hawiin ka inher țha a, Zothana zawk chuan chik lutuk hian min lo melh ngur a! Chu pawh chu ka haw tho!
"I tlanchhuak dawn nge hetah hian kan ding reng dawn?" Vin hlar a ka tih tak ah chuan a rawn nui chhuak hawk a! A lu a thing deuh nghut bawk!
"Zothan, i mi sawisak te kha engtinnge i tih dawn a?" Nunhlimi rawn țawng leh chuan ka beng a verh zar mai!
" An phu tawk anih kha.." tih zawngin Zothana chuan a chhang a, ka melh zawk a, engine ti nung in steering chu a herhkual pawp a.
"Zodinpuii vang hian thil atthlak tak tak i ti hnem ve tawh ngawt mai! Ani lah hian a hmang țangkai mai mai che a ang bawk sia." No fahran a ti leh chu engkhaw sawi set set lo a han keh zui bawrh bawrh mai hi ka duh hlur tawh!
"I mize ngai ilo la thlah miah lo tih ka hrethiam ta chiah e." Ka nui sang a, Front glass aţang chuan min rawn hmu thei tih pawh ka hria. " Keipawn ka mize hlui kha ka la thlah biklo a nia.." ka tih zawm leh zat a! Ka sawi tum ber a hrethiam ang, ka chunga a thil tih ang zel in ka bei let ţhin, insual a țul pawn khang hun liam tawh ah zawng zawng khan ka sual hmiah zel! Ka kawlh tih hi ka pha ngailo, kawlh tak ka ni, Zothana pawn min hauh tamna ber a ni ţhin bawk! Ka kawlh lutuk vang in insualpui ka nei reng a, Zothana ka nei tih ah khan ka chiang a, keiai u deuh pawh ka sual phah mai zel!
Ngawi reng in Goa khawpui kawngpui tawt zet ah chuan kan tlan a, pawnlam chu ni a sa sen vûl a, traffic hlek ah a hman hman in horn an hmet ri tuar tuar reng a, Jayden chu a țhu ngawi kar a, Zothana chuan a khat tawk in kan nufa chu min rawn melh leh zawk zel bawk.
"Jay, Ice-cream i ei duh em?" Zothana chuan a speed tih hniam pah chuan a rawn ti a, Jayden ţhu zawi ve reng chu a rawn țhu mar zawm ve zat bawk.
" Ice-Cream ei ang aw.." ti leh sup pahin car chu Natural ice-cream kawtah a dintir a.
"Jayden khan ice-cream a ei chak anih kha, eipui lawk ang." A rawn ti sup a, rum zet a ka lo melh nghek a hmuh rual chuan phun hluk pahin a kal chhuak zui nulh a, car a rawn kal hual rual chuan Jayden pawn chhuk ve mai a lo tum ve der mai!
"Apa, mango ice-cream ka duh aw." Ka țhutna lam kawngkhar a rawn pawh hawn rual chuan a lo ti vat a.
"Ok, Bawihi?" Min rawn melh a, ka hua tih a in hriatreng hi chuan min biak loh mai tur a nia.
"Ka duh lo." Ka ti zui hmak a, a thaw hawk bawk. Jayden chu a rawn pawm chhuak nawlh a, engmah sawi tawh lo in dawr lam pan chuan a pen zui ta pawk pawk a, vairam ah pawh a pian hi a zahpuiawm bik miah loh, a langsar in thuamhnaw holam tak pawh inbel se a langsar vuah tho!
" Pawisa ka pe che anga, kalbo ang che.." Nunhlimi rawn țawng dan chuan min ti sa zak mai! Ka hawi let a, a lo nui sak a!
"Sum i mamawh tih ka hria alawm, ka pe che anga, kei leh Zothana hlat aţang kalbo ang che." A rawn ti a, ka nà zawk a chu he hmeichhia hi ka beilet lo nih chuan nakin ah ka inchhir mai thei! Nakina inchhir let leh ai chuan tunah hian ka beilet ang.
" Zothana saw ka tello in a awm thei silo a, kalbo ta pawh ni ila min zawnnan a hun a khawh ral leh dawn tho a.." Nui lui sak chung in ka sam rawn tla chu ka hui kiang zauh a, a mitmeng a tal kual nghal tap tih lah ka hmu ru kar bawk.
"I chian hmel hle mai..?" Nui sak pahin dawr chhunga Zothana leh ka fapa te chu a va melh zawk a." Ngaihsak tak tak che chu nise a zawng em em ang che, mahse a ti miah lo,.." zawi sep in a rawn ti a. Ka kaw chhunglam hi a ni nghulh thei!
"Umm.. Nakinah Zothana ka lo zawt dawn nia, Nunhlimi'n pawisa min pe dawn a, ka kalsan mai ang che ka lo ti ang." Ka ti a.
"I mawl a mi? Chutiang a lo sawi a țullo, pawisa i mamawh zah zah ka pe ang che, chuan kalbo ang che.. i fapa hi i enkawl thei lo anih pawh in Zothana nen kan lo enkawl mai ang, tunah pawh hian i fapa vang chiah a ngaihsak che ani a.. Nang hi ngaihsak tak tak che nise chuan kum 5 liam ta khan kei nen hian kan cheng dun tawh a, a rawn zawn chhuah che pawh i ring miah lo ami?" Min nuihsawh zet hian a khi sak a."Kum 5 liamta khan kan cheng dun tawh a, i hriat kha mipa ah pawh mipa satliah anilo, hmeichhia leh mipa in khat a cheng dun reng a insum zawk a țang thei tur mi anilo tih i hre bawk ang chu...!" A thusawi vang chuan ka khawhmuh a thim suih suih mai! Ka thawk a sak țalh a.
"Kan pahnih inkarah nuthlawi mai mai a rawn tlak zeh hi ka phal ngai dawn lo a, chutiang bawk in a chhungte pawh in an chhungkaw ţhian hnai tak nupui hlui hi an fapa nupui atan an duh dawn bawk lo.. I tan a țha tur zawk chu ngawi reng in ka sum pek che nen kalbo ani.." a rawn ti leh a.
Ka â deuh chhuih mai in ka hria! Ani leh Zothana hian sex hial an lo hmang tawh a maw?
" In inkar a thil thleng an hriat rualin Zothana hian a tuar thei tih hria la, chu loah tunah hian an company a tlachhia a, a landan hi chuan i pui thei lo tih a chiang reng, kei chuan ka pui thei a, a chhungkua te nen kan in close em em bawk, kan cheng dun tih pawh an hria a chuvang chuan ngawi reng in i kalbo dawn nia.. i fapa chu i enkawl zo lo anih pawn kan pahnih fa ang chiah in kan lo enkawl ang ." A rawn ti leh a. " Nangmah vang mai mai a a chhungkua nen an inzawmna a chhiat i rem ti dawn mi?" A rawn ti leh kher bawk!
Ka țhutna lam kawngkhar a rawn inpawh hawn rual chuan Jayden zawk in min au ta chul a, ice-cream keng va pah chuan ka malchungah a rawn lawn kai that that a.
"I duh ve lo tak tak maw?" Zothana rawn kun hniam chu at hmel zet hian ka melh ta reng a.
"Jay, a far hma in ei zo vat rawh aw.." Jayden sam ah a tuai sak zauh a. " I țha em?" A rawn ti leh sup bawk. Ka chhang dawn a, ka hrawk a tawt tlat a, ani hian Nunhlimi sex a hmanpui tawh tih ringawt chu ka thluak ah hian a ri tluk tluk bawk.
Ka chhan loh vang chuan thawk la hawk chung in a ding mar a, kawngkhar chu a rawn nemphui leh a, front glass chu ka melh zawk a Nunhlimi lo nui sak mai te chuan a thusawi kha ringlo thei lo in min siam zual sauh mai bawk.
Hotel pakhat zawn kan thlen chuan Zothana chuan car chu a ti ding dat a!
"Zanin ah kal chhuak ang ka tih kha aw.." Nunhlimi chuan front glass ațang min rawn en kher pah chuan a ti a,
" Lut vat rawh." Zothana chuan a ti liam puat ringawt.
Tum deuh bar chung in car kawngkhar chu a nem hawng a, A phone rawn ri ve leh chiah vang chuan tawi khawmuang in a bag a zen rak rak a, Ka lo rindan chuan Zothana thlenna ah khan a thlenchilh ve mai turah ka ngai a, mahse a landan chuan an riak dun lo anih hmel! Mi â nu chung ah i buai ve a ngai lo.
"Oh.. I nu anih hi.." screen eng pap chu hmalam ah a rawn lek ta kher a.
"Zothana nu nen hian kan in close reuh a, a fel teh a sin.." kei min en leh pah chuan a ti a, nuam ti fahran hian car ațang chuan a kal chhuak ta zat a!
Nunhlimi chhuah hnu chuan car chhung boruak chu a uap zual churh a! Nisa vûl hnuai a inchhung pik zet a awm reng hi ka in tehkhin ta ber! Zothana lah a ngawi zui hmuk a, hmalam melh ngur pahin car chu a khalh leh ta mawp mawp a, kan awmna hmun pawh hi ka hrelo a, chutiang bawk in Deltin Suites kha khawi lai area chiah nge tih pawh ka hrelo.
"Apa, long time kha ka hmu tawh lo che." Jayden chuan ice-cream liah zauh pah chuan a ti a, Zothana chuan a rawn en vat a, a thawchhuak zui ham ham bawk.
"Ka bulah i awm tlat tawh dawn lawm.."
"Mamma chuan apa a buai a ti zel a,.." ti nûi nûi pahin ka malchunga țhu reng chung chuan min rawn melh kher anih chu!
"Jaydena'n apa kha a ngaih phawt chuan a buai ngailo, mamma in sawi mahse awih loh tur!" Ti hluk pahin kei chu min rawn melh ve a! Ka lo ner khum nâng ringawt!
"Apa.." Jayden bawkin a ti leh a, Zothana lah chuan rang lutuk in a rawn ngaihven zui nghal vat bawk, mahse Jayden chuan engmah sawilo in lai hmel pu deuh si hian a lei a chhuah zauh a! Zothana zawk pawh a nui ta suk bawk.
Deltin Suites kan thlen rual chuan car a hung țha a, ka lo ngaihtuah miah lo, tu car nge maw a khalh sak ringawt le?
"Apa hei night time a kan awmna kha a mi?" Jayden chuan a ti ta chul a, A lo la hre ve reng chu a mak tak zet!
"Anih hi, naktuk tuk lehah Mizoramah kan let dawn nia." Zothana chuan a rawn ti ve sup a, min rawn melh a, Nunhlimi thusawi kha ka hrechhuak zawk bawk!
Car ațang a chhuak vut a, kan lam panin Police uniform ha pahnih an rawn kal ve chiah a, Zothana chuan car a rawn kal hual a, kawngkhar chu rawn pawt hawng in Jayden chu zo zet in a rawn pawm chhuak ta nawlh a, Kei erawh in Police pahnih chu ka lo melh ran thung, Nichin a Zothana sawisak te khan case file in rawn man tir an tum anih ka ring a.
"Rawn chhuak la..?" Zawi supin Zothana chuan a rawn ti a, ka chho melh a, Police te saw a hlau ve miah lo emawni!
Ka banrek ah a rawn vuan a, ka kut chu a lum nghal vung vung thei! Anni sawn rawn hruai hrang daih ta si se!
"Mr Vincent?" Officer thuam inbel zawk in a rawn tih rual chuan ka ip zui chawih a, Ka thinphu a rang nghal dawt dawt bawk, Zothana lah chuan a ngaih pawimawh hmel tehchiam mai silo!
Ka banah a rawn hmer deuh salh rual chuan ka kal chhuak ve a, Police pahnih chuan chik zet hian min rawn thlek a, chutah Zothana taksa a ka fapa bet ve țai mai chu an en tel leh a, ka thawchhuak tawh pawhin ka hrelo, an hmel landan a ngainatawm loh in thlan in a bual huh zûih a, vai film vela Police officer, mi hausa ten an tham lungawi a, midang pawisawilo an thuneihna hmanga man ta tawp țhin te kha ka tehkhin ta ber!
"Kan mi bo te kha an ni em?" Officer chuan a rawn ti a, awihlo lutuk hian ka meng nghal kawk bawk!
"Umm, an nih hi, ka va hmu a, report pawh kha a hnuhdawh theih tawh e!" Zothana chuan ka banrek hum tlat pah chuan a ti sup a! Ka thu hriat hi a dik reng em? Keini nufa hi mi bo maw kan lo nih a? Zawhna a khat hian Zothana chu ka melh a. Min rawn en ve chiah bawk.
" I thawhrimna vang in ka lawm lutuk ania, Officer!" Ka mit ah tak min melh run pah chuan a phun sup a, Officer zawk chu a bu ta nghut bawk.
"In him a, a lawmawm tak zet, nithum chhung kan zawng tawh che u a, i pasal hian a ngaihtuah khawp mai che u..." Officer hmel ngainatawm loh zet chuan a ti thum deuh bul a, kei erawh ka thawchhuak hak thung!
" In bo na lamah harsatna te in tawk em?" Khai aw! Eng zawhna tehhrep nge ni ngai! Mi bo kan ni reng reng lo!
"An țha, an chau deuh a, Ka rawn be leh ang che u.." Zothana chuan a rawn ti ta vut a, ka banrek a hmerna chu a thlah a, Officer chu chibai in a nui zui suk a, mi â ang mai hian ka melh mawl ve tawp ringawt!
Suite chhung lamah min kai lut a, officer te kha an kal tawh a, mahse ani hian engvang a mi bo zawn a min lo zawn tir ve ringawt nge anih?
Jayden pawm reng chung chuan min melh zawk a! Ka theih ang a rum hian ka lo melh let a.
"I duh chuan nakin ah kan sawi dun thei ang!" Tisup pahin a rawn kun hniam a, a mitmeng sexy zet ah chuan nuihza insumna hi a lang tel tlat bawk!
"Mi bo.. zawn hmuh harsa tak i nih hi." Tisup pahin ka kawngah a ban a rawn rawlh lut a, a din mar leh rual chuan hma lam hawi pah hian a nui zui suk a! Chu tak chuan min ti thinrim sual sauh thung! Kha thil ah khan nuih tur pakhatmah ka hmu ve hauh lo!
"An rawn thleng.. An rawn thleng.."
"Mami?" Ka ti hluai a, min rawn kuah zui ta chawt a! A hnungah Nu Liani a rawn kal ve mek bawk! Vawiin chu ka beisei loh pui pui thil ka tawng nawk nawk reng mai!
"Hetah.. Nangni maw?" Min kuahna a phelh rual chuan ka ti leh halh a. Țah chhuak hmel si, hlim hmel bawk si inpawlh nawk hin min han en vang vang a.
"U Vincent hian min rawn chah a lawm.. awi.. in awmna kan hre mai lo kha kan buai asin.." a ti a, mak ti zet hian ka en hû a.
"Nimin khan kan rawn thleng tawh.. " a ti a. "Jayden ka ngai lutuk che..." ti chul pah in Zothana lak ațang Jayden chu a pawm hrang a, Jayden lah chu a ri zui ta chul a. Thil thlen dan hian min shock rih ani tawp mai, Nu Liani leh Mami hetah!
" I luhlul tih chu ka hria, mahse tun a thil thleng hi chuan min ti mangang tel a, thleng nawn tawh lo se ka duh bawk ania." Nu Liani chuan ka kut pahnih rawn vawn pah chuan ati sep a. In ațang ka chhuah dawn a min dan nasat zia leh ka tih manganzia kha ka la hria a, ka lainat reuh kher mai!
"Ka sawi fo kha.. He mipa â lutuk hi in nufa tello chuan a awm thei lo, ka fapa ang chiah ani a, a talbuai lai hmuh nawn ka duh tawh loh ang bawk in atthlak tak a che turin ka duh tawh lo che.." ti sep pahin Zothana lam chu a melh zawk a, kan piah deuh ah phone hmang in a ding a, ka va en rual chuan min rawn en ve chiah bawk!
" Chiai vek leh rilru mumal pu theilo a siam ţhin tu chu nangmah chiah hi i ni a, a chenna in i ni bawk, nangmah ah hian saw mipa saw a cheng a, a in ang i ni tih inhria la, engmah sawi lo in kalbosan tawh ngai suh.. a â thei mai ang.." a țawng ring lo, mahse ka kawchhung deng dawt dawt tur chuan a ring tawk viau thung!
" A hun hmalam ah a chan tawh che a.. chan leh che hi a hlauh ber ani tih hria la, mangang tak in siam tawh lo ang che.." nui sang chung in ka mit ah tak a rawn en a.
"Hlim a phu ve tawh ania.. Hlimna pe thei tu pawh nangmah chiah hi i ni bawk." Chil ka lem dâwk ringawt! Nunhlimi nen an chanchin a la hriat ve loh mai mai vang ani ngei ang!
"Nu Lian, in room ah Jayden hi lo awmpui ta mai che u, Bawihi hi biak lawk ka ngai a.." A phone hmang zo ka bulah rawn din ve vut pah chuan a ti a, a ban lehlam in hnunglam ațang ka kawngah a rawn kuah zui zawm zat bawk! Ka lo țang nghal țung mai! Nunhlimi ta ang a ngaihna lian tak ka nei tel tlat tawh bawk!
"Tehreng mai! Kan tlangval a pawh chu hmuh loh karin a lo țhang ve a nih hi.. inbe rawh u.." ti zung zung pahin Jayden leh Mami te lam chu a pan ve a.
Hman zana kan riahna lam panin min kalpui a; ka țawng lo a, amah pawh a țawng tawh biklo.
Room kawngkhar a nem hawn rual chuan a kut hi a rawn phe deuh vut a, ka kut hi thir vawt thler in a rawn si a. A ri zui khep a. Phawk zet in ka kut pahnih handcuff a a thlung zawm chu ka en a!
" I kal bo tawh dawn lo tih ka chian hun ah chiah ka phelhsak ang che!"
Ti sup pahin phawk lutuk a ka kut pahnih ka melh reng chu a rawn kawk zauh a! " I thuawih dan a zirin ka phelh hmasa thei tho bawk che."
He thil hi a tak tak ani em!?
"Zothanmawi engthil nge ti a i inhriat a?" Ka ti zui ta tuar a, a țhen sak a, ka awihlo thei lo! Ani hian mitang ang maiin ka kut ah thir kawl min bun tir a maw! Ha! A va han huaisar ve chiang tak!
"Phelh nghal rawh.." ka ti zawm leh tuar a, chimawm lutuk in a beng a hup a. A hmui hnuai a seh telh zauh bawk!
"Ka hua che.. ka haw ngawih ngawih che.." a duh dan ang ang a min ti kual vel chu ka haw hlur hi ani tawp mai! Ka taksa chhung hi thinrimna vang in a sa hum hum a, amah hi ka ham nek zawk dawn mawni?
"Inbia ang.." Pangngai zet hian a rawn ti ta sup a, Ka melhna vang hian engtin maw tak awm thei se chuan a tlu tawp in ka ring ani! Min dang chep a; tunah kut kawl min bun tir leh a! A â tawh zawk emawni hial ni?
"Inbiak ka duh ve lo.." ti hlar pahin ka kut chu a lamah ka lek chhuak a. "Phelh nghal rawh.." ka ti leh nghek bawk! Ner nawk pahin lu a thing nghut a, a ban pahnih chu a rawn ban zui ta vut mai! Chung lamah min phar chhoh tir a; ka taksa si chet tak tak in a rawn ding a, a nui zui suk ka hmuh rual chuan ka ban pahnih inkarah a rawn ding lut fel der!
" Tihian min be duh dawn em?" Ka hmai bula phun sup pahin a nui leh suk a, Ka kut a in țawn khawm miau vang in ka phelh ngawt thei silo a, ani lah chuan min si chet a ding chu a ngaihpawimawh hmel der mai bawk silo!A taksa hrawlpui mai chu ka ban inkarah a awm ve run anih chu!
"A atthlak hle mai!" Ka ti ta vak a.
" I lakah hi chuan atthlak zet a chet a ngai ţhin alawm.."hmui pet sawi zauh pah in a ti leh sup a. Ka huat zia chu a!
" Awmsawn rawh." Ka ti hlak a, a lian in a hrawl ropui si, kan taksa in si chet te chu ka duh lo!
"Awmsawn rawh ka tih chu..!" Ka ti leh țhat a; kei ai fe in a sang a, ka ban ka chet chu rang zet in a man bet a, Ka thinrim vang nge a taksa ka deh vang pawh ka hrethiam tehhrep lo e a, Ka tha a khur ru ringawt! Ka tal lui leh a, Ka ban pahnih hman ngaihna awmlo khawp in min chelh bet a! Tal buaiin awmzia a awmlo, A ngawi ngul, Mahse min thlah a tum miah chuang lo.
"Zothan!!?" Beidawng zet hian ka ti chhuak ta hliai mai!
" Ka hlat ah kal tawh suh.." a aw ri zet chu! A kawchhung lam ațang a rawn ri chhuak hrawih mai hian ka hria.
" Ka kal chhan chu i hriatchian khawp kha.." ka ti a, ka ban ka chet leh rual chu a aia na hian a rawn hmer ve ta salh a.
" Aih, ka hrelo.." a ti sup bawk! Ka sa ve ta phat bawk!
"I hrelo a maw? Kha hmeichhia in zanlai ah i phone a lo chhang kha ka duh lo.. chuan.. chuan ka hriat loh in i lo chenpui tawh bawk a.. Oh.. cheng dun satliah mai pawh in ni hleinem! Sex hial pawh in hmang tawh ani lawm ni chuvang chuan..!"
Ka sawi zo hman lo!
"Zodinpui" a rawn ti táwk a! Thinrim tih hriat hluah hluah in a thawchhuak zui hawk bawk!
"Sawi diklo h ka nei ami? Ani nen inchen dun lai khan i insum thei tih sawi i tum em ni? Mi â ka nilo aw..!" Ka ti tuar a! A bek zawn a pawng țalh țalh mai! Khanglang a! Min la thinrim let khum ngam a!
"Nunhlimi ta i nih kha.." ka ti leh sak bawk!
A thinrim tawk hle ani khawp ang, ka ban a man beh chu in thunun tum in a hmer zui ta ngawt ngawt a!
"I lo enkawl kha a sual reng reng lo, enkawl satliah pawh i ni hleinem, chuvang chuan i lemchan hi duhtawk rawh.." ka ti chang nghal fak!
Kan taksa in si chet vang chuan a lungphu ri rang dawt dawt chu ka hre thei a, ka awmbawr hi a rawn nghawr che dawt dawt bawk! A hmel pa zet leh hriam hraih mai pawh a lang sen țalh ţalh a! Thudik ka sawi a! A haw ve em em a!
" Ka tan a hmeichhe hmasa ber chu nang hi i ni.."
"Chu thil chu ka awih i ring a?" Ka ti hlak. Dak deuh chung hian a thawchhuak zui ham ham a, kan awmdan lah chu thinrim viau si hian a kawng ah ka ban pahnih a insuih bet tlang lawi a!
" A hmasa ber i ni a.. " ner deuh nawk pah hian a rawn kun hniam a.. " A tawp ber i ni dawn bawk.." zawi sup a a rawn phun leh rual chuan ka mur uaih thei! A mitmeng lang vawt ta raih a min enna vang chuan ka khur chhe lo chauh bawk!
"I huaisen ve hle mai! I insawi thiamna hi ka awihsak che i ring a?" Mahni inthunun tum zet hian ka nui lui ve kher a, mahse a mitmeng vawt raih ațang hi chuan hnehtu ah țan a tum tlat dawn tih a lang ve reng bawk.
" Min ring dawn tih ka hria alawm.." a aw zawi tak chu ka tan a hlauhawm tih ka hria , tlanchhiatsan tur ka ni bawk, mahse ka thei lo.. Engtin maw tak hian ka awm a! Atthlak zet in ka rin ngamna tur ang in che se ka ti tlat bawk!
Bawihi..!" a rawn ti leh sup a,Tunah tak hian a hmel landan a danglam vek tawh, ka hriat ţhin Zothana kha a ni leh tawh a! Mahse awlsam takin ka nem ngawt thei biklo.
"Nunhlimi chiah ngaihtuah rawh, i chenpui tawh a, i chhungkua pawhin an duhpui bawk che.." ka ti leh sep a, Zothana rawn nui chhuak hawk chu hrethiam lo zet hian ka en chho hû a!
.
"Tu chu maw ka chhungte'n min duh pui a?" a rawn ti sup, A aw rik danah chuan nuihzatna leh awihloh na hi a inchawhpawlh kual vel in ka hria! Chutianga a awm vel chuan min ti hamhaih vek! Ka melh ran a! Zothana erawh a rawn thawchhuak huai huai thung.
.
"I hre khawp mai!" Ka ti hlak a, mi â nileng anilo a, Nunhlimi chanchin ka sawi tih a hrethiam ve vek ang! Ka chala rawn tauh dat pah hian a nui zui suk a! A thinrim kha hmachhawn ka duh daih zawk,Tunah tak hi chuan a hmel landan a hahdam in a chetdan ah hian kei chiah min ngaihtuah ang in a lang chhuak bawk si, Bumna nuam tak nih ka hlau a! Mahse a ruk tak chuan Zothana hi ka thlahlel ve ngawih ngawih tho!
Ka hmai zawnah a rawn thaw lum leh hak a! Ka kawchhung hi a țek chuaih mai! "Ka hrelo..Tu chu maw ka chhungte min duhpui hmeichhia chu?" a inla hrang hlek a, kan taksa erawh a in awm hlat thei tak tak lo, A mit bul vun chuar kal phei raih chu ka melh a, nichin khan ka lo enchik miah lo, a mithnuai a val phei raih a, a mu tam lo tak zet tih a hriat hluah hluah bawk! Ka kal bosan hnu khan amah hi ngaihtuah zawm lo ka nilo, A ni la lâ a Nunhlimi nen ka hmu dun khan min tinâ a, chhel tak a awm turin ka infuih phah ta reng a,a hmel ngaihtuah let lo in ka muhil ngailo ,Tunah chuan ngaihtuahna mai nilo in ka hmaah ngei a rawn lang leh a,Hmuhnawm ti lutuk a thilr zui vawng vawng ka chak zawk hial!
"NUNHLIMI!" ka ti sep a! Atthlak tih hriat lutuk a Zothana nui ri hak chuan engtinemaw tak hian amah rinna min neih tir zual sauh ta mai!
.
"Ka mit ah hian en rawh!" a rawn ti zui sup a, nuihzat lam a lang tawh lo a, A hmel landan a tak leh run tawh bawk, A hmuihnuai sexy zet chu a liak hnawm zui zauh a, naupang in aia upa thusawi tur ngaichang ang mai hian ka melh ve ta ran a! A hmel landan erawh a hahdam in innghahna tlak ngawih ngawih a nih zia alang chiang hle thung!
"I thu i duh lutuk hi bansan ang che!" a rawn ti bul vut, lungawi lo zet hian ka che nghal phat a, Mahse hahdam tak a lang si hian a kutphah chuan ka hmui a rawn hup zui ta hmiah a ,thaw ham ham pahin ka chal a rawn tauh zui dat bawk, A chetdan engkim hian min țhawn mai bakah a lamah min hip nghet sauh sauh tih a in hre der mai bawk silo a.
"Ka sawi tum ngaithla rawh.!" Dam deuh zawk hian a rawn ti sup a,A aw thum lampang leh a thusawi tawp a thawp deuh sup awm chuan min thunun lehnghal vek tawh.Ka hmai zawnah chuan a thawchhuak ham ham a!
"Nunhlimi nen hian i ngaihang a inzawmna kan neilo!" a rawn tisup a." Mumbai a a rawn chhuk kha ka lo buaipui ve mai chauh a lawm, in luah tur a hmuh hma chu ka kiang ah ka chen tir ve a.." a ti leh a, ka lo che ve leh phat a, mahse Zothana chuan na deuh si hian ka chalah a hmui a rawn nawr ta chawt a! Ka ngawng vek! Ka tih awmzia chu sual let ka tum kha che zawm theilo in min siam ta daih!
"Hei hi alawm ka sawi, min ngaithla hmasa phawt ţhin rawh, i ngaihdan chiah a i kal chuan kan pahnih hian kan na mai mai dawn!" A rawn ti zawi sup a, a ban pahnih chuan a awm ah min kuah bet zui ta hlu hlu a, keipawn sual let tumna ka nei tawh lo, chu zawng zawng ai chuan he taksa ah hian khawvel a hahdamna ka hmuh theih zawng zawng chu a kim vek!
"Ka in ah khan thla engemaw zah chu a cheng ve alawm, Mahse ka pa company ah hna ka pe a, Mizo hmeichhia in luah țawmpui tur a hmuh rual khan a chhuak zui nghal bawk! " a ti leh sup a, a țawng zawng chuan min nghawr ve dar dar mai!
"Vawiin khan i bulah sawi a nei em tih ka hrelo a, mahse Jayden nen kan chhuah zawk a kan rawn let leh khan i hmel landan a dang vek a, i mit ah khan natna ka hmu bawk asin.. Tun hi kan pahnih inkar siamțhat hun a nih hi.." a ti leh sup a, min duat tih hriat zet a ka sam a rawn fawh leh tak ah chuan ka hnuk a ulh tel tlat tawh, nghet zet in a kawrhnung ah ka țham a!
" In chen dun lai khan in pahnih inkarah thil thleng a awm tih a sawi a.. Chuan.. Pawisa min pe a nga... in pahnih hmuh a rawn lang tawh lo turin min hrilh bawk.. Jayden chu in pahnih fa ang a in enkawl tur thu te... nang pawh in Jayden vang chiah a min ngaihsak i nih thu a sawi a.." ka ti sep a.. ka hrawk hi a na tel țung mai!
"Chu hmeichhia zet chu.." Zothana chuan a rawn ti hrawih a. Ka ip zui chawih mai!
"A thusawi chu ilo awih a maw? Ka tan tunge i nih tih hi i in hre fiah thei thlawt lo ami? Ka engkim i nih hi.. kan intawn vawihnih naah tal hi chuan chan che ka tum tawh lo.. " thawk a la zui ham ham a!
" Kum 5 chhung in chen dun lai pawh khan ka chanchin i ngaihven ngailo tih pawh a sawi.."
" .. i rilru tihnatnan engkim a sawi thei.. mahse awih tur i nilo.. ka ngaihven zia che pawh i hriat kha.." a ti zui hluk a, ka tal leh tak ah chuan min kuahbehna chu a thlah a. Min chhuk melh nghal run bawk!
" Kha hmeichhia kha ka hua tih hrereng chung a i zui kual reng te hi ka hua.."
"Bawihi.."
"Ka haw ngawih ngawih.. !" Ka ti hlak a. Nuihza insum deuh si hian a rawn kun hniam a.
"Kha chu thikthu ah ka ngai thei a ngem?" A rawn ti anih chu!
"Zothanmaw!" Ka ti hlar a, chung lamah dak in a nui leh hawk a! A hrawkbawk a langsar nangiang bawk!
" Nangmahni zawng in ka kal kual ţhin a kha lai area a ka kal fuh chang in min zui ve țhin alawm.."
"Dawt.." ka ti hlak a.A hmuihnuai a pet sawi zauh bawk.
" Ka kalbo ni pawh khan spa ah i rawn lam.." a rawn ang zuau a. " Phat tum duh suh, ka hmu che u.. " ka ti halh a.
" Ka zawng che u a, Nunhlimi khan Goa ah a rawn kal thu a rawn sawi ve chiah bawk, min hmuh zawk a duh a, reilote hmu turin ka rawn kal mai.. Nooo.. Lunch kan ei dun."
"Mahse a kuah che alawm.." ka ti hlar a. Ka thinrim leh ringawt tawh bawk!
"Bawihi ani mai mai kha tinge i thik tlat le.. ka tan hian in danglam lutuk.. pakhat ka farnu.. Nang erawh ka hmeichhe hmangaih i ni thung!" A rawn ti hrawih a. " I danglam lutuk.. thik buai duh suh.." a ti leh sup bawk!
" Ka hriat loh laia in lo cheng dun pawh kha ka la haw tho..!"
"Ok. anih chuan min ngai em?" A rawn ti teh daih a. Ka rinloh lutuk lam a rawn sawi vang chuan mit ka kan zui ta âk a!
"Min ngai em?" Tawrh har khawp a sexy hian a nui leh suk a! A mitmeng de sawt sawt mai chuan min ti zam hlum lo chauh!
"Aih..." ka ti a. Lungawiloh hmel zet hian a rum ta nghut a!
"Ka zawt leh ang che.. Min ngai em?" A ti leh a, a taksa chu a che zui hrut a,ka che zawm ve zat bawk! Ka tawlhhnung dat dat a! A va atthlak letling tak em? Ka kut phuar khawm khan a taksa min kuahbet tir miau vang in ka taksa si reng si, nuihza insum tih hriat zet hian a rawn pen ve a! Bang ka nghen dat tak ah chuan ti lui tih hriat hluah hluah in ka taksa chu bangah a rawn nawr bet zui hmiah bawk!
"Min ngai em?"
"Ka hrelo.." ka ti a. Min nawr bet leh salh a. "Aaaa.. aw.. tlemte in..!" Ka ti a. Phun hluk chung in ka chalah a rawn tauh dat a.
"Luhlul nu.."
"Khatia min tih le.. kal rawh.." ka chal in a awm ka tauh lui ve ta chawrh a, ka kut chu a taksa ah a la insuih zawm vek thung.
"Ka sawi kha i hria em?" Rawn kun hniam in a rawn phun leh sup a. A taksa lumna chuan min uap lum ve ham ham a, "Ka tan hmeichhe hmasa ber i ni a.. Tunah hian a vawihnihna tur pawh ka duh.." a rawn ti leh sup a.. ka nghing dawt! Thukhuh a nei chhin ngai bawk silo.. " Tunah.." ti leh sup pah in ka sam a rawn hui kiang a, ka nghawng nem lai chu a hmuiin a rawn nul kual a, a chang in a rawn seh za tel bawk a! Ka thling leh hriatna thazam zawng zawng hian an lo hre rang lutuk mah mah bawk! Ka nghawng a fawhna chu duhtawk in ka hmai zawn ah a rawn thaw leh ham ham a! Kan pahnih inkara boruak chu a dang zar tawh, a taksa lum vung vung min sik kual velna ringawt te chuan zauthauna min pe a.. Ka hmui a rawn pet zauh a, mahse a inla hrang leh ang lawi a.
"Jayden ngaihven ka duh tawh.." ka ti ta ringawt bawk.
"Tunah maw?" A ti sup a. Ka dak chho a, a mitmeng vawt raih leh lang thim map mai ah chuan engnge a beisei tih ka hrechiang lutuk.
"Aw.." ka ti sep a.
"Ka phallo ni mai rawh se.." a ti hluk anih chu!
"A va fair awm lo ve..!"
"Tunah hian min kal chhuahsan la a fair bik dawn mi?" Tham deuh țuak a a rawn phun leh rual chuan ka ip zui ta chawih a! Ka che leh ngam tawh bawk silo.. a sawi awmzia ka hrechiang ta lutuk bawk!
" Zothan.." Ka theih ang a na in bang ka ngheng ngawt ngawt a; min mamawh hmel lutuk hian ka chalah a rawn nawr a, a mi*atna pawh in ka dulzawn a rawn do ul tawh.
"Ka sawi kha.. ka mamawh che.. Min hrem rei tawh lutuk!" Khur ru hluk chunga a rawn phun leh sup takah chuan ka nui chhuak ta hak a! A hmuiin ka mit ko a rawn nawr zui tawk a, a nui chhuak ve hawk tho!
" He thil hi thunun a harsa lutuk tih piahlam a ni." Ti hluk pahin min chawikang ta nawlh a, ka mal pahnih chuan a kawngah ka kherh bet zawm ve ta vat, ka kap zawn ah tak a mipatna in a rawn do nghal run a.. spa dawr a kawrfual chhing mai ha kha ka ni a, ka khel lamah ka kawrfual chu an tawm chho vek bawk! A sa nghal huam huam thei mai!
Ka tukhumin bang chu ka nawr deuh vang vang a. Zothana'n hnuai lam ațang thuamhnaw chhan vek si ah a rawn nawr chhoh luih sak rual chuan ka nui chhuak hak a! A nghawng ah handcuff a phuarbeh ka kut chu ka suih ve vat a! Bangah si chet in min han nawr bet leh a, a nui tel leh deuh suk zel chuan a ti lang sexy hluah hluah ani tawp mai!
A ban hrawl zet pahnih chuan ka lu zawn bang chu a rawn nem ve ta run a, a khelah ka kherhbet ve țang țang a, ka feel dan hre duh ang hrim in ka mit ah tak a en ran bawk! A taksa hnuai lam a rawn chet leh a, a chal in ka chal a rawn nawr a, awmze nei lutuk a a rawn chet rual chuan ka kâ ațang ka thawchhuak ta ham ham mai! Zothana pawh a bang biklo, a kekawr chhan vek si leh ka panty hak chhan vek si ah chuan a rawn nawr si na zual a! Ka mawngah rawn dawm leh in ka taksa zawk chu a chet kual tir pah a! Ka taksa hi a za chhuak nghal chuaih mai! A hrawl bawk a, a nuam tihna tur ang tawk chuan ka taksa chu a chetkual tir ta zel a.. a chang in amah zawk a rawn rum chhuak hawk zel a. Ka tai bawr leh kawchhunglam za kual chuaih chuaih vang chuan ka thawchhuak ve ham ham a! A tak thleng miah lo pawn ka taksa hetiang tak hian a ti danglam thei ţhin a ni!
"Min fawp rawh.." a rawn ti sup a.. a mitmeng a phelh phang a, a chakna vangin a aw a khur ru tel nawk bawk.
"Bawihi.." a rawn tih leh rual chuan ka awm hnaih ve sauh a, a taksa ah ka awm hi a ni ber! A hmui ka sik rual chuan amah zawk in uar lutuk in min fawp zui ta tawn tawn a, a lei a luh thuk tirin min mamawh zia a lantir hreh miah lo bawk.
Khum ah min nghat a, min bawhbet zui hmiah a, ka hmuia fawp ngawng ngawng reng chung in ka awm bawr ațang a kut a chet kual țan a, kawr chhan ah vek chuan ka taksa hnuailam a zut thla a.. ka kawrfual in a khuhna chen ah a kut a tawp a, ka mal te ațang kawrfual chhunglam ah chuan a rawn zen chho a, a kutphah a hrawl in a lum vung vung a.. a awmna chin a hriat tak zet! Ka mal tawp ah a kutțang in a rawn rin kual riak riak a, ka mal lehlam chu zau zet in a nawr zui nghal tawk a! Min fawhna a thlah chhin miah lo bawk! A chetdan reng reng chu a duhthawh hi ani tawp mai! A kut lum in ka panty chhanah ka mal kar a rawn khawih tak ah chuan ka thawchhuak hawk a! Min fawhna a thlah a.. A che dam ruih a, ka tukhum in lukham ka nawr zui ta vak bawk! Awmze nei lutuk in a chet kual a, ka tih ngaihna hrelo chu ka mal ka chip leh chawih zel a, mahse a rawn nawr zau leh vat zel! Panty chhan mahnise ka taksa chhung hi a rawn khur ru dar dar a!
" Min mamawh ve tho em?" Ka hmui ah a rawn fawp zeuh a, ka mal inkarah a kut chet a uar tel sauh vang chuan ka eu ngawng ngawng a, ka taksa chu a sa lum pup pup tawh bawk.. a chet uar lutuk lai chuan a kut a chawl ta thut a.. ka hamhaih lek lek zawk!
"Zawhna ka zawt che.. min mamawh ve tho em?" A rawn ti leh sup a.. ngaihtuahna mumal pawh ka la pu thei lo..ka taksa hmun tin chu a za uaih uaih a.. "Bawihi?" Ka hmai zawnah rawn thaw hak pahin ka panty hak chhungah a zen lut a! A rawn khawih kual leh chiah chu ka â thei mai dawn in ka hria..
"Umm.." ka ti tawp.. ka zep peih lo!
"That's my girl.." sexy zet in ka hmui bulah a rawn phun sup a. A kut a la chhuak a! Khum mawnglam ah tawlhthla in ka mal inkarah a rawn bawk anih chu!
"Zothan.. Engnge i tih dawn..?" Ka ti halh a.. ka mal a rawn nawr tawm chho a! A rawn nui suk a.
"Mawh?" Ka țawng zawh rual chuan a hmui in a rawn nawr a, ka thawk ka hip let nghal zawk mai!
"A nung chung in ka e* dawn che.." a rawn ti anih chu! Ka hmai hi a sa pup a.. a sen nghal vek in ka ring! Ka khelah a rawn vuan tel a.. a dar hlaihlup in ka mal a nawr let tel tlat bawk a.. ka thawchhuak ham ham a, ka panty pawt kau a a hmuiin a rawn nawr rual chuan ka rum chhuak hak a! Ka khel a a kut chu ka zuk vuan zui nghal țawk țawk a! Zothana lah chuan awmze nei zet hian a hmui a rawn chet a.. a l*i a rawn hman tel leh tak ah chuan ka au chhuak țhat a, nuam ti lutuk in ka rum zui ta ham ham bawk! Ani pawh a che uar sauh a..
*Sensor*
Thaw ham ham pah a a rawn inbeng kan rual chuan a kekawr kawng a phelh zui mawlh mawlh a.. ka thluak te hi a la chawmawlh vek maiin ka hria. Ka kawrfual hak chu a rawn nawr tawm chho tawk a.. a nghawng aţang a la chhuak a.. ka kut a phuar khawm miau vang in a laksawn theih loh a.. Engtik laiin nge ka panty kha a phelh ka hrelo! A kawrhak a hlip zui tawk a.. a taksa nalh zet leh thlan chhuak in a ti hnawm deuh hlap chu nalh tak hi ani tawp mai!
Ka lu zawn ah a rawn inbeng khalh a, a kut lehlamin ka mal a nawr zau leh sauh a. Ka taksa chhungah rawn lut turin a in siam rem a, a mipa*na khawng vek tawh chuan ka mal inkar vel chu a rawn n*wr kual leh nawk nawk phawt a! Ka taksa danglam nasa lutuk chu ka thawk a chham zo dawnin ka hria.
" A tawpna ber i ni dawn bawk ka tih kha.." ka hmui ah a rawn fawp zauh a.." Ka hmangaih lutuk bawk che.." a ti leh sup a.. a mitmeng sexy zet chu ka en a.. a thusawi kha pakhatmah ka ringhlel lo.. A rawn nawr lut riai riai a.. Zothana zawk rawn thawchhuak ham ham chu ka en a, a hmai a sen ţalh a.. a hrawk ah thisenzam a lang val kulh mai bawk!
Ka taksa chhungah a rawn luh fel meuh chuan ka thaw hawk a! Ka hmui ah a rawn fawp leh vang vang phawt a! Duhthawh lutuk a a rawn chet zawm leh tak ah chuan ka thiam ang tawk in ka lo pui ve a.. ka zeplo.. min hmangaih ngawih ngawih tu mipa hi ka engkim hlan let ve duhna in ka khat a, a tawp ah phei chuan Zothana chu a rum ri ta hawk hawk a! A taksa hrawl zet chung ah chuan ka bawk ta thlap a.. Min leh thal in kan taksa inzawm reng chung chuan min fawp zui ta mial mial a.. A in la hrang hlek a.. a hmel ah lungawi hluah hluahna rawn lang chhuak chu mi â ber pawh in an hmu thiam ang..
"Jayden nau tur kan siam vat a ngai ani.." ti sup pahin a in la hrang a, ka mu kawm zui ta chai chai a.. " Ka tina che em?" Ka chhip ah a hmuiin a rawn nawr vang vang a. Kan che uar bawk a chau tak ka ni mai!
"Aih.. mahse ka chau.." ka ti a.. A nui ri suk a.. khum a puan pan te chuan ka taksa a rawn khuh a.
" Ka tan i hlut zia i pawm thiam tawh e.. tu hmeichhia nen mah in khaikhin tawh suh.. Anni nena khaikhin phak pawh i nilo.. i danglam a.. ka hmeichhe hmangaih i ni bawk.." ti sup pahin a awmah min kuah bet a.. a taksa chung lam khuh tu awm lo ah chuan ka fawp zauh a.. a thaw zui nghal ham ham a.
"Ka la duhtawk mai dawn lo in ka hria.." a nui suk a chu a aw ri erawh a thutak hle thung!
"Ka kut phuar hi i phelh phawt chuan.." cho zet hian ka ti let a.. ka hmai zawnah a rawn kun hniam ta vat bawk." Ka phelh ang.. chuan.. thil dang pawh.." sexy zet a min en pah chuan a rawn ti sup a.. Ka â thei takngial dawn!
Sex hi a pawimawh ber lo ti ţhin awm mahse puitling chin tawh ah hi chuan a pawimawh na chen a lo awm ve a, hmangaihna a pawimawh ang bawk hian puitling inkarah chuan sex hi a pawimawh ve tho!
☆☆☆☆
Ni zung in pindan a rawn chhun eng raih a.. Ka hnunglam aţang Zothana'n ka dul zawnah min kuah bet tlat a, a ban a rih tham nulh vang hian mit ka men hi chuan ka hre zui nghal vat zel.
A ban chu dimte in ka khawih a!
"Min kalsan suh ka tih kha..!" Tho phang aw zet in ka hnunglam ațang a rawn ti anih chu!
Ka thaw halh a. Kalsan ka tum reng reng lo.
Ka zangthal rual chuan Zothana chu ka en vat a, mut a kham lo tih hriat zet hian dark circle a nei kual raih a.
"Khawiah mah ka kal dawnlo.. ka ti harh che ami?" Ka ti sep a. A nghawng hnuaiah ka kut ka zen lut a, ka taksa hnaih ah ka hnuk ve salh a.. Ka hnuk che zo lo lutuk chu amah zawk a rawn nui suk a. Ka darah a lu a rawn nghat a, ka kawrchhungah a kut a zen lut nghal zat bawk!
"Nizan i rawn let lai ka hre miah lo.." ka ti sep a.. bra ka ha lo a, a kut thlenna chin chu a mur ar ar reng a, ka hnute a kut hlang in a rawn khawih kual a, a sam ah ka țham zui salh bawk.
"Dar 2 pelh ah.." a ti sup a. Rum hawk pahin a inbeng kang a, ka kawr chu a pawt kau a, ka kawr ka ti a chu ama shirt hi ani zawk mah.. a chungah a lu a rawn rawlh lut ve anih chu!
"Zothan.." ka ti țhat a.. a biang hmulin ka taksa nem lai a nawr kual dan dan a.. a tawp ah ka hnute hmur a rawn hmuam a! A h*e zui ngawng ngawng hi ni mai!
Pawnlam ațang kawngkhar a rawn rik dawt dawt rual chuan ka kawr hak chhung aţang chuan a rawn rum chhuak hawk a! Ka lo nui hawk thung!
"Apa..!"
"Yes.. I'm coming.." Jayden chhang lawng lawng pah chuan thawk a la zui hawk a. A in thunun tum hmel landan buai ru zet hi pa ka ti tlat zel.
Kawngkhar lam a pan a. Nizan khan Nu Liani leh Mami bulah a riak ve daih a.. Zothana lah kan thlenna ah vek hian meeting neiin zing lam dar 2 thleng hna a thawk bawk a.
"... Say good morning to mamma.."
"Mum; Good morning.."
"Jay.. Morning le.. i mutui em?" Ka ti a. A bu ve lap a, a chappal bun lai a tlawh phelh a khum ah a rawn lawn kai ve ta tharh a.
Zothana pawh a laptop in connect lai chu phawiin khumah a rawn lawn kai pui a.. A sawi dan chuan Ngopa a rawn panna ah khan a car a chhia a, kawng lakah a rawn kalsan tawp hi ani awm a.. Bungrua engmah keng lo in he lai hmun kan thleng thla leh tawp a, Heng a laptop ho pawh hi heta a lei thar vek anih hmel..
"Mamma.. hetah hian ka nanau tur kha a awm tiraw?" Jayden chuan ka dul rawn khawih pah chuan a rawn ti anih chu..
If you want to be ORIGINAL,
be ready to be COPIED😝
Zothana chuan a thiltih lai chu a tawp chawt a! Chil ka lem zui nghal dawk bawk!
"Apa.. tah hian ka nanau tur a awm asin.." ka kawr hlim chhoh a rawn tum chu ka lo țang ve nghal vat a, Jayden hian nau ka chhiat kha a la hre ve lo.. Chuan a thil rawn sawi chhuah hian min tina thar ngawih ngawih bawk.
"Nanau tur a awm maw?" Zothana zawk in ka banrekah a rawn vuan a, țah chhuak insum zet hian ka en a. A mitmengah chuan min lainatna leh khawngaihna bak a lang chhuak bik chuang lo. Mahse Jayden tih hnual a duh lo vang in amah in ka kawr chu a rawn nawr tawm chho a. A nau tur ka pai tih ka sawi lai ang chiah khan Jayden chuan ka dul chu a rawn beng thek thek a, a thaw ri hawk a. Mahse rang lutukin Zothana'n ka kut a rawn hum hmiah!
Ka in sehruh zui ta ngawt ngawt ringawt !
"Mamma.. a lo chhuak har tawh e.." ti nàng nâng chung hian ka mit ah a rawn en ta kiau a.. ka mittui vang in ka hmu phe riai mai.
"Jay, nine months dang nghak leh rawh aw.. I nanau tur chu tah chuan a rawn chhuak thei tawh ang.." Zothana chuan a ti vat a, ka kut a hmer na zui salh bawk.
Jayden bu lap lap chu ka nuih lui ve ta sak a, A nau tur ka pai tih kha a theihnghilh daih tawh emaw ka ti zawk hial asin.. Engmah sawi zui tawh lo in khum ah chuan a rawn mu ve ta thak a, min rawn kuah a. A nau tur a hmuh chak tawh thu a sawi zui ve ta reng bawk a. Kei chuan chhan dan tur pawh ka hrelo, mahse Zothana zawk in a lo chhang zel a.
" Hahdam rawh.." ka chalah a rawn fawp zauh a, " I hriselna ngaipawimawh la.. Jaydena nau tur chu a rawn insiam ve vat mai ang.." a rawn ti a. Ka nui chhuak ta hak a.
"A awt ngawih ngawih e mai.. he i pum tereuhte ah hian a lo insiam ru reng tawh pawh ani thei ania.. " nui ve suk pah hian a rawn ti a. He mipa hi tinge maw ka lo thinrim khum bâr bâr ţhin le.. Ka tan a hlut zia leh min hliahkhuh hnehzia te hi hrethiam tur kha ka ni ţhin a.!
"Ka lawm e.." ka ti sep a.
A rawn kun hniam a, ka hnarah a rawn fawp leh zauh a..Jayden-a'n a rawn hmu fuh ve si.. a lo ri ve nghal vat a. Zothana'n a biang ah a fawh tir a. An pahnih chuan ka mut dan ngaia mu reng chung chuan ka en ta reng a. Engtinnge Jayden hian Zico aia Zothana hi a ngainat zawk tlat theih? Zothana a rawn lan aţang khan a nunah hian bet tel ve tlat ah hian a ngai ve ta hmak in ka hria.
Nu Liani ho in Beach ah kan kal a, Zothana chu apa te sumdawnna lam khawih sak in Beach bul mai cafe ah meeting an nei a. An zawh velah min rawn zawm dawn vang chuan Jayden lunghnur lutuk tur pawh a zia ta deuh.
Țiauvut chungah puan kan phah a, mihring kan zi nuaih nuaih hi ani ber, Mizopui hmel ang deuh deuh pawh hmuh tur an awm nawk a, Jayden nen ball in kan infiam a, Mami chu kal kual vel a chak vang in selfie stick nen a kal kual ruai reng bawk.
"Oh.. Jay.. tlan vak suh i tlu ang.." ball a ti lum palh a, thli a thaw ţha bawk si nen ball zangkhai lutuk chu tuipui thli chuan a lo chhem leng ve pah zel a.
Jayden tlan teu teu chu ka umzui a, min hnungchhawn a ding mipa pakhat hian ball chu a lo chhar sak ta hlauh . An bul ka va thleng chawpchilh ve nghal mai bawk.
"Kan lawm lutuk, kan rawn ti lir palh a.." ka ti sawk sawk a, muangchang a a rawn inher rual chuan ka thidang zui tawp lo chauh! Ka meng kawk a! Jaydena ball chu a tuai vir zauh a.. Min nuih suk rual chuan ka tiril hi a khur nghal dar dar a!
"Zico..?"
Ngaihnawm lutuk
ReplyDeleteKa mittui a tla
ReplyDelete😀😀😀
ReplyDeleteAwi zothana hi ka duh lutuk
ReplyDeletehttps://abbrapitartei.blogspot.com/2019/04/te-doy-15k-page-2-by-abbra-reo-ririni.html
ReplyDeleteA ngaihnawm hi a ni tawp
ReplyDeleteHuiham
ReplyDeleteBlog zel a
ReplyDelete